1 1. jaβʔ-malʔ ilʲemʲa
2 βesakoxoʔ puxutʲaxaʔ ilʲeβexeʔ, ŋopoj joxorkana ŋamtɨxɨʔ.
3 laxa nakoʔ tʲaxad ŋamtɨxɨʔ, jaderomadʲiʔ juŋgu, ŋoromadʲiʔ juŋgu.
4 sʲanɨ ŋebta ŋod βesako puxutʲaxanda joŋgadejʔ.
5 - puxutʲa, xater ŋeda nʲenetʲanʲiʔ, xɨtʲer nʲenetʲaʔ ŋormantu ŋesʲetʲjjunʲu.
6 nʲadnʲi ŋatʲekerkan nʲinaβ ŋaʔ, tajku ŋaβradar sʲerta memɨ.
7 puxutʲa βesakoxonta seβda βejaʔ, manʲiβ:
8 - nʲadnʲi nʲudʲan nʲinaβ ŋa, sʲaxa nʲadand nʲudʲadmʔ ŋesadmʔ.
9 nʲerdʲe ŋobt teβmanʲiʔ malʲŋgana nʲind inʲamʔ manʲ sʲarɨbʲiβsʲannʲu.
10 βesakojar manʲiβ:
11 - saβand sʲisʲji manʲ sʲarɨbasʲtɨnnʲu, nʲadant ŋamged nʲudʲadmʔ ŋeŋgudmʔ.
12 tʲikaβaxad tas pasrumba pʲajxaʔ, nʲabʲir mantʲetɨ: manʲ nʲudʲadmʔ, nʲabʲijumʔ mantʲetɨ: manʲ nʲu dʲadmʔ.
13 ŋamge pʲirkana pʲoljjaxaʔ.
14 pʲoljja-xej!
15 - puxutʲa, tʲeda tʲuku jaxana meβaʔ sʲerʔ nʲinʲiʔ xanʲ.
16 pɨdar sʲabund pɨja jedʔ jaladʔ, manʲ poj ŋutonʲi jabso jedʔ jalkaβ.
17 βesako pʲinʔ sanejʔ, poj ŋutota jabso jedʔ jaljʔ, poj ŋutota lʲexed tɨbkakotʲamta nʲama.
18 puxutʲa pʲinʔ tarpje, manʲiβ:
19 - βesako xajannʲu, manʲŋod nʲidmʔ xantʔ.
20 sʲabunda pɨjanʔ ŋod teβɨ:
21 - ŋudanʲi tʲerŋe nʲambadamʲi juŋgu, βesako tɨbkamta nʲamraxasʲannʲu, manʲŋo te tujosokomʲi tanʲasʲannʲu, tʲikamʲi nʲamxadma.
22 te tujosakomta nʲamŋo, jaljʔ.
23 βesako nʲana laxanako xaja.
24 tadxaβ sʲiβ jalʲa jada, ma:
25 - mʲalxa xadejamʲi ŋadʲimʲa.
26 tarʲi ilʲeβanʲi sʲerʔ jaderpananʲi mʲalxa xadejanʲi nʲamnanta nʲidmʔ xantʲetu.
27 nʲamnanta xebnʲi saβa ŋedaraxa.
28 xadejaxanda paxand teβɨʔ.
29 tʲikɨ xadeja malrʲixʲinanda moda saŋgnaʔ.
30 - jaʔ ilŋe sʲertana ŋexeβabnanta tʲuku xadejar jaʔ ilaŋgaβaŋe xeβa sʲerʔ ŋenʲiβ.
31 xadejanda paxamʔ sʲidʲa xeβxad ŋanodarʲeβ sʲabarŋada nunanta.
32 xa deja janʔ lɨbsabtejʔ.
33 malanda nʲanɨmʔ ŋanʲi ŋano xuŋgadarʲeβ sʲabarŋada.
34 mal pʲa xoj ŋanoŋe xɨŋgada, ma:
35 - sʲibʲe ŋexeβa sʲibʲe ŋedaraxannʲu.
36 nʲerɨ sʲabromanta xeβnʲakuʔ nekalmantʲ pʲada.
37 - nʲer nʲene sʲibʲosʲannʲu, ŋanʲi ŋanomʲi saŋgoβo?
38 punʲaʔ sɨlɨʔ:
39 - ŋanonʲi xuŋgnʲaŋɨ βarxad ŋob ŋudaja nʲamβeda.
40 ŋudamda nʲoda xadeja paxaŋgad pɨxɨdada takdaja tarpota.
41 tarʲem βerdambdaxanta pɨxɨdada tarpɨʔ.
42 - tʲirnʲii-βesakoxoβaŋe tarsʲi βentʲerʔ xajan?
