1 marʲindʲa puxuʨa
2 laxanakor manma, sʲidʲa xasaβa, sʲidʲa marʲindʲa ilʲeβexeʔ.
3 malŋe nʲesaβej.
4 ŋarka marʲindʲant sʲidʲa nʲudʲa.
5 nʲabʲi xasaβaa ŋaʨekɨ, nʲabʲi nʲe ŋaʨekɨɨ.
6 nʲudʲa marʲindʲant ŋobʔ nʲe nʲudʲa.
7 tarʲemʔ ilʲesʲetɨʔ, ilʲesʲetɨʔ, sʲanɨ ŋebtuʔ ŋodʔ xonʲodaxantuʔ malŋe xaʨ.
8 ŋarka marʲindʲant puxuʨarʲi ilʲe xajuβɨ.
9 puxuʨa pʲinʔ tarada, tarʲi janʔ sʲurɨʔ.
10 tarʲi jarʲinʔ sʲurmbadananta xurkananta pʲiŋe xaja, xurkanʔ monejʔ, ʨikanʔ jusʲibtejʔ.
11 tad ʨikad xunʲana ŋanʲiʔ jurkɨʔ.
12 ʨikɨ jaxadanta ŋanʲiʔ jaʒalʲijʔ.
13 ŋanʲiʔ pʲiŋe xaja, ŋanʲiʔ jusʲibtejʔ.
14 nʲikadasʲtɨ, jusʲibtasʲtɨ.
15 namgeʔ jolʲʨaŋgana, nʲaxaromdej jalʲananta ŋanʲiʔ jadalʲijʔ.
16 taxabʲe ŋodʔ mʲadʔ nʲimnʲa ŋadʲimʲoβʔ.
17 ŋojuʔ mʲadmʔ maneŋa ŋanʲi, ma:
18 - oβ, ʨedaʔ mʲadʔ mʲunʲa nʲidamʔ xonaŋguʔ mʲatʔ tʲuidamʨ.
19 mʲatʔ xanʲa tʲuʔ.
20 mʲakana βesaku, puxuʨa, xasaβa ŋaʨekɨ.
21 jedduʔ tandajaʔ pʲinβɨ.
22 marʲindʲa puxuʨa nʲabʲi lata malxɨ nʲe sʲeja paxant ʨikanʔ ŋamtɨʔ.
23 puxuʨa jedamta tʲedaxanta manma:
24 - tajkuj nʲeneʨʔ tosʲ, puxuʨa tosʲ, nʲi ŋortʔ?
25 marʲindʲant puxuʨaʔ ŋobkart munta juŋgu.
26 βesaku manma:
27 - normanʔ nʲinʲakɨ xarβaʔ, nʲibʨu ŋorʔ.
28 tanʲa pejoʔ!
29 ŋormaxadantuʔ mʲad ʨerʔ xonejdʔ.
30 marʲindʲa puxuʨar ŋanʲi pʲinʔ tarada.
31 ŋanʲiʔ nʲaxarsʲan jalʲaʔ tarʲemʔ jadnaxanta mantesʲtɨʔ, jusʲidasʲtɨ.
32 ŋameda βunʲi tanʲaʔ.
33 xanʲa mantɨrʔ.
34 arʲemʔ jadnaxanta ŋojuʔ mʲadmʔ maneŋa, ŋobʔ jabtakoko mʲadʲikoʨamʔxo.
35 ma:
36 - mʲadʲikoʨaʔ mʲuʔ ʨedaβʔ tʲuidamʨejʔ!
37 tanʲananta teβɨʔ.
38 nʲoʔ sʲiβnʲa mʲatʔ tʲu.
39 mʲadʲikuʔ mʲunʲa ŋopoj puxuʨa meβɨ.
40 puxuʨar ma:
41 - oβ, manʲ nʲikadasʲtɨdejmʔ.
42 tʲiŋejʔ, nʲenej nʲadmʲi tonʲuʔ.
43 mʲal juŋgu?
44 xanʲad ton?
45 - xanʲad tutadm?
46 nʲinʲi xaβakɨʔ.
47 mʲatamʲi xosʲ jamadamʨ.
