1 5. xalʲmʲer-xasaβa
2 marʲindʲa-xasaβa.
3 pɨduʔ nʲarna ilʲeβɨʔ.
4 nʲeβada nʲedʲa xɨnʲaʔ xeβnʲa?
5 tamna tanʲeβɨ nʲe papakoda.
6 marʲindʲa-xasaβa jalʲexeʔ ŋedalʲurŋa.
7 sʲaʔnɨ ŋebʔnandoʔ ŋoʔ marʲindʲa nʲinʲeka ŋanʲiʔ ŋedalʲorsʲ xeβɨ.
8 marʲindʲand-nʲe sʲiβ padrota panɨmʔ sedbʲi.
9 nʲe-papakoda pɨda tarʲemʔ ma:
10 - manʲ xantamʔ texeʔ, tɨn mʲatʔ tanaŋgumʔ.
11 puna nʲinʲekan tobʔ tɨ nʲiduʔ jexeraŋguʔ.
12 marʲindʲaʔ-papako texeta xajaβa.
13 xoj sʲumbʔ nʲimnʲa pɨda jada.
14 marʲindʲaʔ ilʲebʲa xoj lɨnzra, jaxa lɨnzra, lapta lɨnzra.
15 marʲindʲaʔ-papako tɨda tʲordʲe.
16 marʲindʲaʔ ilʲebʲa xɨnʲad, tanʲad loxorta ilaxa.
17 marʲindʲa-xasaβa tɨmʔ βadaβɨ.
18 marʲindʲaʔ-papako βaju tʲuʔ jada.
19 lɨŋguj xabtʲe punʲajuβʔ βasrolaβɨdʔ, sabrolβɨdʔ punʲajuβʔ.
20 marʲindʲaʔ-papakoʔ irʲida jadarŋa:
21 "nʲer jadbaʔn ŋamga jangusʲenʲuʔ.
22 lɨŋguj xabtʲeʔ ŋamgemʔ manepatoʔ?"
23 marʲindʲaʔ-papako punʲajuβʔ ŋeβamda jara.
24 xalʲmʲer-xasaβa pumnanda sʲurbʲi, manxorjjamda tabkujaŋa, seβʲarʲjjamda tʲuʔukuʔ nʲaʔambʲi.
25 marʲindʲaʔ-papako sʲejda xesʲ ŋoka ilʲebʲamda saβa jermnanda lʲekabtada.
26 xalʲmʲerʲi-xasaβa pumnanda sʲurbʲi.
27 xalʲmʲer-xasaβa taʔlʲerʲi mʲiŋa.
28 marʲindʲaʔ-papako xanuʔ malanʔ teβʔmaxadanda xalʲmʲer-xasaβa tɨnzʲaʔ xunat malʲe teβɨʔ.
29 marʲindʲaʔ-papako sʲabuʔ pɨjanʔ teβʔmaxadanda xalʲmʲer-xasaβa meta inʲaʔ xunat malʲe teβɨʔ.
30 marʲindʲaʔ-papako ŋeda jeʔnaʔ, mʲakanda nʲalodorsʲ tʲu.
31 marʲindʲaʔ-papako pɨda tarʲemʔ ma:
32 - nʲabake, sʲimʔ takalʔ, pumnanʲi ŋɨlʲeka mʲiŋa.
33 nʲabada marʲindʲaʔ-papakomʔ βaʔaβdʲerʔ pondʔ sɨβrʲibtada.
34 xalʲmʲer-xasaβa mʲatʔ ŋodʔ tʲu.
35 xalʲmʲer-xasaβa pɨda tarʲemʔ ma:
36 - nʲodaβeβ nʲemʔ xɨnʲana xanar?
37 marʲindʲa-nʲe pɨda tarʲemʔ ma:
38 - manʲ nʲiβanzʲ manesʔ.
39 marʲindʲaʔ-papako nʲabʲi ŋeda ŋadʲβɨ.
40 xalʲmʲer-xasaβa marʲindʲaʔ-papakomʔ nʲabʲi ŋexedanda sʲekaβadada.
