1 ЯДНЕʼ ХЭБИДЯ Я
2 Небями вадечетыда илеванта малеңгана.
3 Небями манчьтуˮ нивˮ, ңавнанта хэбидя я танявы.
4 Чикы хэбидя я илеваʼ ямбанʼ Яднеʼ иле мэта я ңэвы.
5 Ядне чикана илесетавы.
6 Небями манчьтуˮ нивˮ, чикы хэбидя яңэ ңавнантовˮ, чаханта няна я мидыхы ңэрха.
7 Ңобˮ не ңачекымʼ яʼ ңылʼ ңэдабтавэду.
8 Чикы яʼ ңылна, екарˮ, иле екарˮ, ха.
9 Ядне иле мэта яхана ңобˮ тадебя танявы.
10 Чикы тадебяр самбдабананта манчетавы:
11 - Тюку маняʼ хэбидя яваˮ, Яднеʼ хэбидя я.
12 Тасиняна мэна, яʼ ңылна мэна ңавхы ңэдабтавы не таня.
13 Чикы нер нядамта хаңа.
14 Манома, ңавнанта сими яʼ ңылʼ ңэдабтавантаˮ малеңгана ңобчикы нядамˮ илеˮ.
15 Чедавʼ мань сини тотревʼ иленадами тадаˮ, нюни неңэ.
16 Чи, тадебяр таремʼ манчьтавы самбдабананта.
17 Чикыʼ тальняюʼ яʼ ңылʼ илена ненэчамʼ Яднер ңэдабтаванʼнявысь харваˮ.
18 Таремʼ тасладуʼ:
19 не ңачекымʼ хэбидя янʼ тэвраңгудуʼ, тад чикы не ңачекэнтуʼ савамʼ хэбидя янʼ ңыдаңгудуʼ, черсяда есясавэй не савамʼ.
20 Тадебяр таремʼ манта:
21 илена ненэчамʼ яʼ ңылʼ ңэдабтахава маняˮ няваˮ пирасˮ.
22 Чи, тадебяʼ вадаʼ серевʼ сертадуʼ.
23 Таʼ ёльсаңад илена не ңачекымʼ яʼ ңылʼ нявыˮ ңэдабтасьтуˮ.
24 Не ңачекы тад хаюпа хэбʼнанта няби не ңачекымʼ тэрабасьтавыʼ, не савамта есясавэй ңыдабасьтйвыˮ.
25 Мамыˮ ңэˮнимˮ:
26 таремʼ сава ңэсьтавы.
27 Яʼ ңылʼ ңэдабтавы не синянта иле, яминя пухучаңэ хэнякы.