1 xabʲi βesakuʔ nʲudʲa nʲu
2 laxanakoβamʲi ʨi, xabʲi βesaku.
3 xabʲi βesakuʔ ŋʲaxarʔ xasaβa nʲuda.
4 nʲudʲa nʲudʲa salaku.
5 xabʲi βesakor ilʲʨamʔ xanonʨetɨ sɨraʔ, taʔ.
6 ngamgeʔ jolʲʨanggana xanʲedaxanta βɨdara.
7 ilʲʨamʔ xada βɨdara, ngamgerʲi xanʲedanʔ βɨdara.
8 xabʲi βesakor tadxaβʔ peβsʲumʲeʔ nʲana ngarka xasaβa nʲuxunʨa ma:
9 - jebtoβʔ, ngamgemʔ judesʲetɨnejʔ?
10 - junggu, juderkaβa juderʨetɨdmʔ.
11 - manʲ judemʲi tanʲa.
12 saβaβna inʨelʲedaʔ.
13 manʲ juderpananʲi ilʲebʨaʔ ngermʔ nʲad tosʲetɨʔ, ibaʔ nʲad tosʲetɨʔ.
14 manʲ nganʲi malnge xadabasʲtɨn.
15 nʲabʲi jalʲaxana ngarka xasaβa nʲuxunʨa nganʲiʔ ma:
16 - ngarka xasaβa nʲuβeʔ, padar ngamgemʔ judesʲetɨn?
17 - oβ, manʲ nganʲiʔ tarʲemʔ juderʨetɨdmʔ.
18 ilʲebʨaʔ ngerm nʲad tosʲetɨʔ, ibaʔ nʲad tosʲetɨʔ.
19 βesaku jonej xasaβa nʲuxunʨa manma:
20 - ngrʲejʔ, padar ngamgemʔ judesʲetɨnejʔ?
21 - oβ, nʲisʲakejʔ, manʲ nganʲiʔ tarʲemʔ juderʨetɨdmʔ.
22 ngoka ilʲebʨʔ ngermʔ nʲad torxaβɨ, ibaʔ nʲad torxaβɨ.
23 tad βesaku nʲudʲa nʲuxunʨa ma:
24 - ngarʲejʔ, salakoβ, salaku nʲudʲaβ, ladar ngamgemʔ judesʲetɨnejʔ?
25 - junggoβ, manʲʨaβ juderʨ jexeradmʔ.
26 ngaxat ngopoj jaxana nʲidamʔ ngamʨoʔ.
27 jexeraβ, jude ngamgeʔ tolaxa ngebta?
28 βesaku puxuʨaxanta ma:
29 - puxuʨoβ, padar ngamgemʔ judesʲetɨnejʔ?
30 - βeskoβ, manʲ nganʲiʔ tarʲemʔ juderʨntɨdmʔ.
31 ngobʨikɨ padar judent sʲerʔ.
32 nʲaxarʔ jalʲa xenʲakɨ, nʲaxarʔ jalʲaʔ jambanʔ xabʲi βesakor judemta βadʲeʨetɨda.
33 nʲaxarʔ jalʲaʔ jambanʔ sʲidʲa xasaβa nʲudʲa, puxuʨamta xonrambʲida.
34 judeduʔ ngopojʔ tol san ge xanngaʔ.
35 nʲaxaromdej jadʲaxana peβsʲumʲeʔ nʲana manoma:
36 - narʲejʔ, salako nʲuβejʔ, ngamgemʔ judesʲetɨnejʔ?
37 - junggoβʔ, manʲʨaβ nʲidm5 juderʨetuʔ.
38 manʲ ngopojrʲi judemʲi tanʲa.
39 manʲ ederpananʲi sʲidʲa mʲudmʔ βadarʨetɨdmʔ.
40 nʲabʲi mʲudnʲi xanta sʲiʔ malng?
