1 nuβʔ mʲadonʨej
1 НУВʼ МЯДОНЧЕЙ

2 jaʔ mʲidaxana iʨa ŋapʨenʲa!
2 Яʼ мидахана ича ңапченя!

3 βarxana ŋobʔ ŋarka mʲaʔ tanʲaβɨ.
3 вархана ңобˮ ңарка мяˮ танявы.

4 mʲakana βesaku, puxuʨa ilʲeβexeʔ, xasaβa nʲudʲiʔ tanʲaβɨ.
4 Мякана вэсаку, пухуча илевэхэʼ, хасава нюдиʼ танявы.

5 xasaβa nʲudʲiʔ malʲe nʲesaβej.
5 Хасава нюдиʼ мале несавэй.

6 nʲeda sʲidʲa nʲe.
6 Неда сидя не.

7 ŋopoj mʲakana samblʲaŋg nʲeneʨʔ ilʲeβɨ.
7 Ңопой мякана самбляңг ненэчьʼ илевы.

8 tɨduʔ juŋuβɨʔ , βenʲekuduʔ ŋanʲi ŋoka, sʲidʲa judmʲan.
8 Тыдуʼ юңувыˮ , вэнекудуʼ ңани ңока, сидя юдмян.

9 xanʲeβanʨ xebtuʔ βenʲekuduʔ podʲerʨetɨʔ.
9 Ханеванчь хэбтуʼ вэнекудуʼ подерчетыˮ.

10 ŋobŋguna xasaβa nʲudʲiʔ samblʲaŋg βenʲekomʔ podʲerkaβa nʲakumanʨ xaja.
10 Ңобңгуна хасава нюдиʼ самбляңг вэнекомʼ подеркава някуманчь хая.

11 naŋelʲa jalʲaʔ jambanʔ sɨŋgrʲuda juŋgu.
11 Наңэля яляʼ ямбанʼ сыңгрюда юңгу.

12 peβsʲumʲeʔ nʲana mʲakanta to, sʲidʲa nʲakmʔ xadaβɨ.
12 Пэвсюмеʼ няна мяканта то, сидя някмʼ хадавы.

13 mʲatʔ tʲu, βaβanʔ ŋamtɨʔ, ŋorŋa.
13 Мятʼ тю, ваванʼ ңамтыˮ, ңорңа.

14 manma:
14 Манма:

15 - tʲuku jalʲaxana xanʲedamʲi sʲidʲarʲi nʲik.
15 - Тюку яляхана ханедами сидяри ник.

16 tamna ŋobʔ nʲakmʔ xadaβanʔ xarβadamʨ.
16 Тамна ңобˮ някмʼ хадаванʼ харвадамчь.

17 malʲe ŋɨnxana jadaŋguβasʲ, lakrʲiʔ jexerana nʲeŋeʨʔ ŋadʲimʲa.
17 Мале ңынхана ядаңгувась, лакриʼ ехэрана неңэчьʼ ңадимя.

18 panɨda ŋulʲiʔ serʔ, jedej xamβɨ sɨraʔ tolxaʨ.
18 Паныда ңулиˮ сэрˮ, едэй хамвы сыраʼ толхачь.

19 sʲidʲa seβda jabʲerʲesʲ.
19 Сидя сэвда ябересь.

20 nʲanʲi sɨrʨ nʲeneʨʔ masʲ:
20 Няни сырчь ненэчьʼ мась:

21 "nʲakmʔ jadpa ŋeβalalad!
21 "Някмʼ ядпа ңэвалалад!

22 saβaβna inʨelʲe!"
22 Сававна инчеле!"

23 tʲuku jaxad mʲakant xantan.
23 Тюку яхад мякант хантан.

24 xunʲana sʲidʲa jandomt nuβʔ nʲajuʔ xanŋe xadaŋgun.
24 Хуняна сидя яндомт нувʼ няюʼ ханңэ хадаңгун.

25 sʲambat saβa ilndamt nʲin xoŋguʔ.
25 Сямбат сава илндамт нин хоңгуˮ.

26 xanondamadant sʲidʲa jalʲaʔ ŋesoŋgana nuβʔ nʲad jesʲa inʲa xamŋguʔ.
26 Ханондамадант сидя яляʼ ңэсоңгана нувʼ няд еся иня хамңгуˮ.

27 ʨikɨ inʲaβna numtʔ tanaidʔ.
27 Чикы инявна нумтʼ танаидˮ.

28 nuβʔ nʲisʲa sʲit xanaʔ.
28 Нувʼ нися сит ханаˮ.

29 ʨikɨ βadʲida mesomadanta jexerana nʲenʨal terʲi temzɨʔ.
29 Чикы вадида мэсомаданта ехэрана ненчал тэри тэмзыˮ.

30 nʲisʲada βesaku ma:
30 Нисяда вэсаку ма:

31 - ʨikar nuβʔ xexe ŋeβakɨ.
31 - Чикар нувʼ хэхэ ңэвакы.

32 masʲiʔ padar nuβʔ saβa seβanʔ xamβɨ ŋeŋgun.
32 Масиˮ падар нувʼ сава сэванʼ хамвы ңэңгун.

33 tarʨa βadaʔ tanʲabʔ xunʲana sʲidʲa jandomʔ xanŋe xadainʲiʔ.
33 Тарча вадаʼ танябˮ хуняна сидя яндомʼ ханңэ хадаиниʼ.

34 iʨa napʨenʲaʔ βarxana ŋarka sʲiiβ tab nado tanʲa.
34 Ича напченяʼ вархана ңарка сиив таб надо таня.

