1 mosʲeku ngaʨekɨ
2 tʲuku laxanakomʲi pʲa βajxat namdβɨ ngeʔ nʲiβʔ.
3 seβnaʔ tʲaxana βaj jaxaʔ βarxana nʲaxarʔ βaj ilʲeβɨ.
4 mʲatuʔ nʲaxarʔ mʲatuʔ.
5 tɨduʔ nganʲi ngulʲiʔ tʲanʲo ngeβɨ, ngobʔ jurman.
6 nʲaxarʔ βaj ilʲebʨiʔ mana xanʲesʲetɨ, xorkɨ xadabasʲtɨ, nʲaβaku, ponggarpatuʔ nganʲi ngoka xalʲamʔ xadabasʲtaβɨʔ.
7 ngarka βajʔ sʲidʲa xasaβa nʲuda.
8 nʲudʲajumʔ xasaβa nʲuda ngulʲiʔ salakoʨa.
9 ngamgemʔ perpata ngodʔ βenʨerʲeβʔ perʨetɨ.
10 nʲisʲada manʨetɨ:
11 - salako, xanʲeβanʨ jadʲermanʔ xarβabat, βaj jaxamt xunaxart nʲor tandabʲuʔ.
12 βaj jaxaʔ malʔ nʲana langgoʨe to tanʲa.
13 toʔ βarxana ngɨlʲika tanʲa.
14 ngɨlʲikaxant jerʲembat sʲit xadanggu.
15 ngadʲbʲanʲi manʨetɨdmʔ, βaj jaxaʔ ngɨlnʲarʲiʔ xanʲe xanasʔ.
16 ngɨnkoʨar tanʲa.
17 xorkɨmʔ xadabt, nʲaβakomʔ xadabat saβa ngenggu.
18 ngaxaʔ nʲon xanasʔ.
19 ngarka βajʔ nʲudʲajumʔ nʲunta nʲumʨa tanʲa - mosʲeku.
20 ngobngguna mosʲekor ngɨnkomʨamta, mɨnggkoʨida ngobkana nʲamɨda, xanʲeβanʨ jadalʲijʔ.
21 laxanakor pumnanta xaja.
22 jadʲermanta sʲerʔ ixʲinʲanta manʨetɨ:
23 "βaj jaxaʔ ngɨlnʲana xanʲeβamʲi ngulʲiʔ tʲabʲibtaβ.
24 jaxaʔ malʔ nʲakuʔ xebʔ nanʲi saβaraxa.
25 langgoʨe tonʔ xexerʨudmʔ, ngɨlʲikamʔ manekarʨuβ.
26 ngɨlʲikar sʲimʲi xadaβanʔ xarbʲilabta masʲiʔ sʲimʲi salakonge sʲalʲilʦu."
27 sʲanat xunat jadbata ngodʔ sʲisʲada pedaranʔ pakalʲijʔ.
28 ngarka pʲaxaʔ sɨrʨ jaxamta jongada, ngulʲiʔ juxu.
29 tamna tʲaxaʔ pʲada.
30 menʔ xarbʲilejʔ.
31 ixʲinʲanta ma:
32 "xalʲakodamʲi xadabʔ nanʲi ngajabartadamʨ."
33 mʲingga, mʲingga, tad pedaraʔ podanʔ jerʲemʲa.
34 podʔ mʲumnʲa jadalʲijʔ.
35 nʲerdanta ngarka to ngadʲimʲa.
36 xadrʲiʔ langgoʨe to ngedʲakɨ.
37 toʔ βaranʔ teβɨʔ , nadoʔ nʲid xamɨʔ.
38 tanʲana ngobʔ nganomʔ manenga.
39 xʲibʲart jungguβɨ.
40 ʨikɨ nganor xalʲaxana panmɨ.
41 moksʲekor ngobʔ xalʲakomʔ nganoʔ mʲud tʲuxulnga, ngobʔ idʲurʨamʔ.
42 xalʲakomta ngarka peʔ nʲiʔ meda, xaramta tʲuxulnga, ngajabarʨ pʲadp.
43 ngajabarmanta sʲerʔ numda ngulʲiʔ peβsʲumʲe.
44 mosʲekor ixʲinʲanta ma:
45 "ʨedaβʔ xunʲaʔ pʲabʔnanʲi?
46 xadrʲiʔ tʲukona sʲenggaltangkeβʔ."
47 tadxaβʔ maraʔ nʲinʲa, xasuj tabʔ nʲinʲa tʲumda narongoʨ jusʲibtejʔ , xonarejʔ.
48 xuβʔ mʲerβana sʲidɨ, sʲejkoda xaja:
49 xzβxananta jexerana nʲeneʨʔ nuβɨ.
50 sʲermnʲanta laxanaβonta:
51 - tʲukoβar xʲibʲaʔ ngaʨekɨ ngebta?