43 xeβnʲana pʲa nʲene ŋokannʲu, makodanʲi sarβa nʲenadumdama pʲakotʲamʲi ŋamge madar?
44 xadrʲu sʲit pʲaŋgodanakedmʔ.
45 tʲirnʲii-βesakor masʲnʲu:
46 - janʔ-tʲexe-βesako, sʲimʲi pʲirtabtaβ?
47 ŋanondʲiʔ βarmʔ nobʔ nʲaʔnʲoda ŋobt teβjjaxaʔ, xadana tʲebŋaxaʔ.
48 ta malxana tʲirnʲij-βesakor βɨjaŋgalɨ, jandʲexe-βesakor saxama.
49 tʲirnʲij-βesakomʔ ŋɨlanda meda.
50 - jandʲexe-βesako, nʲenesʲaŋo sʲimʲi pʲan?
51 - sʲit pʲanʲidamʔ.
52 - jandʲexe-βesako, manʲ ŋamsanʲi ŋamjita amgeda tanʲa.
53 sʲimʲi xantʲer meŋgun.
54 - sʲit nʲidam ŋamdʔ.
55 - manʲ amge naβanadmʔ.
56 nʲumʲi ŋedabtaŋgudmʔ.
57 nʲumʲi ŋedabtaŋ-gudm.
58 tʲikamʲi ŋamjin.
59 - jaa!
60 tʲirnʲij-βesako, sʲimʲi nʲelʲtʲembʲin!
61 nʲur amgeβna tuta?
62 - nʲuβ amgeβna tuta, xarmʲi xajeŋgudmʔ, tʲikamʲi xosaja ŋedataŋguβ, tʲikana nʲamaŋgur.
63 - nʲenesʲan ŋedaken?
64 jet nʲenesʲa ŋedataŋgoβabat ŋejaβa.
65 tʲirnʲij-βesako, mʲakanda jaljʔ.
66 laxanakore puxutʲa nʲana xaja.
67 puxutʲare jadnʲiβ, ŋob jaxakotʲamʔ xo, sɨrej numgana jaxakotʲa ibej.
68 - tʲukomʲe xantʲer ŋeda jaxakotʲa, jaxanta jajoloku tamʲindu ŋadʲi, xadrʲu somboj iʔ.
69 itmʲi ŋamŋgdama, jarakomʲi tanʲanʲu.
70 ŋob te tujos idmʔ tad saxalmanda, ŋokxanta ŋamada.
71 idmʔ ŋaβomaxadanta ma:
72 - kalʲe!
73 tʲeda amgemʲi xadkej!
74 ŋobkart jedʲamʲi juŋgu taŋok jalʲa jadmaxadanʲi, sʲaknʲi xamorta ŋebtonʲe nʲerdʲe βesakoxonʲi teβmanʲi totrʲeβ xaja, ŋobkart jedʲamʲi juŋgu.
75 tarsʲi xɨdʲamʲi tanʲannʲu, βesakonʲi it xanartʲadmʔ.
76 tujosamda βarxanda pantada, mʲakanda saljʔ.
77 laxanako βesakoja nʲana xaja.
78 βesako mʲata nʲaʔ jada.
79 puxutʲa ŋanʲi jadaβa.
80 βesakojar, mʲata nadʲimʲa.
81 - kalʲe!
82 tʲikananta mʲamʲi toda.
83 o da!
84 tɨbkakotʲamta poj ŋutota me, mʲatʔ tʲu, puxutʲa tumʔ pʲataβɨ.
85 βesakojar βaβxanta ŋamtɨʔ.
86 - puxutʲamʲe ŋanʲi nʲene puxutʲasʲnʲu, ŋamgeda xadkej?
87 tarʲi manʲijeda.
88 - βesako, nʲene nʲarʲinʲi sɨrŋannʲu, ŋamgemʔ manen?
89 - ŋaxa!
90 sʲit manʲijedmʔ.
91 nʲene ŋatʲekeŋe xeβenannʲu, amger xad kej?
92 ŋulʲiʔ nʲerdʲe ŋobt teβmanʲi tolxaŋe xeβenannʲu.
93 - ikβan nʲisʲan xarbʲilʔ?
94 - ikβanʔ xanʲadmʔ xarβa.
95 idmʔ ŋaβomamʲi βunʲi tanʲa.
96 βesako idmʔ naŋadʲa tujos tʲermʔ ŋarxanda ŋamada.
97 - tadxaβ βesako amger xadkej?
98 tarʲentʲar ŋulʲiʔ sumoβ!
99 - jedʲamʲi ŋulʲi juŋxu.
100 - βesako, nʲerdʲe nʲanʲi teβmaŋd pʲirŋe xeβen.
101 puxutʲa manʲiβ:
102 - manʲtβan xonʲidam, pɨdare amge xon?