41 marʲindʲand-nʲe nʲabʲi ŋudaxaʔ nʲaʔmada.
42 marʲindʲaʔ-papakomʔ jan sʲidʲa jan βenojoladʲiʔ.
43 marʲindʲand-nʲe pɨda tarʲemʔ ma:
44 - ŋamge ŋadʲa xanabʲirnʲuʔ?
45 xanaβɨda ŋebta nʲisʲ ŋadʲaʔ xanaroβaraβa.
46 xalʲmʲer-xasaβa pɨda tarʲemʔ ma:
47 - manʲ nʲanan xɨnzʲelʲi xanaβɨ, malʔ ŋobtʲikɨ.
48 marʲindʲand-nʲe pɨda tarʲemʔ ma:
49 - janodʲokoboj, nujbtʲexerkar, paneʨartamda sʲerxarβa!
50 xalʲmʲer-xasaβa pɨda tarʲemʔ ma:
51 - manʲ nʲanan panɨ nʲi taraʔ!
52 nʲabada ŋudaxad nʲaʔambʲida, xalʲmʲer-xasaβa ŋexed nʲaʔambʲida.
53 marʲindʲaʔ-papakoʔ ŋudada jesʲma.
54 marʲindʲaʔ-papako pɨda tarʲemʔ ma:
55 - nʲabako, sʲimʔ ŋedaraʔ!
56 ŋudamʲi jesʲmʲa!
57 marʲindʲand-nʲe nʲe-nadomda ŋedarada.
58 pɨda tarʲemʔ ma:
59 - tʲaxanda med, tʲaxanda ŋamd!
60 xalʲmʲer-xasaβa tʲi xanada, nʲabʲi ŋexenda jaduʦɨjŋada ŋeβanda ŋɨlʲnʲa.
61 nʲerɨ xojʔ nʲimnʲa xalʲmʲer-xasaβa tʲi jada.
62 xojʔ malxana jan sʲi ŋeβɨ.
63 tʲikɨ jan sʲiβna xalʲmʲer-xasaβa pɨda pakaljʔ, pɨβdʲa jaβna nʲamdrʲedada xalʲmʲer-xasaβa.
64 sʲiʔ sʲidʲa xeβxana sʲidʲarʲi-puxusʲe.
65 nʲabʲijumʔ-puxusʲe jarsʲumbβada, tarʲemʔ mamononda:
66 - marʲindʲaʔ-papako tʲuku sʲexereβaʔ, manʲaʔ sʲexereβaʔ ŋanʲiʔ nʲodalmeda.
67 nʲabʲijumʔ-puxusʲa pɨda mamononda:
68 - marʲindʲaʔ-papako tuku sʲexereβaʔ, manʲaʔ sʲexereβaʔ ponʔ nʲida nʲodalʔ, puj ŋuʔumnanda ŋanʲi xanta.
69 peβdʲa jaβna sʲiʔiβ jada, jalʲaʔ jada xalʲmʲer-xasaβa.
70 sʲiʔiβ jalʲaʔ jamban peβdʲa jaxana sʲidta nʲana sʲudartaʔ sʲudarŋaʔ, pʲisʲendaʔ pʲisʲŋaʔ, jartaʔ jarŋaʔ.
71 sʲiβ ŋesoŋgana, jalʲa ŋesoŋgana ŋoʔlʲerʲi mʲadʲiko ŋadʲimʲa.
72 tʲikɨ mʲatʔ teβʔmaxadanda xalʲmʲer-xasaβa marʲindʲaʔ-papakomʔ ŋedarada.
73 mʲakad tarpɨʔ xalʲmʲer-puxusʲa.
74 xara jaŋgsʲanda marʲindʲaʔ-papakomʔ jagpa pʲa.
75 puxusʲa masʲnʲuʔ nʲuxunda:
76 - nʲeneʔ saʔlajen, nʲamdand nʲand ŋeβakomda malʔ nʲalʲedeβan.
77 marʲindʲaʔ-papako tanʲa ilʲe, pʲilʲiʔ jusʲeda.