52 masʲiʔ joxoβakɨ?
53 nʲenʨal ngaʨekɨmʔ sʲidʲulange manzʨ ma:
54 - padar xʲibʲan?
55 xaʨerʔ tʲuku janʔ jerʲemzan?
56 nʲuml ngamge?
57 mosʲekor jurkɨʔ, tad manʨ xanada:
58 - manʲ sʲimʲi mosʲekonge perʨetɨʔ.
59 joxoβa nʲidmʔ juxuʔ.
60 ngarka βaj nʲisʲamʲi sʲimʲi tarʲemʔ tabʲidasʲ:
61 βaj jaxaʔ ngɨlnʲajuʔ xanasʔ, tʲunʲajuʔ nʲon jadʲerʨetuʔ.
62 manʲ nganʲi tarʲemʔ nʲidamʨ xarβaʔ.
63 ngadʲbʲanʲi langgoʨe tonʔ teβɨβʔ.
64 menʔ xarbʲilaβanʲi sʲerʔ padar nganont mʲud ngobʔ xalʲakomʔ tʲuxulngadamʨ, ngajabarʨ ngamaβasʲ.
65 jabtanʔ, sʲimʲi βeβkonge nʲon perʔ.
66 padar nganʲi xʲibʲan?
67 jexeranar ma:
68 - sʲimʲi ponggarta xasaβange perʨetɨʔ.
69 padar nganʲi manʲ jaxanʲi jerʲembat sʲit βunʲidmʔ majadangguʔ.
70 xarasʲada nʲenʨamʔ nʲidmʔ jaebtambasʲtuʔ.
71 tʲedaxaβʔ menʔ xarβabat mʲaknʲi xanʔ.
72 mʲamʲi tajkuj langgʔ nʲinʲa nga.
73 mʲamʲi nʲi ʨersʲuʔ, nʲabakomʲi tanʲa.
74 tʲedaʔ ngobʔ jexenamʔ mʲaknʲi xanaʔ.
75 jexenar matort.
76 pʲelʲamta ngajabadngge sʲertad, nʲabʲi pʲelʲamta nganʲi nʲabakomʲi pʲirʲemda.
77 mʲanʲi mʲunʲa sʲidʲa nʲaraβa sʲadejmʲi tanʲa, sʲidʲa tosaβej xanaβejku.
78 ngajabadad sʲidʲa sʲadejnʲi ngɨlʔ ngabtaid.
79 jedant pʲinβanʔ mʲakana xumbaʨiʔ nʲon ngamdʲuʔ.
80 nʲanʲi tuin, sʲit ponggarʨ nʲatadmʔ.
81 tʲedaxaβʔ xanʔ!
82 mosʲekor jexenamʔ nʲaamba xaja, oanggʔ nʲiʔ tanejʔ .
83 langgʔ nʲinʲa sʲiiβ pʲirʨa xadɨ tanʲaβɨ.
84 ʨikɨ sʲiiβ xadɨʔ xeβxana ngobʔ ngarka mʲaʔ.
85 mosʲekor jexenamta matorngada.
86 ponggarta xasaβaʔ nʲabakonʔ ma:
87 - pʲelʲamta pʲirʲed!
88 nʲabʲi pʲelʲamta mʲatʔ tʲulʲeda, sʲiʔ, nʲajuʔ xaja.
89 sʲiʔ nʲana nʲenesʲa ngoʔ sʲidʲa nʲaraβa sʲadej tanʲaβɨ, sʲidʲa xanaβej ilʲenʲadarʲeβʔ ngamʨuβɨ.
90 mosʲeku ngajabadmʔ nʲaraβa sʲadejxaʔ ngɨlʔ meda.
91 pʲinʔ tarpɨʔ, ponggarta xasaβanʔ xaja.
92 teβɨʔ, pongada malʲe ikana pʲadɨ.
93 ponggarta xasaβar maʔ nʲiβʔ:
94 - mosʲeko, padar ponggarʨ ʨenʲeβan?
95 sʲidʲa jalʲaʔ ngesonggana βaj jaxaʔ ngɨlnʲajuʔ nganoxona sʲidʲange xantanʲiʔ.
96 ponggarʨ jexerabʔnant ir βeβa ʨ223i ngaʔ , sʲit ponggarmanʔ toxolanggudmʔ.
97 tad ponggamʨiʔ βatadʲiʔ, ngoka xalʲamʔ xadangaxaʔ.
98 tad mʲakanʨiʔ xajaxaʔ.
99 nʲabakonta jed malʲe pʲiβɨ.
100 ngormanʨ ngamdɨdʔ.
101 ngormanta sʲerʔ ponggarta xasaβar ma:
102 - mosʲekomʲi ponggarʨ tamna toxolaβdaβej.
103 sʲidʲa jalʲaʔ manʲiʔ mʲaknanʲiʔ ilsnggu.