103 βesako manʲiβ:
104 - sʲaxarʲi jaʔ tʲer tanʲaβnda ŋexeβabta tarana ŋamgerʲimʔ sʲertadmʔ, xojʔ ŋanomʔ mʲidmʔ.
105 puxutʲa jedmʔ pʲirʲe, jedamda tʲedada.
106 ŋoragʲ ŋamdjjaxaʔ.
107 βesako  xaramda nekalmantʲ nʲiβ ŋedaraʔ, manʲiβ:
108 - xarmʲi xajeβedmʔ.
109 - xaramd xanʲana xajer?
110 - nʲer madamsʲannʲu xojʔ ŋanomʔ sʲertadamsʲ, xojʔ ŋanonʲi mʲunʲa xajeβeβ.
111 puxutʲada manʲiβ:
112 - xarxananʲi ŋorama.
113 βesako lʲasejʔ, manʲiβ:
114 - nʲeʔ xarxaβana nʲoxodmʔ ŋorʔ.
115 nʲumʲi xarmʲi xosaja nʲiβ ŋedataŋguʔ.
116 ŋatʲekeja nʲi man xanʲa xantadmʔ, amgemʔ xosajaŋgudmʔ, jurkmanda mʲinanda pʲinʔ xaja.
117 laxanako ŋatʲekɨʔ nʲana xaja.
118 ŋatʲekɨ nʲisʲanta totrʲeβ sʲiβ jalʲa jada.
119 sʲiβ jalʲa ŋesoŋgana manʲiβ:
120 - nʲisʲanʲi mʲiβeda ŋanodʲi tʲi ŋeβɨnnʲu.
121 xoj ŋanoʔ namnʲa ŋadʲimʲa.
122 xoj ŋanomʔ sʲidʲa xeβxad manesartʲ pʲada, sʲidʲa ŋudana nʲernʲakuʔ nekalpa pʲada, ma:
123 - ŋanoda xadrʲu saŋgoβo?!
124 ŋanonda saŋgoβotamʔ manemantʲ punʲajuʔ sɨlɨʔ.
125 - ŋanonʲi βarmʔ ŋanʲi amge nʲamada.
126 jaʔ ŋɨlad ŋuda ŋadʲimta.
127 - xej!
128 tʲirnʲij-βesako ŋopoj βadamta memedannʲu.
129 ŋatʲekɨ ŋudamʔ nʲamada, ma:
130 - jebta!
131 nʲisʲar sʲit ŋamantʲ βatorŋasʲ.
132 ŋatʲekɨmʔ nʲamada.
133 xadejandʲiʔ paxamana ŋobkana tasʲiʔ pakaljjaxaʔ.
134 tadxaβ sʲanand xunand mʲirnabnandʲiŋod janʔ jaltʲadaŋaxaʔ, jalʲa ŋeβɨ, jaʔ xoba ŋeβɨ.
135 inʲanʲaŋɨ ŋudanda xaranʔ ŋatʲekɨmʔ moda, tad sʲurbβanda sʲidʲanʲaŋɨ jonʲi sʲura xajurŋa.
136 manʲ nʲaŋɨ xeβxemʲi sɨra.
137 ŋopojʲu mantʲetɨ:
138 "jaβʔ-mal, xanʲana xajan?
139 tɨkotʲainʲi xaβan xarβaʔ tʲetʲdaxat".
140 nʲabʲinʲaŋɨ xeβxana taʔ.
141 nʲenetʲaʔ jepxadana tɨdu padʲe ŋedaraβan xarβɨdu, ŋopojuʔ mantʲetɨ:
142 "jaβʔ-mal, xanʲana xajan?
143 tɨkotʲainaʔ ŋedaraβan xarβaβaʔ".
144 sʲiβ jalʲa sʲurmbʲixʲiʔ.
145 sʲibʲimdʲej jalʲanandʲiʔ nʲerandʲi nʲana sʲudbʲako todabtʲ.
146 tʲikɨ todabtʲaʔ nʲinʲa ŋobʔ sʲudbʲako nʲaraβa jedʲe loxomba sadna.
147 jedʲeʔ xeβanʔ taʔ matʲadtʲeda.
148 o da!
149 tʲikɨ jedʲejada xarta ja nʔ ŋamtɨ, ŋamtʲida xarta tʲedaʔ.
150 ŋoratʲ ŋamdjjaxaʔ, ma:
151 - tʲuku sʲentʲelaβa xubta jaβna jaderpanʲi.
152 irʲir xonaβtʲ xamadej, ma:
153 - xeβxanʲi xonad.
154 xanʲad ŋebtaŋod tʲirʔ panmʔ saŋgomtadmʔ ŋeβanda nʲiʔ nexsalŋada.
155 xanʲamna xeβamʲi nʲiβ xamʲedaʔ.
