1 2. jaβʔ-malʔ sʲudbʲi pʲirdalʲema
2 ŋopoj puxutʲa xarta nʲundʲa-nʲaʔ sʲidʲamboŋe ilʲeŋaxaʔ.
3 jaxakotʲaʔ xeβxana ilʲeŋaxaʔ, jabtako jaxaʔ xeβxana.
4 sɨra ŋebnanda xorkɨ xadabʲixʲiʔ, teβasʲi xadabʲixʲiʔ.
5 nʲudʲa xadabʲiβa, tarʲemʔ ilʲeŋaxaʔ.
6 numda taŋombej, xalʲad ilʲeŋaxaʔ.
7 laxanako xomad nʲaxarʔ po ilʲeŋaxaʔ.
8 xasaβa-ŋatʲekɨ nʲumda jaŋgonʲiβɨ, tarʲi puxutʲaʔ-nʲumʔ nʲubʲeŋa.
9 nʲaxaromdej poxonanda salabada xanʲimʲa.
10 puxutʲaʔ-xasaβa-nʲu xalʲadamda xadaβʲizʲ xaja.
11 salabaʔ nʲimnʲa poŋg pʲada.
12 salabaʔ nʲimnʲa ioŋg pʲadmʲaxadanda xunʲana poŋgda manemantʲ xaja.
13 tad poŋganda teβje, jaŋga sʲimʔ sʲiŋa.
14 jaŋganda sʲimʔ tad sʲiŋada ŋobkart iʔ jaŋgu, salabaʔ ŋɨlɨ xorkadʲo.
15 ŋaβmanda ikβada tanʲaβɨje, xaleda poŋgadanda tarʲi lʲaŋgabtɨʔ.
16 salabaʔ ŋɨlna ŋobkart itʲa xajoβɨ βunʲi ŋaʔ.
17 manʲiβ:
18 - tʲuku ilaŋgaβ nʲeneʔ βeβannʲuʔ, tʲeda itʲepoj nʲinʲiʔ xaŋguʔ xadanʲi-nʲaʔ.
19 manʲiβ:
20 - tʲeda tʲukumʔ ŋamge tarʲemʔ sʲertada?
21 jaxakotʲamda ŋɨlnʲaʔ xaβrada.
22 jaxamda sʲiʔiβ jalʲa xaβrambʲida.
23 sʲibʲimdʲej jalʲaxanda tad maneŋada:
24 jaxakotʲada jamdʔ ŋadaraβɨ, jamda ibej ŋeβɨ, tamna xanʲimadaβej.
25 jamdʔ tad teβje, jaβʔ nʲarpoj ŋob-sʲudbʲa-jusʲidana.
26 ŋob-sʲudbʲa-jusʲidanamʔ tad manʲijeda sʲudbʲa jaβʔ idmʔ pɨxɨdaxananada marʲeβeda, jaβʔ ŋɨlnʲajuʔ, jaβʔ tʲuʔunʲajuʔ ŋobkart itʲa jaŋgu.
27 tadtʲikad manʲiβ:
28 - ŋamge tʲukona jusʲida?
29 pʲinkabtʲoβa pʲinkabtʲo nʲiβeʔ xeβxanda nuljʔ, ŋeβada nʲajunda ŋeda laŋgʔ nʲajuʔ ŋeβɨ.
30 xeβxanda nuljʔ, manʲiβ puxutʲaʔ-nʲu:
31 - pɨdar jaβʔ nʲarpoj ŋamge jusʲidan?
32 jaβʔ idm ŋamge marʲembʲir?
33 tadtʲikad tarʲemʔ mandaβaxanda tʲikɨ pʲinkabtʲoda ŋamgerʲir ŋamdɨʔ.
34 - jaβʔ idmʔ ŋamge marʲembʲir?
35 jaβʔ idmʔ marʲembxaβa jantʲermʔ xadarannʲu.
36 tarʲemkaβ βeβa nʲiβ ŋaʔ.
37 - jaβʔ idmʔ ŋadʲbʲanʲi marʲembʲiβ.
38 nɨxɨmʲi saʨ ŋoka, ŋɨxɨnʲi pʲirad pʲurŋadmʔ.
39 - nɨxɨnd pʲirxaβad pʲureʔ, jaβʔ iʔ ŋedatad.
40 - ŋedataxaβ, - manʲiβ.
41 jaβʔ tʲaxanʲaŋɨ ŋexejuda nʲanda nexedaŋaxajuda, tad nexedaŋaxajuda jaβʔ tʲirʲidʲo to, loxombn.
42 jaβʔ tʲuʔumʲaʔ marʲembβɨ itʲa xenʲiβ.
43 manʲiβ:
44 - tʲeda tʲikanda βunʲin nʲumsŋgo, jaβʔ-idmʔ-marʲembada-sʲudbʲam nʲinaβ nʲubʲetʔ.
45 - takanda ŋejaβa.
46 jaβm-idmʔ-marʲembada nʲumŋe ŋamgeda βɨβa.
47 saβannʲu.
48 ŋobt jadalʲiixʲimʔ.
49 sʲiʔiβ jalʲa jadnʲixʲimʔ.
50 sʲibʲimdʲej jalʲanandʲiʔ ŋob-sʲudbʲa-jadnamʔ maneŋaxaʔ.
51 ŋob-sʲudbʲa-jadnamʔ maneŋaxa, ŋob sʲudbʲa jaʔ soxomʔ pedarasaβej mʲaʨikŋe meŋada.
52 manʲiβ:
53 - kxɨ-kxɨ, jaβʔ-idmʔ-marʲembada-sʲudbʲa, mansʲannʲu mebʲeŋan, taker tamna nʲadand mebʲetarxannʲu.
54 jaβʔ-idmʔ-marʲembada-sʲudbʲa manʲiβ:
55 - takeβar nʲenesʲarʲinda ŋob mebʲetarxannʲu naŋadʲa pedarasaβej jaʔ soxomʔ xaskoŋe meŋa.
56 jaʔ-ŋomʔ-xaskota-sʲudbʲaxandʲiʔ xajaxaʔ, xeβxanda teβjjaxaʔ.
57 sʲudbʲaʔ xeβanʔ teβxaβa jaβʔ-idmʔ-marʲembada-sʲudbʲa nʲanda maxanʔ samejʔ.
58 nʲanda maxanʔ sanejʲe, puxutʲaʔ-nʲu manʲiβ:
59 - sʲudbʲa, pedarasaβej jaʔ soxomʔ ŋamge mʲaʨikŋe meŋar?
60 manʲiβ:
61 - nɨxɨmʲi ŋarka, nɨxɨmʲi pʲirad pʲurŋadmʔ.
62 tad puxutʲaʔ-nʲu manʲiβ:
63 - tʲikar ŋeβadalad.
64 manʲiʔ nʲananʲiʔ tuʔ.
65 masʲid nɨxɨnd mʲanad xoŋgun.
66 tadxaβ ŋobtʔ jadalnʲidamʔ, sʲiʔiβ jalʲa jadaʔ ŋobtʔ teβmaxadantoʔ.
67 tadxaβ sʲiʔiβ jalʲa jadaʔ, nʲerandoʔ nʲaʔ tamna ŋob-sʲudbʲamʔ-maneʔ, tʲuku nʲaxajuta nʲad tamna ŋarkamboj.
68 tadxaβ ŋob sʲudbʲa xaradʔ ŋar manʲampemʔ tʲuʔuʔ mosʲtɨda, pʲendʲaʔ nʲiʔ xaβrasʲetɨda, mʲaʨikŋe mesnʲidaβ.
69 nʲaxajuta n jaʔ puxutʲaʔ-nʲu manʲiβ:
70 - takerʲiʔ nʲadandʲiʔ tamna mebʲe.
71 nɨxɨndʲiʔ mʲanad pʲurŋadʲinsʲnʲu.
72 takerʲiʔ maneŋadʲima.
73 tadxaβ sʲudbʲaʔ xeβanʔ teβɨdʔ, sʲudbʲa xaradʔ ŋar manʲambemʔ tʲuʔu, momadanda pʲendʲaʔ nʲiʔ xamolada.
