1 Сэвˮни ңадимбʼ яхаʼ таркаʼ пыяхана мэвэдмʼ.
2 Таркаʼ пыяхад тодоʼ яхаˮ сырңадмʼ: сятаняʼ сырңадмʼ, маханяʼ сырңадмʼ.
3 Маханяңэюмʼ таркамда ңохолё мада таслав.
4 ңохолё мадав, яда нэкалңав.
5 Ядадмʼ, ядадмʼ, ядадмʼ.
6 ңобʼ ядадмʼ, ңобʼ ядадмʼ.
7 Нерни няна пирця махалэйтана харадмʼ манэˮңадмʼ.
8 Маханяңы хэвувнанда хаямаʼ, ядувнанда - харданда пя ядувна тюˮуʼ танэйвˮ.
9 Махалэянда ниʼ танэйвˮ.
10 Махалэянда нид яˮамна сырңадмʼ.
11 Тадтикахад тасиʼ хаˮмывˮ.
12 Тасиʼ хаˮамˮмахадани тамна тяха нэкалңав.
13 ңохолырць яхамʼ пулʼ ңыламна мадав. Таханяюʼ тэвывʼ.
14 Таремʼ пэрңава, яхаʼварувна, яхаʼ лаңгʼ сятаняюмна ңобʼ яда нэкалңав.
15 Таняна ңано яңговы, ңано яхаʼ тяханяна ңэвы.
16 Яхамʼ ңохолырць ңаноʼ няюʼ мадав.
17 ңаномʼ манэˮңава ңаноход тамна тяха ядалъявʼ.
18 Я хойʼ ниня нуваˮ.
19 Яʼ хой нид нерняʼ сырңаваˮ.
20 Яхаʼ хэвхана ңаномʼ манэˮңаваˮ.
21 ңаноʼ няʼ яда нэкалңаваˮ.
22 Нанонʼ тэвынаˮ.
23 ңаномʼ итʼ нэкалңаваˮ.
24 Лабята яхамʼ тяханяюʼ мадаваˮ.
25 ңановаˮ яхаʼ тиркана хаеваˮ.
26 Яхаʼ лаңгʼ маханяңы тирмананда тасиʼ хаˮавраваˮ.
27 Пулʼ ңэсондʼ тэвынаˮ.
28 Пулʼ ңэсондʼ таремʼ таславаˮ: пулʼ ңыламна ңохолё хэсь тара.
29 Пулʼ ңыламна ңохолё хаяваˮ.
30 Яʼ тирʼ ниʼ танаˮмахаданаˮ, пирця махалэй саблюй харадмʼ манэˮңаваˮ.
31 Харадʼ няʼ хаяваˮ, нянда тэвˮмахаданаˮ, ядувнанда, харданда пя ядувна махалэянда ниʼ танэйнаˮ.
32 Махалэянда нид яˮамна сырңаваˮ.
33 Яˮамна сыроˮмахаданаˮ янʼ хаˮмынаˮ.
34 Танцяʼ нимня хаˮмынаˮ.
35 Тадтикахавахад харадмʼ сятаняңы хэвувнанда сюртехэя, хойʼ тирʼ серʼ ялъянаˮ.
36 Маханякубтаʼ мэваˮ, ңобʼ ядаваˮ-ядаваˮ.
37 Тадтикахад яхаʼ тарканʼ тэвынаˮ.
38 Яха таркамʼ тарканда пыяʼ няюʼ мада таславаˮ.
39 Идмʼ ңохолё мадаваˮ.
40 Таркаʼ пыянʼ нултаваˮ.