78 xalʲmʲer-xasaβa jalʲexeʔ jaderʦetɨ xanʲeβanzʲ.
79 pʲilʲiʔ tɨ teβbʲi.
80 tarʲemʔ menaxanda marʲindʲaʔ-papakoʔ nʲudʲa tanʲeβɨ.
81 tarʲemʔ ŋodʔ pʲilʲiʔ jusʲeda, pʲilʲiʔ jarŋa.
82 sʲaʔnʲa ŋebʔnanda xalʲmʲer-puxusʲa xadada pɨda tarʲemʔ ma:
83 - pʲilʲiʔ jusʲedan.
84 xasaβand xanʲisʲej ŋe xɨraba tarabaʔ nʲimʔ.
85 marʲindʲaʔ-papako nemʔ xɨramba pʲa.
86 ŋemʔ jera.
87 ŋeʔ mʲunʲa tuxuʔ lɨnzraʔ.
88 marʲindʲaʔ-papako sʲejda xesʲ ŋemʔ moda.
89 pɨda tarʲemʔ ma:
90 - tʲikɨβamd ŋamge xɨranamda xɨraŋgumda?
91 pʲenanda pogna xalsuʔ lɨnzraʔ!
92 peβsʲumbʔnʲana xanʲeβɨ xalʲmʲer-xasaβada to.
93 xalʲmʲer-puxusʲa nʲebʲada pɨda tarʲemʔ ma:
94 - nʲer jalʲeʔ marʲindʲaʔ-papako pɨdar xanʲesejd nanenda.
95 xalʲmʲer-xasaβa marʲindʲaʔ-papakomʔ nʲemdʲa tɨralŋada.
96 tʲikɨ jaxad marʲindʲaʔ-papako jalʲaʔ jusʲeda.
97 xalʲmʲer-xasaβa jalʲexʲeʔ jaderŋa.
98 xalʲmʲer-xasaβa ŋobʔ - sʲidʲa jadermada nʲinʲekɨʔ ŋaʔ.
99 sʲaʔnɨ ŋebga ŋanʲiʔ xerʲiβ.
100 marʲindʲaʔ-papako jusʲedaβɨ.
101 pʲixʲinʲa ŋeʔ munʔ toβonda.
102 marʲindʲaʔ-papako irʲida jadarŋa:
103 "sʲenʲa jadbaʔnʲiʔ mʲaʔ jaŋgusʲenʲuʔ.
104 xʲibʲa ŋebʔnanda?"
105 marʲindʲaʔ-papako saŋorʲiʔ ŋatʲedanʲon.
106 nʲomʔ tʲadada.
107 ŋarbeka-nʲe to.
108 pɨda tarʲemʔ ma:
109 - nʲuβ nʲisʲ ŋaʔ tarʲemʔ pertʲa.
110 ŋarberka-nʲe pɨda tarʲemʔ ma:
111 - marʲindʲaʔ-papako, nʲabʲi-mʲakɨ-xadar sʲit xaʔŋasʲ.
112 meʔamdada βadada tanʲa.
113 ŋobʔ nʲi manʔ, sʲidʲa nʲi manʔ:
114 - tutaŋguβ?
115 marʲindʲaʔ-papako βeβa munda jaŋgu, saβo munda jaŋgu.
116 βadamʔ nʲi mesʔ.
117 ŋarberka-nʲe xandʔanda tʲabʲibgada marʲindʲaʔ-papakomʔ, tʲikaxad xaja.
118 pon nʲisʲ ŋaʔ pʲixʲij pʲixʲinʲa ŋeʔ munʔ toβononduʔ.
119 marʲindʲaʔpapako saŋorʲi ŋatʲeda.
120 nʲomʔ tʲadada.
121 mʲatʔ tʲuʔ nʲiβʔ nʲe-ŋaʦekɨ, nʲe jolʲsʲigata nʲirkaβɨ teβʔ.
122 ŋebtkosaβej pʲa mʲujraxa, seβko lɨ jeβejraxa.