48 - tʲedaβʔ nʲananʲi ilʲeʔ!
49 sʲimʲi nʲadabain.
50 - ŋamgena sʲit nʲadabaŋgudmʔ?
51 - manʲ pedasʲtɨβʔ ŋaʨekɨ sʲertaba.
52 jaʔ tʲer nʲeneʨaʔ nʲud sʲertabʲidmʔ.
53 pɨdao sʲimʲi tarʲemʔ nʲadabain.
54 sʲit toxolambŋgudmʔ.
55 - xanʲadmʔ nʲadabaŋguʔ.
56 ŋaʨekɨ sʲertaba jexerabʔ nanʲi ŋodʔ sʲit nʲadabaŋgudmʔ.
57 ŋamgeʔ jolʲʨaŋgana ŋaʨekɨ sʲertabada nʲamta manʲijeda.
58 nʲada ŋamsaxatata, monzaŋg ŋamsaxat ŋaʨekɨ sʲertasʲetɨ, pʲinʔ ŋedtasʲtɨda ladxaja.
59 manʨetɨ:
60 - xanʔ, nʲebʲadamt xoŋgun, nʲisʲadamt xoggun.
61 marʲindʲa puxuʨa ŋobtarʲemʔ ŋaʨekɨ sʲertasʲetɨ, pʲinʔ ŋedabtasʲtɨda, manʨetɨ:
62 - nʲudʲa marʲindʲant mʲatʔ xeidaʔ, xeβnʲaŋɨ mʲatʔ nʲodaʔ xanʔ!
63 tarʲemʔ sʲertabadanʨiʔ marʲindʲa puxuʨa sʲiiβ nʲumʔ sʲerta, ma:
64 - ja tʲiŋgɨβna xanŋadaʔ!
65 nʲusʲada nʲenʨejʔ mʲatʔ xeidaʔ!
66 mʲaʦaβej puxuʨa manma:
67 - tʲedaʔ nɨlanaxanʲiʔ!
68 nɨlanaljjaxaʔ.
69 sʲan jalʲaʔ ʨikana mebta mʲaʦaβej puxuʨar ma:
70 - xeβanʔ xarβan?
71 xarβabat xanʔ!
72 tʲukona ponʔ mebʔ nant ŋodʔ manʲ xasaβasaβedmʔ.
73 xasaβamʲi tuta, sʲit tatɨdanta meβanʔ xarbʲilaŋguʔ.
74 xebʔ nant saβa.
75 tʲikɨ jaxadanta, taxabʲe marʲindʲa puxuʨa ŋormaxadanta pʲinʔ sanejʔ, jadalʲijʔ.
76 panekoʨamta sʲera jadalʲijʔ.
77 jadsʲetɨ, jadsʲetɨ, nɨlana xonasʲetɨʔ, ŋanʲiʔ jadalʨetɨʔ.
78 oβ, serkoja xoj maneŋoβʔ!
79 sʲudobʲa serkoja sʲeda ŋerxa.
80 sʲedaʔ nʲarʲin mʲiŋa.
81 ixʲinʲanta ma:
82 "sʲedamʲi tarsʲiʔ pʲirʨa nʲu."
83 ʨedaʔ jusʲidaŋgudmʔ, xonʲodadmʔ, xunʲana seβmʲi masʲiʔ ŋadʲimzuʔ.
84 xunʲana jurkɨʔ, ŋanʲiʔ jadalʲijʔ.
85 tarʲemʔ sʲedaʔ nʲarʲinʔ jadnaxaŋta xunananta labtamʔ xo.
86 labtaʔ jernʲa sʲidʲa ŋarka mʲaŋejʔ.
87 ixʲinʲanta ma:
88 "tadʲexaβʔ mʲatamʲi xodmʔ, nʲiβʔ teβŋguʔ."
89 peβsʲumnʲana mʲakʔ nʲaʔ teβɨʔ.
90 βarɨ mʲatʔ tʲu.
91 βaβʔ nʲinʲa xasaβa ŋaʨekɨ, nʲe ŋaʨekɨ ŋamdɨxʲiʔ.
