1 Мариндя ПУХУЧА
2 Лаханакор манма, сидя хасава, сидя Мариндя илевэхэʼ.
3 Малңэ несавэй.
4 Ңарка Мариндянт сидя нюдя.
5 Няби хасаваа ңачекы, няби не ңачекыы.
6 Нюдя Мариндянт ңобˮ не нюдя.
7 Таремʼ илесетыˮ, илесетыˮ, сяны ңэбтуʼ ңодˮ хонёдахантуʼ малңэ хачь.
8 Ңарка Мариндянт пухучари иле хаювы.
9 Пухуча пинʼ тарада, тари янʼ сюрьыˮ.
10 Тари яринʼ сюрмбаданъанта хуркананта пиңэ хая, хурканʼ монэйˮ, чиканʼ юсибтэйˮ.
11 Тад чикад хуняна ңаниʼ юркыˮ.
12 Чикы яхаданта ңаниʼ яжалийˮ.
13 Ңаниʼ пиңэ хая, ңаниʼ юсибтэйˮ.
14 Никадасьты, юсибтасьты.
15 Намгэʼ ёльчаңгана, няхаромдэй ялянанта ңаниʼ ядалийˮ.
16 Тахабе ңодˮ мядʼ нимня ңадимёвˮ.
17 Ңоюˮ мядмʼ манэңа ңани, ма:
18 - Ов, чедаʼ мядʼ мюня нидамˮ хонаңгуˮ Мятʼ тюидамчь.
19 Мятʼ ханя тюˮ.
20 Мякана вэсаку, пухуча, хасава ңачекы.
21 Еддуʼ тандаяʼ пинвы.
22 Мариндя пухуча няби лата малхы не сея пахант чиканʼ ңамтыˮ.
23 Пухуча едамта тедаханта манма:
24 - Тайкуй ненэчьʼ тось, пухуча тось, ни ңортˮ?
25 Мариндянт пухучаʼ ңобкарт мунта юңгу.
26 Вэсаку манма:
27 - Норманʼ нинякы харваˮ, нибчу ңорˮ.
28 Таня пэёˮ!
29 Ңормахадантуʼ мяд черˮ хонэйдˮ.
30 Мариндя пухучар ңани пинʼ тарада.
31 Ңаниʼ няхарсян яляʼ таремʼ яднаханта мантэсьтыˮ, юсидасьты.
32 Ңамэда вуни таняˮ.
33 Ханя мантырˮ.
34 Ьаремʼ яднаханта ңоюˮ мядмʼ манэңа, ңобˮ ябтакоко мядикочамʼхо.
35 Ма:
36 - Мядикочаʼ мюʼ чедавʼ тюидамчейˮ!
37 Танянанта тэвыˮ.
38 Нёʼ сивня мятʼ тю.
39 Мядикуʼ мюня ңопой пухуча мэвы.
40 Пухучар ма:
41 - Ов, мань никадасьтыдэймˮ.
42 Тиңэйˮ, ненэй нядми тонюˮ.
43 Мял юңгу?
44 Ханяд тон?
45 - Ханяд тутадм?
46 Нини хавакыˮ.
47 Мятами хось ямадамчь.
48 - Тедавʼ нянани илеˮ!
49 Сими нядабаин.
50 - Ңамгэна сит нядабаңгудмʼ?
51 - Мань пэдасьтывˮ ңачекы сертаба.
52 Яʼ тер ненэчаˮ нюд сертабидмʼ.
53 Пыдао сими таремʼ нядабаин.
54 Сит тохоламбңгудмʼ.
55 - Ханядмʼ нядабаңгуˮ.
56 Ңачекы сертаба ехэрабˮ нани ңодˮ сит нядабаңгудмʼ.
57 Ңамгэʼ ёльчаңгана ңачекы сертабада нямта маниеда.
58 Няда ңамсахатата, монзаңг ңамсахат ңачекы сертасеты, пинʼ ңэдтасьтыда ладхая.
59 Манчеты:
60 - Ханьˮ, небядамт хоңгун, нисядамт хоггун.
61 Мариндя пухуча ңобтаремʼ ңачекы сертасеты, пинʼ ңэдабтасьтыда, манчеты:
62 - Нюдя Мариндянт мятʼ хэидаˮ, хэвняңы мятʼ нёдаˮ ханьˮ!
63 Таремʼ сертабаданчиʼ Мариндя пухуча сиив нюмʼ серта, ма:
64 - Я тиңгывна ханңадаˮ!
65 Нюсяда ненчейˮ мятʼ хэидаˮ!
66 Мяцавэй пухуча манма:
67 - Тедаʼ ныланаханиʼ!
68 Ныланалъяхаʼ.
69 Сян яляʼ чикана мэбта мяцавэй пухучар ма:
70 - Хэванʼ харван?
