1 tab jed xeβko
2 jamgad tanana jaxaʔ tarka salʲa.
3 jaxa sʲidʲa jaβna xeβɨ.
4 jaxaʔ talmoʔ nʲinʲa balagaŋkoʨa.
5 ʨikaxana nʲe ilʲe.
6 nʲumʨa tab jed xeβko.
7 βenʲekoʨada tanʲaβasʲ sʲejanta nʲana.
8 jalanʨiʔ sʲidʲamboxoʔ.
9 sʲanɨ ŋebta ŋodʔ βenʲekoʨada ʨorʲejʔ.
10 βenʲekoʨanta pɨjaʔ ŋɨlmna sɨrŋa, manetada juŋgu.
11 βenʲekoʨamta xaxajuta poŋgad nʲamada, βenʲekoʨanta xaxaʔ pomna sɨlɨʔ.
12 ŋesodana mʲakʔ manʲijeβɨ.
13 tab jed xeβkor βenʲekoʨamta mʲatʔ sʲarada.
14 nʲirɨ manʲijeβɨda ŋesodana mʲadoʔ jedʔ xuʔ βantalabtada, taʔ βantalabtada.
15 sʲanat ʨedaʔ mʲimbata ŋodʔ ŋesodana mʲaʔ mʲadʲiʨi poj xubtamboj ŋeβɨ.
16 nʲabʲi mʲaʔ tuda juŋgorxa.
17 tamna ŋesomadanʨi tumdaβej ŋerxa.
18 nʲabʲi mʲakana palnaku so.
19 ta mʲadxaʔ pontʔ tab jed xeβko teβɨʔ, sʲanpoj mɨxɨmʲijʔ.
20 tandaja mʲiβɨ xurumeŋe xarmɨdejʔ.
21 tab jed xeβkor taʔ ŋaʨena.
22 nʲabʲi mʲakana palnaduʔ so.
23 ŋesomadantuʔ jabʲerxaʔ.
24 nʲabʲi mʲatuʔ tuda juŋgorxa.
25 taʔ jolʲʨemaxadantuʔ ŋɨsutuʔ ŋɨsutuʔ jerβ mamononta:
26 - mkantaʔ jatnadaʔ!
27 xunʲana ŋanʲiʔ jamdaŋgunaʔ.
28 xunʲana ŋesomadanaʔ sʲarkaduʔ ŋanʲiʔ nʲiβamʔ ŋamdʔ.
29 ʨedaʔ mʲakantaʔ jatnadaʔ!
30 sʲidʲarʲi nʲeja ŋudad xasaβamʨiʔ sʲidʲa ŋkdad mʲinrʲedʲiʔ.
31 ŋobtʔ sulmasʲetɨdʔ.
32 mʲadxaʔ pondʔ teβa tandajaʔ mʲiβɨ xurumɨmʔ xoʔ.
33 ŋobʔ nʲe maʔ nʲiβʔ:
34 - mʲakanta teβraβanʲiʔ sʲerʔ nʲi ŋaʔ.
35 ʨedaʔ ʨikɨ poda xexerŋaja, jabʲebʨoda xexerŋaja.
36 tumʲiʔ pʲataβndaβej nʲiβʔ ŋaʔ.
37 puna tumʲiʔ pʲatamadanʲiʔ nʲimʲimʔ xosajaŋguʔ.
38 nʲexeʔ xasaβamʨiʔ tandajaʔ mʲiβɨ xurumɨʔ nʲiʔ jusʲibtaladʲiʔ.
39 mʲaʨiʔ nʲana xajaxa, tumʨiʔ pʲataŋaxaʔ.
40 nʲerdʲena tumʨiʔ parraxa.
41 tab jed xeβkor ibʲidulɨʔ:
42 "nʲorβadmʔ janolaraʔ."
43 tab jedʔ xeβkor nʲabʲi tumamʨiʔ jerʨa teβxaβa ma:
44 "xasaβamʨiʔ xosaja xadnoʔ tutŋaxaʔ."