123 nʲe-ŋaʦekɨ pɨda tarʲemʔ ma:
124 - nʲebʲaβ masʔ:
125 "nʲabakor pɨdar nʲad namdgodakɨ.
126 nʲabako, nʲabʲi-mʲakɨ-xadar sʲit xaŋasʲ.
127 mʲamdada βadada tanʲaʔ".
128 marʲindʲaʔ -papako pɨda tarʲemʔ ma:
129 - xanʔ, tobsakemʔ.
130 nʲe-ŋaʦekɨ xeʔmaxad marʲindʲaʔ-papako pʲinʔ tarpβɨʔ.
131 nʲenesʲanda ŋoʔ mʲaʔ tanʲeβʔ.
132 marʲindʲaʔ-papako nʲabʲi mʲatʔ xaja.
133 marʲindʲaʔ-papako mʲatʔ tʲu, saŋo sʲidʲiʔŋa, mʲadmʔ sʲidʲiʔŋa.
134 ŋopoj xeβxana βesako-puxusʲanda-nʲaʔ-ŋamdʲuβexeʔ.
135 ŋeβekejadʲiʔ pʲa mʲujraxaʔ.
136 nʲabʲi xeβxana ŋarberka-nʲe nʲe-ŋaʦekɨʔ nʲaʔ tanʲi ŋamdʲuβexe, nʲerɨ turmɨ marʲindʲaʔ-papakomʔ xamanzʲ.
137 marʲindʲaʔ-papako lata malanʔ pɨda nuljʔ.
138 marʲindʲa-papako pɨda tarʲemʔ ma:
139 - xadake, meʔemdar βadar, ŋamgada βadar metβʲa!
140 puxuʨa pɨda tarʲemʔ ma:
141 - nʲenaʨa tanʲa meʔmda βadaβ.
142 puxuʨa pɨda tarʲemʔ ma:
143 - marʲindʲaʔ-papako, xeβxan tuxaja, tʲukonʔ ŋamdadʔ!
144 marʲindʲaʔ-papako pɨda tarʲemʔ ma:
145 - tʲukoxod ŋoʔ namdŋguʔ nʲidumʔ.
146 puxuʨa pɨda tarʲemʔ ma:
147 - manʲaʔ ŋanʲiʔ nʲabʲimdʲej xaŋguβaʔ.
148 pɨdar puj ŋuʔmnand xantan.
149 mʲakand teβʔmaxadan, sʲiʔβʨan jalʲeʔ ilʲeʔmaxadandaʔ marʲindʲa-nʲinʲekar tʲuku sʲexereβaʔ, manʲaʔ sʲexereβaʔ ŋanʲiʔ nʲodeltada.
150 sʲiʔβsʲan jalʲeʔ mesoʔmaxadendʲiʔ marʲindʲand-nʲe tʲuku sʲexereβaʔ, manʲaʔ sʲexereβaʔ ŋanʲiʔ nʲodaltada.
151 tʲikaxad xantan sʲidʲa ŋend nʲinʲa.
152 toʔ βarxana mʲadmʔ xoŋgun.
153 tʲikʔ mʲakana puxuʨa nʲunda nʲaʔ ilʲeβexeʔ.
154 tʲikɨ xasaβa sʲit nʲedanda meŋgu.
155 ŋobʔ nʲu jolʲʦend teβʔmaxadand tʲikɨ xasaβar tʲuku sʲexereβaʔ, manʲaʔ sʲexereβaʔ ŋanʲiʔ nʲodaltada.
156 tʲikaxad lusa xasaβanʔ xantan.
157 lusa-xasaβar ŋobʔ nʲu jolʲʦend teβʔmaxadanda, tʲuku sʲexereβaʔ, manʲaʔ sʲexereβaʔ ŋanʲiʔ nʲodaltada.
158 tʲikaxad xabʲi-xasaβanʔ ŋanʲiʔ xantan.
159 xabʲi-xasaβar ŋobʔ nʲu jolʲʦʲand teβʔmaxadanda tʲuku sʲexereβaʔ, manʲaʔ sʲexereβaʔ ŋanʲiʔ nʲodaltada
160 tʲikaβana marʲindʲaʔ-papako nʲenezʲimdakʔ.
