1 Марядʼ мюня нудмʼ.
2 Тикахана сидя ты таняңахаˮ.
3 Сидя тэхэʼ няд марядʼ нимня марядʼ тяхаʼ санэйвʼ.
4 Санаˮмахаданиʼ тамна тяхаʼ нэкалңав.
5 Нерниʼ няна пирця харадмʼ манэˮңадмʼ.
6 Махалэйда мятревʼ саблюй.
7 Сидя сидеранда си, нёнда си таня.
8 Нёнда си танцянзавэй.
9 Танцяʼ серʼ танэйвʼ.
10 Нёʼ сивня мяттюдмʼ.
11 Маха саблюй харадʼ мюмня иртʼ хаядмʼ.
12 Нярˮ мадав.
13 Няби нёʼ сивня тарпывʼ.
14 Харадмʼ хэхэдёйтав.
15 Нёʼ симʼ нэв, танцяʼ серʼ хаˮамывʼ.
16 Яда нэкалңав, маханякубта мэв.
17 Маханякубтаʼ миманиʼ серʼ яхаʼ таркавна ңадимядмʼ.
18 Няби яхаʼ таркамʼ ңохолё мадав.
19 Тарканда пыяʼ ниʼ танэйвʼ.
20 Тарканда пыямʼ мадаˮмахаданиʼ ңаниʼ ңохолё нэкалңав, яхамʼ мадав.
21 Тадтикахад ңаниʼ ялъяваˮ нерниʼ няна пямʼ манэˮңадмʼ.
22 Пямʼ маханяңы хэвувнанда яляʼ пырдариʼ сюртев.
23 Тамна тяхаˮ ялъявʼ, ядваниʼ серʼ пулмʼ манэˮңадмʼ.
24 Пулʼ серʼ яхамʼ нябиʼ няʼ мадав.
25 Тадтикахад сятанякубтаʼ мэхэя тамна тяхаʼ ялъявʼ.
26 Тадтикахад марядʼ нё сивня тарпывʼ.