41 parʲisʲe tɨʔ, nʲabʲi mʲudnʲi xanta sʲiʔ malnge padβɨ tɨʔ.
42 xabʲi βesaku nʲenzʲumʲa:
43 - taxakaβ xaʨerʔ nga?
44 sʲidnaʔ pʲisʲadan?
45 manʲaʔ saβanʨerʔ juderʨetɨβaʔ, padar nganʲi tanʲaβna judermen.
46 xabʲi βesakor tad sanejʔ nganʲi, salako nʲumʨa nekalngada.
47 nʲabʲi ngudamta malʲa, nʲabʲi ngemta malʲa, pʲinʔ moda.
48 salakor xunʲae xanta?
49 nʲebʲaeda manʲima:
50 - βesakoβ, nʲukʨamt ngamge tarsʲiʔ majadar?
51 jonej mʲada manma:
52 - nʲisʲakejʔ, nʲabʲi ngudaxaβada malʲi, njbʲi ngekʨajemta ngzmge tarʲemʔ malʲar?
53 salakor tarʲi janʔ xaja.
54 ngopoj ngenta nʲinʲa, ngopoj lgudanta nʲinʲa, ʨorda, jarda tanʲa mʲingaβa.
55 xurkanʔ mʲinʨaxanta, ngaβnanta ngenta malʲsʲange xeβanta malʲenggana naraʔ ʦʲangɨ nganʲi, xkrkanʔ xajerta sʲakana jadʲemʲa mʲinʨaxanta.
56 seβxabʲida saβa ngeʔ nʲimʔ.
57 seβda saβaʔ, ngudarʲida, nʲabʲi ngeda malʲsʲej, nʲabʲi ngudada malʲsʲej.
58 oβ, ngamgeʔ jolʲʨanggana nʲeranta nʲaʔ sɨrnga.
59 nʲerɨ nʲangɨ ngamge, mʲaʔ ngerxanʲuʔ.
60 labta jaxana ngeda mʲaʔ.
61 ixʲinʲanta ma:
62 "ʨikɨ mʲadʲikoʨaxant teββɨ ngebʔ nanʲi saβa ngeisʲ."
63 ʨikɨ xasaβa ngaʨekɨ tarʲemʔ mʲinʨaxanta mʲatʔ teβɨʔ.
64 nʲontɨ sʲimʔ ʨenʲeβanakeda, nʲoʔ sʲiβnʲa nʲaloda xaja.
65 mʲatuʔ pʲelʲejkutβɨ.
66 pʲelʲejʔ nʲamna xaja.
67 tʲaxanʲana βesakoxoʔ puxuʨaxaʔ xujumgart seβodʲiʔ jungguʔ.
68 ngobkana ngamdɨxʲiʔ.
69 seβsʲada βesakojumʔ mamrnrnta:
70 - puxuʨoβ, nʲomʲiʔ nerxejʨenʲuʔ.
71 nʲeneʨʔ to?
72 - kʲearejʔ, nʲiβnʲuβ manʲijeʔ.
73 ngamgeβ todakɨ.
74 xasaβa ngaʨekɨ βaxalʲijʔ:
75 - irʲikejʔ, ilʲenadʲiʔ nʲenʨanggaβadʲiʔ.
76 manʲ ngemʲi malʲsʲej, ngudamʲi malʲsʲej, majandortadmʔ.
77 - oβ, jebtoβʔ, majandortakon ngexeβabʔ nant seβkud nʲiʔ tanʲaʔ?
78 - manʲ seβxabʲinʲi tanʲaʔ.
79 - nʲangenʲi xeβanʔ, sʲinʲargɨ xeβanʔ - ʨikaβna tuʔ!
80 sʲiʔ nʲana ilʲeʔ!
81 xasaβa ngaʨekɨ sʲiʔ nʲaʔ xaja, βesakuʔ sʲinʲangɨ xeβanʔ, βaβkomta ʨikana me.