161 pɨda puxuʦʲamʔ tɨraxalŋada nʲabʲi xaβosʲend.
162 puxuʦʲaʔ ŋeβada lʲekejʔ.
163 marʲindʲaʔ-papako mʲakanda xaja.
164 peβsʲumbʔnʲana xalʲmʲer-xasaβa to, nʲabʲimda tʲemda jekaba pʲa.
165 pɨda tarʲemʔ ma:
166 - nʲeβ, saβa nʲeβ, jedʲerʦʲ ŋamga?
167 tarʲinzʲar βeβanʲuʔ.
168 marʲindʲaʔ-papako pɨda tarʲemʔ ma:
169 - jedʲaβaβ jaŋgu.
170 nʲer jalʲeʔ nʲabʲi-mʲakɨ-xadaβ sʲim xamɨsʲ.
171 pɨda masʲ:
172 "manʲaʔ ŋanʲiʔ nʲabʲimdʲej xaguβaʔ".
173 xalʲmʲer-xasaβa pɨda tarʲemʔ ma:
174 - xadar nʲi sʲijeʔ.
175 nʲenesʲa xaŋguβaʔ nʲabʲimdʲej.
176 manʲaʔ xaʔmaxadanaʔ puj ŋuʔmnand xein.
177 marʲindʲaʔ-papako nanokomda nʲumda nʲaʔmgudasʲ, xalʲmʲer-xasaβa pɨda nʲaʔmada xasaβa ŋaʦekɨmʔ.
178 pɨda tarʲemʔ ma:
179 - nʲuβ nʲiβ tatʔ, pɨdar jejdand xajoda.
180 xonaβaxanduʔ sʲerʔ βɨnʲi tanʲeʔ.
181 marʲindʲaʔ-papakoʔ nʲemada xajaβa.
182 xalʲmʲer-xasaβa makudanda sʲinʔ pʲisʲdakoraxa.
183 xalʲmʲer-puxusʲa ŋanʲiʔ sʲidʲamʲujʔ xaβexeʔ.
184 nanoko-ŋaʦekɨ ŋanʲiʔ xaβɨ.
185 marʲindʲaʔ-papako sʲiβ jalʲe jarŋa sʲiβ ŋesoŋgana, jalʲeʔ ŋesoŋgana xalʲmʲer-xasaβa ŋamdasʲ xarnamjʔ, nʲabʲi ŋudaxana ŋeβamda nʲaʔmbʲi.
186 pɨda tarʲemʔ ma:
187 - saʦʲ ponʔ jarŋan, ŋeβaβ jesʲma, puj ŋumnand xanʔ, ja pond ŋamzadar sodaʔ.
188 tʲikaxad ŋanʲiʔ xa.
189 marʲindʲaʔ-papako puj ŋumnanda tʲi jadaljʔ.
190 sʲiβ jada, jalʲeʔ jada.
191 sʲiβ ŋesoŋgana, jalʲeʔ ŋesoŋgana jaʔ sʲiʔ βaranʔ teβɨʔ, marʲindʲaʔ-papako.
192 sʲiʔ βarxana sʲidʲarʲi-puxusʲa.
193 peβdʲa jaxana nʲabʲijumʔ-puxusʲa jarsumbβonda, nʲabʲijumʔ-puxusʲa pɨda mamoβonda:
194 - sʲenʲe mamzʲenʲuʔ:
195 marʲindʲaʔ-papako pʲilʲiʔ nʲi xanʔ, puj ŋumnanda ŋanʲiʔ xanta tuj jalʲanʔ.
196 jarta-puxusʲa pɨda tarʲemʔ ma:
197 - pɨdaβar ŋamgakorʲi sʲerkad nʲin jermʲasʲetuʔ.
198 nʲinʲa-jarta-puxusʲa pɨda tarʲemʔ ma:
199 - marʲindʲaʔ-papako mʲakanda teβʔmaxadanda, marʲindʲa-xasaβa i marʲindʲand-nʲe tʲuku sʲexereβaʔ, manʲaʔ sʲexereβaʔ ŋanʲiʔ nʲodaltadʲiʔ.