74 sʲudbʲandoʔ xeβanʔ teβxaβa, sʲidʲa sʲudbʲa mʲaxajuda nʲandʲiʔ maxaʔ n jaʔ sanajaxaʔ:
75 puxutʲaʔ-nʲu manʲiβ:
76 - pemʔ ŋamge tʲuʔunʲaʔ mojokuŋar?
77 - tʲikamʲi sʲanakomʲi nʲiβ ŋaʔ.
78 manʲiβ:
79 - tʲikar sʲanako toʔolxa?
80 - tʲikanda nɨxɨnʲi ŋar nʲiβ ŋaʔ pemʔ sʲanakomamʲi, - nʲiβ manʔ.
81 puxutʲaʔ-nʲu manʲiβ:
82 - nʲananaʔ tuʔ nɨxɨnd mʲanad masʲi xoŋguβaʔ.
83 tʲikɨ pejar xajed.
84 tadxaβ ŋobtʔ teβmaxadantoʔ sʲiʔiβ jalʲa jada.
85 sʲibʲimdʲej jalʲana jaβʔ maraβna tʲulʲisʲe jadβɨ.
86 manʲiβ:
87 - sʲudbʲa, pemʔ-xaskuta-sʲudbʲa ŋamge nʲubʲeŋar?
88 tajku pedar muʔ, medβaʔ xadaʔ.
89 manʲambemʔ-xaskuta-sʲudbʲa jaβʔ marad ŋob pemʔ nʲama, tadxaβ tʲulʲisʲenʔ monʲidaβ, penda mʲindʲanʔ tʲulʲisʲe tʲijʔ.
90 tadxaβ-manʲambemʔ-xaskuta-sʲudbʲa moβɨ pe tʲulʲisʲeʔ sʲerʔ xanŋa.
91 tʲulʲisʲe sʲiʔiβ sakada, jaxad lɨŋgasʲalmsʲ numʔ nʲaʔ pʲada, tanʲananda tʲulʲisʲe sʲiʔiβ xalŋabtejʔ.
92 sʲiʔiβ xalŋabtejʔ, manembem-xaskuta-sʲudbʲa moβɨ peŋod sʲiʔiβ xalŋabtejʔ.
93 tadxaβ sʲiʔiβ xalŋabtej tʲikananda manʲambemʔ-xaskuta-sʲudbʲa moβɨ pe tʲulʲisʲe xarʨiiʔ tʲeba, tʲulʲisʲeʔ murtɨʔ pʲelʲa xobasaβej pe xanada.
94 tʲulʲisʲe murtɨʔ pʲelʲasʲipoj xaja.
95 puxutʲaʔ-nʲu manʲiβ:
96 - nʲeneʔ βeβamannʲu.
97 sʲidnaʔ nʲʃɨju ŋaβlaʔ.
98 tʲikajend ŋodʔ nʲamexena manʲambemʔ ŋamge xaskusar?
99 manʲiβ:
100 - jaβmʔ-jumbada-sʲudbʲa, ŋamge jaβʔ-ju mbadamʔ nʲubʲeŋar?
101 mʲamaʔ jaŋgunnʲu.
102 mʲatβaʔ sʲertama.
103 jaβmʔ-idmʔ-marʲembada-sʲudbʲa sabʨamda tad sabʨada, xubtjd xaradmʔ sʲerta.
104 mʲatʔ tʲunʲimʔ.
105 korda tanʲaβa, xɨdʲida tanʲama, ŋaβarmʔ pʲirʲemba meta ŋamgarʲida malʔ tanʲa.
106 tad ŋaβradamdoʔ pʲula xurkart ŋaβar juŋgu, jedxaβada ŋoka.
107 puxutʲaʔ-nʲu manʲiβ:
108 - ŋaβrasʲada mʲakaβ taroda βunʲi tanʲaʔ, taʔ jekβaβna pʲixʲina xonʲodaβaʔ.
109 tʲikaβaxad tʲi menʲiβ, puxutʲaʔ-nʲu nʲaxata manʲiβ:
110 - pʲinʔ xexeβaʔ.
111 pʲinʔ xajaʔ.
112 nʲanda sʲertaβɨ xaradmʔ tad ŋarβej malxana ladada, ŋamgert jaŋgu.
113 tʲikad tada sʲiʔiβ jalʲa jadnʲimʔ.
114 sʲibʲimdʲej jalʲana puxutʲaʔ-nʲu manʲiβ:
115 - tadxaβ tɨde-ŋomʔ-xaskuta-sʲudbʲa, mʲatβa sʲertama.
116 jamʔ-xaskuta-sʲudbʲa ŋanʲi sapʨamda sapʨa nʲaraβa xardaŋe xaja.
117 nʲaraβa xaradmʔ sʲerta, mʲatʔ tʲuʔ.
118 korda tɨnʲaβɨβa, xɨdʲida tanʲa, tʲetŋe sʲertrʲal4doʔ tʲet ŋamdʲorʨ tanʲaβɨ.
119 tadtʲikad ŋaβradamdoʔ pʲu laʔ, ŋaβar βunʲi tanʲaʔ.
120 puxutʲaʔ-nʲu manʲiβ:
121 - ŋaβrasʲada mʲakβaβ ŋamge tarana?
122 taʔ jekβaβna pʲixʲina xonʲoxaβaʔ.
123 xexeβaʔ.
124 pʲinʔ xajaʔ.
125 puxutʲaʔ-nʲu nʲanda sʲertaβɨ xaradmʔ ŋarβejʔ malxana tapxalnada, manʲiβ:
126 - tarʨa xarad jekβaβna ŋulʲiʔ jaŋgoja.
127 tadtʲikaβaxad xenʲimɨ, ŋanʲiʔ sʲiβ jalʲa jadnʲimʔ, jet xanʲa jadnakjeʔ.
128 sʲibʲimdʲej jalʲana puxutʲaʔ-nʲu manʲiβ:
129 - manʲambemʔ-xaskuta-sʲudbʲanʔ, mʲatβaʔ sʲertama.
130 manʲambe-xaskuta-sʲudbʲa tad sapʨamda sapʨa nʲenej xaradmʔ sʲertaβɨ.
131 nʲenej xardanʔ tʲuŋo.
132 tʲeg ŋamdʲorʨanda, tolʲda tanʲa, ŋaβar sʲertaba meta xɨdʲida tanʲaʔ, ŋaβar jaŋgonʲiβ.
133 puxutʲaʔ-nʲu manʲiβ:
134 - tʲukuʔ toʔolxa ŋaβrasʲada mʲaʔ ŋamgena tara?
135 tarʨa mʲadʔ jekβaβna ŋamgert jaŋgoja.
136 pʲinʔ xexeβaʔ.
137 pʲinʔ xajaʔ.
138 puxutʲaʔ-nʲu nʲanda sʲertaβɨ xaradmʔ ŋarβejʔ malxana taparŋada, xarad ŋemʲarʲida jada.
139 xarad ŋamgert jaŋgonʲiβe.
140 ŋanʲiʔ sʲiβ jalʲa jadnʲimʔ, jetʔ xanʲaʔ mʲindakɨjeʔ.
141 sʲibʲimdʲej jalʲana puxutʲaʔ-nʲu manʲiβ:
142 - manʲe mʲatβaʔ sʲerta xortanakedmʔ.
143 puxutʲaʔ-nʲu sapʨamda sapʨa ŋob solotej xaradmʔ sʲertanʲiβ.
144 mʲatʔ tʲunʲimʔ.
145 tad tʲet solotʲej ŋamdʲorʨanda, tʲet βaβdoʔ, solotej korda.
146 solotej korʔ nʲinʲa ŋaβar jadʲemba ŋamdʲoβɨʔ.
147 ŋaβrata tʲin tanʲaβɨ.
148 ŋaβar ŋoka.
149 itʲa tanʲaβɨ.
150 puxutʲaʔ-nʲu manʲiβ:
151 - mʲadmʔ sʲerta nʲiβerasʲi pʲirasʔ.
152 mʲadʔ tʲiʔ!
153 tad tʲikaβaxad tʲikan ilʲeljjad.
154 sʲiβ jalʲa ilʲeʔ.