104 βaβdamta mʲiʔ.
105 sʲidʲa jalʲaʔ manʲiʔ mʲaknanʲiʔ ilʲenggu.
106 βaβdamta mʲiʔ.
107 sʲidʲa jalʲaʔ ngesonggana xantanʲiʔ.
108 tad tʲikaxad xonejdʔ.
109 xunʲana jurkɨdʔ.
110 ngormanta sʲerʔ ponggarta xasaβa nʲabakoxonta ma:
111 - tʲuku jalʲaxana mosʲekonʲi nʲaʔ ponggartadmʔ.
112 padar nganʲi malʲʨakodamta sedjin.
113 ʨi, sʲidʲa jalʲaʔ ponggarta xasaβa mosʲekonta nʲaʔ jorngaxaʔ.
114 sʲidʲa jalʲaʔ βajeramaxad jorʨ jolʲʨejxaʔ, nganomʨiʔ xamedadʲiʔ, βaj jaxaʔ ngɨlnʲaʔ pʲadʲiʔ.
115 jendlʲimʔ pʲangaxaʔ, sʲidʲa sʲiiβ jalʲaʔ mʲingaxaʔ.
116 sʲidʲa sʲiiβ jalʲaʔ ngesonggana jaxaʔ βarxana ngobʔ ngarka mʲaʔ ngadʲimʲa.
117 ponggarta xasaβa ma:
118 - mosʲeko, tajkuj mʲatʔ xanʔ!
119 mʲatʔ tʲubat mʲadʔ jerβanʔ mandan:
120 "ponggarta xasaβa to, sʲit xanga."
121 nganomʨiʔ janʔ nultadʲiʔ.
122 mosʲekor ngulʲiʔ mʲerʲeʨ mʲatʔ xaja.
123 mʲatʔ tʲuβanta sʲerʔ manengada:
124 βaβʔ nʲinʲa ngarmbej xasaβa ngamʨuβɨ.
125 sʲiʔ nʲana sʲidʲa nʲaraβa sʲadej tanʲaβɨ, sʲidʲa tosaβej ngɨlʲika.
126 tarʨamʔ maneʨ mosʲekont sʲejda xaja.
127 parumbarʲi manʨ xanada:
128 - mʲadʔ jerβ irʲikeʔ, ponggarta xasaβa to, sʲit xanga!
129 βesaku ma:
130 - juβej, juβej, ngamgeda xadke?
131 judʔ poʔ jambanʔ nʲi turʨetuʔ, tʲedaxaβʔ malʲe to.
132 xadngoʔ xeβanʲi jolʲʨange xenʲakɨ.
133 βesakor sʲiʔ nʲad ngobʔ nʲaraβa sʲadejmʔ nʲama, pʲinʔ tarpɨʔ, jaxaʔ βaranʔ xaja.
134 nganoʔ mʲuʔ tʲijʔ, tadxaβʔ nʲaxarnge nʲernʲaʔ xajaʔ.
135 sʲanat xunat mʲimbatuʔ ngodʔ nʲernʲana nganʲiʔ ngobʔ ngarka mʲaʔ ngadʲimʲa.
136 terʲi padlɨ jaxaʔ βarxana.
137 ponggarta xasaβar ma:
138 - mosʲeko, nganʲiʔ mʲerʲesʔ!
139 mʲatʔ tʲumaxadant tarʲemʔ mandan mʲadʔ jerβanʔ:
140 "ponggarta xasaβa to, sʲit xanga."
141 mosʲeko sʲenʲejʔ totrʲeβʔ mʲatʔ tʲu.
142 βaβʔ nʲinʲa ngobʔ xasaβa, ngobʔ nʲe.
143 sʲiʔ nʲana nganʲi sʲidʲa sʲadej tanʲaβɨ, jesʲa sʲadejxaʔ ngerxangaxa.
144 mosʲeku ma:
145 - mʲadʔ jerβeʔ, ponggarta xasaβa to, sʲit xanga!
146 mʲad jerβ maʔ nʲiβʔ :
147 - tangok poʔ nʲi turʨetuʔ, tʲedaxaβʔ malʲe tuβɨ.
148 ngamgeda xadkejʔ ?
149 ngamgedamta xanga?
150 xasaβar sʲiʔ nʲad ngobʔ jesʲa sʲadejmʔ nʲama, pʲinʔ tarpɨʔ, jaxaʔ βaranʔ xaja.
151 tad ʨikɨʔ pud nganoʔ mʲuʔ tʲijʔ, ʨstnge xajaʔ.
152 sʲanat xunat mʲimbatuʔ ngodʔ jaxaʔ βaruβna nganʲiʔ ngarka mʲaʔ ngadʲimʲa.
153 makodanta sʲiβnʲa jakeda putra.
