1 МАНТУˮ, ЮРАКˮ САЮДОРОМАДУʼ
2 Лаханакоми вэсакохот наддвы ңэˮ нивˮ.
3 Ңавнанта мантуˮ, юракˮ саюдармыˮ.
4 Енся явʼ тяханяңы яхана мантуˮ илевыˮ, тальняңы яхана юракˮ илевыˮ.
5 Помнантуʼ саюдалвыдˮ.
6 Таʼ малеңгана ханяңы мантуˮ лабтахана, Аленей ңохона илевыʼ.
7 Таси марана хой ңанокочадуʼ танявы, поңарчь мэтадуʼ.
8 Таʼ ёльчаңана сидя юрак ңэвы, няби Ябтуңэ Сёхор, няби Яр Еб ңэвы.
9 Чикаюд мантуˮ мятʼ хэвэвэʼ.
10 Яляʼ ямбанʼ мядомэхэ.
11 Хуркан нумта пэвсюмы.
12 Пэвсюмы.
13 Пэвсюмеʼ няна мяканчиʼ хэсь ничиʼ хой ңанокочамʼ хархана сидермэдиʼ.
14 Тад тяханяʼ хэванчиʼ лаби ңанудиʼ танявыˮ.
15 Ңаниʼ яляхана чикы юракхаʼ ңаниʼ мядомэхэʼ.
16 Пэвсюмеʼ няна мантуˮ хонэйдˮ.
17 Чикавахана хонёда манту пиʼ хадаба пявыдиʼ.
18 Сидя мантомʼ ңэдарабтавэхэʼ.
19 Чикы сидя мантор ңопой ңаноʼ мюʼ чивэхэʼ.
20 Ңанодиʼ сисавэй ңэвы.
21 Няби мантор ңаноʼ хуңгахад тяханяʼ таравэда.
22 Няби мантор хой ңанонта хэв няамбв янʼ харевы.
23 Ненэй ненэчаˮ чикы сидя мантомʼ сюртеванʼ харваңахаюдунчь.
24 Няби мантор итʼ сэя, сэя, няби хойʼ няюʼ хунвыˮ.
25 Лескинаʼ няна, Моңгуче яхаʼ тяханяңы хэвхана сидя то таня.
26 Сидя тохоʼ помна чикы мантор чебермы.
27 Маˮ нивˮ:
28 "Сидя тогоʼ помна хэбˮ нани савараха.
29 Яда хасуйˮ."
30 Таʼ ёльчаңгана Ябтуңэ Сёхор ядна мантомʼ ңгэдалё нерчеда.
31 Тохоʼ хэвхана седаку танявы.
32 Седакуʼ тяхана лыңгаравыˮ.
33 Чикы седакуʼ яданʼ лыңгарамаданта мантор ханяхарт нявы тосаˮ.
34 Мантор нябчипойˮ седаконʼ тэвыˮ.
35 Лбтуңэ Сёхор чиканʼ ядавэда.
36 Матор мамы ңэˮ нивˮ:
37 - Ов, нянаˮ сими нерченанюˮ!
38 Тюку яхад хэвы ңэбˮ нани сими хунахарт нинась тэвңгуˮ.
39 Чедаʼ симихадаˮ нянувˮ, ханяʼ хэвнядмʼ?
40 Мантор ха.
41 Ябтуңэ Ссхор мантонта ңвамʼ пя маланʼ ңдада.
42 Таремʼ хаеда.
43 Тамна ңобˮ мантомтуʼ Лайда яхаʼ маланʼ няамвэдуʼ, чиканʼ хадавэдуʼ.
44 Мантонтуʼ ңэва лымʼ ңобтаремʼ пя маланʼ ңыдавэдуʼ.
45 Чикы манто ңыдамадуʼ ядуʼ нюмча Ңытуре, Ңытуремʼ нюбеңа.
46 Санэрˮ яха таня.
47 Санэрˮ яхаʼ малхана Манту яха таня.
48 Чикы Манту яхар ңобчикы манту хадаˮма я.
49 Мантонт хадараˮма я хадхарт ңока.
50 Чикы серʼ манчьванаˮ ңамгэ сяхаʼ манэманаваˮ ңани, муңгат намдавэваˮ ңэˮ нивˮ, вэсаку ненэчаңгат.
51 Чикыʼ тальняюʼ мантуд тальняңы янʼ тувыˮ, юракˮ ңани тяханяңы яхантуʼ хэвыˮ.
52 Енся явʼ сятаняңы хэванʼ.
53 Помнантуʼ саюдарчь ңэвадаладуʼ.
54 Мамыˮ ңэˮ нимˮ няхататуʼ:
55 - Тад нерняʼ поңгананаˮ неховаˮ саюдарˮ !
56 Поюнаˮ сава ңэяʼ Ңобˮ серˮ илехэваˮ.
57 Чи, таʼ сльчаңгад ненэй ненэчаˮ , мантуˮ хынёсиˮ иле пядуʼ.