71 Харвабат ханьˮ!
72 Тюкона понʼ мэбˮ нант ңодˮ мань хасавасавэдмʼ.
73 Хасавами тута, сит татыданта мэванʼ харбилаңгуˮ.
74 Хэбˮ нант сава.
75 Тикы яхаданта, тахабе Мариндя пухуча ңормахаданта пинʼ санэйˮ, ядалийˮ.
76 Панэкочамта сера ядалийˮ.
77 Ядсеты, ядсеты, нылана хонасетыˮ, ңаниʼ ядалчетыˮ.
78 Ов, сэркоя хой манэңовˮ!
79 Сюдобя сэркоя седа ңэрха.
80 Седаʼ нярин миңа.
81 Ихинянта ма:
82 "Седами тарсиˮ пирча ню."
83 Чедаʼ юсидаңгудмʼ, хонёдадмʼ, хуняна сэвми масиˮ ңадимзуˮ.
84 Хуняна юркыˮ, ңаниʼ ядалийˮ.
85 Таремʼ седаʼ няринʼ яднахаңта хунананта лабтамʼ хо.
86 Лабтаʼ ерня сидя ңарка мяңэйˮ.
87 Ихинянта ма:
88 "Тадехавʼ мятами ходмʼ, нивˮ тэвңгуˮ."
89 Пэвсюмняна мякʼ няʼ тэвыˮ.
90 Вары мятʼ тю.
91 Вавʼ ниня хасава ңачекы, не ңачекы ңамдыхиʼ.
92 Мариндя пухуча сея пахаконʼ ңамдыˮ.
93 Едамчиʼ ңола пяңахаʼ.
94 Мариндя пухуча ма:
95 - Мэкочадами тадиʼ!
96 Ңока ялаʼ ямбанʼ ядвни серʼ ңормадавэдмʼ.
97 Хасава ңачекы ма:
98 - Ңамгэда хадкэйˮ?
99 Тумиʼ муноңа.
100 Не ңачекы ма:
101 - Ту мунота юңгуˮ.
102 Мариндя пухуча ңаниʼ ма:
103 - Ебтовˮ, сими нидиʼ ңавлаңгуˮ?
104 Мэкочадами тадиʼ!
105 Хасава ңачекэр ма:
106 - Ов, ңамгэда хадкэйˮ?
107 Тумиʼ тарсиˮ муноңанюˮ.
108 Не ңачекы ма:
109 - Нерʼ ненэчьʼ тосенюˮ.
110 Ехэран?
111 Хасава ңачекы ма:
112 - Ахэрав.
113 Ненэчьʼ сеняʼ тоса?
114 Не ңачекы ма:
115 - Небямиʼ то.
116 Хаваниʼ малеңгана небямиʼ мякад хаясь.
117 Тад хаˮ махаданиʼ небямиʼ ханяхарт хось ямаминчь.
118 Тадехавʼ харта торханюˮ.
119 Хасава ңачекы ма:
120 - Тюкона ңамгэрт ненэчьʼ юңгунюˮ.
121 Тумиʼ муноңа.
122 Тёняңы не папар хосˮ!
123 Пыда ңамгэрт серкад ни ехэрасьтуˮ.
124 Не ңачекы тёняңы мятʼ хая не папамта хосая.
125 Не папада то, ма:
126 - Хаманчь сими хаңан?
127 Хасава ңачекы ма:
128 - Тумиʼ муноңа.
129 Тумиʼ ңамгэмʼ пэрпата?
130 Не папа манма:
131 - Туриʼ ңамгэмʼ мунота?
132 Ңавхы ёховы няваˮ торхавынюˮ, ңарка Мариндянт пухуча.
133 Нир маниеˮ?
134 Хасава маниеˮ.
135 Чикана мэява.
136 Хуняңы ялахана едэй хандами миңгудмʼ.
137 Чикахад таʼ лехэбтаириʼ.
138 Едэй панэна серибтеириʼ.
139 Тад тымʼ хадаңгув.
140 Ханми ты вэяхана масарңари, тад нямчиʼ ханʼ ниʼ ңамдтариʼ, юсибталариʼ.
141 Сыраʼ ямбанʼ, таʼ ямбанʼ чикы ханмʼ вадартариʼ.
142 Хэхэ ханваˮ ңэңгу.
143 Чи, хасава ңачекыʼ вадита серевʼ сертадиʼ.
144 Ты вэяхана масармы ханʼ ниʼ тувы пухучамʼ, ңарка Мариндяʼ пухучамʼ, юсибталадиʼ.
145 Чики пухучар, екарˮ, иле, екарˮ, ха.
146 Яңор илена ненэчаиˮ мэта хэхэңэ хая.
147 Та валакада.