156 xunʲana jurkβanʲi jolʲtŋe xenakɨje nʲaraβa jedʲemʲi ŋanʲi loxoma.
157 ŋorŋaxama.
158 βenʲaŋɨ ŋudanda xaranʔ moda.
159 tʲenʲaŋɨ nʲenetʲaŋgbʲida xanondanandu tɨʔ ŋeβa soxoŋe ŋonaβɨdʔ, ŋopoj tʲordu:
160 "jaβʔ-mal jalʲar xamɨmdʔ!
161 jaβʔ-mal jalʲar xamɨmdʔ!"
162 sʲiβ jalʲa ŋesoŋgana xadejandʲiʔ paxamana tʲuui janʔ tarpjjaxaʔ.
163 - sʲit ŋamdnʲidme, ilʲeβan xarβan?
164 - ilʲeβaxaβan xanʲadmʔ xarβa.
165 - mʲertʲa-paraŋoda-nʲe-nʲumʔ nʲednʲi meβan xarβasʲetɨdmʔ ilnʲi jambanʔ.
166 jet xanʲ, tʲikamd nʲibat teβra sʲit ŋamdadmʔ.
167 - xanʲa xantadmʔ?
168 - xanʲa xeβamʔ tʲenʲeβaβɨ ŋebnʲi ŋaxakuj jalʲana manŋod nʲisʲaβ pʲaŋgu, tʲeda malʲe nʲanʲi sɨratʲ βesakodamnʲo.
169 tʲikɨ βadʲida xeta jandʲexe-βesako xadejanda paxamana tasʲiʔ seja.
170 tʲirnʲij-βesakoʔ-xasaβa-nʲu irʲida jaderŋa, seβanda jedʔ jadaljʔ.
171 sʲiβ jalʲa jada.
172 sʲiβ jalʲa ŋesoŋgana ma:
173 - amgemʲi xatʲer ŋa?
174 nʲisʲanʲi xarmʔ xosaja toβanʲi malʲŋgana sʲiβ jalʲa jadβanʲi malʲŋgana tʲuku totrʲeβ nʲiβsʲannʲu peda, tʲeda βɨnxaluda tolxadmʔ.
175 nɨlanaβanda poj xajʔ pojʔ xunŋe xaja.
176 - tʲukoβ xanʲaxart nʲidmʔ teβe, βɨnxalxadamnʲu.
177 jet tarʲemʔ majandortʲ mʲindanda, tantʲerarka ŋeβɨ, nʲernʲaŋɨ nʲero mandoloko jadxana nʲarjjana-tʲonʲako βanβɨ, ŋabtnʲij xeβda tantʲeraraβɨʔ.
178 - jet βɨnxalnʲidam.
179 tʲukukotʲamʔ nʲamβɨ ŋebnʲi βejakotʲa nʲiβŋa masʲi amgeŋe xantaβakedmʔ.
180 ŋelad sɨrakomna tʲonʲakotʲamʔ teβoda pʲada.
181 tʲonʲakojamʔ teβada, ŋɨlanda lʲabtrŋada.
182 ŋamantʲ pʲanʲidaβ, tʲenʲakotʲaja βaxaljʔ:
183 - tʲirnʲij-βesakoʔ-xasaβa-nʲu, ind jad?
184 - inʲi jada, men xarβanʲidam.
185 - sʲimʲi ŋamantʲ xarβabtan?
186 - ŋaxa.
187 - sʲimʲi ŋambnand malʲeŋgunaβ?
188 xunʲana ŋanʲi mer nʲiβ jaŋgod.
189 tʲedaʔ xanʲa mʲiŋan?
190 - xanʲa mʲindadmʔ, mʲertʲa-paraŋoda janʔ perŋaβ.
191 - mʲertʲa-paraŋoda jamʔ tʲenʲeβar?
192 - tʲenʲeβabnʲi nʲibnʲi pernʲiβaβ.
193 - mʲertʲa-paraŋoda jamʔ nʲentʲel jaŋe perŋar?
194 - jet pernʲiβaβ.
195 - mʲertʲa-paraŋoda jaxana ŋamgarʲi nʲadmaku nʲinʲaŋgodakɨ tara?
196 - jeg ŋejo.
197 nʲa taranʲiβ.
198 sʲit ŋaβomaxadanʲi ŋobtʲikɨ nʲidam xarβaŋguʔ.
199 ŋobtʔ jalʲjjaxaʔ.
200 sʲiβ jadŋaxaʔ.
201 tʲirnʲij-βesakoʔ-xasaβa-nʲu ŋulʲi nɨxɨsʲalma.
202 tʲonʲakor nʲeranda nʲana mʲalxa tɨdejamʔ maneŋa.