45 tab jed xeβkor ŋopoj mɨxɨβtejʔ, jaβna xeʔmʲada nʲi ŋadʲuʔ.
46 xan xanzad jaβna mʲijoma juŋgu, ŋamgert juŋgu.
47 tanʲananta balagaŋkonta nʲoʔ sʲinʔ xaʔ mɨʔ ŋanʲi, tab jed xeβkor ŋopoj mɨxɨβtejʔ.
48 xasaβa sɨraʔ nʲinʲa xai.
49 tab jed xeβkor βaβanta jusʲibtejʔ, xonejʔ.
50 jalemaʔ nʲana nʲemada xaja.
51 jalumaʔ nʲerʨuʔ ŋeβɨ.
52 xasaβanta nʲemada xerxa, jabʲebʨoda xeβakɨ.
53 balagaŋkomʔ sʲan sʲurxalʲeβonta.
54 βadananta toʔ mamta pʲunakɨ?
55 sʲan sʲurxalʲeβonta.
56 toʔmamta nʲisʲ xuʔ nʲomʔ ʨadeʒa, mʲatʔ tʲu.
57 tab jed xeβkor sanejʔ.
58 tumta pʲata, ʨaj jedmʔ pʲirʲe.
59 tolamta ta.
60 ŋobʔ tolxana ŋorŋa xasaβaʔ nʲaʔ.
61 ŋamge ŋoromamʨiʔ jolʲʨemaxadanʨiʔ xasaβa pʲinʔ xantamta xannakɨ.
62 tab jed xeβkor sʲinʲaŋɨ xeβxana xarta nulʲudakomʔ, xunʲerku lʲexebta, xarta nulʲudakuʔ nʲiʔ xonabtada xasaβamta.
63 xonʲomaxadanʨiʔ tandajaʔ saβaβna jaluma, tandajaʔ jurkjjaxaʔ.
64 tab jed xeβkor ʨajnda pʲirʲe.
65 ŋorŋaxa.
66 xasaβa xanjebta saβa xasaβa ŋeβɨ.
67 mʲirβodʲiʔ tanʲaβakɨʔ .
68 xasaβa xanʲeβanʨ xaja.
69 peβsʲumnʲana to, sʲidʲa ilʲebʨamʔ xadaβɨ.
70 xobadʲiʔ taβɨ, jed ʨerko taβɨ marʨanta nʲirʲina.
71 ʨikaβaxad xasaβa pʲilʲiponʔ xanʲe.
72 sʲarʲiʔ xunat menakexeʔ ŋanʲi, naraʔ nʲaŋɨ nuβoda pʲaβɨʔ .
73 xasaβada jada jadʲeromadanta nʲikadasʲtadakɨ.
74 xasaβa maʔ nʲiβʔ:
75 - xanʲad toβamʲi jexeradmʔ.
76 xanʲaʔ xebʨatamʲi xanʲad xoŋgudmʔ.
77 tβb jed xeβkor manma:
78 - ta xanʲad xebʨant juŋgobʔ βaβmʲiʔ ŋobtʔ sʲertaxamʲiʔ.
79 ʨi, ŋobʔ βaβʔ nʲinʲa xonʲosʲetɨxʲiʔ.
80 sʲanɨ ŋebtuʔ ŋodʔ peβsʲumʲenʲana xasaβada jadʲerʨ tomadanta peβsʲumʨ to.
81 sʲidʲa ilʲebʨamʔ pʲilʲibtʔ tadŋa.
82 tab jed xeβkor ŋanʲi sɨraʔ tɨrabtambʲida, taʔ tɨrabtambʲida.
83 xasaβanta xanʲesej mʲinxanta mejadasʲttda.
84 tɨrabtasʲtɨda, mejadasʲtɨda.
85 taʔ taŋeβ pɨβaxad tɨrabtasʲtɨda taŋɨ ilʲebʨaita xoba.
