1 sʲidʲa seβ serʔ ngaʨekɨʔ
2 iʨa ŋabʨenʲa jaβʔ βarxana sʲidʲa mʲaʔ.
3 sʲidʲa xasaβa, sʲidʲa nʲe mʲakʔ ʨerxaʔ.
4 malŋe ŋaʨekesaβejʔ.
5 ŋɨsɨntuʔ jerβ seβ serʔ βesaku.
6 tɨduʔ juŋguʔ, jaβʔ xalʲaxad ilʲeʔ.
7 seβ serʔ βesaku xasaβa ŋaʨekejuta nʲaʔ manʨetɨ:
8 - mʲadʔ xeβxana sʲanakosʲtɨdʲiʔ, xojanʔ nʲodʲiʔ xanasʔ!
9 sʲidʲa seβ serʔ ŋaʨekɨ malʲe xorkɨmʔ xadaβaʔ pʲiruβna jadʲerʨetɨxʲi, ŋɨnotorʨetɨxʲiʔ.
10 ŋobŋguna ŋarkajumʔ manma:
11 - mʲadʔ xeβxana sʲanakurʨ tʲabʲibtaβ.
12 takɨ ŋadʲda sʲedakuʔ nʲajuʔ jadalkanʲiʔ!
13 sʲedakuʔ nʲajuʔ xajaxaʔ.
14 ponʔ mʲimʲikexeʔ, nʲiβakexeʔ, juxuxuʔ.
15 nʲaxaʨiʔ manʨetɨxʲiʔ:
16 - mʲamʲiʔ xanʲana ŋa?
17 tʲuku jaβna xʲuxenʲiʔ, masʲiʔ mʲamʲiʔ tajna ŋeŋgu.
18 nʲiʨiʔ βadaxaʔ inʨelʲenaxanʨiʔ ŋaxaʔ na xajaxaʔ.
19 tad numda βoma, xaduma, ŋamgert nʲi ŋadʲuʔ.
20 jegudamʔ βeŋgala xad numgana ŋuda nʲi ŋadʲuʔ.
21 sʲidʲa seβ serʔ ŋaʨekɨ mʲatʲiʔ xanʲaxartana xosʲ jamadʲiʔ.
22 sʲidʲa- nʲaxarʔ jalʲaʔ punsʲada jaβna mʲiŋaxaʔ.
23 nʲaxaromtej jalaxana jarej sʲedakuʔ nʲimnʲa ŋadʲimʲaxaʔ.
24 jarej sʲedakuʔ telxana ja xorkadʲo ŋeβɨ.
25 ŋarkajumʔ manma:
26 - ponʔ mʲinʨ ŋulʲiʔ βɨnxalɨnʲiʔ, menʔ xarbʲilɨnʲiʔ.
27 takɨ ja xorkadʲoʔ mʲu tʲuxanʲiʔ, xasuj jaxana xonainʲiʨ.
28 ja xorkadʲo mʲuʔ tʲuβanʨiʔ sʲerʔ maneŋadʲiʔ:
29 ja xorkadʲoʔ mʲunʲa todabsʔ tanʲaβɨ.
30 todabʨʔ xeβxana sʲixʲirʨa βesaku, sʲixʲirʨa puxuʨa ŋamʨoβexeʔ.
31 sʲixʲirʨa βesakor tuʔ xeβxana ŋamʨoβanta sʲerʔ ŋobʔ xorkɨmʔ pʲaʔ malxad paradambʲi.
32 sʲidʲa seβ serʔ ŋaʨekɨ menʔ xarβaŋaxaʔ.
33 ŋarkajumʔ xonramba pʲada:
34 - xʲibʲadʲiʔ pɨdarʲiʔ?
35 manʨʲβanʲiʔ juxunʲiʔ, jekarʔ, mʲamʲiʔ xanʲana nedakɨ.
36 menʔ xarβanʲiʔ.
37 sʲixarʨa βesakuʔ munta juŋgu.
38 sʲixarʨa puxuʨa ŋobtarʲemʔ munʨi.
39 sʲan xonramba pʲabʨiʔ βesakuʔ munta juŋgosʲetɨ.
40 tad xonramba ŋeβadalarʲiʔ.
41 ja xorkadʲoʔ nʲo xeβxana βenʲekodarʲeβʔ mandalʨ xonejaxaʔ.
42 xunʲanʲa ŋormadaβej pʲinʔ tarpjjaxaʔ, ŋanʲiʔ xarasʲada jaβna jadaljjaxaʔ.
