1 nʲaxarʔ manto
2 namdaβemʲi mantu ja ʔ βalʔ ngeʔ nʲiβʔ.
3 ngaβxɨ ngeβɨ sʲerʔ.
4 jara jaxaʔ tenʲana ladukej to tanʲa.
5 ngaβnanta tʲuku toʔ βarxana nʲaxarʔ mantu ilʲeβɨ.
6 nʲeduʔ tanʲaβɨʔ, ngaʨekɨduʔ tanʲaβɨʔ.
7 tɨduʔ nganʲi ngoka nʲaβɨ ngaʔ.
8 nʲaxarʔ mantu xalʲamʔ xadabasʲtɨ, xanʲeβanʨ jadʲerʨetɨ.
9 ladukej toxona xalʲada ngoka.
10 tangɨ xadaβɨ xaleduʔ nʲabʲi taʔ ngesontʔ teβsʲetɨdʔ.
11 ngobngguna ngarka manto xanʲeβanʨ xaja.
12 ʨet xabʨemʔ podʲernga.
13 jara jaxaʔ malanʔ xaja.
14 maʔ nʲiβʔ, masʲiʔ ilʲebʨamʔ xadaʃtudmʔ.
15 tanʲana ilʲebʨada ngokanʲuʔ.
16 jalʲaʔ jambanʔ ngedalʲornga, ngobʔ ilʲebʨamʔ xada.
17 mʲakanta ngedalangguʨ, jadna nʲemʔ manenga.
18 ʨikɨ nʲer nʲenej nʲe nʲaβɨ ngaʔ.
19 sʲabt panejamʔ memɨ.
20 mantor xonarkurnga:
21 - padar xʲibʲan, xanʲad jadan?
22 parnen nʲanuβʔ ngaʔ?
23 parne manʨ xanada:
24 - nʲisʲamʲi sʲimʲi ngedabtasʲ.
25 masʲ, medamʲi pʲulxarʔ.
26 ʨedaʔ ngamge medamta xonggudmʔ?
27 ngamgert xadaβemʲi junggu.
28 padar nganʲi ngobʔ ilʲebʨamʔ xadaβen.
29 pʲelʲamta nʲanʲi nʲanuβʔ tatʔ?
30 nʲisʲamʲi, nʲebʲamʲi ngorjixʲinʨ.
31 mantor maʔ nʲiβʔ:
32 - xamanʨ pʲelʲamta nʲant tatadmʔ?
33 parneʔ nʲananʲi nʲiʔ taraʔ.
34 ngamgeʔ jeemnʲa ngaβlambanggun?
35 parne nʲenzʲumʲa, ma:
36 - saβa βadanʔ nʲin xarβaʔ?
37 ʨedaʔ sʲit xadanggudmʔ.
38 ʨikanta mantonʔ sanejʔ, sʲaʦaβej xadʲengada.
39 βeida ngadʲimʲaʔ.
40 tad xasaβamta matorngada.
41 matormɨ ngamʨida xanʔ nʲiʔ mejda.
42 malʲʨamta, pʲibʲida xarta sʲerɨda, mʲakanta ngedalʲo xaja.
43 laxanakor pumnanta xaja.
44 jara jaxaʔ tʲunʲana ngobʔ ngarka nado tanʲa.
45 ʨikɨ nadona ja xorkadʲu tanʲa, parneetuʔ mʲange meta.
46 ʨikɨ xorkadʲuʔ mʲunʲa parne βesaku, parne puxuʨa ilʲengaxaʔ.
47 ngobʔ nʲe nʲudʲiʔ tanʲa.
48 ʨi, ʨedaβʔ parneʔ nʲe nʲu ngedalʲo to, mʲadʔ nʲoʔ xeβanʔ xɨnrada.
49 nʲisʲada manma:
50 - ngulʲiʔ ponʔ junggun.
51 xanʲamna jadʲerʦan?
52 tɨd nganʲi xanʲad xuβɨd?
53 parneʔ nʲe nʲu ma:
54 - ngobʔ ngedalʲodamʔ xodamʨ, xadaβasʲ.
55 ngamʨida tʲamʔ, xanʔ nʲinʲa ngaʔ.
56 jekarʔ, ngamge nʲeneʨʔ ngebtoβʔ?
57 mantu ngerxanʲuʔ.
58 ʨet xabʨemta nʲidamʨ xadaʔ.
59 parne βesaku ma:
60 - janʔ poxoben.
61 ʨedaʔ ngamsaβaʔ ngokanʲuʔ.
62 tamna ʨet tɨ tanʲa.
63 ngedalʲortʔ nʲaβamʔ.
64 tad parne puxuʨa jedmʔ pʲirʲe.
65 ngormaxadantuʔ xonejdʔ.
66 xunʲana jurkɨdʔ.
67 parneʔ nʲe nʲu ʨet xabʨemʔ nʲama, podʲerjjada.
68 sʲenʲej janʔ ngedalejʔ.
69 teβmaxadanta manengada:
70 ngobʔ manto nʲe tuβɨ.
71 xananta nʲinʲa ngamʨuβɨ, jarmɨ.
72 manto nʲe jarmonta, mamonta:
73 - xʲibʲa βesakomʲi xadaβɨ?