86 ŋanʲiʔ mesʲtɨda, tɨrabtasʲtɨda, naʨetɨda.
87 napxaja sʲurpʲida.
88 sʲanɨ ŋebta ŋodʔ naraʔ nuβoda pʲaβɨʔ.
89 tab jed xeβkont βenʲekoʨada pʲixʲinʲa ŋanʲiʔ ʨorʲeβonta.
90 tab jed xeβkor ʨedaʔ ʨenʲeβʔ nʲiβʔ.
91 βenʲekoʨanta xaxajuta palkad nʲamada, xaxajuta pomna sɨlɨʔ.
92 oβ, ŋokaja jurmʲan mʲadʔ.
93 tɨduʔ xaʨa juʔ jonarʔ ŋebtuʔ, jekarʔ .
94 tab jed xeβkont xasaβada xunɨ.
95 tab jed xeβkor βenʲekoʨamta βadarʨ nʲirɨ nʲirɨ manʲijeβɨda ŋesodana mʲadoʔ jedʔ pʲada.
96 mʲadʔ ŋoka ŋeβɨʔ.
97 xaʨa jurmʲan mʲaʔ.
98 tɨduʔ juʔ jonarʔ ŋerxa.
99 tab jed xeβkor βenʲekoʨamta βadarʨ mʲiŋa, mʲadoʔ xeβanʔ ŋoʔ tʲuβɨʔ.
100 tad βadʲisʲej ŋudamta jalʲenta pɨrdarʲiʔ nʲaxarʔ nekalŋada.
101 ibanta nʲad xadŋe nʲalpadɨlada.
102 mʲadʔ maxanʲaʔ sapʨenanʔ tɨʔ juʔ jonarʔ ŋoka ŋeβɨʔ.
103 texeʔ teβɨʔ ŋanʲi, taʔ βenʲekoʨamta tabʲida:
104 - mʲadʔ jedʔ nʲerdʲein!
105 tadxaβʔ jurmʲan tɨ nɨkalŋa.
106 βenʲekoʨada nʲabʲi ŋemta tʲibtʲesstɨ, nʲabʲi ŋemta tʲibtʲesstɨ.
107 mʲaeŋgad xabʨeʔ βenʲekoʨaʔ pumna lʲampolɨʔ .
108 tab jed xeβkor ŋanʲi nʲenoβaj ŋudamta jalʲaʔ sʲerʔ nʲaxarʔ nekalŋada.
109 ŋermta nʲad xamorʲe ʨir tanejda.
110 xadŋe jaxana sɨramʔ nʲi xajeʔ.
111 nʲirɨ mʲinrʲeβɨ tɨ tanta jolʲʨmana naŋada.
112 sʲarʲiʔ xunkana xebta ŋodʔ ŋudamʔ βeŋgala ŋuda nʲi ŋadʲuʔ.
113 ʨikɨ mʲerʨada.
114 tanabada tɨdʲa sʲidʲa janʔ lʲekejʔ.
115 tab jed xeβkor mʲakanta teβɨʔ.
116 βenʲekoʨada nʲonta paxaŋgana malʲe ʨoklaβɨ.
117 nʲe sɨrʲida jaŋgtakɨ, βenʲekoʨamta sʲejanta paxantʔ me.
118 xasaβanta mamana xaja.
119 xasaβada sʲenʲanta xunɨ.
120 jalumaʔ nʲana xaja.
121 xasaβaʔ nʲemada xenʲakɨ.
122 mʔ nʲiβʔ:
123 - nʲaβeʔ, balagaŋkonʲi xeβxana tarʨa sʲaβrɨrta juŋgusʲetɨ.
124 tɨbnʲeʔ mʲana xurkarʲi tɨbnanaʔ ŋeβonontuʔ.
125 tab jed xeβkor manma:
126 - masʲiʔ sarmʲikʔ labadaβɨ tɨʔ ŋedakɨʔ.