155 ŋaβradoʔ ŋokaβa.
156 sʲibʲimdʲej jalʲana puxutʲaʔ-nʲu nʲiβ manʔ:
157 - tajkurkamna jaderkaβama.
158 xanʲedakotʲadβaʔ pʲurkaβama.
159 puxutʲaʔ-nʲu manʲiβ:
160 - jerβsʲada ja βunʲi tanʲaʔ, ŋobma mʲata letamba xajoda.
161 puxutʲaʔ-nʲu manʲiβ:
162 - jaβʔ-idmʔ-marʲembada-sʲudbʲa, mʲat letamba xajodnʲinaβ.
163 jaβʔ-idmʔ-marʲembada-sʲudbʲa nʲita xemʲad mʲakana me, tarʲi menana βunʲi ŋaʔ, nʲita meŋe nʲaxarʔ jud nʲanʲmʔ sʲerta.
164 nʲanʲo sʲertabadanda nʲoxonanakɨ ŋodʔ ladata pʲiruβna pʲinʔ ŋadʲimʲa.
165 nʲoxomda xansumbtambdakje tarʲi janʔ sɨlaβɨʔ.
166 tarʲi jaxad ŋob-sʲurambada ŋulʲiʔ mʲerʲe.
167 tadxaβ jaβʔ-idmʔ-marʲembada-sʲudbʲa sʲidʲeranda sʲimʔ tala, nʲomʔ tala, sʲurambada nʲonʔ tʲebaβonda.
168 nʲon sʲurambada tʲebaβonda, jaβmʔ-marʲembada-sʲudbʲa nʲonʔ sʲamda sʲurxalʲe ŋodʔ malʲe sʲurambada nʲomʔ pʲexedta.
169 ŋob-puxuʨako, sʲata sʲiβ tʲerβa, maxada ŋulʲiʔ xemʔ- ŋob tʲerβa, ŋeda ŋulʲiʔ nʲudʲa.
170 mʲatʔ tʲuŋo, manʲiβ:
171 - jaβmʔ-marʲembada-sʲudbʲa, ŋeβedʲoβenannʲu.
172 - ŋeβedɨdmʔ.
173 - jaβmʔ-marʲembada-sʲudbʲa nʲanʲo sʲertaβerxannʲu, nʲanʲdamʲi tama.
174 jaβmʔ-jumbada-sʲudbʲa puxutʲanʔ jud nʲanʲmʔ mʲiŋa, tamna ŋopoj jombanʔ tʲanʲo.
175 tamna ŋopoj jombanʔ tʲanʲo, manʲiβ:
176 - jaβmʔ-jumbada-sʲudbʲa, nʲanʲdamʲi tama.
177 - tʲuku juʔ nʲanʲmʲi tatnakedmʔ.
178 nʲinʲi mexeβaŋe sʲertaβɨnʲu.
179 tad jud nʲanʲmʔ mʲiŋa, tamna ŋopoj jombaŋe tʲanʲo, sʲidʲa juʔ nʲanʲmʔ mʲiŋa, tamna tʲanʲo, manʲiβ:
180 - nʲanʲdamʲi taʔ.
181 jaβmʔ-jumbada-sʲudbʲa manʲiβ:
182 - ŋanʲiβ nʲidmʔ tateʔ.
183 xanʲena nʲinʲi mɨ nʲimŋaʔ, nʲene ŋoratʲ saŋanannʲu.
184 tʲuku bʲinʲi nʲin tatʔ.
185 jaβmʔ-jumbada-sʲudbʲa sʲajnʲidaβe, toβɨ puxutʲakoja ŋudamda βeŋ gala, jaβmʔ-jumbada-sʲudbʲa ŋudanta sexertʔ ladada.
186 masʲiʔ peβdʲuna ladnake da, masʲiʔ tɨrana ladnakeda.
187 puxutʲakoja xʲibʲa tarʲemʔ permɨ, jaβmʔ-jumbada-sʲudbʲanʔ tad sanaβanda, mʲad mʲunʲa lɨʔ xada tʲebŋaxaʔ.
188 tad tʲebβandʲiʔ jaβmʔ-jumbada-sʲudbʲa puxutʲakonʔ ponxart nʲi xanʔ.
189 jaβmʔ-jumbada-sʲudbʲamʔ puxutʲakoje sʲanxaβ xaradʔ jondʔ ladada, jaβmʔ-jumbada-sʲudbʲa palkasaβej ŋedarada.
190 takaβaxad jaβmʔ-jumbada-sʲudbʲamʔ puxutʲakoja ladorŋa, nʲanda pudana jud nʲanʲmʔ ŋama.
191 puxutʲakoja tarʲi βɨrkada.
192 jaβmʔ-jumbada-sʲudbʲa puxutʲaʔ xemʲad βaβxanda ŋodʔ teβɨʔ, βaβxanda ŋodʔ jusʲibtejʔ.
193 punʲa numda peβsʲumtʲ nʲida toʔ, nʲida manʲimʔ:
194 - medβaʔ sʲertama.
195 - jebtoβʔ!
196 mɨmʔ sʲertaβa tolxadmʔ nʲidmʔ ŋaʔ.
197 tʲukoraʔ xabʨa ja ŋeβɨ.
198 manʲ xaŋgulɨβʔ.
199 tʲuku jaxad xeiβaʔ.
200 jadermɨ nʲida medamdoʔ xartoʔ sʲertaʔ.
201 tadtʲikad xonʲidamʔ.
202 puxu tʲaʔ-nʲu xunʲana manʲiβ:
203 - jaʔ-jumbam-xaskuta-sʲudbʲa, mʲar letamba xajuma.
204 jerβsʲada ja βunʲi tanʲaʔ.
205 nʲaβa ŋodʔ xaŋgulaβɨʔ.
206 tʲikaβaxad ŋeβadanʲimʔ.
207 nʲita jaŋgodanʔ nʲaxarʔ jud nʲanʲmʔ ŋanʲiʔ sʲerta, nʲaxarʔ jud nʲanʲmʔ sʲertaβɨ nʲoxomda xanzumdamba ladanda jelʲtʲandʔ pʲinʔ ŋadʲimʲa.
208 tad sɨrŋa:
209 jaʔ sʲid jaxana ŋob-sʲurambada.
210 manʲijeda, tad xantʲbanda nʲe ŋedaraxa, sʲurbaβanda ŋulʲiʔ mʲerʲeŋa ŋulʲiʔ mʲerʲeŋa, sʲidʲeranda sʲimʔ ŋodʔ tala, nʲoʔ nʲaʔ ŋodʔ saŋoda xamɨʔ, pʲixʲi nʲonsʲinʔ malʲe sʲurambada tʲebaβonda.
211 nʲonʔ sɨlɨʔ - nʲonsʲi malʲe nejʔ.
212 ŋob-puxutʲakoja, maxada ŋob tʲerβa, sʲata sʲiβ tʲerβa.
213 manʲiβ:
214 - tɨde-ŋomʔ-xaskuta-sʲudbʲa, ŋeβedʲoβenanʲuʔ, medmʲi tama.
215 jud nʲanʲmʔ mʲiŋa.
216 sʲidʲa jud nʲanʲmʔ mʲiŋa, sʲidʲa juʔ nʲanʲ tʲanʲe ŋe nʲiβʔ.
217 tʲi ŋenʲiβʔ.
218 puxutʲakoja nʲanʲxaʔ ŋanʲiʔ ŋudamʔ βeŋgala, tʲi ŋenʲiβʔ.
219 ja-ŋomʔ-xaskuta-sʲudbʲa ŋudanta sexertʔ ladnʲidaβ, manʲiβ:
220 - medamd tadamnʲu, masʲarka ŋejaβa.
221 tadtʲikaβaxad nʲanʲi mɨʔ nʲim ŋaʔ.
222 nudanta sexertʔ ladnʲidaβe, ŋob-tʲerβa-puxutʲakoʔ nʲaʔ xardandʲiʔ mʲunʲa pʲoda tʲebnʲixʲimʔ, tɨde-ŋomʔ-xaskuta-sʲudbʲa puxutʲakona ponxart nʲi xanʔ.