82 peβsʲumʲeʔ nʲangenge xaja.
83 ngaβnanta jalʲa jedmʔ ngorma xerxaβɨ, peβsʲumʲeʔ nʲangɨ ngorma teβɨʔ.
84 makoda sʲixʲid, tʲuxud sɨmsɨʔ sʲerʔ jamb xɨdʲa xamɨʔ jesʲa inʲaʔ malxana.
85 jamb xɨdʲaʔ mʲunʲa tandajaʔ pʲirʲeβɨ ngamsa tanʲaβɨ.
86 ʨikɨ jamb xɨdʲar βesakoxoʔ ngɨlʔ ngamtɨʔ, nʲaxarʔ ngamsa juʨerʔ tanʲaβɨ.
87 βesaku ngudaxana xorjjada, ma:
88 - nʲaxarʔ ngamsa juʨerʔ to.
89 majandortange, padar jejar ngobʨikɨ ngeja.
90 ta ngorjin.
91 ngorngaduʔ.
92 jamb xɨdʲaduʔ pɨrdarʲiʔ xaja.
93 nʲabʲi jalʲaxana ʨikɨ jamb xɨdʲa nganʲiʔ xamɨʔ.
94 nganʲiʔ nʲaxarʔ ngamsa juʨerʔ.
95 tad ngorngaduʔ, jamb xɨdʲaduʔ tʲu xaja.
96 βesakoxoʔ puxuʨaxaʔ idʲiʔ sumlaxa.
97 seβsʲada βesakor manʨetɨ:
98 - puxuʨa, ngaβnanʲi seβnʲi tanʲaβaʔ malʲenggana manʲ mʲiβɨmʲi xanmʲi mepʔ nant xasaβa sʲit xamzasʲetɨnʲuʔ?
99 , puxuʨa pʲisʲange xangada:
100 - xa- xa- xa!
101 βesako, nʲenesʲa tarʨasʲ.
102 tad puxuʨar manoma:
103 - βesako, manʲ ngoʔ seβʔtaβanʲi malʲenggana manʲ sedemʲi panenʲi mepʔ nant, pʲiβnʲa jadʲermanant nʲe sʲit xamzasʲetɨnʲuʔ?
104 - xa- xa- xa!
105 puxuʨoβ, nʲenaʔ sʲimʲi xamzasʲetɨnanʲuʔ.
106 nʲaxarʔ jalʲaʔ tarʲemʔ menakɨ, xasaβa ngaʨekɨ pʲinʔ nʲaloda xanʨetakɨ.
107 ngmge jolʲʨanggana peβsʲumʲeʔ nʲana βesakor manma:
108 - jebtoβʔ, ngudaxajud xorkajun!
109 nʲenesʲa ngoʔ nʲabʲi ngudada malʲsʲej, nʲabʲi ngeda malʲsʲej.
110 βesakor ma:
111 - sɨmsɨʔ xeβxana mʲirʨ memɨnʲi pʲanggarnʲi sʲeʔ tanʲa.
112 saβajumʔ ngudanant ʨikɨmʔ pʲulʔ!
113 xasaβa ngaʨekɨ saβajumʔ ngudamta ngedta.
114 nʲenesʲa ngoʔ tanʲana pʲanggar tanʲaβɨ.
115 nʲamada, βesakonʔ mʲingada.
116 tad xonejdʔ.
117 pʲiʔ saβa jernʲa seβsʲada βesakor pʲanggarmʔ nʲama, tadxaβ xasaβa ngaʨekenta malʲsʲej ngemʔ, malʲsʲej ngudamʔ xarxana jerngaxajuda.
118 βeida ngamgert jugamgert junggu.
119 xasaβa ngaʨeker xonʲomʲaxanta xunɨ.
120 xunʲana nʲemada xaja.
121 xasaβa ngaʨekɨ ngudamta βenngada - ngudada nangedʲa.