154 ponggarta xasaβar nganʲiʔ βaxalʲijʔ:
155 - mosʲeko, padar ngulʲiʔ mʲerʲeʨʲtɨn.
156 tʲedaxaβʔ nganʲiʔ mʲatʔ xanʔ!
157 mʲadʔ mʲunʲa ngobʔ xasaβa ngengu.
158 nʲanta manjin:
159 "ponggarta xasaβa to, sʲit xajʔ nʲiβʔ."
160 mosʲekor mʲerʲeʨ xaja.
161 mʲatʔ tʲu.
162 mʲakana sʲidʲa βaβ.
163 nʲabʲi βaβʔ nʲinʲa βesaku.
164 puxuʨa ngamʨoβexeʔ.
165 nʲabʲi βaβʔ nʲinʲa ilxɨ xasaβa, ilxɨ nʲe.
166 xadrʲiʔ nʲesxaʔ ngedakexeʔ.
167 sʲiʔ nʲana sʲidʲa sʲadej tanʲaβɨ, sʲidʲa nʲenej sʲadej.
168 mosʲeku nʲisʲ lamgarʲuʔ manʨ xanada, ilxɨ xasaβanʔ ma:
169 - jerβeʔ, ponggarta xasaβa to, sʲit xanga!
170 ilxɨ xasaβar mosʲekonʔ sɨlɨʔ, ma:
171 - xamanʨ sʲimʲi xanga?
172 sʲijekan nʲin ngengguʔ?
173 ponggarta xasaβar judʔ poʔ jambanʔ nʲisʲ turʔ.
174 tʲedaxaβʔ tobta mʲaknʲi tojaβa.
175 sʲita manemanʔ xarβadmʔ.
176 mosʲeku pʲinʔ sakada, jaxaʔ βaranʔ xaja.
177 ponggarta xasaβanʔ ma:
178 - mʲadʔ jerβ toβanʔ nʲi xarβaʔ.
179 maʔ nʲiβ, pada judʔ poʔ jambanʔ nʲisʲ turʔ, tʲedaxaβʔ sʲita manemanʔ xarβadmʔ.
180 mʲadʔ jerβ manʲ βadaxaʔnʲi nʲi pɨnrʲuʔ.
181 ponggarta xasaβa ma:
182 - nʲenesʲa ngoʔ, nangedʲa judʔ poʔ jambanʔ nʲidamʨ turʔ.
183 ngeja, ʨedaʔ mʲakanta xerʨudmʔ, laxanakurʨ nʲataβ.
184 ponggarta xasaβa mʲadʔ tʲu, mosʲekor nganʲi pʲixʲinʲa me, mʲadʔ nʲoʔ xeβxana nu, inʨilʲe.
185 mʲakana laxanaβontuʔ.
186 ponggarta xasaβa mamanonta:
187 - mʲerkuʔ xeβanʨ xamedadʔ!
188 idʔ ngɨlna ngedʲa nʲaraβa nganoβaʔ malʲe xamedɨ.
189 xesʲ tara.
190 janolarabʔ nanaʔ βeβa.
191 ilxɨ xasaβa mamononta:
192 - ngejo, ʨikanta xexeβaʔ.
193 nʲerʔ ngamge nʲisʲar xadaʔ?
194 ponggarta xasaβa mamononta:
195 - xaʨerʔ xadangguβ?
196 xarasʲada nʲenʨamʔ βunʲidmʔ xadabasʲtuʔ.
197 juxuβɨ ngaʨekɨ nʲiβʔ ngaʔ.
198 numdʔ tanabʔnanaʔ xajudʔ nʲiβʔ, sʲad padβɨʔ mʲatʔ jerʲemzu.
199 tarʨa βadʲi namda mosʲekor sɨxɨbtejʔ, jaxaʔ βaranʔ mʲerʲeʨ xaja.
200 tad mʲadʔ nʲajuʔ sɨlɨʔ.
201 ponggarta xasaβa mʲadʔ jerβʔ nʲaʔ malʲe tongaxaʔ.
202 mʲadʔ jerβ nʲenej sʲadejmʔ nʲaambʲi.
203 ʨikaxad nganoʔ mʲuʔ tʲijadʔ, samblʲanggng βaj jaxaʔ mʲumnʲa ngɨlnʲajuʔ xajaʔ.
204 sʲiiβ jalʲaʔ mʲingaʔ jaxa jendadʔ ngɨlnʲaʔ.
205 ngaβuʔ pʲirkana nganoduʔ xarta ngesonta mʲerʲelɨʔ.
206 ŋgulʲiʔ mʲerʲeʨ mʲinga.
207 tad xendarʲeβʔ sʲuralʲijʔ .
208 ponggarta xasaβa ma:
209 - ngamgemʔ ngatʲedaʔ?
210 ngaβorʲidaʔ itʔ mojuidaʔ!