223 xaradʔ astʲenkanʔ sʲanpoj ladxalŋada, tɨde-ŋomʔ-xaskuta-sʲudbʲa palkasaβej tʲanɨʔ, tɨde-ŋomʔ-xaskuta-sʲudbʲamʔ nu lʲiʔ ladorŋada, nʲanʲ ŋama, βɨrnarʲida xaja.
224 tarʲi βɨrkadaŋo.
225 tɨdeŋomʔ-sʲanatuka-sʲudbʲa βaβanda nʲiʔ ŋodʔ βarʲeta teβɨʔ.
226 puna nʲida toʔ, sʲidʲa nʲada manʲixʲimʔ:
227 - medβa sʲertaʔ.
228 ma:
229 - xapʨa ja ŋeβɨ.
230 tʲuku jaxad xeiβaʔ.
231 sʲidʲamporʲir laxana, tʲenʲaŋer munsʲi.
232 manʲiβ:
233 - mɨdamda sʲerta nɨxɨmʲi juŋgu.
234 xaŋgulɨβʔ.
235 nʲida medamdoʔ xartoʔ sʲertaʔ.
236 tadtʲikaxad xonanʲidamʔ.
237 xunʲana jurkɨdʔ.
238 xaŋgurta nʲadoʔ sumɨ ŋenʲiβʔ.
239 puxutʲaʔ-nʲu manʲiβ:
240 - xanʲe ŋanʲiʔ nʲiβam xant, pɨdare, pemʔ-xaskuta-sʲudbʲaŋe xajodan.
241 jerβsʲada ja βunʲi tanʲaʔ.
242 mʲakβaβaʔ jerβsʲi βunʲi xajedʔ.
243 tadtʲikad nʲida xajaʔ.
244 manʲambe-xaskuta-sʲudbʲa xai.
245 jalʲa ŋanʲi nʲaxarʔ jud nʲanʲmʔ sʲertanʲiβ.
246 nʲaxarʔ jud nʲanʲmʔ sʲertanʲiβe ladta jolʲtʲandʔ pʲinʲakuʔ sʲidʲersʲiβnʲa ŋadʲimʲa.
247 tarʲi janʔ sɨlɨʔ, tarʲi jaxana ŋob-sʲurambada, sʲurambabata ŋulʲiʔ mʲerʲe, sʲidʲeramta ŋod tala, sʲurambada nʲonʔ tʲebβonda, ŋeβamda ŋod nʲonsʲinʔ sʲurxalʲe, sʲurambada malʲe tʲu ŋob-puxutʲakoja:
248 sʲata sʲiβ tʲerβa, maxada ŋob tʲerβa, ŋeda ŋulʲiʔ nʲolʲukotʲa, manma:
249 - manʲambemʔ-xaskuta-sʲudbʲa, ŋeβadʲoβedannʲu.
250 medmʲi taʔ.
251 jud nʲanʲmʔ mʲiŋa ŋopoj jonŋe tʲanʲo.
252 ŋanʲi jud nʲanʲmʔ mʲiŋa, ŋopoj jonŋe ŋanʲi tʲanʲo.
253 sʲidʲa jud nʲanʲmʔ ŋama, sʲidʲa jud nʲanʲmʔ ŋaβomaxadanda manma:
254 - medmʲi taʔ.
255 manʲambemʔ-xaskuta-sʲudbʲa manʲiβ:
256 - ŋanʲi nʲidmʔ tatʔ.
257 tʲukoβ xanʲenʲinʲi mɨʔ nʲim ŋaʔ.
258 puxutʲakoja pudana juʔ nʲanʲxaʔ ŋudamta βeŋgalanʲiβ, manʲambemʔ-xaskuta-sʲudbʲa ŋudanta sexertʔ ladada, sʲanɨ tarʲemʔ perlʃ puxutʲakoja.
259 tad tʲebβandʲiʔ, xadana tʲebŋaxaʔ.
260 manʲambemʔ-xaskuta-sʲudbʲa ponxart nʲi xanʔ.
261 puxutʲakoja manʲambemʔ-xaskuta-sʲudbʲamʔ tad astʲenkanʔ ladada, manʲambemʔ-xaskuta-sʲudbʲa palkasaβej ŋedarada.
262 puxutʲa jud nʲanʲmʔ ŋama, puxutʲakoja tarʲi βɨrkada.
263 puxutʲa xexeβa βaβanda nʲiʔ ŋodʲ teβɨʔ.
264 ŋod teβɨʔ, peβsʲumtʲ xanʲenʲida toʔ, puxutʲaʔ-nʲu ma, nʲabʲixaβaxaʔ muntʲixʲiʔ:
265 - medβa sʲertama.
266 manʲambemʔ-xaskuta-sʲudbʲa manʲiβ:
267 - xabtʲa ja ŋeβɨ, manʲ xaŋgulɨβʔ, tʲuku jaxad xeiβaʔ.
268 sʲidʲa nʲaxaβaxajuda muntʲixʲiʔ, puxutʲaʔ-nʲurʲi laxana.
269 nʲida me damdoʔ xartoʔ sʲertaʔ.
270 tʲikaβaxad xonanʲidamʔ.
271 xunʲana jurkɨdʔ.
272 xaŋgurta nʲadoʔ sumɨ ŋenʲiβ.
273 puxutʲaʔ-nʲu manʲiβ:
274 - manʲ nʲidamʔ ŋeβadʲod.
275 manʲ oʨerʲedʲmʲi ŋenʲiβ.
276 pɨdaraʔ xantʔ nʲidamʔ.
277 tʲikaβaxad nʲaxarʔ sʲudbʲada xanʲe xenʲimʔ, tad βaŋganʔ ŋamdɨdʔ, ŋeβtoʔ mal sejŋo, jaβmʔ-idmʔ-marʲembada-sʲudbʲa manʲiβ:
278 - puxutʲa turŋasʲ.
279 manʲtʲaβ sʲimʲi puxutʲa ladorŋasʲ.
280 tad tʲikad tɨde-ŋomʔ-xaskuta-sʲudbʲa ŋanʲi manʲiβ:
281 - mantʲβan sʲimʲi ŋanʲi puxutʲa ladorŋasʲ.
282 jolʲtʲe mebʲemɨsʲ.
283 manʲambemʔ-xaskuta-sʲudbʲa ŋanʲi manʲiβ:
284 - sʲimʲi ŋanʲi puxutʲa ladorŋasʲ.
285 palkasaβej sʲimʲi ŋedarʲarŋasʲ.
286 jolʲtʲe mebʲemoβ.
287 ŋʲeβadʲoda nʲaβaʔ ŋanʲi nʲida ladortʔ.
288 tadxaβ laxanakoda puxutʲaʔ-nʲuʔ nʲana xaja.
289 puxutʲaʔ-nʲu nʲata xemʲad nʲaxarʔ jud nʲanʲmʔ sʲerta.
290 puxutʲaʔ-nʲu jadʲembada xardaxana nʲoxonakɨ, ŋanʲiʔ ladta ŋardanʔ sʲidʲer sʲiβna ŋadʲimʲa.
291 jaʔ sʲidʔ janʔ sɨlaβje.
292 ŋanʲi ŋob-sʲurambadamʔ mane, sʲurmbaβanda ŋebta ŋod nʲe ŋedaraxa, sʲurambabta ŋod ŋulʲiʔ mʲer sʲurambʲi.
293 puxutʲaʔ-nʲu sʲidʲeramda tala, sʲurambada malʲe toβononda, sʲata ŋod nʲeʔ nʲajuʔ sʲurxalʲe, nʲoβna malʲe tʲu.
294 puxutʲako sʲata sʲiβ tʲerβa, maxada ŋopoj tʲerβa, ŋexejuda ŋulʲi xebʲitʲukoxoʔ.
295 manʲiβ:
296 - puxutʲaʔ-nʲu, pɨdar ŋeβedʲoβedannʲu.
297 medmʲi taʔ.
298 puxutʲaʔ-nʲu jud nʲanʲmʔ mʲiŋa.
299 ŋopojʔ nʲanda sʲinʔ mejda, ŋopoj jonŋe tamna, tamna tʲanʲo, manʲiβ:
300 - medmʲi ŋanʲiʔ taʔ.