122 malʲsʲej ngeda nganʲiʔ sumɨ.
123 βesaku tarʲemʔ sʲertanakeda.
124 ʨedaʔ ngeda saβa ngeʔ nʲiβʔ, ngudada saβa ngeʔ nʲiβʔ.
125 pʲiβnʲa jadelɨʔ.
126 tad ʨikaxad sʲenʲej jesʲa inʲaβna xamormɨ ngamsa susa.
127 ngamsadaduʔ ngulʲiʔ nʲi xamorʔ.
128 seasʲada βesakor manoma:
129 - ngarʲejʔ, medmʲi xamolana nʲukʨajemʲi xanggolanakɨʔ.
130 ʨedaxaβʔ medβaʔ toβanʔ nʲi xarβaʔ.
131 ngorʨiʔ xonejdʔ.
132 xasaβa ngaʨeker irʲijuta xonamaxad janambokoβna jurkɨʔ.
133 makoda sʲiβnʲa, jesʲa sɨmsɨʔ jaβna nuβʔ nʲaʔ tanejʔ.
134 numgana manʲijeda:
135 ngobʔ ilxɨ nʲe sedoraβɨ, βaβʔ nʲinʲa xanggurta xasaβa jusʲidaβɨ.
136 xasaβar ngeβamta ila, ma:
137 - ngarʲejʔ, majandorta nʲenʨaikon ngeβenanʲu.
138 manʲ nganʲi xabʨamʔ ngolajuβʔ, nɨxɨmʲi junggodakɨ.
139 manʲ sʲinʲi tolaxamʔ sumdaxaβabat nʲoʔ nʲakuj sedorana nʲe ngaʨekɨmʔ, papamʲi, nʲedant tataβ.
140 ngodʔ manʲ sʲimʲi sumdaʔ!
141 nʲe ngaʨekɨ jedmʔ pʲirʲenakɨ.
142 pada nganʲi ʨemkoʨamta jekada, nʲe ngaʨeken mʲingada, ma:
143 - tʲukor nʲant ngeβaʔ jedʔ, ngunʔ tʲaxaʔ sʲarad!
144 masʲiʔ sumdanakeβ.
145 tad xasaβa ngaʨekɨ tasʲiʔ xamɨʔ.
146 irʲinta mʲatʔ teβɨʔ.
147 irʲijuda xunɨxʲiʔ.
148 pada ngoʔ xoneiʔ.
149 xunʲana irʲijuda jurkjjaxaʔ, maβg xaʔ:
150 - xasaβa ngaʨekɨ, jurkadejʔ!
151 medβaʔ to!
152 tad sɨlɨʔ nganʲi, jamb xɨdʲaʔ mʲunʲa jedej pʲirʲeβɨ ngamsa jageβɨ.
153 jalʲaʔ jambanʔ nʲaxarʔ ngortakeduʔ.
154 puxuʨaxaβajuda pʲidʲiponʔ ngaxat tarʲemʔ nʲidʲiʔ pʲisʲidasʲetɨdʲiʔ.
155 nʲabʲir manta:
156 - xasaβa sʲit xamzasʲetɨ?
157 nʲabʲir manta:
158 - nʲe sʲit xamzasʲetɨ?
159 tad pʲisʲange ngadartanggudʲiʔ:
160 - xa- xa- xa!
161 ngaβuʔ pʲirkana xasaβa ngaʨeker xonrada:
162 - irʲikeʔ, ilʲeβanʨiʔ jambanʔ seβsʲidʲiʔ?
163 - junggo, ngaβnaxaβanʲiʔ seβtanʲinʨ.
164 ʨedaʔ seβnʲi, jekarʔ, xanʲaʔ xeβɨ ngebtuʔ?
165 peβsʲumʲeʔ nʲana ngorʨ jolʲʨemaxadantuʔ xonejdʔ.