211 ʨikɨ βadʲita pud nʲida sʲadejduʔ malnge itʔ mojujaduʔ, nʲaraβa sʲadej ngeja, jesʲa, nʲenej.
212 sʲadejduʔ mʲinxantuʔ itʔ sejaʔ.
213 ngaβuʔ pʲirkana idʔ ngɨlad sʲudbʲaja ngano ngadʲimʲa.
214 janambokoβna tʲuʔ ilɨʔ.
215 malnge nʲarʲjjana nʲaraβaxad sʲertaβɨ ngerxa.
216 xajeradʔ nʲaʔ terʲi jabʲirʲe.
217 ngɨadanta nʲid jesʲa inʲa tasʲiʔ xamɨʔ.
218 jesʲa inʲa malxana ngobʔ ngarka jusna tanʲaβɨ.
219 jesʲa inʲanta ngadʲiβomaxad ponggarta xasaβar labʲaxalʲijʔ, lʲanggabtʲola jusnanʔ teβɨʔ.
220 tad ʨikaxad ngano ʨer xasaβaʔ mʲinxantuʔ jesʲa inʲaβna nʲaraβa sʲudbʲaʔ mʲuʔ terʲi pakalʲjjadʔ.
221 ngobtuʔ mamonon ta:
222 - ponggarta xasaβa, tajkuj ngaʨekɨmʔ xamanʨ ilʲe xajesar?
223 tad puna nʲenej nʲenʨanggʔ jerʲembata nʲamnanaʔ malʔ βadʲetʔ nʲiβʔ.
224 ponggarta xasaβa nʲanta mamononta:
225 - ta xadrʲiʔ ngeja!
226 mosʲekomʲi ngarka nʲeneʨʔ nʲi ngaʔ, ngamgemʔ ʨenʲeβa, ngamgemʔ xamʲidambʲi?
227 nʲerʔ maʔ nʲasʲadamʔ, xarasʲada nʲenʨamʔ nʲidmʔ xadabasʲtuʔ.
228 tad nʲaraβa nganoʔ mʲuʔ pakalmanta nʲerʨuʔ mosʲekonʔ ma:
229 - mosʲeko, ir nʲoi βoβʔ!
230 ʨedaxaβʔ jaxaʔ jendadʔ ngɨlnʲaʔ mʲijʔ!
231 sʲad padβɨʔ mʲado xonggun, tanʲana ilʲeʔ!
232 βeβku sʲertʔ jerʲembat sʲit pʲilʲiʔ nʲadabanggudmʔ.
233 ʨikɨ βadʲita pud pʲilʲibtʔ seja.
234 mosʲekor ngopojnge xai.
235 ʨedaʔ ngamgenʔ ngaʨenanggu?
236 xabɨxɨnta labʲaxalʲijʔ, βaj jaxaʔ jendadʔ ngɨlnʲaʔ pʲada.
237 jalʲa pʲisaβejʔ mʲinga.
238 xeβuβnanta jada tum duβ daβej xajurnga.
239 ngaβuʔ pʲirkana palʔ pedara sʲita jobta.
240 mosʲeku tamna nʲernʲaʔ mʲinga.
241 tad manʲijebta jaxaʔ βarxana nʲaxarʔ ngarka mʲaʔ ngadʲimʲa.
242 mosʲekor nganomta janʔ nultada, jaxaʔ βaruβna tanejʔ, mʲadoʔ nʲaʔ jadalʲijʔ.
243 tad βenʲekuduʔ madlaβontuʔ.
244 βarɨ mʲakad nʲeneʨʔ ngadʲimʲa, sʲad padβɨ ngeβɨ.
245 ma:
246 - padar xʲibʲan, xanʲad ton?
247 mosʲeku manma:
248 ngarka βaj nʲisʲamʲi tanʲa.
249 ngarka βajʔ sʲidʲa xasaβa nʲuda.
250 manʲ nganʲi nʲudʲajumʔ xasaβa nʲudmʔ.
251 joxoborngadmʔ, ponkuʔ mʲinʨ βɨnxalɨdmʔ.
252 ʨndaβʔ jepadʲe tkdamʲi xorxadmʔ saβa nʲenʨantaʔ ngexeβabʔ nantaʔ.
253 sʲad padβɨ ma:
254 - jepadʲe tudamt xoʔ nʲanuβʔ.
255 mʲatʔ tʲuʔ!
256 mosʲeku βarɨ mʲatʔ tʲu.
257 tʲuβanta sʲerʔ manengada:
258 mʲakana sʲidʲa βaβ ngeβɨ.
259 ngobʔ βaβʔ nʲinʲa sʲad padβɨ βesaku, sʲad padβɨ puxuʨa ngamʨoβexeʔ.
260 nʲabʲi βaβʔ nʲinʲa sʲidʲa ilxɨ sʲad padβɨ ngeβɨ.