301 ŋanʲiʔ jud nʲakʲmʔ mʲiŋa ŋopoj jonŋe meda, tamna ŋopoj jonŋe tʲanʲo, manʲi:
302 - medmʲi ŋanʲiʔ taʔ.
303 puxutʲaʔ-nʲu manʲiβ:
304 - tʲikabʲinʲi nʲin tatʔ.
305 tʲikaβ nʲinʲi mɨʔ nʲim ŋaʔ.
306 xanʲe tomadantoʔ ŋamdʲidoʔ.
307 nʲanʲmʔ nʲi mʲisʔ.
308 juʔ nʲanʲamda pʲisʲedʲejda.
309 tad tʲikaβaxad puxutʲa nʲanʲxaʔ ŋudamta βeŋgala nʲidaβʔ, puxutʲaʔ-nʲu ŋudanta sexert puxutʲam ladada.
310 puxutʲakoja puxutʲaʔ-nʲunʔ tad sanaβanda xardantʲiʔ mʲunʲa xadana tʲebnʲixʲimʔ.
311 sʲandʲiʔ xunand tʲebarbatʲiŋod puxutʲa puxutʲaʔ-nʲunʔ βɨdara.
312 maxamda ŋod malʲaŋgusʲ, puxutʲakoje tarʲi jaŋguma, puxutʲakoje βadarʲi da xamɨʔ, manʲiβ:
313 - pɨdar jaxanand mebʲemen, manʲ jaxananʲiʔ tʲebjinʲiʔ, manʲ jaxanʲi xart teβaŋgun.
314 tad tʲikaβaxad puxutʲakoja xaja.
315 peβsʲumʲa nʲana xanʲeβɨ nʲida toʔ, nʲadoʔ βunβɨ xaŋgulʔ.
316 puxutʲaʔ-nʲu nʲaxata manʲiβ:
317 - pɨdaraʔ xaŋgulasʲtɨdannʲu.
318 nʲer puxutʲa turŋasʲ.
319 puxutʲa sʲiddaʔ ladortʲatlaxaβɨnnʲu.
320 sʲenʲaʔ mansʲtɨdannʲu nɨxɨna ŋoka, nɨxɨna pʲirad pʲurŋaβaʔ.
321 puxutʲanʔ βɨdaŋgasʲetɨβɨdannʲu.
322 nʲandoʔ tarʲemʔ laxanananʔ muntoʔ tarʲi jaŋgo.
323 puxutʲaʔ-nʲu manʲiβ:
324 - tʲuku jaxana nʲiβaʔ ilʲeŋguʔ.
325 tʲuku jaxana ilʲe masʲ ŋenʲiβ.
326 zolotoj xardandoʔ mʲud pʲinʔ tarpnʲidamʔ.
327 pʲinʔ tarpnʲidamʔ puxutʲaʔ-nʲu zolotej xaradmʔ ŋarβej malxana taparŋada - ŋamgert xarad jaŋgu.
328 tad tʲikaβaxad ŋeβandoʔ sʲerʔ jaljjadʔ.
329 sʲiβ jalʲa jadaʔ.
330 sʲiβ jalʲa jadaʔ.
331 sʲibʲimdʲej jalʲana sʲudbʲa xasrʲomʔ xoʔ, tʲikɨ xasrʲoʔ ŋuβʔ ŋeβaʔ mal tʲuumna ŋaʔ, ŋulʲiʔ jamb ŋenʲim.
332 puxutʲaʔ-nʲu manʲim:
333 - tʲuku ŋumgad ŋumdaβaʔ nɨdkaβaʔ.
334 tʲetŋe ŋumdamdoʔ nɨdŋaʔ.
335 manʲiβ:
336 - tʲuku ŋuβonaʔ sʲajmaŋe paŋgaltɨnaʔ.
337 tʲikɨ ŋuβodoʔ sʲajmaŋe paŋgaljjadoʔ, tʲet sʲudbʲa ŋonʲermʔ sʲerta, manʲiβ:
338 - tʲuku sʲajmana ilaŋgunʲinamʔ.
339 tʲikɨ sʲajmadoʔ ilnʲidumʔ, tʲikɨ sʲajmadu ilnʲidumʔ.
340 tʲikad xeβandoʔ nʲaxarʔ jalʲa jadaʔ.
341 ŋob sʲudbʲa manembemʔ xoʔ.
342 manʲiβ:
343 - jaβmʔ-marʲembada-sʲudbʲa, tʲuku pemʔ xeβnʲakuʔ ŋabtaŋgu nʲiraβʔ.
344 sʲenʲaʔ nʲaxɨnd mʲanad pʲurŋanasʲnʲu.
345 jaβmʔ-marʲembada-sʲudbʲa tad xorŋado, pemʔ xantʲerkart nʲida mɨʔ.
346 puxutʲaʔ-nʲu manʲiβ:
347 - tɨde-ŋomʔ-xaskuta-sʲudbʲa, tɨde ŋomʔ xaskutʲ saŋanasʲnʲu.
348 nɨxɨm meʨ ja tʲam nʲimŋaʔ.
349 tɨde-ŋomʔ-xaskuta-sʲudbʲa tad sʲeβolmanda, ila jamnʲidaβʔ.
350 tʲikad puxutʲaʔ-nʲu manʲambemʔ-xaskuta-sʲudbʲanʔ manʲiβ:
351 - sʲenʲaʔ nɨxɨnd mʲanad pʲurŋanasʲnʲu.
352 nɨxɨmʔ mema ja tʲam nʲiβ ŋaʔ:
353 pɨdare ŋanʲi manetaβa.
354 manʲambemʔ-xaskuta-sʲudbʲa pemʔ naβaltʲ jamnʲidaβ, sʲudbʲa manambe mansadaxarta βunʲi manxadʔ.
355 tʲikad manʲiβ:
356 - xej! βɨdaradannʲuʔ.
357 nɨxɨmʔ meʨand jatʲam nʲiβŋaʔ.
358 βɨdaradannʲu, manʲ xortanakeβ.
359 puxutʲaʔ-nʲu manʲambemʔ sʲeβolnʲidaβ, manʲambemʔ xeβnʲaku ŋabtanʲidaβ.
360 tʲikan ŋɨleda sʲudbʲa jaʔ sʲi ŋeβɨ, jaʔ sʲi sarkabtama ŋeβɨ.
361 puxutʲaʔ-nʲu manʲiβ:
362 - manʲ jaʔ sʲiβna xantadmʔ.
363 ŋɨlnʲaʔ.
364 pɨdaraʔ tʲukona xajodadaʔ.
365 manʲiβ:
366 - tʲeda tʲet sʲajmana ŋonʲermʔ ŋobt βetaŋgunʲimam.
367 tʲet sʲajmandu ŋonʲermʔ ŋobt βetanʲidumʔ.
368 ma:
369 - jaʔ sʲiβna manʲ inta xantnʲidam.
370 tʲuku jaxadanta xanʲaxart βunʲidaʔ xantʔ.
371 toda ŋebnanʲi inʲamʲi tʲuunʲa nekaltnʲiramʔ.
372 manʲ inʲamʲi mansabtaŋguβ.
373 tadxaβ puxutʲaʔ-nʲu pɨxɨdanda tʲaxamna sʲajamʔ sʲarada, jaʔ sʲiβna xenʲiβ.
374 jaʔ sʲixʲina ŋulʲiʔ pebʲonʲiβ.
375 sʲanand xunand mʲimbata ŋod tanʲana xunanda jalʲa jaβnanda ŋadʲimʲa, jalʲa jaβnanda ŋadʲimʲa, xardʔ xeβanʔ ŋadʲimʲa.
376 sʲajmanda mal xarad nʲonsʲi jadanʔ sʲarada.
377 xardanʔ tʲunʲiβ.
378 xaradʔ sʲidntʲet sʲentʲada ŋeβɨ, tajnanda xunannanda mʲatʔ tʲunʲiβ, ilʲesʲ meta mʲamnanda ŋadʲimʲa.