127 xasaβada pʲixʲid to, manma:
128 - xaʨa jurmʲan tɨ ŋerxa.
129 xadxaβ ŋamgert xad juŋgu.
130 tab jed xeβko ma:
131 - xanʲaʨejʔ saβa.
132 padar jada jadʲerʨetɨnanʲuʔ, nʲin nʲikadasʲtuʔ.
133 xanʲaʨejʔ ʨedaβʔ ŋedalʲo nʲinuβʔ xanʲeŋguʔ.
134 tamʲinʨiʔ jurrʲjjaxaʔ.
135 tab jed xeβkor tumta pʲata, ʨaj jedmʔ pʲirʲe.
136 tʲuku jalʲaxad xasaβada xanʲe nʲi xanʔ, masʲ ŋedakɨ.
137 ʨedaβ, tɨda tanʲaʔ.
138 xanda juŋgunʲuʔ.
139 pedaraʔ nʲad xankodamta pʲinta.
140 sʲidʲa jalʲaʔ mʲirʨakɨ, nʲaxarʔ jalʲaʔ mʲirʨakɨ.
141 xandamta sʲerta.
142 mʲaeŋgad xabʨeduʔ ŋeβoduʔ maneŋa, xanʲaŋeduʔ temgʔ.
143 temg tedamta me, ŋedalʲo xanʲelɨʔ.
144 sʲarʲiʔ xunat menakexeʔ.
145 ʨedaβʔ ilʲebʨaita ŋamsa jalʲana xanʲesʲeida ŋaxat sʲidʲa ilʲebʨʔ ŋesʲtɨ.
146 ʨedaʔ ŋamsasaβej malʔ tadʲjeda, ŋedalʲo xanʲeʔ nʲiβʔ.
147 pʲilʲibtʔ xanʲe.
148 taʔ xanʲesʲetɨ, sɨraʔ xanʲesʲetɨ.
149 ŋerʲoʔ nʲaŋɨ sɨrʲida pʲaʔ.
150 taŋɨ ilʲebʨaiʨiʔ ŋmsa tɨrabtambʲidʲi.
151 tɨrabtaxaja sʲurpʲidʲiʔ.
152 tab jed xeβkor taŋɨ ilʲebʨaita xoba xajerkad tɨrabtasʲtɨda, sɨrej ilʲebʨaita xoba ŋobʨikɨ tɨrabtasʲtɨda, mejada sʲurpʲida.
153 xasaβada xuβʔ malko xebʔ nanta ilʲebʲadʲiʔ ŋɨdrʲi βadɨ.
154 seβʔ malʔ jolʲmana malŋe ilʲebʲaŋe xajaʔ.
155 tʲanʲo nʲinʲakexeʔ meʔ, ŋoka pomʔ metakexeʔ.
156 xasaβa manma:
157 - xadomʲi xado βarʲjjaβaŋe nʲi xanʔ.
158 xuβʔ xebʔ nanta xaʨa jalʲaʔ jerŋe xanŋa, pudanaxananta jalʲaʔ jerji punʲaŋeŋe xanlɨ.
159 taju jed xeβkont xasaβada manma:
160 - taŋɨ ilʲebʨajet xobat sʲidʲa mʲujkodar sedʔ!
161 sɨrej ilʲebʨajet xobat sʲidʲa tarʲiʨejdar sedʔ!
162 manʲ xanʲedamʲi masʲ nʲiβʔ ŋaʔ.
163 manʲ xandamʲi pʲindaŋgudmʔ, jamb xandamʲi, juxunadamʲi, βandakodamʲi, sʲabudamʲi, xandamt.
164 padar ŋanʲi sʲidʲaxaʔ mʲujkodar sedʔ, sʲidʲaxaʔ tarʲiʨejdar sedʔ.
165 xasaβa pʲilʲiʔ pʲindasʲetɨ, pʲilʲibtʔ mʲirŋa.