166 βesakoxoʔ xunɨxʲiʔ ngosalʲo.
167 seβdʲiʔ βunʲiʔ tanʲaʔ.
168 xasaβa ngaʨeker jurkɨʔ, irʲijuta tʲumʲu jesʲamʔ xeβnʲakumna nasartada.
169 ʨikana ja ʔ sʲi ngeβɨ.
170 ja ʔ sʲiʔ mʲumnʲa pakalʲijʔ.
171 sʲanat xunat mʲimbata ngodʔ peβdʲa jaxana tasʲinananta xunananta nʲenej janʔ xamɨʔ.
172 nʲeranta nʲakuj nʲaxarʔ ja mʲaʔ ngeβɨ.
173 jerji mʲadʔ nʲomʔ pʲexedta, tad manengada:
174 sʲixʲirʨa jerβjja ngamʨuβɨ.
175 βesakoxoʔ puxuʨaxaʔ seβʔ sʲiʔ nʲana jesʲa xɨdʲaʔ mʲunʲa nʲenejnge xajerɨʔ.
176 xasaβa ngaʨekɨ ma:
177 - sʲixʲirʨa jerβjjaeʔ, irʲijunʲi xadajunʲi seβ ngamge talʲesʲed?
178 sʲixʲirʨa jerβ ma:
179 - ngadʲbʲanʲi talʲejnasʲ, ʨedaxaβʔ manʲ jaxananʲi xexemʲi junggu, xexedanʲi mesʔ nʲanuβʔ.
180 xexenge taranaʔ manʲ jaxananʲi.
181 xasaβa ngaʨekɨ sanejʔ, ʨet seβmʔ nʲamɨda, mata mʲuʔ paklʲejda, ma:
182 - tad nʲernʲaʔ nʲeneʨʔ seβmʔ nʲon talerʔ!
183 ʨikar βeβa sʲerʔ!
184 xasaβa ngaʨeker irʲijuta tʲumʲuʔ sʲiβnʲa ngadʲimʲa.
185 tʲumʲu jesʲamʔ ngabta.
186 irʲinta seβxaʔ irʲinta xonʲodanʔ ngomanta ʨebdʲengajuda.
187 xadanta seβxaʔ ngomanta ʨebdʲengajuda.
188 tad xonejʔ.
189 xunʲana βesakoxoʔ puxuʨaxaʔ jurkjjaxaʔ.
190 puxuʨa mamononta:
191 - βesakoβ, seβdanʲi ngadʲimɨnʲuʔ!
192 pʲinʔ βelamjjuβaʨ, xajerakoda tarsʲiʔ saβanʲuʔ!
193 - puxuʨoβ, manʲ nʲenesʲa seβdanʲi ngadʲimɨ!
194 tad βesaku puxuʨaxanta manoma:
195 - puxuʨa, tʲuku xasaβa ngaʨekemʲi salaku nʲirxanʲuʔ ngaʔ.
196 xaʨerʔ sʲita mʲadʲimʲalabtabʔ nanʲiʔ saβa ng- ddakɨ?
197 puxuʨada ma:
198 - nʲedamta mʲikamʲiʔ, tedamta mʲikamʲiʔ!
199 βesakoxoʔ pʲinʔ sanejxaʔ.
200 mʲadʔ xeβxana ngaβnanta tɨʔ jungguʨenʲuʔ.
201 ʨedaxaβʔ seβʔ jolʲʨamana malnge tɨʔ.
202 mʲadʔ xeβxana sʲidʲa mʲud.
203 nʲabʲi mʲudʔ xanta sʲiʔ malnge parʲisʲe tɨʔ, nʲabʲi mʲudʔ xanta sʲiʔ malnge padβɨ tɨʔ.
204 mʲudnge pujdaβɨʔ, malʲe podʲermɨʔ.
205 βesaku manma:
206 - xabʲi βesakuʔ nʲudʲa nʲu, seβdanʲiʔ tan.
