1 ЕВАКО-НЕ-ҢАЦЕКЫ
2 Сюдбабц хось: яʼ хойʼ ниня тэкоця мякана илевы ңоˮлери Не-ңацекэця.
3 Ялехэʼ тебтахаʼ ңухукоцида мята сидя хэвувна ңамдтарцетыда.
4 Тикыда мание ваˮавнда ертʼ ңамдсеты.
5 И да ядэласеты: "ңавнанда хунананда таневыˮ ңэбтуʼ небяв, нисяв.
6 Тикымда ңулиˮ нив тенеˮ.
7 ңаˮна мыновав харваванда ханзерˮ сава ңэбта ңаврадув хось?"
8 Таремʼ лаханаханда макоданда сивня хибяхава лаханавононда, таремʼ мамононда:
9 - Тедариʼ хонадˮ!
10 Хувы яломдата харта тенева.
11 Тикый намда Не-ңацекэр хонэйˮ.
12 Хувыʼ няна немада хая.
13 Пинʼ тарпыˮ.
14 Пинʼ тарпʼмахаданда саңода хэвы мята сидя хэванʼ.
15 Сидя ты туска юседаңахаʼ, хуриʼ сававна яхавэхэʼ.
16 Хэвʼ сятиʼ нина малʼ туˮңэ морена.
17 Тикавахана Не-Ңацекы харамда няʼма, ңаебарць пяда.
18 Сянад хунад илевы ңэбта пилиˮ ңамзанда таневанʼ, ңамгэхэртада ни яңгуˮ.
19 Небярида, нисярида яңгу.
20 Хувыʼ няна харта индканда пинʼ тарпыˮ.
21 ңавота серота ёльцеˮмахаданда яʼ сид янʼ саңода хэвы.
22 Яʼ сидкад нид ты минда нябтедʼ тэвыˮ Тет-Сэрˮ-Мэта, инямда, тюрмда ңобкана мойда.
23 Мядʼ няювʼ ядалйˮ.
24 Не-Ңацекэр тикымʼ манэць мятʼ сакада.
25 Тикыринда ңодˮ Тетмʼ-Сэрˮ-Мэтар ңобтаремʼ мятʼ сакада.
26 Пыда таремʼ ма:
27 - Сит хосаямʼ.
28 Не-ңацекэр ма:
29 - Сэван ялумы тэкуця мякадан нимʼ тутˮ.
30 Тикымʼ намда Тет-Сэрˮ-Мэта-Хасава пуняʼ хэмбедейˮ, тикыринда хая.
31 Сяхаʼ ңавранд яңговаˮ мальңгана сит ңавламбивась.
32 Инямда, тюрмда няˮмахаданада тет сэраконда инямʼ манзабта, хаданда, ңылма.
33 Сэвхад тяхама.
34 Тикавахана Не-ңацекы сидя тюсипойʼ ңамдыˮ.
35 ңухукохованда лаханорңа:
36 - Ңухукоцин, хаюданакэдаˮ.
37 Хаˮамңгуданакэв.
38 Ңаврав ңулиˮ яңгу.
39 Пыдараˮ няваидаˮ ңаварˮ ни тараˮ.
40 Тикыда вадида мэсоʼмахаданда хонэй.
41 Хувыʼ няна немада хая.
42 Пинʼ тарпыˮ.
43 Яʼ сид янʼ саңода хэвы.
44 Яʼ сидкад Сюдбя-Вэсако ябта мятʼ лэтʼ, мосавэй харвʼ ядциеда.
45 Не-Нацекы сейда хэсь мятʼ сакада, нимда ной никцямда сяра.
46 Ңухукоцяхата ма:
47 - Хаюданакэдаˮ, Сюдбя-Вэсако маньен симʼ ңамзь харва!
48 Тикында вадида мэсоˮмахаданда яʼ сидʼ янʼ варелибтеда.
49 Сянад хунад сюрбвы ңэбта санода хэвы марцьконда нимня.
50 Сюдбя-Вэсако тамна ңадьвы.
51 Не-ңацекы тамна сюрбы.
52 Саць пэдэйʼ.
53 Таремʼ сырпата-нернда няна ңухуку мядʼ ңарʼ мяˮ ңади.
54 Хахая тэвхана ңаркамбойʼ мяˮ ңэвы.
55 Пухутанна индканда мятʼ тэвыˮ.
56 Мякат тарпыʼ Пухуцярка-Не.
57 Не-Ңацекымʼ манэць Пухуцярка-Не манзь ханада:
58 - Ханяд тон?
59 Не-Ңацекы таремʼ ма:
60 - Сюдбя-Вэсако пумнан миңась.
61 Пухуцярка-Не таремʼ ма:
62 - Мятʼ тюваˮ.
63 Мань Нюв таня.
64 Нимда Марендя-Хасава.
65 Пыда сава Ханена.
66 Пухуцярка-Не Не-Ңацекымʼ мятʼ тюле.
67 Паныдамда, пивадамда миˮңа.
68 Сававна ембкаяда, хури сававна ңавлада.
69 Пэвсюмбыʼ няна Ханена то.
70 Не-Ңацекэнʼ таремʼ ма:
71 - Мань симʼ теневанувˮ?
72 Не-ңацекэр пыда таремʼ ма:
73 - Ханяд сяхаʼ манэтам?
74 Сэван ялумзь ңопориңэ илевэманзь ңухукоцин нясь.
75 Ханенар таремʼ ма:
76 - Ңаврадамд тамбвэмʼ мань ңаʼ нисядамʼ.
77 Тедаʼ мядикоходанд мань питорцамʼ.
78 Мань сюдбядаревʼ ембˮявась.
79 Тедаʼ маниʼ нянаниʼ илеˮ.
80 Не-Ңацекы таремʼ ма:
81 - Ңухукоцин хаиˮ.
82 Яръенакыˮ.
83 Ханена таремʼ ма:
84 - Ңухукоцит малʼ таян.
85 Тикымʼ намдхава Не-Ңацекы Марендя-Хасавамʼ севолңада:
86 - Тедахаваʼ пыдар няданд ханяхарт нимʼ хантˮ.
87 Тенад иле.