1 nʲerdʲena nʲeneʨa
2 laxanakomʲi jaʔ βalʔ ŋerxa.
3 ŋaβnanta jada xunart juŋguβɨ.
4 pʲilʲiponʔ iʔ ŋeβɨ.
5 idʔ sʲarʔ nʲinʲa sʲidʲa sarmʲik ilʲeβexeʔ.
6 nʲabʲi pajerɨ nʲunʲakoʨa, nʲabʲi βenʲeko.
7 βenʲekoʨar idʔ sʲarʔ nʲinʲa xata.
8 nʲunʲakoʨar tad sʲirʔ nʲinʲa xata, nʲunʲakoʨar idʔ sʲarʔ nʲinʲa xata.
9 nʲunʲakoʨar tad idʔ ŋɨlʔ pakalpananta nʲaxarʔ sʲan jalʲaʔ juŋgosʲetɨ.
10 ʨikɨ nʲunʲakoʨa tanʲad taxaβ ŋobʔ ŋuβokoʨamʔ sʲakalpa ŋadʲimʨeŋgu, βenʲekoʨaxanta mʲitada.
11 βenʲekoʨanʔ manta:
12 - taʃɨnoβʔ ja tanʲa.
13 βenʲekoʨar manta:
14 - ŋarʲejʔ, nʲunʲakoβ, xasuj jamʲiʔ ŋulʲiʔ juŋgunʲuʔ.
15 jadamʲiʔ sʲertabʔ saβa.
16 sʲanat xunat ŋuβokoʨi teβababta nʲunʲakoʨa xasuj jamʔ ŋaramdada.
17 nʲaarʲiʔ ŋarka jaŋe xaja.
18 βenʲekoʨar ma:
19 - ʨi, jamʲiʔ ŋarka, xasuj ŋeʔ nʲiβʔ.
20 xasuj jaʔ nʲinʲa ilʲebʔ xanʲa saβa ŋaʔ.
21 tadxaβʔ nʲunʲakoʨar jaʔ ŋaramʨ xanʲarʲina xenʲaka, sʲan nʲi ŋadʲimʨetuʔ.
22 βenʲeklʨar ŋanʲi xasuj jaβna jadelɨʔ, xata ŋeβadejʔ.
23 ŋotaŋoʔ βenʲekoʨant nʲenʨanta juŋgu.
24 xasuj jaβna jadʲerpata βenʲeko sʲidʲa nʲenʨamʔ jadabta, sʲidʲa nʲaraβa panɨmʔ metaxaʔ.
25 nʲabʲijumʔ ma:
26 - βenʲeklʨa, sʲerkat ilʲen?
27 - ŋaa, sʲerkanʲi ilʲedmʔ.
28 - jerβanʔ xarβan?
29 - xanʲadmʔ xarβaʔ!
30 jerβanʲi tanʲabʔ saβa ŋeŋusʲ.
31 sʲerkanʲi ilʲenʲiβ pʲirasʔ.
32 ŋamgeʔ jolʲʨaŋgana nʲaraβa panɨmʔ metaxaʔ sʲidʲa nʲaraβa sʲadejmʔ sʲertaŋaxaʔ.
33 nʲabʲida nʲe sʲidʲaŋgʔ tolxa, nʲabʲida xasaβa sʲidʲaŋgʔ tolxa.
34 tarʲemʔ sʲertaŋaxajudʲiʔ.
35 sʲertamaxadanʨiʔ maŋaxaʔ:
36 - βenʲekoʨa, ʨedaxaβʔ sʲiiβ jalʲaʔ juŋgudanʲiʔ.
37 juŋgodaxanʲiʔ xʲibʲarʲi tarʨarʲi tubsu.
38 jerβxajud nʲoxojud mʲisʔ!
39 sʲiiβ jalʲaʔ jolʲʨaŋgana tutanʲiʔ.
40 nʲaxarʔ jalʲa xenʲakɨ.
41 ŋobʔ nʲeneʨʔ to.
42 paneda, ŋajada malŋe parʲidʲe.
43 manma:
44 - βenʲekoʨa, jerβxajud tanʲaŋaxaʔ?
45 - jerβxajunʲi tanʲaŋaxaʔ.
46 sʲidʲa nʲaraβa sʲadej, nʲabʲi xasaβaraxa, nʲabʲi nʲerxa.
47 ʨikɨ parʲisʲejar sʲidʲa sʲadejmʔ tad posxalŋajuda, nʲenej nʲenʨaŋe xajaxaʔ.