379 tʲikɨ xaradʔ mʲujxaβmʔ seβtʲej xajudoʔ, ŋulʲiʔ sʲenʲej xardanta mʲujʔ totrʲeβ somboj, ŋulʲiʔ saβa ŋenʲiβ, sʲenʲej pɨda sʲertaβɨ xardanta mʲuj tolxa.
380 tadxaβ tolʔ jadxana nʲaxarʔ-nʲe ŋamdʲoβɨ, ŋulʲiʔ sʲadoʔ, ŋulʲiʔ ilʲebʲej ɨjeʔ.
381 tadxaβ nʲaxarʔ-nʲe βaxaljjadʔ:
382 - puxutʲaʔ-nʲu, tʲukonʔ ŋamge ton?
383 nʲebʲaβaʔ tanʲaβa.
384 mansʲtunʲiβ tʲukonʔ puxutʲaʔ-nʲu xuta, tʲukonʔ tobnanda ŋamdaβ.
385 sʲit nʲi ŋamdʔ?
386 manʲim:
387 - nʲebʲaβaʔ mansʲtunʲiβ xarta jaxaβaxananda puxutʲaʔ-nʲu samɨsʲ.
388 jaxanʲi toxoβabta manʲ ŋamdaβ.
389 manʲ jaxaβaxananʲi ŋamged pʲerʲeŋgu.
390 manʲimʔ:
391 - puxutʲaʔ-nʲu, ilʲeβanʔ xarβan?
392 - ilʲeβaxaβanʔ xanʲadmʔ xarβaʔ.
393 tad tʲikad nʲaxarʔ-nʲe manʲimʔ:
394 - mantʲβana tʲuku jaxana ilʲeβanʔ ŋulʲiʔ nʲiβaʔ xarβaʔ.
395 pɨdar jaxand sʲidnaʔ teβraŋgun?
396 puxutʲaʔ-nʲu manʲiβ:
397 - nʲebʲandaʔ sʲidnaʔ nʲoxoβabʔ ŋaβʔ, sʲiddaʔ jaxanʲi xanʲadmʔ teβraʔ.
398 tad tʲikaxad nʲaxarʔ-nʲe manʲiβ:
399 - manʲaʔ sʲit tabʲedaxaβabnaʔ nʲebʲaβaʔ sʲit nʲi ŋamdʔ.
400 sʲidnaʔ teβraŋgoβabat tʲaxakuj sʲidʲa boʨkamʔ manʲijer, - manʲimʔ, - nʲabʲir ilʲenʲa iʔ, nʲabʲir xabej iʔ.
401 tadxaβ tʲikɨ sʲidʲa boʨka nʲandʲiʔ ŋomaxaʔ ŋabtaʔ.
402 tadxaβ tʲikɨ sʲidʲa boʨka nʲandʲiʔ ŋomaxaʔ ŋabtaŋajuda.
403 manmaʔ:
404 - nʲebʲaβaʔ βalakada tuta.
405 sʲit nʲamaŋgu.
406 ibŋo sʲit takaltanʲiβameʔ, tarʲemtʲiŋod pɨda tusumda.
407 tadxaβ nʲebʲanaʔ nʲaʔ pʲoda sanaŋgunʲidʲimʔ.
408 tarʲem menandʲiʔ nʲebʲaβaʔ manda:
409 "nɨlejbtaxanʲiʔ, manʲ jadermedmʔ ŋod ŋenʲidam.
410 pedejβatʲ.
411 itamʲi ŋamganʲiʔ".
412 nʲebʲaβaʔ ilʲej ikanda sanaŋgu, ilʲenʲa ikanda sanaŋgu, tʲikar tadaβexeʔ nʲixʲimʔ ŋaʔ, pɨda xabej idmʔ ŋamda.
413 xabej idmʔ ŋaβomaxaβadanda nʲebʲanaʔ ŋamgeda ŋodʔ ŋeŋgu.
414 pɨdar ilʲenʲa idmʔ ŋamdanaβa.
415 puxutʲaʔ-nʲu, sʲit takaltnʲiβamʔ.
416 ŋadʲxaβa βeβa ŋʲinʲiβʔ.
417 xarta tusuβo mada ŋeŋgunʲiβ.
418 nʲaxarʔ-nʲe takalnʲidumʔ, sʲurnʲidumʔ.
419 puna peβsʲumʲa nʲakujŋe xeβeβa nʲoβna lamna ŋadʲimʲa, sʲenʲej mʲamna turmɨ maxa ŋobʔ tʲerβa puxutʲa ŋeβɨ ŋenʲiβ.
420 nʲabʲi ŋudanda xarana mʲinartada ŋobʔ nʲenej nʲe, ŋob ŋajabej ŋatʲekɨ.
421 - nʲe nʲuktʲaʔ.
422 tʲuku nʲemʔ ŋanʲi pɨrdarʲi teβraβe.
423 sʲontʲanʲi mʲuj βolga, ŋanʲi taβ.
424 - pɨdaraʔ mʲakanda ŋamge teβasʲ?
425 mʲata mʲuj nʲene ŋabtʲennʲu.
426 manʲiβ:
427 - manʲ madmʔ puxutʲaʔ-nʲu torxaβɨnnʲuʔ.
428 ŋamge takalpʲiraʔ tamʲinda ŋadʲimdʲeraʔ.
429 tadxaβ puxutʲaʔ-nʲu manʲiβ:
430 - jusʲidananʲi ilʲenʲa imʔ nʲoja ŋaβʔ.
431 ŋadʲimbanʲi saβa ŋedaraxa.
432 tʲikaβaxad puxutʲaʔ-nʲu ŋeta nʲiʔ sananʲimʔ.
433 ŋeta nʲiʔ sanaβa puxutʲakoja manʲiβ:
434 - puxutʲaʔ-nʲu teββɨnnʲu, ŋamge takalpʲiraʔ?
435 xadana tebnʲixʲimʔ.
436 sʲanand xunand tʲebarbatʲi ŋodʔ puxutʲa manʲiβ:
437 - manʲ tandaja ŋodʔ jadermedmʔ.
438 itmʲi ŋamgartʲadmʔ.
439 puxutʲa ilʲenʲa idʔ xorakonʔ tad sananʲimʔ, xabej idʔ xorako ŋenʲiβ, ŋarxanda ŋamada.
440 puxutʲakoja manʲiβ:
441 - nʲuʔ ŋodʔ βatonsʲerʔ ŋaʔ maʔ.
442 ilʲenʲa idʔ xorako janʔ xabej idmʔ ŋabtaβedannʲu.
443 puxutʲaʔ-nʲu iʔ ŋutʔ xamβedannʲuʔ.
444 tad tʲikaβaxad puxutʲaʔ-nʲu puxupʲakojamʔ pɨda ŋekalnʲidaβ tʲedaβ, puxutʲakoja tajutanakɨje.
445 tad tʲikaβaxad puxutʲaʔ-nʲu puxutʲamʔ ponxart nʲida perʔ, tʲikaβaxad ŋopoj tʲerβa maxalada mardamba pʲanʲidaβ.
446 mardamba pʲada ŋopoj tʲerβʲa maxada nʲaxarkaβ malʲβononda, markadaβonda.
447 saβaβna pʲulada puxutʲakoja xadʲita poŋgana juŋgu, tarʲi manʲiβ:
448 - puxutʲaʔ-nʲu, tad nʲernʲaʔ nʲand nʲidmʔ xarβaŋgu.
449 sʲit pʲilʲutadmʔ.
450 nʲadnʲi βamen ŋenʲinaβ.
451 puxutʲaʔ-nʲu nʲaxarʔ-nʲenʔ manʲiβ:
452 - tʲedaβ xand nʲiβamʔ.
453 xand nʲiβamʔ.
454 jembjjadaʔ.
455 nʲaxarʔ-nʲe jembasnʲidamʔ, pʲinʔ sananʲidamʔ.
456 pʲinʔ sananʲidmeʔ, sʲajmaxanda teβnʲidamʔ.
457 sʲajmaxanda teβnʲidmeʔ.
458 puxutʲaʔ-nʲu nʲeranda nʲaʔ nʲaxarʔ-nʲemʔ sʲarada.
