1 СЁХО ХАСАВА НГАЧЕКЫ
2 Сёхо хасава нгачекыʼ нябакода таня.
3 Нябаконта няʼ неро яхакуʼ хэвхана илесетыхиʼ.
4 Сяˮ ны нгэбта нгодˮ Сёхо хасава нгачекы неро яхакомта нямсахэйхана пядала.
5 Тад хусувэй яляхана ватанггованчь ядерчеты.
6 Хадабадада нгулиˮ нгамгэрт юнггосеты.
7 Нгавуˮ ёльчанггана нганиʼ ватанггованчь хая.
8 Нгобˮ нгарка пырямʼ хадавы.
9 Мяканта ханада.
10 Няюакохода манма:
11 - Пыряр пиред!
12 Тад нябакода пиримба пяда.
13 Сёхо хасава нгачекы понггаханта нганиё хая.
14 Тад мятё то, то, маниебта, нябакода пыря евэймё мале нгамэда.
15 Сёхо хасава нгачекы ма:
16 - Нгамгэ сими хадасан?
17 Нябакода ялхана хачада ладˮ.
18 Сёхо хасава нгачекы пинʼ тарпыˮ.
19 Неро яхакомта тандамба минга.
20 Сиив яляё неро яхаконта маравна минга.
21 Сиюимчей ялахана пурцавэй хардакуʼ нимня нгадимя.
22 Мятʼ тю.
23 Маниебта мядʼ мюня сиивмʼ хавота нярава ед нгамсана паннга.
24 Сёхо хасава нгачекы нгамчида малʼ нгамъеда.
25 Нярава еданта чермʼ нговмахаданта пинʼ тарпнгучь нгани, ханяхарт хэвамʼ ни хуˮ.
26 Тад ихинянта ма:
27 "Тюку харадʼ мюня лынггарабчь ядами пюлхарчадмʼ."
28 Харадʼ лохонʼ лынггарэңˮ.
29 Нгавуˮ ёльчанггана мунˮ совононтуʼ.
30 Сидя хасава товонончиʼ.
31 Понггананчиʼ лаханавончиʼ:
32 - Чедавʼ пиривы нгамчиниʼ нимˮ таняˮ Няби хасава мамононта:
33 - Ханя таняˮ.
34 Чедаʼ пядами пэтадм .
35 Ядемта тара.
36 Нябиюмʼ мамононта:
37 - Чикар ядемтаˮ!
38 Тад хасава/мʼ тумʼ пята.
39 Едамта манэ нгани, едда черси.
40 Манма:
41 - Едми черсялмы.
42 Черда хибя нгамъеда?
43 Няби хасава ма:
44 - Сёхо хасава нгачекы нгамтакыда.
45 Чедаʼ няма тара.
46 Няамхамиʼ нгани, ладркамиʼ.
47 Тад пюладиʼ, харадʼ лоход ходиʼ.
48 Няби хасава ма:
49 - Нямад, мань ладортав!
50 Сёхо хасава нгачекы ма:
51 - Ябтанʼ, сими нёдиʼладорˮ!
52 Нябакоми татадмʼ.
53 Няби манма:
54 - Сиекан нгэнггун, нир татˮ.
55 Нгахат вэвакон нэсьтын.
56 Няби хасаваюмʼманма:
57 - Нгэя, пумнанта хэхэниʼ.
58 Масиˮ табсуда.
59 Сита ладорпа ни тараˮ.
60 Сёхо хасава нгачекы няхаюда минре ядалийˮ.
61 Нганиʼ сиив яляʼямбанʼ неро яхаконта маравна минга.
62 ТэвмахадантуʼСёхо хасава нгачекы пятʼ тю, ма:
63 - Нябаков,сит хасавахаʼ няʼ миˮ нгадмʼ.
64 Сидя хасава нябакомта ханадиʼ.
65 Сёх хасавангачекы нябакнтахэмяд я сид янʼ хая.
66 Танянанта хунананта ёрчиˮ нимня нгадимя.
67 ЁРчаˮ нгока халямʼ хадавыˮ.
68 Сёхо хасава нгачекы ма:
69 - Нгобˮ халякодми тадаˮ!
70 Тад халякодамта мингаˮ.
71 Сёхо хасава нгачекы мядуˮ понггана нгарка пэмʼ хо.
72 Халякомта пэʼ ниʼ мэда.
73 Хардамта хосая хая.
74 Хардамта хода, халяханта хая.
75 Халякомта няамванта нерчуʼ варнэ ханада.
76 Чикы варнэумʼ сиив яляʼ нёдада.
77 Таремʼ нёракуданта сеней пурцавэй хардакуʼ нимня нгадимя.
78 Тад тюку хардахана хасавахаʼ няна иле пяда.
79 Та валакада.