48 - jerβxajud ʨixʲiʔ, - ma.
49 parʲisʲejar tad xaja.
50 ʨikanta xemʲad, sʲibʲimʨej jalʲaxana, nʲaraβa panɨmʔ metaxaʔ toŋaxaʔ.
51 maŋaxaʔ:
52 - oβ, βenʲekoʨanʲiʔ jerβxajuda ʨedaʔ malʲe ŋadʲimexeʔ!
53 xaʨerʔ tarʲemʔ xaja?
54 βenʲekoʨa, padar salan ŋeβen.
55 sʲenʲeʔ nʲant manʲinʨ, xʲibʲarʲiʔ tobʔ sʲadejmʲiʔ nʲoxojud ŋedaraʔ.
56 tar nʲernʲaʔ padar jerβxajud terʲi nʲenʨaŋgʔ ŋeŋuxuʔ, xaŋgaŋguxuʔ.
57 manʲiʔ nʲenej nʲenʨaŋe sʲertaβj ŋebʔnanʲi janʲiʔ ʨerʔ nʲiʨ xaŋgaŋguʔ.
58 tad nʲernʲaʔ nʲejʨamʔ ŋormanta xabʨa ŋadʲimta.
59 ʨikɨ βadʲidʲiʔ mesomaxadanʨiʔ nʲaraβa panɨ metaxaʔ xajaxaʔ.
60 ʨikad nʲenʨaŋgajud, nʲabʲir xasaβa, nʲabʲir nʲe nʲu xoŋaxaʔ.
61 nʲabʲi nʲudʲa xasaβa, nʲabʲi nʲudʲa nʲe.
62 ŋamgeʔ jolʲʨaŋgana ʨikɨ nʲuxujud ŋarmaxaʔ.
63 nʲesŋe xajaxaʔ.
64 sʲiiβ xasaβa nʲumʔ xoŋaxaʔ, sʲiiβ nʲe nʲumʔ xoŋaxaʔ.
65 ʨikɨd ŋarmantuʔ sʲerʔ ŋobʨikɨ nʲesŋe xajaʔ.
66 mʲirβdaduʔ xonakɨʔ, mʲatamtuʔ mʲimba pʲaʔ.
67 ʨikɨ sʲiiβ xasaβar, ʨikɨ sʲiiβ nʲer ŋobkana manzaraʔ nʲimʔ.
68 mʲatuʔ ŋulʲiʔ pʲirʨane xaja.
69 sʲenʲenʲaŋɨ nʲaraβa panɨ metaxaʔ ŋanʲiʔ toŋaxaʔ, maŋaxaʔ:
70 - ŋagem , teβldadaʔ?
71 - tajkuj nuβmʔ teβodaβaʔ .
72 numʔ tarsʲiʔ xaxai.
73 prʲiʨa mʲataβaʔ sʲertabʔnanaʔ numdʔ tanainaʨ.
74 tarʨa βadʲi namdmaxad nʲaraβa panɨ metaxaʔ tad ladadʲiʔ ŋanʲi, sʲiiβ xasaβar, sʲiiβ nʲer janʔ mantejʔ, mʲatuʔ malŋe taxara.
75 ŋamgeʔ jolʲʨaŋgana ʨikɨ ssʲiβ xasaβar ssʲiiβ nʲenʨa nʲaʨt jamʔ sʲurʨemba jadʲertaxantuʔ xurkanʔ nʲaxatuʔ teβɨdʔ.
76 nʲabʲir nʲanta βadamʔ jexera, nʲabʲir nʲanta βadamʔ jexera.
77 sʲiiβ xasaβant sʲiiβ βadaduʔ ŋedakɨ, sʲiiβ nʲent sʲiiβ βadaduʔ ŋedakɨ.
78 nʲituʔ βada pʲilʲiponʔ jexeraʔ.
79 nʲaraβa panɨ metaxaʔ βadʲiʨiʔ sʲerʲeβʔ ʨikɨ nʲeneʨaʔ ponʔ ilʲe nʲiʨ pʲirasʔ, xaŋgaʨ.
80 ʨedaxaβʔ ŋanʲiʔ tarʨa.
81 xusuβej nʲeneʨʔ sʲantʔ ilʲebata ŋodʔ xabʨada tuta, xaŋu.
82 taʔ malʲŋgana βenʲekoʨar sʲidʲa sʲadejmʔ nʲaβɨ ŋebta ŋedaraʔ ʨedaʔ nʲeneʨaʔ nʲiʨ xaŋgaŋguʔ.
83 ta βalakada.