459 sʲarnʲidaβe, nʲudʲadoʔ manʲiβ:
460 - pɨdar xasaβaŋe nʲernʲana nʲisʲanaβ meŋguʔ.
461 manʲaʔ nʲeŋe pudaŋguβatʲ.
462 puxutʲaʔ-nʲu tarʲemʔ nʲi xarβaʔ:
463 - sʲimʲi nʲelʲtʲeŋgudaʔ.
464 talʲe jaxananda xajodadaʔ.
465 sʲimʲi nʲelʲtʲeŋgudaʔ.
466 tadtʲikad nʲudʲa-nʲe manʲiβ:
467 - xart sʲel ŋenʲiβ, puna meŋgodanaken.
468 nʲaxatatoʔ nʲudʲadoʔ xasaβanʔ zolotej ŋudajesʲamʔ mʲisnʲiβ, manʲiβ:
469 - tʲujad ŋamged saβa nʲenetʲaʔ ŋedakɨʔ.
470 ŋudajesʲamʲi nʲanand ŋeja.
471 masʲiʔ nʲi na jotaŋgodakɨnaʔ.
472 sʲaxarʲi ŋudajesʲaβna sʲit xoŋgu nʲidamʔ.
473 nʲe ŋudajesʲamda mʲiŋa, xasaβa ŋudajesʲamʔ xana, tʲikaβaxad sʲajmamda.
474 nʲaxar-nʲeʔ tʲaxaʔ nʲaxarʔ labʲidʲeda.
475 tʲuunʲa mena nʲambojoda nekalmondoʔ ŋenʲiβʔ.
476 nekalmondoʔ ŋenʲiβe, jalʲa jaβnandoʔ ŋadʲiβnʲiβ.
477 jalʲa jaβnanda ŋadʲimgaβa sʲudbʲid tʲorʲeβondoʔ:
478 - nʲaxaβaβaʔ nʲe taβjej!
479 nʲaxarʔ-nʲe βadamboj ŋadʲibʲerŋaʔ.
480 - pudana nʲer, - manʲimʔ, - pɨda nʲeda ŋedakɨje, nʲaxajuta nʲad sʲadomɨ.
481 ŋobna jej jaŋgodarxannʲu.
482 manʲambemʔ-xaskuta-sʲudbʲa manʲiβ:
483 - jaβʔ-idmʔ-marʲembada-sʲudbʲa, inʲada nʲeʔ punʲamna madad.
484 nʲe nʲednaʔ meŋgu nʲinamʔ.
485 jaβʔ-idmʔ-marʲembada-sʲudbʲa inʲamʔ madada.
486 puxutʲaʔ-nʲu jaʔ sʲiβ na ŋanʲi pɨrdarʲi mantej.
487 tʲikaβaxad tanʲananda jalʲa jaβnanda ŋadʲiβnʲiβ.
488 tad tʲikaβaxad jamʔ ŋeβje, jaβ βaruβna ŋeβanda sʲerʔ jaderŋa.
489 ŋeβanda sʲerʔ nʲaxarʔ po jaderŋa.
490 tad tʲikad jaβʔ nado ŋeβje, jaβʔ nado nʲinʲa sʲiβ-tota-mʲinlʲej ŋenʲiβ.
491 sʲiβ-tota-mʲinlʲej nʲabʲi xartʲinta xeβ xobasʲunʲiβ, nʲabʲi murtɨta xeβ jaŋguβa, nʲabʲi murtɨta xeβ jaŋguβa, manʲiβ:
492 - mʲinlʲej, jaxanʲi sʲimʲi teβrama! mʲinlʲej manʲiβ:
493 - jaxand sʲit teβra nʲiβ pʲirasʔ.
494 manʲiβ:
495 - sʲenʲaʔ ŋamge nʲanʲi pesʲan?
496 - sʲaxaʔ nʲand peβakeβe, nʲand pʲamamʲi nʲiβnʲuʔ tʲenʲeʔ.
497 manʲiβ:
498 - sʲenʲaʔ jaβʔ maraβna tʲulʲisʲeŋe sanarmanʲi malʲŋgana manʲambemʔ-xaskuta-sʲudbʲamd sʲimʲi xadaβnsʲ tabʲedanasʲi.
499 murtɨnʲi xeβ tʲedaʔ jaŋgunnʲu, manʲambemʔ-xaskuta-sʲudbʲa pexena sʲimʲi ladasʲannʲu, sʲimʲi pexena lada tabʲedanasʲi.
500 tad tʲikad sʲiβ-tota-mʲinlʲej manʲiβ:
501 - ŋobʔ tolas ŋeβa saβa βunʲi ŋaʔ.
502 jaxand sʲit teβraxadmʔ.
503 tad tʲikaβaxad tʲi ŋenʲiβ.
504 mʲinlʲej manʲiβ:
505 - joŋganʲi sʲidʲa xeβxad sʲimʲi sʲeβolʔ.
506 tad tʲikaxad tʲi ŋenʲiβ - mʲinlʲejmʔ joŋganda sʲidʲa xeβxad sʲeβolnʲidaβʔ.
507 tʲikaβaxad mʲinlʲej tʲuʔutʲej xenʲiβ.
508 sʲanand xunand tʲirpata ŋodʔ jalʲa jaβna, ŋamge pʲirkana peβdʲa jamʔ pelnʲimʔ.
509 peβdʲa jamʔ pʲarʲinʲixʲimʔ, jalʲaʔ janʔ teβnʲixʲimʔ.
510 sʲenʲaʔ manʲambe tanʲasʲannʲu, jaʔ sʲiʔ sarkabtama, tʲikaβna teβranʲidaβ.
511 tʲikaβna teβranʲidaβe, mʲinlʲej manʲiβ:
512 - tʲedaβ sʲit jaxand teβradama.
513 tʲedaβ jaxand xart xanʔ!
514 tad tʲikaβaxad mʲinlʲej xanʲana xenʲakɨ, ŋeβanda sʲerʔ jalnʲimʔ.
515 ŋeβanda sʲerʔ po jadnʲiβʔ.
516 po jadnʲiβe ŋamge jolʲtŋgana nʲeranda nʲaʔ paraŋoda xarad ŋadʲimʲa, ma:
517 - xardaxaʔ pʲaŋgodanakeβ!
518 tadxaβ xaradʔ βaranʔ teβɨʔ.
519 tad tʲikaβaxad tʲi ŋenʲiβ xaradʔ βaranʔ teβa ŋobʔ βeβako xardakomʔ mane, ŋobʔ-lusa-βesakoja petaβɨ, petaβje, βesakonʔ teββanda nʲernʲa ŋopoj parxalje jaderta ŋarkamboj xasaβa ŋatʲekeŋe xaja.
520 tad tʲikaβaxad petana βesako tɨbkamda tʲuʔuʔ mesʲetɨ, petana βesako tɨbkaʔ ŋɨlamna xesʲetɨ.
521 βesakoja manma:
522 - tʲuku xanʲad tuβɨ ŋatʲekeja, puna sʲit nʲoxodmʔ xada, puna saβamʔ nʲenetʲa xadamaŋe sʲimʲi tolaŋguʔ.
523 ŋamge tʲikaβna sanarŋan?
524 manma:
525 - irʲikeʔ!
526 sʲimʲi sapbad ŋobtʲikɨ.
527 manʲ xʲibʲartamʲi juŋgu.
528 sʲimʲi pʲurmdamʲi xʲibʲartamʲi juŋgu.
529 mʲakad lusa-βesakoʔ-puxutʲada ŋadʲimʲa, manʲiβ:
530 - βesako!
531 tʲikɨ ŋatʲekɨ mamondannʲu sʲimʲi pʲurmandamʲi juŋgu, ŋatʲekedmʲi mexemʲima.
532 lusa-βesako paβedanda nʲamada, puxutʲanda ŋʲalʔ moda, manʲiβ:
533 - nʲanand tarabta xanadʔ!
534 puxutʲa ŋatʲekɨmʔ ilada, manʲiβ:
535 - ŋatʲekɨmʔ nʲudnʲiʔ mexemʲeʔ.
536 ŋatʲekɨmʔ ŋamge βoltambʲir?