203 ŋaβo pʲirkana tʲonʲakor manʲiβ:
204 - tʲirnʲij-βesakoʔ-xasaβa-nʲu, amgemʔ maneŋan?
205 - ŋamgertmʔ nʲidmʔ manesʔ.
206 - nʲernʲaŋɨ mʲalxa tɨdeja tʲi ŋedannʲu, nʲir manʲijeʔ?
207 mʲalxa tɨdeja paxaŋgana matʔ-ŋeta-xabortaja.
208 tʲeda nʲarʲinda jadaŋgunʲima, xabortaja βenolaŋgunʲim, xabortaja βenolaŋgunʲim, pɨdare mʲalxa tɨdeja lʲambortana mota pond tanain, manʲe ŋamgarʲi sʲan jalʲa ŋebtaŋod tɨrsorʲe tɨdeja paxamana teβraŋguβaβa, pedare nʲinda ŋamdjin.
209 xeβxanda teβxaβa xabortaja tad nekalmanda, jaʔ pʲelʲarʲiʔ tʲirŋaʔ.
210 tadxaβ tad tʲonʲakoʔ xabortʲe pumna pedʲorʲida xaja.
211 pɨda lʲamborʲe tɨde mejo moʔ pond tʲikanʔ tanejʔ.
212 sʲanad xunat ŋatʲenabnandaŋod xabortʲer ŋadʲimʲa, tʲonʲakor ŋexed perŋada.
213 pʲaʔ paxamana to.
214 tʲirnʲij-βesakoʔ-nʲu tad sanejje, xabortaʔ nʲiʔ tarʲi tamasʲ, sʲidʲa ŋumbaja βadana nʲamada, sʲidʲa xeβxana ja sʲura xajurna.
215 xuʔ jedʔ mʲindʲakexeʔ.
216 tʲonʲada ŋanʲi xabortanda maxa nʲinʲa meβɨ.
217 sʲiβ jalʲa nʲaβotɨxɨ?
218 sʲiβ jalʲaʔ ŋesoŋgana tʲonʲakor nʲamda punʲakuʔ sʲakɨbtada:
219 - tʲirnʲij-βesakoʔ-xasaβa-nʲu, nʲernʲa sɨrŋan?
220 - sʲgrŋadmʔ.
221 - amgemʔ maneŋan?
222 - amgertmʔ nʲidmʔ manesʔ.
223 - tʲexe nʲarjjana xeʔ manejad?
224 - manejan.
225 - ŋamgeŋe perŋar?
226 - jet amge ŋedakɨ.
227 tʲirʔ ŋedakɨʔ.
228 - tʲikɨd tʲirʔ nʲi ŋaʔ.
229 tʲikɨd xeŋo-ŋanɨʔ xarad.
230 nʲar sʲidnʲi malʲe maneŋa.
231 manʲiʔ nʲanʲiʔ mʲinda.
232 βenʲekoda pedarej.
233 nʲar manda: "βenʲekotʲajunʲi pʲodajaxaʔ".
234 manʲiʔ pʲodaŋgunʲiʔ.
235 tanʲa pʲodxanʲiʔ.
236 tʲikad mandnʲiβ: "junajunʲi pʲodŋajaxaʔ".
237 nʲanda xeβuβna xɨnranʲidaβ.
238 ma:
239 - manʲŋod βenʲekotʲaβ tanʲa, pɨdarŋod βenʲekotʲar tanʲa, βenʲekoxojunʲiʔ pʲodajaxaʔ.
240 ma:
241 - pɨdxaβar βenʲekor ŋarka ŋeβɨ, jet pʲodajaxama.
242 oj!
243 da!
244 tʲenʲako xabortanda maxaʔ nʲid janʔ sajaanʲim.
245 ma.
246 tad tʲebβandʲiʔ jaxanandʲiʔ.
247 tʲonʲako ŋeta nʲiʔ xamornʲiβ.
248 tʲonʲako tad sanaβanda, nʲabʲijumʔ tʲemtʲaxad tad nʲamβanda, nʲabʲijumʔ indkartada juŋgu.
249 - kalʲe!
250 βenʲekotʲar nʲudʲaβ ŋenʲiβ, βenʲekomʲi xada nʲiraβ.
251 junajunʲi pʲodajaxama.
252 - jekar, jet pʲodajaxama.
253 sʲidʲa joŋgdanda nʲidaβ nʲambʲu, tʲikɨ sʲudbʲa-junar turolmansaβej sanejʔ.
254 xaborta junamʔ sʲanpoj matʲidʲeda, mʲijomanda sʲerʔ nʲaβotɨ.
255 n jabʲijumʔ manʲiβ:
256 - manʲtβan junamʲi xaŋaβ, pɨdxaβarʲi junarʲi xenaraxannʲu.
257 - xajo.
