1 mantuʔ, jurakʔ sajudoromaduʔ
1 МАНТУˮ, ЮРАКˮ САЮДОРОМАДУʼ

2 laxanakomʲi βesakoxot naddβɨ ŋeʔ nʲiβʔ.
2 Лаханакоми вэсакохот наддвы ңэˮ нивˮ.

3 ŋaβnanta mantuʔ, jurakʔ sajudarmɨʔ.
3 Ңавнанта мантуˮ, юракˮ саюдармыˮ.

4 jensʲa jaβʔ tʲaxanʲaŋɨ jaxana mantuʔ ilʲeβɨʔ, talʲnʲaŋɨ jaxana jurakʔ ilʲeβɨʔ.
4 Енся явʼ тяханяңы яхана мантуˮ илевыˮ, тальняңы яхана юракˮ илевыˮ.

5 pomnantuʔ sajudalβɨdʔ.
5 Помнантуʼ саюдалвыдˮ.

6 taʔ malʲeŋgana xanʲaŋɨ mantuʔ labtaxana, alʲenʲej ŋoxona ilʲeβɨʔ.
6 Таʼ малеңгана ханяңы мантуˮ лабтахана, Аленей ңохона илевыʼ.

7 tasʲi marana xoj ŋanokoʨaduʔ tanʲaβɨ, poŋarʨ metaduʔ.
7 Таси марана хой ңанокочадуʼ танявы, поңарчь мэтадуʼ.

8 taʔ jolʲʨaŋana sʲidʲa jurak ŋeβɨ, nʲabʲi jabtuŋe sʲoxor, nʲabʲi jar jeb ŋeβɨ.
8 Таʼ ёльчаңана сидя юрак ңэвы, няби Ябтуңэ Сёхор, няби Яр Еб ңэвы.

9 ʨikajud mantuʔ mʲatʔ xeβeβeʔ.
9 Чикаюд мантуˮ мятʼ хэвэвэʼ.

10 jalʲaʔ jambanʔ mʲadomexe.
10 Яляʼ ямбанʼ мядомэхэ.

11 xurkan numta peβsʲumɨ.
11 Хуркан нумта пэвсюмы.

12 peβsʲumɨ.
12 Пэвсюмы.

13 peβsʲumʲeʔ nʲana mʲakanʨiʔ xesʲ nʲiʨiʔ xoj ŋanokoʨamʔ xarxana sʲidʲermedʲiʔ.
13 Пэвсюмеʼ няна мяканчиʼ хэсь ничиʼ хой ңанокочамʼ хархана сидермэдиʼ.

14 tad tʲaxanʲaʔ xeβanʨiʔ labʲi ŋanudʲiʔ tanʲaβɨʔ.
14 Тад тяханяʼ хэванчиʼ лаби ңанудиʼ танявыˮ.

15 ŋanʲiʔ jalʲaxana ʨikɨ jurakxaʔ ŋanʲiʔ mʲadomexeʔ.
15 Ңаниʼ яляхана чикы юракхаʼ ңаниʼ мядомэхэʼ.

16 peβsʲumʲeʔ nʲana mantuʔ xonejdʔ.
16 Пэвсюмеʼ няна мантуˮ хонэйдˮ.

17 ʨikaβaxana xonʲoda mantu pʲiʔ xadaba pʲaβɨdʲiʔ.
17 Чикавахана хонёда манту пиʼ хадаба пявыдиʼ.

18 sʲidʲa mantomʔ ŋedarabtaβexeʔ.
18 Сидя мантомʼ ңэдарабтавэхэʼ.

19 ʨikɨ sʲidʲa mantor ŋopoj ŋanoʔ mʲuʔ ʨiβexeʔ.
19 Чикы сидя мантор ңопой ңаноʼ мюʼ чивэхэʼ.

20 ŋanodʲiʔ sʲisaβej ŋeβɨ.
20 Ңанодиʼ сисавэй ңэвы.

21 nʲabʲi mantor ŋanoʔ xuŋgaxad tʲaxanʲaʔ taraβeda.
21 Няби мантор ңаноʼ хуңгахад тяханяʼ таравэда.

22 nʲabʲi mantor xoj ŋanonta xeβ nʲaambβ janʔ xarʲeβɨ.
22 Няби мантор хой ңанонта хэв няамбв янʼ харевы.

23 nʲenej nʲeneʨaʔ ʨikɨ sʲidʲa mantomʔ sʲurtʲeβanʔ xarβaŋaxajudunʨ.
23 Ненэй ненэчаˮ чикы сидя мантомʼ сюртеванʼ харваңахаюдунчь.

24 nʲabʲi mantor itʔ seja, seja, nʲabʲi xojʔ nʲajuʔ xunβɨʔ.
24 Няби мантор итʼ сэя, сэя, няби хойʼ няюʼ хунвыˮ.

25 lʲeskʲinaʔ nʲana, moŋguʨe jaxaʔ tʲaxanʲaŋɨ xeβxana sʲidʲa to tanʲa.
25 Лескинаʼ няна, Моңгуче яхаʼ тяханяңы хэвхана сидя то таня.

26 sʲidʲa toxoʔ pomna ʨikɨ mantor ʨebʲermɨ.
26 Сидя тохоʼ помна чикы мантор чебермы.

27 maʔ nʲiβʔ:
27 Маˮ нивˮ:

28 "sʲidʲa togoʔ pomna xebʔ nanʲi saβaraxa.
28 "Сидя тогоʼ помна хэбˮ нани савараха.

29 jada xasujʔ."
29 Яда хасуйˮ."