200 tɨʔ malʔ xanguʔ.
201 marʲindʲaʔ-papako sʲidʲa ŋenda nʲinʲa pʲilʲiʔ teβŋgu.
202 nʲeneʨ xasaβanʔ-xanta, obʔ nʲu jolʲsʲend teβʔmaxadanda xasaβada xaŋgu.
203 nʲurtʲej-puxusʲa xɨnzʲerʔ malʔ βadʲesʲeda, malʔ tarʲemʔ βadʲeʔŋada.
204 marʲindʲaʔ-papako nʲenzʲimdakɨ.
205 pɨda tarʲemʔ ma:
206 - nʲeneʔ nʲin ŋadʲuʔ.
207 ŋadʲβɨ ŋɨbat seβad sabkaβɨ ŋeimanzʲ.
208 puxuʦʲakoja terʲida munzʲalma.
209 sʲejda xenakɨ.
210 marʲindʲaʔ-papako jaʔ ŋɨlʔ jed tʲuʔuʔ tarpɨʔ.
211 marʲindʲa-xasaβa ilʲebʲa tanʲi xadɨrmɨʔ.
212 marʲindʲaʔ-papako mʲadʔ xeβanʔ teβɨʔ.
213 mʲaʔ todaβɨ.
214 mʲakʔ mʲakana marʲindʲand-nʲe jarsubβonda.
215 pɨda tarʲemʔ ma:
216 - xalʲmʲer-xasaβa ŋadʲesʲ xanada.
217 xaβɨ ŋebʔnanda xaŋorobʔŋguβaʦʲ.
218 ŋadʲa xanada, xaʔmada jaŋgu.
219 marʲindʲaʔ-papako mʲatʔ ŋoʔ tʲu.
220 marʲindʲa-nʲinʲekada, nʲabada ŋobkana sanajaxaʔ.
221 pɨdʲiʔ tarʲemʔ maxaʔ:
222 - jeβanzadakomʲiʔ, toxojaβenanʲuʔ!
223 sʲidʲa pajdan nʲusʲaŋo pɨdʲiʔ lapsʲeŋaxaʔ.
224 marʲindʲaʔ-papako tarʲemʔ ma:
225 - pʲinʲakuna medʲiʔ!
226 manʲ panɨn βeβa, xalʲmʲeruʔ jaβna me, mɨn panɨn.
227 nʲabada jedej panɨ mʲiʔŋa, meʔmɨ panɨda paradajduʔ.
228 sʲiʔβsʲan jalʲeʔ ilʲeβɨkɨʔ.
229 marʲindʲa-nʲinʲekada ŋeβamda jedʲelŋa, ŋeβarʲixʲidanda jalʲeʔ ŋɨltabʲi.
230 nʲinʲekada pɨda tarʲemʔ ma:
231 - sʲidʲa jeβanzuβ!
232 tʲuku nɨxɨβ nʲaβabʔnan xaβdaraxamʔ.
233 nʲabʲi mʲadmʔ mʲaradaʔ.
234 tʲikɨ mʲatʔ xanadʲiʔ.
235 mʲadmʔ mʲarŋaxaʔ.
236 tʲikɨ mʲatʔ xanadʲiʔ.
237 marʲindʲa mʲinxanda xa.
238 nʲisʲ ponʔ ŋaʔ. marʲindʲand-nʲeʔ ŋeβamda ŋeβamda jedʲelŋa.
239 pɨda tarʲemʔ ma:
240 - jeβanzadakoβ, tʲuku nɨxɨβ pʲaβabʔnan xaβdaraxamʔ.
241 nʲinʲekan xanaŋgodaken.
242 marʲindʲaʔ-papako nʲabamda xanada.
243 tʲikɨ mʲinanda xa.
244 marʲindʲaʔ-papako sʲiβ jalʲe jarŋa.
245 sʲan ŋoʔ xaβɨ xalʲmʲero letbaβnada?