258 manʲiβ:
259 - tʲeda mʲakanʲi xantnʲiβamʔ.
260 tʲonʲakor ma:
261 - tʲirnʲij-βesakoʔ-nʲu, iŋul tanʲa?
262 - tanʲa.
263 - tʲeda xantʲer ilʲe saβa?
264 - jekar.
265 - xantʲer jexeran.
266 masʲnʲu: inʲi ŋuʔ tanʲa.
267 nʲar mandnʲiβ: "βenʲekomd temdaxaβ".
268 pɨdar sʲimʲi xanʲan sʲajʔ.
269 ŋamge pʲirkana mandnʲinaβ: "jekar".
270 tʲeda saβaβna sɨrjin: sʲentʲaʔ mʲunʲa ŋajabej-xoroβaʔ-xoba tanʲaŋgu, βaktʲamda manetar.
271 mʲakandu teβɨdʔ.
272 tarʲem janamboβna sɨsumbʲi, jadernʲiβ.
273 xaradʔ sʲeŋtʲa sʲatanʲaŋɨ xeβxana ŋamgeβ ŋajabej-xoroβaʔ-xobaʔ βaktʲa ŋadʲi, tamna nʲarjja.
274 tʲonʲagko nʲamda tabʲedada lapana.
275 mʲatʔ tʲunʲimʔ.
276 sʲamʲan ŋaβar ŋoka ŋenʲiβ.
277 idʔ amge ŋamtɨma.
278 manʲiβ:
279 - pɨdxaβar βenʲekotʲar tanʲanʲiβ, βenʲekotʲaemʲi xadanʲidaβ, βenʲekomd temdadaβa.
280 - xej!
281 βenʲekotʲaemʲi parmkotʲaemʲi nʲisʲaβ ŋa, manʲ xarβabtanaβnanʲi temdaŋgodaker.
282 - xantar amge ŋedakɨ?
283 - xandanʲi pʲelʲaβada ŋadʲi.
284 - xanʲana ŋa?
285 nʲiraβ xanaŋgu ŋadʲxaβabta.
286 - manʲ nʲer jadβanʲi sʲerʔ manʲijeβasʲ.
287 pʲixʲinʲa ŋa.
288 - pʲixʲinʲa ŋa.
289 manekamʲima.
290 pʲinʔ sʲajna.
291 xoroβaʔ-xobamʔ nʲamada.
292 ma:
293 - manʲ xandamʲi tʲukona ŋa.
294 - xɨnaβa?
295 - tʲamʔ ŋeda.
296 - xantʲer meŋgur ŋajabej-xoroβaʔ-xobamʔ, βarʲeta jadanannʲu.
297 nʲuxu-lʲembaŋgur?
298 - jet xɨtʲerʲi mʲinrʲeŋguβama.
299 - jet xanaŋgu nʲiraβ, amgerʲind jej ŋenʲiβ.
300 (nʲada nʲer manʲisʲaβ: "xaradʔ βarʔ jolʲtʲand xanʲar nʲuxulʲembʲuʔ, xaradʔ βaranʔ teβmaxadant sɨranʔ lexebtaŋgunʲiraβ, βaktʲida ŋobʔ nʲaʔ ŋet nʲimnʲa nexedaŋgud, nɨxɨ janʔ mʲiŋane, mandan: «tʲikɨ janʔ sʲimʲi xana».") - jet xanade.
301 nʲuxulʲenʲidaβ.
302 xaradʔ βarxana ŋajabej-xoroβaʔ-xobamʔ lʲexebtada, βakoda ŋeta nʲiʔ mesʲ manʲiβ:
303 - mʲertʲa-paraŋoda janʔ sʲimʲi xana, ŋajabej-xoroβaʔ-xoba.
304 tʲikaβaxad ŋɨlanda nʲad ŋajabej-xoroβaʔ-xoba tʲuutʲej mɨnʲim.
305 sʲid jaʔ joruβna tarʲi mʲarʲunʲiβ.
306 - jeej!
307 mantʲβan xanʲidam, tʲonʲako parmʲelaβekotʲamʲi ŋenʲisʲaβ, nʲakotʲamʲi xajonʲiβ.
308 - juŋgo.
309 manʲ tʲukona medmʔ.
310 tʲonʲakotʲa teβanda nʲinʲa tʲorʲjja ŋamdɨ ŋajabej xoroβaʔ xobaʔ nʲinʲa.
311 sʲiβ jalʲa sʲajnaŋaxaʔ.
312 sʲiβ jalʲa ŋesoŋgana tʲonʲako nʲamda maxanʲakuʔ sʲakɨbtada.
313 ma:
314 - nʲernʲa sɨrŋan?
315 - sɨrŋadmʔ.
316 - nʲernʲaŋɨ jalmorʲe tʲirʲe manʲijejdʔ?