30 taʔ jolʲʨaŋgana jabtuŋe sʲoxor jadna mantomʔ ŋgedalʲo nʲerʨeda.
30 Таʼ ёльчаңгана Ябтуңэ Сёхор ядна мантомʼ ңгэдалё нерчеда.

31 toxoʔ xeβxana sʲedaku tanʲaβɨ.
31 Тохоʼ хэвхана седаку танявы.

32 sʲedakuʔ tʲaxana lɨŋgaraβɨʔ.
32 Седакуʼ тяхана лыңгаравыˮ.

33 ʨikɨ sʲedakuʔ jadanʔ lɨŋgaramadanta mantor xanʲaxart nʲaβɨ tosaʔ.
33 Чикы седакуʼ яданʼ лыңгарамаданта мантор ханяхарт нявы тосаˮ.

34 mantor nʲabʨipojʔ sʲedakonʔ teβɨʔ.
34 Мантор нябчипойˮ седаконʼ тэвыˮ.

35 lbtuŋe sʲoxor ʨikanʔ jadaβeda.
35 Лбтуңэ Сёхор чиканʼ ядавэда.

36 mator mamɨ ŋeʔ nʲiβʔ:
36 Матор мамы ңэˮ нивˮ:

37 - oβ, nʲanaʔ sʲimʲi nʲerʨenanʲuʔ!
37 - Ов, нянаˮ сими нерченанюˮ!

38 tʲuku jaxad xeβɨ ŋebʔ nanʲi sʲimʲi xunaxart nʲinasʲ teβŋguʔ.
38 Тюку яхад хэвы ңэбˮ нани сими хунахарт нинась тэвңгуˮ.

39 ʨedaʔ sʲimʲixadaʔ nʲanuβʔ, xanʲaʔ xeβnʲadmʔ?
39 Чедаʼ симихадаˮ нянувˮ, ханяʼ хэвнядмʼ?

40 mantor xa.
40 Мантор ха.

41 jabtuŋe ssxor mantonta ŋβamʔ pʲa malanʔ ŋdada.
41 Ябтуңэ Ссхор мантонта ңвамʼ пя маланʼ ңдада.

42 tarʲemʔ xajeda.
42 Таремʼ хаеда.

43 tamna ŋobʔ mantomtuʔ lajda jaxaʔ malanʔ nʲaamβeduʔ, ʨikanʔ xadaβeduʔ.
43 Тамна ңобˮ мантомтуʼ Лайда яхаʼ маланʼ няамвэдуʼ, чиканʼ хадавэдуʼ.

44 mantontuʔ ŋeβa lɨmʔ ŋobtarʲemʔ pʲa malanʔ ŋɨdaβeduʔ.
44 Мантонтуʼ ңэва лымʼ ңобтаремʼ пя маланʼ ңыдавэдуʼ.

45 ʨikɨ manto ŋɨdamaduʔ jaduʔ nʲumʨa ŋɨturʲe, ŋɨturʲemʔ nʲubʲeŋa.
45 Чикы манто ңыдамадуʼ ядуʼ нюмча Ңытуре, Ңытуремʼ нюбеңа.

46 sanerʔ jaxa tanʲa.
46 Санэрˮ яха таня.

47 sanerʔ jaxaʔ malxana mantu jaxa tanʲa.
47 Санэрˮ яхаʼ малхана Манту яха таня.

48 ʨikɨ mantu jaxar ŋobʨikɨ mantu xadaʔma ja.
48 Чикы Манту яхар ңобчикы манту хадаˮма я.

49 mantont xadaraʔma ja xadxart ŋoka.
49 Мантонт хадараˮма я хадхарт ңока.

50 ʨikɨ sʲerʔ manʨʲβanaʔ ŋamge sʲaxaʔ manemanaβaʔ ŋanʲi, muŋgat namdaβeβaʔ ŋeʔ nʲiβʔ, βesaku nʲeneʨaŋgat.
50 Чикы серʼ манчьванаˮ ңамгэ сяхаʼ манэманаваˮ ңани, муңгат намдавэваˮ ңэˮ нивˮ, вэсаку ненэчаңгат.

51 ʨikɨʔ talʲnʲajuʔ mantud talʲnʲaŋɨ janʔ tuβɨʔ, jurakʔ ŋanʲi tʲaxanʲaŋɨ jaxantuʔ xeβɨʔ.
51 Чикыʼ тальняюʼ мантуд тальняңы янʼ тувыˮ, юракˮ ңани тяханяңы яхантуʼ хэвыˮ.

52 jensʲa jaβʔ sʲatanʲaŋɨ xeβanʔ.
52 Енся явʼ сятаняңы хэванʼ.

53 pomnantuʔ sajudarʨ ŋeβadaladuʔ.
53 Помнантуʼ саюдарчь ңэвадаладуʼ.

54 mamɨʔ ŋeʔ nʲimʔ nʲaxatatuʔ:
54 Мамыˮ ңэˮ нимˮ няхататуʼ:

55 - tad nʲernʲaʔ poŋgananaʔ nʲexoβaʔ sajudarʔ !
55 - Тад нерняʼ поңгананаˮ неховаˮ саюдарˮ !

56 pojunaʔ saβa ŋejaʔ ŋobʔ sʲerʔ ilʲexeβaʔ.
56 Поюнаˮ сава ңэяʼ Ңобˮ серˮ илехэваˮ.

57 ʨi, taʔ slʲʨaŋgad nʲenej nʲeneʨaʔ , mantuʔ xɨnʲosʲiʔ ilʲe pʲaduʔ.
57 Чи, таʼ сльчаңгад ненэй ненэчаˮ , мантуˮ хынёсиˮ иле пядуʼ.