246 marʲindʲaʔ-papako teta xajaβɨ.
247 tɨʔ βanʔmatuʔ sʲer βaʔnɨʔ, malʔ xaβɨʔ.
248 ŋobkart suju ilʲenʲa jaŋgu.
249 marʲindʲaʔ-papako jarlʲimda meʔŋa.
250 marʲindʲaʔ-papako sʲidʲa ŋenda nʲinʲa seβda xuʔ jalʲaʔ jadalj.
251 sʲand jadbata ŋodʔ, nʲerda nʲana toʔ βarxana mʲadʲiko ŋadʲimʲa.
252 tʲikɨ mʲatʔ teβɨʔ.
253 mʲakana ŋoʔlʲerʲi puxusʲa ŋeβɨ.
254 puxusʲa pɨda tarʲemʔ ma:
255 - ŋamga majedʲart?
256 ŋudaʔ, ŋaʔ majedart ŋebʔnand?
257 marʲindʲaʔ-papako pɨda tarʲemʔ ma:
258 - ŋaʔ majadart ŋerʲidanakemʔ.
259 puxusʲa pɨda tarʲemʔ ma:
260 - malʔ meʔmdaβaʔ sʲerʔmaʔ ŋeŋguβaʔ.
261 peβsʲumbʔnʲana xanʲeβɨ nʲudʲa toβa.
262 puxusʲa tarʲemʔ ma:
263 - xɨnʲarʲina ilʲebtʲart βunʲi tanʲaʔ.
264 sʲit meβanʔ xarβamʔ nʲunʲi nʲeŋe.
265 marʲindʲaʔ-papako pɨda tarʲemʔ ma:
266 - xɨnʲartana ilʲebtʲarmʲi jaŋgu.
267 tanʲa ilʲe marʲindʲaʔ-papako.
268 nanokoda nʲuda tanʲeβa.
269 xanʲo βaxandoʔ sʲerʔ βunʲi tanʲeʔ.
270 marʲindʲaʔ-papako nʲemada xajaβa.
271 xasaβada xaβɨ.
272 xadada xaβɨ.
273 xasaβa ŋaʦekɨ ilʲe xajoβɨ.
274 xabʲi-xasaβada xaʔmaxad nʲaxarʔ-ŋaʦekemda xanʔ nʲiʔ ŋamdtajada, seβda xuʔ jalʲaʔ jadalkajejʔ.
275 ŋaʦekɨda nʲuxulʲebʲida.
276 ŋarka ŋaʦekeda xɨnʲaxtɨ meβaʔ jadsʲetɨ, pedabeta xanʔ nʲiʔ ŋamdsʲetɨ.
277 ŋaʦekɨʔ ŋaβorsʲiʔ jarsʲetɨʔ:
278 - nʲebʲake, menʔ xarβaβaʔ!
279 nʲebʲaduʔ manzʲetɨ:
280 - ŋamgemʔ tatamʔ?
281 ŋamgexertuβ jaŋgu.
282 xarʔn xarβamʔ ŋaβormanʔ.
283 ponʔ jadabtuʔ, xeβʔ jadabtuʔ, sʲaʔnɨ ŋebʔnanda ŋedalʲodaʔ ŋadʲiʔ.
284 xanʲenaʔ ŋeβɨʔ, jurʔ-xasaβa xor xadaβɨʔ, jaxanaβɨʔ.
285 marʲindʲaʔ-papako tanʲaʔ jada.
286 xasaβaʔ tʲorʲenaʔ, pɨduʔ tarʲemʔ maʔ:
287 - tʲukonʔ nʲon tuʔ!
288 xabsʲal pumnand ŋadʲa nʲota.
289 marʲindʲaʔ-papako pɨda tarʲemʔ ma:
290 - nʲuen jarŋaʔ, ŋaβormanʔ xarβaʔ.
291 ŋamzakomʔ mojoŋadaʔ!
292 pɨduʔ poŋgnanduʔ tamna tanʲeβɨ jerβutaduʔ.
293 pɨda tarʲemʔ ma:
294 - xɨnʲaʔ xeβnʲa?
