1 ЯРАБС
2 Сэвни тяхад мадорота яхаʼ вархана илеваˮ.
3 Тэваˮ нгока ни нгаˮ.
4 Мянаˮ мюнячетваˮ.
5 Мядʼ сидимана няхарˮ ю ˮ хурюда.
6 Нисями Тэсадангэ пэрчетыˮ.
7 Чёнянгы мякана Манто тэта иле.
8 Няхарˮ хасава нюда таня, нгобˮ не нюда таня.
9 Нгобнгуна нисями небяхани ма:
10 - Пухуча, Манто тэтар хотва.
11 Мэмдамй вадами таня.
12 Манто тэта мятʼ тю, ваванʼ нгамтыˮ.
13 Мамбта манма:
14 - Етʼ хаваʼ пир вада нёховабта нгаˮ мэтва.
15 Нисями таремʼ ма:
16 - Чедаʼ луса хардахаˮ хантадмʼтэмдормачь.
17 Падар хаюдан.
18 Пумнани нёнтуˮ, иленя нэбˮ нани харни тобсакэдʼ.
19 Манто тэтар ма:
20 - Тэмдормачь хэбˮ нант ханя сава нгаˮ.
21 Валакада саблянгг силерˮ хабчеяр хаёя.
22 Сит пюсь хэбˮ нани нянани таранггуˮ.
23 Чи, Тэсяда нисями мяпоймʼ подернга.
24 Самблянгг силерˮ хабтмʼ чиканʼ хайеда.
25 Тад хэмяданта пуй недарида хаи.
26 Тэсяда нисяни хэмяд нгобˮ поʼ илеваˮ.
27 Нгоюˮ поʼ нгэсонггана маниебˮ нани Манто тэтар тыда маˮ лавыда, самблянгг силерˮ хабтмʼ сярвы.
28 Тыда подернга, нгэдалэй.
29 Няхарˮ хасава нюда нгобтаремʼ нгэдалэйˮ.
30 Сидя сиивʼ нгэсонггана хойʼ тяхад самблянгг силерˮ хабтˮ нихимъядˮ.
31 Манто тэтаʼ пунда черевэда нисяни мяпой.
32 Тэсяда нисями чиканта юнггоя.
33 Тарчамʼ манэлись яркосавэйʼ мякни хаядмʼ.
34 Инчелебˮ нани Манто тэта мамононта:
35 - Тысяда ервваˮ явоˮ сёранʼ сэя.
36 Сян вуни тутˮ.
37 Пиʼ сава ерня пиби серадмʼ, вэнокодаревʼ пинʼ нялкарадмʼ.
38 Сэвни хуʼ сырца таʼ едʼ пяв.
39 Таремʼ яднахани нангэдя сиив яляʼ ямбанʼ ядадмʼ.
40 Тарчь харахана сёвна ханта мы вуни таняˮ.
41 Понʼ ядермани нид хуʼ вынхалыдмʼ.
42 Нгавуˮ пиркана нердани няʼ сидя нгарка мядмʼ манэнгадмʼ.
43 Варени тэвывˮ.
44 Мятʼ тюдиʼ.
45 Сеяʼ нямна хаядмʼ.
46 Мякы мякана нгоюˮ не нгамчувы, сэдораривы.
47 Мань нгани мамбˮ нани мадмʼ:
48 - Тюку хибяʼ мядʼ?
49 Неʼ мунта юнггу.
50 Тад нивда сюръида, няни ярэйˮ, ма:
51 - Маяндорстан нгэдакэн?
52 Хуняд тон?
53 - Сеня нгаананта Тэсяда нисями танясь.
54 Луса хардахаˮ тэмдорманчь хаясь.
55 Тамна тода юнггу.
56 Мяканта ни туˮ.
57 Екарˮ, иле, екарˮ, нгодˮ ха.
58 Пыдараˮ хибядаˮ?
59 - Нгысынаˮ ерв Нгарка Сэв Сэрˮ тэта.
60 Тад сими нгавла.
61 Ту ядёʼ хэвхана нема сими талевы.
62 Немами хая.
63 Инчелебˮ нани пиʼ сава ерня мядʼ нгу тойбавонтуʼ.
64 Манто тэтани вабц совононта.
65 Мамононтуʼ:
66 - Нгарка Сэв Сэрˮ тэта, мякана хась пянггур?
67 Нгарка саю мядмʼ талнархадуʼ.
68 Мань нгани лэрёвэдмʼ, харасяда янʼ сюрба пяв.
69 Хаёда мякавахана пёдортаˮ лэрёвэдмʼ, харясыда ян ʼ сюрба пяв.
70 Хаёда мякавахана пёдортаˮ совононтуʼ, ярчидуʼ ярмонтуʼ.
71 Нгавуˮ пиркана мунодуʼ сусаˮ.
72 Пэвдя пихиня сими хось ямаˮ.
73 Хибя сими маэта?
74 Чи, няхарˮ яляʼ пунсяда явна ядадмʼ.
75 Няхарˮ яляʼ нгэсонггана нерута яхаʼ нимня нгадимядмʼ.
76 Сэвʼ хункана нгарханта неро.
77 Тамна ядалъювˮ.
78 Я хаʼ хараʼ тяхана нгобˮ мядикомʼ ходмʼ.
79 Мятʼ тюдмʼ.
80 Тюбˮ нани нгодˮ сидями сзвми тумʼ сидимэхэʼ.
81 Мякы мякана нгоблери хасава нгэвы.
82 Тад саваркавна манэчь Тэсяда нисями нгэвы.
83 Нисями манэмани серʼ идʼ хайлани пыями сидˮ мыˮ.
84 Ярчь мадмʼ:
85 - Нисякэйˮ, падар иле хаювэн.
86 Ихиняни мадамчь, ханявахана хавакэн.
87 Тамна нявэн хаˮ.
88 Нисями илеˮ мямта серокута серʼ ваденгада.
89 Манма:
90 - Луса хардахаˮ мэсеняхани Манто тэта няхарˮ хасава нюнта няʼ сими пячь.
91 Пи нгэвы.
92 Лэрювани серʼ харасяда янʼ сюрбелывачь.
93 Пи пэвдяхана сими хось ямачь.
94 Манто тэта мамононтась:
95 "Хэб"
96 - нант ханьˮ!
97 Харасяда яхана нгорчипойˮ харт хабсакэнˮ.
98 Тад неро яхаʼ хэнггадаˮ маʼ ян ʼ тэвывачь.
99 Таняна похона сёда ханони хойнась.
100 Ханони мюня нгамса танявы, халя танявы.
101 Мядикодми мяравась.
102 Таʼ илелъювачь.
103 Мань таремʼ мадмʼ:
104 - Чедаʼ хачерʼ иленггуниʼ?
105 Тыниʼ пюлбаˮ ниʼ сава нгэнгусь.
106 Нисями манма:
107 - Тьшиʼ пюсь хадриʼ хантанакэниʼ.
108 Сидя юрˮ тэми сейханани со.
109 Манто тэтакоями немахана хурсы.
110 Тад яда хаяниʼ.
111 Мядонаˮ хониʼ.
112 Сидя юрˮ тэваˮ тюкова мэвы.
113 Нисями самблянгг силерˮ хабчемʼ подернга.
114 Неро яхаʼ няюʼ мюсельянаˮ.
115 Таʼ ёльчанггад неро яхаʼ вархана илева .
116 Та валакада.