261 nʲabʲi nʲesaβej ngedʲakɨ, nʲuda jebʦxana me.
262 nʲabʲi nʲesʲda ngerxa.
263 nʲesʲda sʲad padβɨ ma:
264 - joxorej ngaʨekɨ to.
265 mʲaknanaʔ ilʲeja, sʲita xabʲinge metaβaʔ.
266 ʨi, mosʲekor sʲad padβɨʔ mʲakana ilʲe pʲada.
267 nʲaxarʔ poʔilʲe.
268 βaβda sʲad padβɨ βesakuʔ, sʲad padβɨ puxuʨaʔ βaβxana nga.
269 βesakor, puxuʨar mosʲekomʨiʔ βenʨerʲeβʔ βunʲixʲiʔ perʔ.
270 sʲidʲa ilxɨ sʲad padβɨ tarʨaxaʔ nʲixʲiʔ ngaʔ, pʲilʲiʔ manʨetɨxʲiʔ:
271 - joxorejnge, βaβʔ nʲinʲa ponkuʔ nʲon jusʲidasʲtuʔ!
272 itaβaʔ xosʔ, pʲadβaʔ xosʔ!
273 mosʲekor tarʨa βadʲidʲiʔ tʲabʲibtejda, ngobngguna tarʲemʔ ma:
274 - sʲimʲi xabʲinge nʲodʲiʔ perʔ!
275 manzajamʲi xarnʲi ʨenʲeβaβ.
276 sʲimʲi ngulʲiʔ ngɨlpaʨiʔ, sʲimʲi ngeβkupaʨiʔ mebʲeta nʲamʲi tuta, sʲimʲi ngedangu.
277 tarʨa βadʲi namda sʲidʲa sʲad padβer munʨalmaxaʔ.
278 sɨrʲida xolkaʔ, tangɨ nuβoda pʲajda.
279 nʲenʲangg irɨxana nʲudʲa sʲad padβɨ ma:
280 - jabtunʨ xexeβaʔ!
281 jabtulabʲiʔ jolʲʨange xaja.
282 mosʲeku ngobʨikɨ tutʔ nʲiβʔ.
283 ta ngeja, jabtunʨ xesʲ nganʲi saβa ngeʔ nʲiβʔ.
284 xunʲana xantʔ nʲimʔ.
285 sʲidʲa sʲad padβɨ pomnanʨiʔ laxanaβonʨiʔ, mamononʨiʔ:
286 - mosʲeku ngaʨekɨmʔ xadabʔ saβa.
287 xasrʲoxana xadaimʲiʔ.
288 βadʲida namdorʨ ngoʦanʲiʔ.
289 xunʲana jabtumanʨ xajaʔ.
290 xasrʲonʔ teβɨdʔ.
291 mosʲeku ngobtarʲemʔ to.
292 xasrʲonʔ teβmaxadanta mosʲeku manengada:
293 ponggar ta xasaβa malʲe tʲukona meβɨ, malʲe jabtumɨ.
294 ngoka jabtomʔ ngoka jabtomʔ xadaβɨ.
295 tarʨamʔ manelʲisʲ mosʲekont sʲejda xaja.
296 ixʲinʲanta ma:
297 "nʲamʲi xaʨerʔ tʲukonʔ jerʲemza?
298 ngaβna sʲudbʲa nganoxona xajasʲanʲoʔ.
299 tamna nʲaβɨ xanʔ?"
300 mosʲeku ponggarta xasaβanʔ ma:
301 - nʲaβ, saβa nʲaβ, xaʨerʔ xasrʲonʔ tosan?
302 tamna ngoka jabtomʔ xadaβen.
303 ponggarta xasaβa ma:
304 - mosʲeko, nʲerʔ xeβanʲi nʲerʨuʔ madamʨenʲuʔ:
305 majantʔ jerʲembat sʲit ngedanggudmʔ.
306 ʨedaxaβʔ sʲidʲa sʲad padβɨ nʲar sʲit xadaβanʔ nʲixʲiʔ xarβaʔ?
307 jarmʲe sʲit nʲorβaxaʔ xadaʔ!
308 ʨikɨ βadʲita pud ponggarta xasaβar sʲidʲa sʲad poʒβen, jarejʔ, maʔ nʲiβʔ:
309 - sʲidʲa sʲad padβɨ, manʲ.saβa nʲamʲi nʲorʲiʔ jaebtambʲuʔ!
310 βeβa irʲiʔ junggojaʔ.
311 ʨikɨ βadʲida mesomaxadanta ponggarta xasaβar xadaβɨ jabtuda mosʲekonʔ mʲijada, ma:
312 - jabtud mʲakant xananʔ!
313 sʲad padβɨ βesakonʔ, sʲad padβɨ puuʨanʔ mʲisanʔ, sʲit saβaβna permanʨiʔ jeemnʲa.