166 tʲanʲo nʲinʲakɨ mʲirʔ, xanoda jolʲʨe.
167 tab jed xeβkor malʲe seduβnʨida sʲidʲa tarʲiʨejmʔ sedβɨ, sʲidʲa mʲujkomʔ sedβɨ.
168 xasaβada manma:
169 - ta ŋurʲimʲi xaiʔ.
170 ŋurʲimʲi juŋgu, ŋudmʲi pʲintaβanʨ xantadmʔ.
171 ʨi, ŋudoda pʲinta, sʲan jalʲaʔ mʲirʨakɨ, ŋudoda mʲi.
172 ta jolʲʨaŋgana xandada malʔ jolʲʨeʔ gʲiβʔ.
173 xasaβa tab jed xeβkonta βaxalʲijʔ :
174 - manʲ tɨnʲi saʨ ŋɨxɨ saʨ ŋɨxɨ jaxana xanŋaʔ.
175 tɨnʲi malambβamʲi xubta nʲiβʔ ŋaʔ.
176 xanod xuraid.
177 jamb xanar ʨi, juxunar ʨi.
178 βandakud ʨer ŋamsakud, tɨrabtaβɨ ŋamsakud βandakont mʲuʔ xuraŋguʔ nʲadaβʔ.
179 sʲabunt ʨerxaβ puna tomadanʲi xoŋgsakedmʔ balaŋkonʲi latad.
180 xasaβa malko xaja.
181 jalʲanta jerkad xeʔ mʲadanta to.
182 tanabadʲida tɨda ʨexeda nʲi ŋadʲuʔ.
183 tɨ βunʲixʲiʔ ŋorʔ.
184 xaŋgnadʲiʔ ŋobtarʲemʔ juŋgu.
185 tɨ teβramadanta ʨajamʨiʔ ŋamtakexeʔ.
186 sʲabunʨiʔ ʨerad latakodamʨiʔ xoŋgtakexeʔ balagaŋkodanʨiʔ.
187 xabtu jorkalŋaxaʔ, mʲudadʲiʔ pujdaŋaxaʔ.
188 tab jed xeβkoβ xasaβaxanta ŋeβada jarejʔ:
189 - balagaŋkomʲi tʲaxad nʲad memɨnʲi nʲiβʔ ŋaʔ.
190 padar ŋoʔ tʲukonʔ teβʔ nʲisʲanaβʔ.
191 balagaŋkoʔ mʲuʔ sulʲakodar nʲamʔ!
192 xasaβa ŋobʔ sulʲakomʔ nʲama.
193 tab jed xeβkor ŋanʲiʔ ma:
194 - tʲunʲaŋɨ xeβamta xabarkamʲiʔ.
195 tʲunʲaŋɨ xeβda manʲiʔ jejmʲiʔ.
196 ŋɨlnʲaŋɨ xeβamta nʲor xabarʔ, ʨikana xajoja.
197 nʲont sʲi, sʲidʲerʲint sʲi βar pʲiʔ nʲad malŋe xeβotanʔ βsʲakona.
198 tʲaxant nʲad nʲidamʔ mɨʔ tʲukona.
199 padar ŋoʔ ʨikanʔ teβʔ nʲanaβʔ.
200 xeβotaxaja xajexamʲiʔ, tʲunʲaŋɨ xeβkoβada manʲiʔ jejmʲiʔ ŋeʔ nʲiβʔ.
201 nʲenesʲa ŋoʔ tarʲemʔ sʲertadʲiʔ.
202 sulʲakomʔ xabarŋadʲiʔ.
203 tʲunʲaŋɨ xeβamta jaxadʲiʔ, sʲidʲerʲinʨiʔ sʲi, nʲonʨiʔ sʲi malŋe xeβotajdʲiʔ.
204 ŋɨlnʲaŋɨ xeβda ʨikanʔ xai βejasaβej.
205 ta mansxalʲjjaxaʔ.
