1 ңобңгуна яʼ ханяхавана хасава грушиʼ пяхад груша маˮламбавы.
2 Грушаˮ хуриˮ падярахакаковˮ ңопой ңодямʼ хасава нянда пуд сепанда мюʼ маˮламбида.
3 Тэри ныдпида.
4 ңобʼ груша янʼ мантэейˮ.
5 Хасава танцянда серʼ тасиˮ хаˮмыˮ.
6 Лэмбараханда ңэда тохоцянда мюд, тохоця паданда мюд груши паңгалмы хыдяʼ мюʼ пыдабтамба пяяда.
7 Вэрдамбидов-вэрдамбидов.
8 Тикы падда тарсиʼ ңарка ңэванонда.
9 Грушаˮ сусанаваˮ тоˮолхаˮ, сусаваˮ тоˮолхаˮ ңобʼ ниңаˮ.
10 Хасава пинякуˮ салкая тяхакуˮ вэнамъейˮ.
11 ңопой грушамʼ няанда нэкалңада.
12 Иканда тяхад няръяна ңоксям, икʼ пэбтˮма ңоксям хаˮавра.
13 Грушамʼ тэˮңада, хыдяʼ мюʼ пуняˮ мэда.
14 Тохоцямда иканда тяхаʼ сярада.
15 Тяхад ңани ңопой хасава хоровамʼ минре ңадимя.
16 Хасавнд тикы ңоди маˮламбаднд, сидя хыдяда терсавэйхаʼ, ңоб хыдяда терси.
17 Нябтинд манэць тикар хорова нивы ңаˮ, тикар хуˮхобаˮяˮ ңэвы - коза.
18 Козаʼ иканда тяхана сеңга тайна.
19 Хасава козамʼ минрена нянда хэвувна ңобʼ тяха хая.
20 Груши маˮламбада хасава панˮямда, пан хыдяˮямда тамна тяхаˮ тердембида.
21 ңэванда ниня сэрˮ саваˮямʼ мэˮңа.
22 Таремʼ сырапʼ тяхад ңацекэко, хасава ңацекэко ңани сабетана таˮаль пэрңада.
23 Вэбаˮ тяхад ңадиберңа.
24 ңэдалёванда серʼ хахая то.
25 Хасаваʼ хэванʼ нултада.
26 Велосипеданда нид хаˮмыˮ.
27 Янʼ хавдада, велосипедакомда.
28 Грушиʼ хыдяʼ мюд ңобʼ грушамʼ няˮма.
29 Пуняʼ мэда.
30 Тад тикахад грушаˮ хыдямʼ велосипеданда някуʼ тэврада.
31 Велосипедаˮямда нулабтада.
32 Савамбоковна тидхалембида.
33 ңэмда велосипедʼ нярхалда есяʼ нябиʼ няюʼ мода.
34 Тадтикахад яблокта (грушита) хыдямʼ велосипеданда няˮморцянда нерняңы хэванʼ ңабтада.
35 Тад тикахавад хасава, хасава ңацекы ңэдалэйˮ.
36 ңоди маˮламбадар танцяʼ ниня нусь тамна тяхаˮ ңоди маˮламби.
37 Хасава ңацекы ңэдалы, сятаняʼ-маханяʼ, сятаняʼ-маханяʼ.
38 Ханяңыˮ грушида мантыртакыˮ.
39 Таремʼ миндяханда неранда няʼ не ңацекымʼ манэˮңаˮ.
40 Не ңацекэкоʼ сидя паңгалярта.
41 Сидя парисеˮэ паңгаляркавада паридериңахаʼ.
42 Таремʼ мэнаханда ңобтʼ тебңахаʼ.
43 Хасава ңацекэр мане пэˮянʼ табкая велосипедада хава.
44 Моˮнэйʼ хасава ңацекы.
45 Грушида явна тэри тахараˮ.
46 Хасава ңакцекэко тохоʼ тобаканда ханеракомʼ тасикуʼ мэда, ңэмда еденакы.
47 Хэвхананда няхар хасава ңацекы мэвыˮ.
48 Тасехэй имбытадотана, сюнраха имбытадотана, няръяна имбытадотана хасава ңацекы.
49 Нямдоʼ груша маˮламба нядаба пядоʼ.
50 Груши хыдяʼ мюʼ моёˮядоʼ.
51 ңобкана маˮлэйдоʼ.
52 ңобʼ хасава ңацекэко сянакубцмʼ мэˮңов.
53 Нябиˮ нида нямдоʼ нядаба паңгалмы грушаˮ хыдямʼ велосипедʼ ниʼ ңаюбадоʼ.
54 Мане пэˮямʼ хэвняʼ моˮмаˮ.
55 Харто индоʼ серʼ хасава ңацекыˮ тамна тяхаʼ ялъядˮ, нядоʼ нябиʼ няюʼ ңэдалэйˮ.
56 Таремʼ яднахандоʼ иня няңыʼ хэвувнандоʼ няндоʼ мантэвы савамʼ хоˮ.
57 Сюнраха имбытадотана хасава ңацекы нянда савамʼ няˮмада, няханда тёренакыˮ: Хасавов савамд юрвэнэй!
58 Нябир: Пирхата ңэвынёˮ юрˮявэвнёˮ.
59 Савами нерʼ, не ңацекымʼ манэˮмани серʼ ңэвани нид, ңобтʼ тебваниʼ серʼ хэвняʼ мантэрхавыˮнёʼ.
60 Ненаˮсаванёˮ савакоцями таранёˮ.
61 Ти савами таˮванд еˮэйңэ тюку грушадар ханаˮ.
62 Хасава ңацекы няхаюта няна сюрамба хая.
63 Няхаюта няʼ тодоʼ ңопой груша миˮңаˮ.
64 Тикы тикандоʼ тамна тяхаʼ ялъядˮ.
65 Сюнраха имбытадотана хасава ңацекэр грушамда имбытаканда тэˮңада тика сякалңада.
66 Сянакубцкоцямда вэрда тамна тяхаˮ ялъядˮ.
67 ңоди маˮламбада, груши хаˮаврамбада хасавар танцяңгаданда ңаниʼ тасиʼ хаˮмыˮ.
68 ңобʼ грушита хыдяʼ мюʼ сырңа.
69 Грушита хыдя терси.
70 Маˮнив: ңамгэ, няхарˮ грушиˮ хыдя ңэсь таранархасиʼ.
71 ңопой, сидя, няхаромдэйми яңгу.
72 Хэвувнанда няхар хасава ңацекэкоˮ тоˮ, нерцюй.
73 Хасава ибедорңа савамда тюˮукуʼ пэрңа.
74 Хасава ңацекэра, итоʼ серʼ ханзерʼ ядсаˮтаремʼ ядаˮ.
75 Тикы яляда хуриʼ хаеракось, хуриʼ савамбойкакось, хуриʼ хэˮнёкакось.
76 Та валакада.