317 - manʲijejan.
318 - tʲikɨd tʲirʔ nʲi ŋaʔ.
319 tʲikɨd mʲertʲa-paraŋodaʔ xaradʔ.
320 tadxaβ ŋajabej-xoroβaʔ-xoba nʲermʲa sertʔ xamnana, tarʲem manʲ, - tʲonʲa kor ma.
321 ŋajabej-xoroβaʔ-xoba nʲermʲaʔ sʲiʔ xeβanʔ ta labʲelejʔ, xartʲindʲiʔ nʲinʲa tamna xɨnbʲixʲiʔ.
322 - tʲirnʲij-βesakoʔ-nʲu, tʲaxakuj nʲermʲaʔ sʲiʔ xeβxɨ sʲiβa tʲi ŋeda, sʲiβana xoroβand-xoba pʲiruβna ŋobkart βakanda nʲisʲ tamdla sɨrar sʲirad, salabaʔ nʲiʔ xobar lʲexebtad.
323 xoroβand-xoba nʲiʔ ŋamdadʔ, tʲikaβaxad xart tʲirnʲij-βesakoʔ-xasaβa-nʲun ŋenʲinaβ, xart tʲenʲeβanaβa.
324 tʲonʲako xuna xenʲakɨ.
325 xubtaxana nʲerdʲenʲa jalemdata ŋeβa ŋadʲimʲa, nʲerdʲenʲa nʲertʲa-lusa sʲidʲa jedmʔ mʲinʲe tʲi tona.
326 paβejʔ nʲinʲa jedxajuda nʲida sodabalaʔ.
327 nʲermʲanda sertʔ xamɨ.
328 sʲexerenda nʲinʲa xorkɨtʲa ŋamdɨ?
329 xantʲer ŋeda sarmʲik?
330 jedxajuda jaʔ nʲakuʔ meŋajuda.
331 - nʲamβɨ ŋebnanʲi somboj-amgarʲinnʲu, nʲedetananʲi tarana amgerʲi nʲi ŋa?
332 jedxajuda tajku mexeja nʲamɨbʲida, nʲalggrasʲetɨda.
333 - nʲedetamʲi sʲanakobnʲi nʲadnʲi satʲetɨ, nʲedetamʲi xorpata saβa ŋeβɨ.
334 jadmanda mʲumnʲa ŋeta xadrʲi xaja.
335 - jeβej?
336 ŋob mekad amgarʲimʔ xodemʔ.
337 - amgemʔ?
338 - xorkɨ ŋebtaβ, ŋulʲi somboj-amgarʲi, tarta xurʲi somboj.
339 - amgena tara tartʲa sarmʲik?
340 - pɨdxaβar nʲadnʲi sʲanakobnʲiʔ sajbtasʲtɨnnʲu, nʲadnʲi taʔ pʲiruβna xanna.
341 - lusa nʲojdamd jurkʔ.
342 - lusaʔ xunɨʔ.
343 nʲabʲi jembjej!
344 ŋobkana jaljjaxaʔ.
345 manʲijeda, ma:
346 - sʲidʲa jadna to.
347 - tajkuj mena, - [nʲertʲa-lusa ma. - je. puʃkarʲeβa].
348 - ŋeβɨnnʲu, tarsʲi mekad ŋeβɨnnʲu.
349 tʲaŋgadasaβej ŋadʲimtʲe, nʲin tʲaxaʔ panɨ takaltʲ nʲedetaja teβoda pʲada, pʲilʲi tandʲidʲesʲtɨda, ŋedarasʲtɨda.
350 ŋarʲi pʲinʲakuʔ.
351 tarʲemʔ nʲorakutanda xorkɨtʲar ŋajabej-xoroβaʔ-xobaʔ nʲaʔ xaja, nʲe detaja tanʲakuʔ tu, pɨda ŋajabej-xoroβaʔ-xobaʔ tʲaxaʔ ŋamdɨʔ, nʲedetaja ŋajabej-xoroβaʔ-xobaʔ nʲiʔ tarʲi tamasʲ.
352 tʲikaβaxad ŋajabej-xoroβaʔ-xoba tʲuutʲej pʲenej.
353 sʲenʲej tʲonʲakomda xanʲad xosa tʲikanʔ ŋajabej-xoroβaʔ-xoba ta labsara.
354 ŋetuʔ nʲi xamɨdʔ.
355 tʲonʲako masʲi:
356 - ŋajabej-xoroβaʔ-xoba tʲukoβaxad sʲan nʲi xand, tʲukod jada pʲarʲiʔ.
357 manʲe jamʲi ŋenʲiβ, tʲukona xaidmʔ.
358 sʲiβ jalʲa jadŋaxaʔ.
359 nʲisʲanda mʲiβɨ xoj ŋanoβna ŋadʲimʲa.