314 mosʲekor majʔ.
315 jabtuda xananta nʲiʔ mejda.
316 mʲakanta ngedalangguʨ, punʲaʔ sɨlɨʔ.
317 manʲijebʔ nanta ponggarta xasaβada jungguβɨ, malʲe temzaβɨʔ.
318 ixʲinʲanta ma:
319 "ngeja, nganʲixʲiʔ na masʲiʔ nganʲiʔ tubsu."
320 tad mʲakanta xaja.
321 ngerʲoj nuβoda pʲajda.
322 ngobngguna xuβɨ ngaβarmʔ ngorʨ sʲidʲa sʲad padβɨ laxanajekrngaxaʔ:
323 - malʲe xorʔ irɨnge xaja.
324 xanʲeβanʨ xebʔ nanaʔ saβa ngedʲakɨ?
325 - xanʲa saβa ngaʔ.
326 ʨedaβʔ ilʲebʨal ngokanʲuʔ.
327 - tʲuku jalʲaxana ilʲebʨijemanʨ xeiβaʔ!
328 mosʲekoβaʔ ngobtarʲemʔ xantʔ nʲiβʔ.
329 ʨikɨ βadʲidʲiʔ mesomaxadanʨiʔ pʲinʔ tarpjjaxaʔ.
330 mosʲeku ngobʨikɨ pʲinʔ tarpɨʔ.
331 tad tɨ tanaʔ.
332 mosʲeku xananta sʲinge ʨet xabtarkamʔ nʲama, podʲerjjada.
333 nʲudʲa sʲad padβɨ ma:
334 - mosʲeko, padar jaβaʔ jexeran.
335 ʨedaβʔ ngedalʲortaxanaʔ manʲ nʲerdʲenggudmʔ.
336 padar nganʲi nʲon xajurʔ!
337 ʨi, ngedalejdʔ.
338 sʲanat xunat mʲimbatuʔ ngodʔ nʲernʲad ngarka labta ngadʲimʲa.
339 labtaʔ jernʲa ngobʔ ngedalʲola ngadʲi, ngobʨikɨ xanʲena ngerxa.
340 tʲuku ngedalʲodanʔ teβɨdʔ.
341 mosʲekor pɨsejʔ:
342 nʲeranta nʲana terʲi ngeda lʲoda nʲaβɨ ngaʔ, ponggarta xasaβa ngeβɨ.
343 sʲidʲa xoramʔ xadaβɨ.
344 manma:
345 - mosʲeko, sʲidʲa xoramʔ malʲe xadadamʨ.
346 ijuku sʲidʲa xora nʲant masʲ ngengu.
347 mʲakant xanaxajunʔ!
348 ʨet xabtarkamt xumbaʨiʔ xarʲebat βunʲi taraʔ.
349 tarʨa βadʲi namda mosʲeku sʲidʲa xoramʔ xananta nʲiʔ munʨʲpojʔ pengaxajuda, xurangaxajuda.
350 mʲakanta ngedalejʔ.
351 mʲakanta to, sʲad padβɨ βesakonʔ, sʲad padβɨ puxuʨanʔma:
352 - sʲidʲa xoramʔ tadmʔ.
353 nʲaxajunʲi tamna ngedalʲorngaxaʔ, masʲiʔ ngamgexeβamʔ xadabsuxuʔ.
354 peβsʲumʲeʔ nʲana sʲidʲa sʲad padβɨ to, xanodʲiʔ ʨersʲiʔ.
355 ngopojkart ilʲebʨamʔ nʲaβexeʔ xadaʔ, nʲudʲa sʲad padβɨ pʲixʲinʲa mamononta:
356 - mosʲekoβaʔ nganʲiʔ ilʲe xai, xaʨerkart mesʲ jamamʲiʔ.
357 tad ngoʔ ngamgert nʲinʲinʨ xadaʔ, jalʲaʔ jambanʔ tɨnʲiʔ xumbaʨiʔ xarʲebʲinʲinʨ.
358 ngarkajumʔ sʲad padβɨ mamononta:
359 - xadrʲiʔ ngeja, nganʲixʲiʔ na xadabsakemʲiʔ.
360 nganʲiʔ ngobʔ po xaja.
361 ngobngguna sʲidʲa padβɨ xanʔ nʲinʲa ngamʨʔβexeʔ xasβadʲoβexeʔ.
362 ngarkajumʔ sʲad padβɨ mamononta:
363 - ponggarmanʨ xebʔnanaʔ saβa ngerxa.
364 xalʲadaβaʔ xadaiβaʔ.
365 padar nganʲi xurkan ngebʔ nant?
366 nʲuda sʲad padβɨ mamononta:
367 - manʨʲβan maxanʲiʔ nʲidmʔ ngaʔ.
