1 НЯХАРˮ ТАДЕЪЯ
2 Яʼ мидахана ңамгэрт юңгувы, яда ңулиˮ черсявы.
3 Ңарка хойʼ ңэваʼ ниня ңобˮ еся мяˮ танявы.
4 Чикы еся мякана няхарˮ тадебя илевы.
5 Ңобңгуна ңарка тадебя ма:
6 - Пиʼ ямбанʼ хэˮ муноңаˮ , немами ниˮ тамбюˮ.
7 Чикы вадида мэсомаданта ңарка тадебяр еся панымʼ сера, пинʼ тарпыˮ.
8 Тад еся ңаноʼ мюʼ тийˮ, нумтʼ пулэйˮ.
9 Еся ңанона сиив яляʼ миңа.
10 Сибимчей яляна нувʼ нисянта мятʼ тэвыˮ.
11 Нувʼ нисянта мятʼ тю, манма:
12 - Нувʼ нисякэˮ, яʼ ниня илми вэванюˮ.
13 Хэʼ мунотаˮ тарсиˮ яˮавласьтыˮ, хонё ниˮ тамбюˮ.
14 Сидя папами ңобтаремʼ хонё яˮамңахаʼ.
15 Нувʼ нися тарча вади намда ңулиˮ нензюмя.
16 Манма:
17 - Хаманчь тюконʼ тон?
18 Хэʼ мунота иламт ни вомдабюˮ.
19 Нерʼ нисядамˮ манˮ:
20 яʼ сярʼ ниня вэвавна илебат яʼ ңыликанʼ ханьˮ!
21 Папаюд ңобтаремʼ хэяхаʼ.
22 Ңамгэ нин намдорˮ?
23 Чедаʼ сававна инчелеˮ!
24 Яʼ сярʼ ниня илеван!
25 нябат харваˮ яʼ ңыликаʼ мятʼ хэбсун.
26 Яʼ ңылика масиˮ недамт табсу.
27 Тад ңоˮ яʼ ңылна хэʼ мунота юңгосеты.
28 Ңарка тадебя еся ңанонта мюʼ тийˮ, таси янʼ пяда.
29 Мяканта тэвыˮ.
30 Тэвмахаданта папаюта няʼ манма:
31 - Нувʼ нисями сими ңаркавна пёдтась, мась:
32 яʼ ниня илеванʼ нябтаˮ харваˮ чиканта яʼ ңыликаʼ мятʼ хантанакэдаˮ.
33 Папаюда маңахаʼ:
34 - Чиканта ханячейʼ сава.
35 Маняˮ няхарңэ ңамгэмʼ пэрңаваˮ яʼ сярʼ ниня?
36 Ненэй ненчаˮ чедариʼ юңгунюˮ.
37 Ненэй ненчаˮ ңадимбатуʼ ңаниʼ тутаваˮ.
38 Яʼ ңыликаʼ мятʼ хэсь сава ңэрханюˮ .
39 Лахарюдуʼ ёльчемахадантуʼ ңорңаˮ , хлнэйдˮ.
40 Хуняна ңормахадантуʼ пинʼ тарпыдˮ, еся ңаноʼ мюʼ тиядˮ, ңыльняʼ пядуʼ, тэри пулэйдˮ.
41 Сиив яляʼ ңэсоңгана яʼ ңвликаʼ мятʼ тэвыдˮ.
42 Маˮ нимˮ:
43 - Яʼ ңылика ирикэˮ, яʼ сярʼ ниня илеванʼ ниваˮ харваˮ.
44 Ненэй ненчаˮ танявы ңэютуʼ етʼ хкркари ңэись.
45 Чедавʼ ненэй ненчаˮ юңгунюˮ.
46 Няхарˮ тадебянэ хумбачиˮ илеваˮ яʼ сярʼ ниня.
47 Таʼ ёльчаңгад яʼ ңаликаʼ мякана иле пядуʼ.
48 Та валакада.