206 nʲenesʲa ŋoʔ xadoʔ mal xubta ŋeβɨ.
207 ŋudunta ŋedalʲobʨedʲiʔ, xadonʨiʔ malmʔ tamna nʲidʲiʔ teβʔ.
208 nʲabʲimʨej ŋudunta ŋedalaβananʨiʔ tandajaʔ teβadʲiʔ.
209 nadoʔ βarmʔ xaje xasaβa nultada tɨda ŋanʨibʨe.
210 tɨdʲiʔ ŋanʨibʨeŋaxaʔ.
211 xasaβa nʲernʲakuʔ mansxalada.
212 maʔ nʲiβʔ:
213 - tɨnʲi punʲajuʔ jadʲerpʔ xadonʲi malxad nʲesej janʔ xerabtɨrtanʲiʔ.
214 ŋobʔ mʲusʲeŋaxaʔ.
215 tab jed xeβkor xajubtarʲeβɨ.
216 tad xasaβada nultada.
217 mʲata mʲud pʲula.
218 tʲuramta palŋa, ma:
219 - tʲukod mʲadʔ mʲuŋʲe saβa, mʲudar ʨikaβna sʲurxalʲed!
220 nʲe mʲudamta sʲurxalʲe ŋanʲi, mʲatʲiʔ palŋaxaʔ.
221 xasaβada taxajuda me.
222 nʲe βaβda ʨer tʲulʲenakɨ.
223 βaβda lʲexebtanakɨ.
224 latada lʲexebtanakɨ.
225 latada lʲexebtamadanta xasaβa pʲinʲa manzajamta perŋa.
226 taxajoda sʲurxalʲo takaljjada.
227 xanota so sʲurŋa, mʲatʔ tʲu.
228 jeddʲiʔ malʲe pʲiβɨ.
229 jeβej ŋormaxadanʨiʔ xonejxaʔ.
230 xasaβa ŋaxat xanʲebtasa, ʨedaβʔ ŋedalʲo xanʲeʔ nʲi.
231 xunʲana tedda nʲama, ŋedalʲo xaja.
232 ŋanʲiʔ sʲidʲa ilʲebʨamʔ xada.
233 pʲillʲiponʔ sʲidʲa xanoŋa.
234 pʲilʲibtʔ xanʲe.
235 xadodʲiʔ punʲaŋɨ xadoʨiʔ malanʔ tɨdʲiʔ teβanʔ xarbʲilɨdʔ .
236 ŋanʲiʔ nʲesʲaj janʔ xerabtejdʲiʔ.
237 ŋanʲiʔ nʲesʲaj janʔ ŋɨsɨxɨʔ, tarʲi nʲinʲakexeʔ meʔ.
238 tab jed xeβkor xasaβa nʲukʨamʔ xo.
239 laxanako nʲu ŋamge ponʔ ŋaramtaŋgu?
240 tʲanʲo nʲanʲakexeʔ meʔ, nʲudʲiʔ ŋarma.
241 malʲe pʲiβnʲa xarta jarkolanaŋe xaja.
242 tarʲemʔ xarptɨrtaxanʨiʔ nʲudʲiʔ xasaβa jolʲʨŋganta teβɨʔ.
243 ŋanʲiʔ nʲesʲaj janʔ ŋesosʲetɨʔ, ŋesosʲetɨʔ, tʲanʲo βunʲixʲiʔ meʔ.
244 sʲarʲiʔ xunat nʲenado sutɨʔ jadanʔ ŋɨsɨʔ.
245 pʲirʨʲkaja sutɨ ŋeβɨ.
246 tab jed xaβkont xasaβa nʲu xarta nʲu xarta ŋedalʲorta xasaβaŋe xaja.
247 xasaβa nʲuxunʨa ŋeβada jarejʔ:
248 - xasaβa ŋaʨekɨ, ŋarka nʲenʨaŋe nʲanaβʔ xanʔ.