368 xebʔ nanaʔ xeiβaʔ.
369 nʲenʨamaʔ ngokanʲuʔ.
370 tad ngoʔ mosʲekoβaʔ xanaiβaʔ.
371 nʲanʲi xasʲermʔ nʲi tambʲuʔ.
372 xadabʔ saβa, itʔ sejrabʔ saβa.
373 ʨi, tarʲemʔ laxanaβonʨiʔ.
374 ta malʲnggana mosʲeku mʲakana me, sʲidʲa sʲad padβɨʔ βadʲi saβaβna namdejda.
375 tad ngarka sʲad padβɨ mʲatʔ tʲu, ma:
376 - tʲuku jalʲaxana ponggarʨmanʨ xantaβaʔ.
377 padar nganʲi, mosʲekonge, βaβʔ nʲinʲa ponʔ nʲon jusʲidasʲtuʔ.
378 ponggar tamna xamedaβndaβej.
379 mosʲeku ma:
380 - ponggamʲi xamedaβaxana sʲel βunʲi tanʲaʔ.
381 nʲon tabʲekosʲtʔ!
382 manzajamʲi xarnʲi ʨenʲeβaβ.
383 mosʲeku pʲinʔ tarpɨʔ, jaxaʔ βaranʔ xamɨʔ.
384 ponggamta xamedada, nganonta mʲuʔ pengada.
385 sʲad padβɨʔ ngobtarʲemʔ ponggduʔ nganontuʔ mʲuʔ pengaduʔ.
386 tad ʨikaxad ʨetnge jaxaʔ jendadʔ ngɨlnʲa pʲaduʔ.
387 sʲanat xunat mʲimbatuʔ ngodʔ ponggarʨ jaxatuʔ teβɨdʔ.
388 teβmaxadantuʔ manengaduʔ:
389 ngobʔ nʲeneʨʔ malʲe ponggarmɨ.
390 tad saβarkaβna maneʨ nganʲiʔ ponggarta xasaβa ngeβɨ.
391 ponggda ikana pʲadɨ.
392 ponggarta xasaβar tarʲemʔ manʨ xanada:
393 - sʲad padβɨjeʔ, saβaβna inʨeojedaʔ!
394 βeβa nganʲiʔ tanʲaβɨ.
395 mosʲekomʲi xadaβanʔ nʲasʲaramʔ xarβaʔ?
396 ngamge tarʨadaʔ?
397 mosʲeku manʲ saβa nʲamʲi nʲiβʔ ngaʔ.
398 nʲerʔ nʲanta madamʨenʲuʔ:
399 majantʔ jerʲembat sʲit xanʲadmʔ ngedangguʔ.
400 ʨikɨ βadʲida mesompxpdpntp ponggarta xasaβar nʲaraβa ngɨnamta nekalngada, nʲaxarʔ mɨnggmʔ ngedabta.
401 nʲaxarʔ tusaβej mɨngg sʲad padβɨʔ lembaraxatuʔ tʲebʲa.
402 terʲi lʲasʲo xamɨdʔ.
403 seβoduʔ toʔ salabaʔ tolxange xajaʔ.
404 tad ʨikɨʔ pud ponggarta xasaβar ma:
405 - mosʲeko, sʲedaxaβʔ xarnʲi jaxanʲi pʲilʲibtʔ xantadmʔ.
406 ilʲeβant jambanʔ sʲimʲi nʲin manetʔ.
407 tad nʲernʲaʔ sʲit majadambadʲiduʔ junggudaʔ.
408 ngarka sʲad padβɨʔ nʲemʔ nʲedant mein, saβaβna ilʲeʔ!
409 xeβanʲi nʲerʨuʔ nʲant sʲidʲa nʲaraβa sʲadejkoʨadamt tatadmʔ.
410 mʲakanant pʲilʲiʔ ngejaxaʔ.
411 sʲit letrambangguxuʔ.
412 ʨi, βadʲinʲi pʲirda.
413 ʨedaxaβʔ mʲakant xanʔ!
414 ʨikɨ βadʲida mesomaxadanta ponggarta xasaβar terʲi temzɨʔ.
415 mosʲeku nganʲi mʲakanta salʲijʔ.
416 nʲanta βadʲiʔ sʲerʲeβʔ ngarka sʲad padβɨʔ nʲemʔ nʲedanta meda.
417 mʲata sʲiʔ nʲana sʲidʲa nʲaraβa sʲadejmʔ ngabtangaxajuda.
418 tad serʔ sulʲakomʔ xada, sʲidʲa nʲaraβa sʲadejmʔ suju βejakona ngaβlangaxajuda.
419 nʲexenta ma:
420 - ngobʔ poʔ tʲuku jaxana ilʲengguβaʔ, tutna poxona βaj nʲisʲanʲi janʔ jamdanggunaʔ.
421 ʨi, ta βalakada.