537 ŋarambata nʲiβ mansraŋguʔ, jesʲadamʲi nʲiβ xombaŋguʔ.
538 tadxaβ βesakoʔ-nʲu xonejʔ.
539 βesakoxoʔ puxutʲaxaʔ xonejxaʔ.
540 tad nʲemada xaja, βesakoxoʔ puxutʲaxaʔ xonʲodaxanda xeβexeʔ.
541 ŋatʲekeŋe βesakonʔ manma:
542 - xanʲaʔ xansadʲiʔ?
543 βesako manʲiβ:
544 - sʲit tolxa xanʲaʔ xanmamʲi ŋamgeŋe βetaŋguda.
545 xanʲaʔ xanmamʲi ŋamge sʲel tanʲa?
546 tad tʲikad puxutʲa manʲiβ:
547 - nʲur namdamdaβe xanʲaʔ jaderomamd, xanʲaʔ βetaŋguda, tarʲi namdxaβa namdamdaβa.
548 manʲiβ:
549 - manʲaʔ paraŋodaβaʔ nʲiβ tanʲaʔ.
550 parʲeŋoda mʲakana xanŋanʲinsʲ, jetrʲiʔ ŋodʔ xantʲetɨnʲiʔ.
551 ŋobʔ poʔ tʲaxana nʲaxarʔ jerβ xardana teβɨdaŋʲ, ŋobʔ poʔ tʲaxana, nʲeduʔ nʲedandoʔ xeβanʔ nʲi xarβaʔ, manʲimʔ:
552 "sʲidnaʔ teβraβɨ nʲaβaʔ jaŋgasʲ".
553 nʲudʲadoʔ ŋedakɨje, sʲata nʲara nʲaxatata nʲantʲi, manʲiβ:
554 "sʲidnaʔ jaxadanaʔ teβraβɨ xasaβaβaʔ tʲuku janʔ teβɨʔ".
555 βesako tarʲemʔ βadʲeŋada.
556 xasaβa-nʲudʲiʔ manʲiβ:
557 - tʲedaʔ ŋanʲi xantadʲiʔ?
558 manʲixʲimʔ:
559 ŋanʲi xantanʲiʔ.
560 manʲiβ:
561 - manʲ ŋoʔ nʲanandʲiʔ tuidmʔ.
562 βesako manʲiβ:
563 - ŋamge meŋgun?
564 tʲikɨ tolxa jerβoʔ sʲakana ŋamge tolxan ŋeŋgun?
565 mʲakanand xajoin!
566 tad tʲikad puxutʲa manʲiβ:
567 - ŋopoj-nʲumd ŋamge tarʲemʔ pʲodtambʲir?
568 nʲuktʲaemʲi jaderŋajaβa.
569 xarta ŋeda nʲiβ metʔ.
570 tojaβa.
571 mʲinʲeŋguraβʔ.
572 βesako manʲiβ:
573 - pɨdarʲiʔ xartʲiʔ todʲiʔ.
574 nʲanaβanʲi nʲodʲiʔ jadʔ!
575 βesako xajaβa, puxutʲaʔ nʲaʔ βesakondʲiʔ xemʲarkaxad pɨdʲiʔ xenʲixʲimʔ.
576 parʲeŋodaʔ xarad josana βunʲi ŋaʔ, puxutʲa ŋodʔ tʲenʲeβanakeda, parʲeŋoda xardanʔ tʲunʲixʲimʔ, lusa ŋulʲiʔ ŋoka ŋeβɨ.
577 xardanʔ tʲunʲixʲimʔ , lusa ŋulʲiʔ ŋoka ŋeβɨ.
578 lusa ŋulʲiʔ ŋoka ŋeβje, nʲaxarʔ ŋarka jerβ parʲeŋodaʔ xeβxana ŋalgdɨʔ.
579 parʲeŋodaʔ xeβxana ŋamdɨʔ, pɨda sʲitʲa tolxa maŋgbadʲi pondʔ ŋamdɨʔ.
580 sʲitʲa tolxa nʲenetʲijeʔ pondʔ ŋamdɨʔ.
581 nʲudʲa-nʲe nʲenetʲije sʲarkaxana mʲipʲida.
582 sʲarkaxana mʲipʲida, manʲiβ:
583 - manʲ sʲidnaʔ taβɨ xasaβaβaʔ pʲurŋadmʔ.
584 tʲuku nʲaxarʔ xasaβa nʲi ŋaʔ.
585 nʲenetʲije sʲarkana ŋobʔ tolabʲida, ŋamge pʲirkana pɨdoʔ namnandoʔ sʲurxama tonʲiβ, pɨda nʲanda pudana sʲarka jerʲemʲa.
586 nʲanda jerʲeβnʲiβe, sʲarkanda xɨdʲamʔ inʲanʲaŋɨ ŋudana nʲamɨba pʲada, nʲe nardʲeda, manʲiβ:
587 - sʲarka nʲabʲi ŋudana nʲamarpada.
588 xasaβar tʲunda mʲud xadʲita malrʲi ŋadʲimtʲe, nʲe nɨxɨrʲi ŋudamta talʲnʲaʔ nexsalŋada, zolotej nuda jesʲa tudrʲeβ ŋadʲiβnʲiβ.
589 tad tʲikaβaxad nʲe manʲiβ:
590 - sʲidnaʔ jaxadanaʔ taβɨ lusaβaʔ tʲam.
591 lusamʔ ŋudadanda βada xanada.
592 lusa ŋopoj tal parxaljeʔ, jabtako-serʔ-lusaŋe xaja.
593 tadtʲikaβaxad ilamda βadʲesnʲiβ:
594 - tajkuj nʲaxarʔ-nʲe jaʔ ŋɨlad manʲ teβraβɨnʲintʲ, tajkuj nʲaxarʔ-nʲamʲi inʲamʲi xarxana madadunsʲ.
595 tadxaβ parʲeŋoda manʲiβ:
596 - nʲenetʲaʔ nʲiβɨ ŋaʔ.
597 solʲdat xaŋa.
598 solʲdat nʲaxarʔ tʲikɨ nʲenetʲamʔ matorjjaduma, lʲadjjaduma, xaradʔ pʲanʔ tʲebarjjadoʔ.
599 xadanʲidumʔ.
600 nʲedʲa nʲedanda mejda.
601 nʲaxarʔ-nʲenda nʲaʔ tadej mʲadmʔ melaʔ.
602 tadtʲikaβaxad nʲaxarʔ jalʲa mʲaknanda ilʲe, manʲiβ:
603 - ŋaβnanʲi xunananʲi xadakojemʲi tanʲasʲ.
604 xadamʲi xabtaβ?
605 xadamʲi βedʲeman xarβadmʔ.
606 tadtʲikaβaxad nʲar jada xenʲiβ.
607 sʲiβ jalʲa jada.
608 xadanda teβnʲiβ.
609 xadakojeda tamna ilʲeβɨ.
610 tamna ilʲeβɨ, nʲumda nʲutʲaŋa, sʲejanda lɨ malʲi, xa.
611 tadtʲikaxad mʲakanda xenʲiβ.
612 malda tʲi.
613 tʲikanʔ ilʲeljʔ.
614 parʲeŋodanta xaja.
615 sʲiβ jalʲa ilʲe.
616 nʲaxarʔ-nʲenda nʲaʔ jada xenʲim.
617 parʲeŋodanda manʲiβ:
618 - tʲukona ilʲe nʲiβ pʲirasʔ.
619 tadtʲikad sʲenʲej mʲata ŋoma xɨj janʔ teβnʲim.
620 nʲaxarŋe tad teβnʲidme.
621 puxutʲaʔ-nʲu tad sapʨaβanda zolotej xardaŋe xaja, xardaxananda tʲet ŋamdʲortʲanda, tʲet βaβda, ŋopoj zolotoj tolʲ, korda tanʲa.
622 tʲikɨ mʲata mʲuʔ jaβʔ-malŋe nʲiβ xanʲ.
623 malda.
624 jaβʔ-mal ja - salʲaʔ jaβʔ mal tɨjaŋe xemʲadaʔ jaxaŋe xemʲada.