92 marʲindʲa puxuʨa sʲeja paxakonʔ ŋamdɨʔ.
93 jedamʨiʔ ŋola pʲaŋaxaʔ.
94 marʲindʲa puxuʨa ma:
95 - mekoʨadamʲi tadʲiʔ!
96 ŋoka jalaʔ jambanʔ jadβnʲi sʲerʔ ŋormadaβedmʔ.
97 xasaβa ŋaʨekɨ ma:
98 - ŋamgeda xadkejʔ?
99 tumʲiʔ munoŋa.
100 nʲe ŋaʨekɨ ma:
101 - tu munota juŋguʔ.
102 marʲindʲa puxuʨa ŋanʲiʔ ma:
103 - jebtoβʔ, sʲimʲi nʲidʲiʔ ŋaβlaŋguʔ?
104 mekoʨadamʲi tadʲiʔ!
105 xasaβa ŋaʨeker ma:
106 - oβ, ŋamgeda xadkejʔ?
107 tumʲiʔ tarsʲiʔ munoŋanʲuʔ.
108 nʲe ŋaʨekɨ ma:
109 - nʲerʔ nʲeneʨʔ tosʲenʲuʔ.
110 jexeran?
111 xasaβa ŋaʨekɨ ma:
112 - axeraβ.
113 nʲeneʨʔ sʲenʲaʔ tosa?
114 nʲe ŋaʨekɨ ma:
115 - nʲebʲamʲiʔ to.
116 xaβanʲiʔ malʲeŋgana nʲebʲamʲiʔ mʲakad xajasʲ.
117 tad xaʔ maxadanʲiʔ nʲebʲamʲiʔ xanʲaxart xosʲ jamamʲinʨ.
118 tadʲexaβʔ xarta torxanʲuʔ.
119 xasaβa ŋaʨekɨ ma:
120 - tʲukona ŋamgert nʲeneʨʔ juŋgunʲuʔ.
121 tumʲiʔ munoŋa.
122 tʲonʲaŋɨ nʲe papar xosʔ!
123 pɨda ŋamgert sʲerkad nʲi jexerasʲtuʔ.
124 nʲe ŋaʨekɨ tʲonʲaŋɨ mʲatʔ xaja nʲe papamta xosaja.
125 nʲe papada to, ma:
126 - xamanʨ sʲimʲi xaŋan?
127 xasaβa ŋaʨekɨ ma:
128 - tumʲiʔ munoŋa.
129 tumʲiʔ ŋamgemʔ perpata?
130 nʲe papa manma:
131 - turʲiʔ ŋamgemʔ munota?
132 ŋaβxɨ joxoβɨ nʲaβaʔ torxaβɨnʲuʔ, ŋarka marʲindʲant puxuʨa.
133 nʲir manʲijeʔ?
134 xasaβa manʲijeʔ.
135 ʨikana mejaβa.
136 xunʲaŋɨ jalaxana jedej xandamʲi mʲiŋgudmʔ.
137 ʨikaxad taʔ lʲexebtairʲiʔ.
138 jedej panena sʲerʲibtʲeirʲiʔ.
139 tad tɨmʔ xadaŋguβ.
140 xanmʲi tɨ βejaxana masarŋarʲi, tad nʲamʨiʔ xanʔ nʲiʔ ŋamdtarʲiʔ, jusʲibtalarʲiʔ.
141 sɨraʔ jambanʔ, taʔ jambanʔ ʨikɨ xanmʔ βadartarʲiʔ.
142 xexe xanβaʔ ŋeŋgu.
143 ʨi, xasaβa ŋaʨekɨʔ βadʲita sʲerʲeβʔ sʲertadʲiʔ.
144 tɨ βejaxana masarmɨ xanʔ nʲiʔ tuβɨ puxuʨamʔ, ŋarka marʲindʲaʔ puxuʨamʔ, jusʲibtaladʲiʔ.
145 ʨikʲi puxuʨar, jekarʔ, ilʲe, jekarʔ, xa.
146 jaŋor ilʲena nʲeneʨaiʔ meta xexeŋe xaja.
147 ta βalakada.