207 manʲ nʲe nʲumʲi nʲedant taβ.
208 jaxant xanʔ!
209 ʨi, xabʲi βesakuʔ nʲudʲa nʲu jaxanta mʲusʲelʲijʔ.
210 mʲudda sʲidʲa.
211 nʲabʲi mʲudmʔ xarta βadada, nʲabʲi mʲudmʔ nʲedʲa βadada.
212 mʲimbaʨi, ngodʔ ngesosʲetɨxʲiʔ jamdaβaxananʨiʔ jamdasʲetɨxʲiʔ.
213 ngamgeʔ jolʲʨangana xabʲi tangoʨʔ ngadʲimʲa.
214 ngobʔ mʲadʔ nʲoʔ sʲixʲinʲa petana nʲeneʨʔ ngadʲi, sʲenʲenʲangɨ nʲisʲada ngeβɨ.
215 xasaβa nʲumʨa manekaβa ʨorʲejʔ :
216 - salakoβ, padar ngerxananʲuʔ?
217 nʲunta munta junggu, xujedʔ mʲinʨa, tajedʔ mʲinga.
218 nganʲiʔ ngobʔ tanoʨamʔ xo.
219 nʲekada nʲisʲanta totrʲeβʔ ngobʨikɨ pʲa pepaβɨ.
220 ngamsakoβada junggu.
221 papamta maneʨ ma:
222 - ngarʲejʔ, salakoβ, sʲimʲi sodaʔ!
223 papanta muŋta junggu.
224 xujedʔ mʲinga, tajedʔ mʲinga.
225 nganʲiʔ ngobʔ tangoʨamʔ xo.
226 manʲijebʔ nanta nʲebʲada nʲermʲaʔ βanggxad lunʲiʔ itʔ teβaba sʲidʲa jedkojeβa xolʲena.
227 puxuʨa βaxalʲijʔ :
228 - oβ, xasaβa nʲukʨaβ, padar toβenanʲuʔ!
229 teta nʲeneʨange xeβen.
230 sʲimʲi nʲon jurʔ, nʲon xajeʔ!
231 xasaβa nʲuda nultada.
232 munta junggu, marʨanta nʲimnʲa punʲaʔ sɨlɨʔ.
233 tarʲemʔ sɨlanaβaxanta nʲebʲada jedda mojunga, nʲexenta sʲurbɨʔ.
234 nʲe manma:
235 - xadamʲi ngedaken, ngamgerʲimʲi ngedaken?
236 sʲabuʔ nʲiʔ tʲidʔ!
237 puxuʨa sjbuʔ nʲiʔ ngamtɨʔ.
238 xabʲi βesakuʔ nʲudʲa nʲu nʲernʲaʔ pʲada.
239 nganʲiʔ xabʲi tangoʨaʔ nʲimnʲa ngadʲimʲa.
240 jonej nʲekada xaradʔ nʲoxona pʲa pepaβɨ.
241 papamta maneʨ ʨorʲejʔ:
242 - ngarʲejʔ, papakoβ, nultad!
243 ngaβna nʲisʲanaʔ sʲit tanaraβaʔ maljjgana manʲ sʲit ngedabʲidamʨ.
244 jabtakojenʔ, sʲimʲi nʲon jurʔ!
245 xabʲi βesakuʔ nʲudʲa nʲu nultada, marʨanta nʲimnʲa nunʲaʔ sɨlɨʔ.
246 petana jonej nʲekada tɨbkamta moda, sʲurmba to, sʲabuʔ nʲiʔ tʲij.
247 tad laxanakomʲi xanʲaʔ mʲinta?
248 xabʲi βesakuʔ nʲudʲa nʲu nʲebʲamta xana, jonej nʲekamta xana.
249 nʲisʲanta janʔ teβɨʔ, tanʲana ilʲe pʲada.