295 tanʲi toja.
296 ŋaʦekɨ ŋaβlajduʔ.
297 jerβutada pɨda tarʲemʔ ma:
298 - ŋedalʲodaβaβnanaʔ xanʔ.
299 mʲadunaʔ ŋaxana nʲiʔ ŋaʔ.
300 manʲaʔ ponʔ nʲiβaʔ meŋguʔ.
301 toβanaʔ ŋesond mʲatʔ nʲon tʲuʔ.
302 manʲ mʲaʔmʲi jerʔ mʲaʔ.
303 marʲindʲaʔ-papako mʲadʔ xeβxana jalʲeʔ jambxana tanʲi me.
304 nuβʔ peβsʲumzʲ ŋedalʲodaʔ toʔ, xanʲeβɨʔ xasaβaʔ.
305 jerβotaduʔ ŋaʦeketa pɨda tarʲem ʔ ma:
306 - ŋaʦekɨn, tɨnaʔ tanadaʔ!
307 ŋaʦekɨʔ tɨ tanaβɨʔ.
308 jerβotaduʔ pɨda tarʲemʔ ma:
309 - ŋaʦekɨn, tɨmʔ nʲaʔmada xanŋasʲ.
310 nʲabʲi xanmʔ mʲadʔ sʲinʲaʔ xadaraʔ, nʲabʲi xanmʔ nʲoʔ nʲaʔ xadaraʔ.
311 xanuʔ βejaʔ nʲimna marʲindʲaʔ-papako mʲatʔ tʲu.
312 jerβotadoʔ xanʔ xobaʔ nʲiʔ ŋamdɨʔ.
313 sɨmzɨʔ paxand mukudaʔ sʲiβna nʲaroβo pʲenzʲerta ŋurnasʲ xaʔmɨʔ.
314 jerβadamda pʲurʦʲ tʲet sʲeje loxomʔ malʔ malŋada.
315 tʲikanda jerβanda ŋudanʔ to.
316 nʲaroβa pʲenzʲerta ŋudanda nʲaʔamʔmaxadanda, nʲaroβa pʲenzʲerta sʲiʔiβʔ ladada.
317 pɨda tarʲemʔ ma:
318 - xebʲidʲa ŋaʔja, tʲukod tʲaxana xabʲej-tadʲibʲamʔ jexeraβeker.
319 manʲ sʲit manʲijemʔ.
320 xɨnzʲelʲi nʲisʲ ŋadʲuʔ jaderpat ŋoʔ jaʔ ŋɨlad manʲijemʔ.
321 xebʲidʲa ŋaʔja, tamna tɨn pʲelʲamʔ ŋamanʔ xarβa, ŋaʦekɨn pʲelʲamʔ ŋamanʔ xarβa.
322 tɨn nʲaxarumdʔmamʔ meŋgudaken, ŋaʦekɨn nʲarumdʔmamʔ meŋgudaken.
323 tʲikad xanʔ xart meβaxand!
324 xabʲej-tadʲibʲa pʲenzʲerta ŋedarada.
325 nʲaroβa pʲenzʲer mukuda sʲiβnʲa ŋurnasʲ xaja.
326 xabʲej-tadʲibʲa pɨda tarʲemʔ ma marʲindʲaʔ-papakonʔ:
327 - tʲedaβaʔ xabʲiʔ mʲatʔ xanʔ!
328 marʲindʲaʔ-papako nʲabʲi m jatʔ xaja.
329 xuβʔ jurkɨdʔ.
330 ŋaʦekɨda nʲaruʔmada xaβɨ, tɨda nʲaruʔmada xaβɨ.
331 xabʲi-jerβ marʲindʲaʔ-papakonʔ ŋeβtalɨʔ.
332 marʲindʲaʔ-papako xabʲiʔ-jerβanʔ xajepa xaja.
333 saβaβna ilʲe pʲada.
334 xasaβada ŋaʦekɨ saʦʲ sʲaŋada.
335 saʦʲ βesejbatʲiʔ ilʲeŋaxaʔ, jabdaʔ, saβaβna.