360 jandʲexe-βesako xadejaxanda paxamana tʲeda tarpota.
361 - nʲemʲi tar?
362 - nʲer ŋedakɨ, ŋobkaβ nʲemʔ tadmʔ.
363 nʲemʔ nʲabʲi martʲaŋgad nʲamada, pʲibtʲinda tʲaxaʔ sakadtada ma:
364 - nʲemʲi tarraβa, tʲeda sʲit ŋamdadmʔ.
365 xadeja paxamana ŋanʲi sejʲaŋa.
366 sʲenʲejndʲiʔ totrʲeβ sʲidʲa xeβxana nʲenetʲa jaβʔ-malmʔ tʲorpʲiʔ.
367 ŋanʲi sʲiβ jalʲa mʲiŋaβa.
368 ŋanʲi tʲikɨ sʲeŋglaβandʲiʔ teβjjaxaʔ, ŋanʲi punʲaʔ pʲenjjaxaʔ, ŋanʲi xadejandʲiʔ paxa mana ŋadʲimʲaxaʔ.
369 nʲumdʲa janʔ xaβrada ma:
370 - tʲeda jadersanʲima, tʲeda jadersanʲima, amgemʔ manesan?
371 ma:
372 - maxanʲaŋɨ nʲenetʲaʔ sɨra xadxana tɨdu ŋedaraβan xarβaʔ, sʲatanʲaŋe jepdʲaxana tɨdu ŋedaraβan xarβaʔ.
373 ŋopoj tʲordu: "jaβʔ-mal, jalʲadaβa taʔ!" jaβʔ-maldu xʲibʲidʲa ŋedakɨ.
374 ŋanʲir tʲorʲejʔ: "jaβʔ-mal!"
375 βesako manʲiβ:
376 - jaβʔ-mal - pɨdar.
377 nʲit jalʲat xaβrama.
378 nʲid xɨnumtʲalmannʲu.
379 sʲepanda mʲulʃʲa βesako xulsotolɨ, ma:
380 - tʲukokotʲa xana.
381 tʲeda xanʲaʔ, nʲisʲand mʲamna xanʲ, nʲisʲand mʲad sʲatanʲaŋɨ xeβnʲajuʔ jeŋa mal xanta, tʲikɨ jeŋa mal sʲidʲa jaxaŋe xanta, tʲanʲana ŋobtʔ ŋadaraŋguxuʔ, tarka salʲadʲiʔ pedara ŋeŋgu, tʲuku labtejkomd ŋeβand ŋɨlʔ meire, tʲikanʔ xonain.
382 jalnʲim.
383 nʲisʲanda mʲatʔ teβɨ.
384 nʲisʲanda poj ŋutosʔ jabsod sʲidʲa ŋotalmamda ŋobtʔ ladŋaxajuda.
385 ŋeβanda nʲid ŋobʔ laxanana βaxaljʔ:
386 - puxutʲa, xɨnʲana xajan?
387 manʲ sʲiβ nuʔ tʲaxana xajadmʔ.
388 puxutʲa ŋɨlnʲad βaxalmonda:
389 - βesako, manʲ sʲiβ serʲerʔ tʲaxana xajadmʔ.
390 tʲuku xɨtʲer ŋeda nʲumʲi ŋesa?
391 nʲu taroda juŋgunnʲu.
392 xɨtʲer sʲidnʲiʔ βenolta, nʲudʲaju nʲuktʲamʲi saβarkajumʔ nʲuktʲamʲi - tʲonʲako nʲisʲaβ ŋa.
393 - puxutʲa, ŋobtʔ teββa sʲerʔ nʲinʲi xanʲ, ŋaβxɨ ilʲe memɨ mʲaʔ mʲuʔ ŋobtʔ teββa jalʲana teβorkanʲi.
394 pɨdar janʲaŋɨ-nʲenetʲai-sʲertabadaŋe-tara, manʲe nuβʔ nʲana meŋgudmʔ.
395 nʲisʲanda tɨbkakotʲamda nʲama, ŋuʔ poj tola mosaβej xarβxana jadomdada.
396 tʲikamda jadolʲeda.
397 jandʲexe-irʲinda βadʲemɨ jeŋamʔ nʲodalŋa, sʲidʲa jaxaŋe xaja, ŋobtʔ ŋadaraŋaxaʔ, pedaranʔ pakaljʔ, mal βɨŋgonʔ teβɨʔ, labtejnda nʲaβ ne, labtejmda ŋeβanda ŋɨlʔ me, xonejʔ.
398 nʲemada xaja.
399 xaradʔ mʲunʲa xonʲoβɨ, mʲertʲa-paraŋoda-nʲe-nʲu nʲedanda tara, jaβʔ-malŋe xaja.