249 ʨedaʔ ter seβʔ malʔ jolʲʨaŋgana mʲadmʔ sʲurxalʲo malŋe teŋe xajaʔ.
250 ilʲeβamʔ perʨaŋe ŋeŋguʔ nʲanaβʔ.
251 βeβa jand ʨerʔ mʲat xeβuβna turpʔ maŋgbada nʲenʨaʔ tanʲaŋguʔ.
252 ŋobʔ - sʲidʲa sulʲakona ʨerdʲembanʔ.
253 tɨnda tonaβʔ ʨikaβ sʲerʔ nʲi ŋaʔ.
254 ʨerdʲembanʔ.
255 jejdamtuʔ ŋanʲiʔ ŋobʨikɨ xombŋguʔ nʲanaβʔ.
256 maŋgabada nʲenʨai nʲenejβaβna ʨersʲiʔ nʲon ŋedtambʲuʔ.
257 manʲiʔ nʲisʲant nʲaʔ nʲamtar nʲinʲiʔ ŋaʔ.
258 manʲiʔ malʲe tajmna jadʲerʨ xantanʲiʔ.
259 sutɨʔ ŋeβaʔ nʲiʔ mʲadʲikodmʲiʔ sʲertaŋguʔ nʲanaβʔ.
260 ʨikɨ mʲadʔ mʲuʔ sʲidnʲiʔ xajeŋguʔ nʲanaβʔ.
261 mʲat xeβuβna mʲadʔ turtʔ nʲimʔ ŋanʲi, ter xarta masʲ.
262 nʲedamt mʲirtamna jolʲʨe teβna muŋguʔ nʲanaβʔ.
263 mʲat xeβuβna mʲusʲenaʔ xartuʔ tutaʔ.
264 nʲenesʲa nʲebʲajuda nʲisʲajuda sutɨʔ ŋeβaʔ nʲiʔ βalŋajuda, tajrʲimʔ jejʨ mʲadʲikomʔ sʲerta.
265 mʲadʔ ijuʔ xarʨiʔ pakaljjaxaʔ.
266 maŋaxaʔ:
267 - ʨedaβʔ jerβŋe xajan, xanʔ!
268 mʲakanta xaja.
269 peβsʲumnʲana ŋamge tarʨakomʔ pertakkɨ, ʨikarʲiβana mʲadʲikoʨamʔ manʲijeda.
270 xunʲana jurkɨʔ.
271 mʲadʲikoʨamʔ nʲi manesʔ.
272 ŋamgert mʲaʔ juŋu.
273 sʲidʲa tɨnʨ xabʨeda tɨbnʲemʲana mʲaeβɨ.
274 xabʨexejuda nʲama, podʲerŋaxajuda.
275 manemanʨ xaja.
276 mʲadʲikoʔ ŋoʔ ma xanʲana xeβɨ ŋebta?
277 ixʲinʲanta ma:
278 "sutɨʔ jadanʔ teβmaxaβamʲi ʨinʲuʔ.
279 sutɨʔ nʲiʔ tandamamʲi, ŋedalʲoβartamʲi juŋguʔ.
280 ijuj mʲadmʔ palamanʔ teβɨʔ ŋanʲi, ŋamgert mʲadʔ palamart juŋgu."
281 jada ʨersʲaβɨ.
282 sʲarʲiʔ xunat tab jed xeβkont xasaβa nʲu mebta, mʲusʲenaʔ toʔ.
283 mʲakʔ ŋedalejʔ , nʲinta ʨeba.
284 ŋeβakuida βunʲi tanʲeʔ.
285 xartuʔ nʲaxatatuʔ ŋeβakodamta xonakɨ.
286 mʲirdamta jolʲʨe nʲedamta me.
287 teβna nʲedamta me.
288 tab jed xeβkont xasaβa nʲu nʲedamta xomadanta saβaβna ilʲelʔ nʲiβʔ.
289 ilʲebʲamʔ perʨaŋe xaja.