43 tad ŋɨxɨ mʲadɨmʔ xoŋaxaʔ.
44 mʲadɨʔ pomnʲa jadʲermanʨiʔ sʲerʔ ŋobʔ xaβɨ tɨ ŋeβamʔ xoŋaxaʔ.
45 ŋarkajumʔ majʔ , manma:
46 - ʨedaʔ saβaβna ŋortanʲiʔ.
47 nʲudʲajumʔ ma:
48 - ŋamgenʔ tarʲemʔ main?
49 xaβɨ tɨʔ ŋeβa ŋerxanʲuʔ!
50 ŋarkajumʔ tɨ ŋeβamʔ nʲamada, βenʲekodarβʔ mʲedpa pʲada.
51 nʲudʲajumʔ xeβxanta nu, sɨrŋa.
52 ixʲinʲanta ma:
53 "seβmʲi xaʨerʔ ŋa?
54 nʲabʲi seβxananʲi tɨ ŋeβa naŋedʲa, nʲabʲi seβxananʲi pʲelʲarʲida ŋerxanʲu."
55 nʲada namgexeβamʔ ŋorŋa, ŋortara xa.
56 ŋaβuʔ pʲirkana sʲidʲa seβ serʔ ŋaʨekɨ ŋanʲiʔ jadaljjaxaʔ.
57 nʲaxarʔ jalʲaʔ ŋesoŋgana nʲeranʨiʔ nʲana nʲaxarʔ mʲadmʔ maneŋaxaʔ.
58 ŋarkajumʔ ŋanʲiʔ majʔ, manma:
59 - ʨedaxaβʔ saβaβna ŋortanʲiʔ.
60 mʲakʔ teβjjaxaʔ.
61 jerji mʲatʔ tʲuŋaxaʔ.
62 mʲadʔ jerβʔ nʲe jedmʔ pʲirʲeβɨ.
63 jedda xanʲebʨo ŋamsana panŋa.
64 tarsʲiʔ ŋabʨe, todkabtɨ.
65 sʲidʲa seβ serʔ ŋaʨekɨ maŋaxaʔ:
66 - joxobortaxanʲiʔ βɨnxalɨnʲiʔ.
67 sʲidnʲiʔ ŋaβlaidaʔ!
68 ŋaʨekexeʔ laxanaβaxanʨiʔ tuduʔ munoŋa.
69 mʲadʔ ʨerʔ laxanana ŋaʨekexeʔ nʲamna βadaduʔ juŋgu.
70 tuʔ munomaʔ sʲerʔ manʨetɨʔ:
71 - tunaʔ ŋamgeda xadkejʔ?
72 ŋanʲixʲina tarʨa munoda juŋgosʲetɨʔ.
73 sʲidʲa seβ serʔ ŋaʨekɨ ŋormadaβej xonʲo jusʲibtejxaʔ.
74 xunʲana xajerta ŋadʲimʨ nʲudʲajumʔ sʲidɨ, ŋeβamta tʲuʔ ilada.
75 manʲijebta nʲada xabejnŋe jusʲida.
76 seβxajuda to selxaxaʔ.
77 tarʨamʔ manelʲisʲ sʲejda xaja.
78 ŋeta nʲi sanejʔ.
79 ja sʲid janʔ βarʲilʲibtʲeda.
80 nʲaxarʔ jalʲaʔ punsʲada jaβna jadβanta sʲerʔ nʲero jaxakuʔ nʲero jaxakuʔ nʲimnʲa ŋadʲimʲa.
81 nʲero jaxakuʔ ŋɨlnʲajuʔ pʲada.
82 ŋaβuʔ pʲirkana jaβʔ βar ŋadʲimʲa.
83 xarta mʲata tandajaʔ saβaβna maneŋada.
84 mʲakanta teβɨʔ.
85 nʲisʲaxajuda nʲebʲaxajuda majaxaʔ.
86 seβ serʔ βesaku manma:
87 - nʲerʔ madamʨ, mʲadʔ xeβxana sʲanakosʲtuʔ.
88 ŋamge nʲisʲan namdorʔ?
89 namdormɨ ŋebʔ nant majantʔ nʲinasʲ jerʲemtʔ.
90 tad ʨikɨʔ pud nʲudʲa seβ serʔ ŋaʨekɨ mʲata xeβnʲaʔ nʲi xanʨetuʔ.
91 nʲisʲanta βadaxaʔ namdorʨetɨ.