74 masʲiʔ parne xadaβɨ ngenpgu.
75 ʨedaʔ nekʨinʲi nʲisʲasʲipojʔ xaiʔ.
76 parneʔ nʲe nʲu xaxajarka to.
77 nʲemʔ nʲamada, sʲaʦaβej xadʲengada.
78 tad xaranta nʲirkana nʲeʔ ngeβanta sʲanzʲinʔ ngurkadtada.
79 nʲe xa.
80 parne ʨiβmta xaβra, nʲeʔ pasɨmʔ ngonggaongada, xeβnʲaʔ moda.
81 tad nʲeʔ ngamʨida malʔ matorjeda, xananta nʲiʔ mejda.
82 mʲakanta xaja.
83 laxanakor nʲaxarʔ mantuʔ ngɨsɨnʔ pulejʔ.
84 jonej mantuʔ mʲadʔ makodanʔ ngamtɨʔ, inʨelʲe.
85 jonej mantor mamononta:
86 - nʲekamʲi toβanʔ nʲi xarβaʔ.
87 xanʲaxaβaxana xaβakɨ.
88 ʨedaʔ ngamgemʔ pertaβaʔ?
89 peβanʨ xantaβaʔ?
90 nʲenʨaʔ manʨetɨʔ:
91 jara jaxaʔ malxana parneʔ ilʲeʔ.
92 masʲiʔ paduʔ sʲertuʔ ngedʲakɨ?
93 parnetuʔ mʲatʔ xeiβaʔ!
94 nʲudʲa mantu mamononta:
95 - ibʔ xeiβaʨ, parne xaʨerʔ pʲirdalʲenggunaʔ?
96 ngamge mʲirβxana pʲanggunaʔ?
97 ngɨnxana xadabanggunaʔ, tɨbkaxana?
98 xunʲana jurkɨdʔ, ngorngaʔ.
99 tad tɨduʔ tanaʔ.
100 jonej mantor ʨet padβɨ tɨmʔ nʲama, nʲudʲa mantor nganʲi ʨet parʲisʲemʔ nʲama.
101 nʲudʲa mantont xasaβa nʲuda ʨet xabtarkamʔ podʲernga.
102 nʲaxarnge ngedalejdʔ.
103 nangedʲa jalʲaʔ jambanʔ ngedalɨʔ.
104 peβsʲumʲeʔ nʲana parnetuʔ mʲatʔ teβɨdʔ.
105 parne βesaku ja xorkadʲuʔ nʲoʔ xeβxaka ngamʨuβɨ.
106 nʲaxarʔ ngedalʲodamʔ maneʨ manma:
107 - xamanʨ todaʔ?
108 sʲiddaʔ βunʲsʲadmʔ xajʔ.
109 jonej mantor ma:
110 - padar manʲ nʲekamʲi xadaβaker.
111 ngeβa leda nʲoʔ xeβxana tʲamʔ nganʲuʔ!
112 parne βesakor ma:
113 - manʲ xadaβemʲi nʲi ngaʔ.
114 nʲe nʲumʲi xadadasʲ.
115 puxuʨamta ngobtarʲemʔ xadasʲ.
116 ʨedaβ mʲakna mexeβaʔ, saβa βadʲinaʔ mʲakana meknaʔ.
117 jonej mantor ma:
118 - nʲenesʲa ngoʔ mʲatʔ tʲubʔ naʔ saβaraxa.
119 ja lʲaʔ jambanʔ ngedalʲobʔ nanaʔ menʔ xarbʲilɨnaʔ.
120 malnge mʲatʔ tʲu.
121 βaβanʔ ngamdɨdʔ.
122 parne puxuʨa jedmʔ pʲirʲeβɨ.
123 jedda nʲensʨʔ ngamsaxana pannga.
124 βeβku ngabt tarsʲiʔ lʲexedarnga.
125 jonej mantor ma:
126 - nʲeneʨʔ ngamsamʔ ngortaβaʔ βunʲiβaʔ ngaʔ.
127 xanʲuj xalʲaxaʔ ngajabarkaβaʔ.
128 ʨikɨʔ pud xonʲodaβaʔ.
129 ʨi, ngoromamtuʔ jolʲʨemaxadantuʔ xonejdʔ.
130 pʲiʔ saβa jernʲa jonej mantor sʲidɨ.
131 tad xarmta nekalnga, xonʲoda parneda malʔ xadejda.
132 xunʲana mantuʔ jurkɨdʔ.
133 jonej mantor ma:
134 - parnenʲi malnge xadejnasʲ.
135 tɨbka nʲisʲ taraʔ, ngɨn nʲisʲ taraʔ.
136 ʨedaʔ mʲaknaʔ xexeβaʔ.
137 tad pʲinʔ tarpɨdʔ.
138 tɨduʔ nʲamɨduʔ, podʲerjjaduʔ.
139 mʲakantuʔ xajaʔ.
140 nʲenʨaʔ manʨetɨʔ:
141 taʔ jolʲʨanggad parneʔ nʲiʔ ngadʲimzʲetuʔ, nʲenʨamʔ xadabadʲiduʔ junggosʲetɨʔ.
142 ta βalakada.