35 tanʲaʔ xanon daβanʨ xantanakenʲiʔ.
35 Таняʼ ханон даванчь хантанакэниʼ.

36 sʲidʲa jandomʔ sʲambʔ βeβa ŋeʔ nʲiβʔ.
36 Сидя яндомʼ сямбˮ вэва ңэˮ нивˮ.

37 xunʲana jurkadʔ, ŋorŋaʔ.
37 Хуняна юркадˮ, ңорңаˮ.

38 tad ʨikaxad xanmʔ xadaŋaxaʔ.
38 Тад чикахад ханмʼ хадаңахаʼ.

39 jolʲʨemadanʨiʔ mʲakanʨiʔ xajaxaʔ.
39 Ёльчемаданчиʼ мяканчиʼ хаяхаʼ.

40 sʲidʲa jalʲaʔ ŋesoŋgana xasaβa nʲuda ma:
40 Сидя яляʼ ңэсоңгана хасава нюда ма:

41 - tʲuku pʲiʔ serʔ panɨmʔ meta xexemʔ judedamʨ.
41 - Тюку пиʼ сэрˮ панымʼ мэта хэхэмʼ юдэдамчь.

42 pada masʲ:
42 Пада мась:

43 "nuβʔ nʲisʲa sʲit xaŋa.
43 "Нувʼ нися сит хаңа.

44 xunʲana nuβʔ nʲad jesʲa inʲa xamŋguʔ.
44 Хуняна нувʼ няд еся иня хамңгуˮ.

45 inʲaβna numtʔ tanadʔ.
45 Инявна нумтʼ танадˮ.

46 nʲexejud ŋobtarʲemʔ tanaixʲimdʔ."
46 Нехэюд ңобтаремʼ танаихимдˮ."

47 βesaku, puxuʨa maŋaxaʔ:
47 Вэсаку, пухуча маңахаʼ:

48 - numtʔ tanabat manʲiʔ xaʨerʔ xajudanʲiʔ, xaʨerʔ ilʲeŋgunʲiʔ?
48 - Нумтʼ танабат маниʼ хачерʼ хаюданиʼ, хачерʼ илеңгуниʼ?

49 nʲer sʲidʲa nʲe.
49 Нер сидя не.

50 ŋobʔ nʲemʔ xajebat xanʲa saβa ŋaʔ.
50 Ңобˮ немʼ хаебат ханя сава ңаˮ.

51 sʲidnʲiʔ nʲadabadaŋe taraŋgusʲ.
51 Сидниʼ нядабадаңэ тараңгусь.

52 βesakuʔ xasaβa nʲu nʲexejuta nʲaʔ ma:
52 Вэсакуʼ хасава ню нехэюта няʼ ма:

53 - ʨedaβʔ serʔ panɨ sʲerɨdʲiʔ!
53 - Чедавʼ сэрˮ паны серыдиʼ!

54 sʲamej pʲiβʲidʲiʔ, pʲimdʲiʔ xajejdʲiʔ!
54 Сямэй пивидиʼ, пимдиʼ хаейдиʼ!

55 ŋarkajum nʲedʲa ma:
55 Ңаркаюм недя ма:

56 - manʨʲβan nʲidmʔ xantʔ.
56 - Манчьван нидмʼ хантˮ.

57 jedej panemʲi juŋgu, jedej pʲibʲinʲi juŋguʔ.
57 Едэй панэми юңгу, едэй пибини юңгуˮ.

58 sʲamej panena numtʔ tanabʔ nanʲi tajna xamandadmʔ?
58 Сямэй панэна нумтʼ танабˮ нани тайна хамандадмʼ?

59 tad nʲenesʲa ŋo nuβ nʲad jesʲa inʲada xamɨ.
59 Тад ненэся ңо нув няд еся иняда хамы.

60 βesakuʔ xasaβa nʲu nʲudʲajumʔ nʲenʨa nʲaʔ jesʲa inʲaβna tʲunʲaʔ pʲadʲiʔ.
60 Вэсакуʼ хасава ню нюдяюмʼ ненча няʼ еся инявна тюняʼ пядиʼ.

61 jesʲa inʲaʔ jerta pʲiruβna tanejxaʔ jesʲa inʲada lʲedrʲelʲijʔ.
61 Еся иняʼ ерта пирувна танэйхаʼ еся иняда ледрелийˮ.

62 βesakuʔ xasaβa nʲu ʨorʲejʔ:
62 Вэсакуʼ хасава ню чёрейˮ:

63 - nʲeŋe, sʲamej panɨd xajesʲed?
63 - Неңэ, сямэй паныд хаесед?

64 nʲisʲadamʔ manʔ, sʲamej panena numtʔ nʲinʲiʔ teβŋguʔ!
64 Нисядамˮ манˮ, сямэй панэна нумтʼ ниниʼ тэвңгуˮ!

65 nʲedʲajorʲeβonta:
65 Недяёревонта:

66 - sʲamej pʲibʲinʲi nʲinasʲ xajeʔ!
66 - Сямэй пибини нинась хаеˮ!

67 tad nʲeʔ ŋudʲita nʲerʨuʔ jesʲa inʲa nɨklɨ.
67 Тад неʼ ңудита нерчуʼ еся иня ныклы.

68 nʲer tasʲiʔ mantɨrʨ xaja, iʨa ŋapʨenʲaʔ itʔ seja, sʲan nʲi ŋadʲiβʔ.
68 Нер тасиʼ мантырчь хая, ича ңапченяʼ итʼ сэя, сян ни ңадивˮ.

69 βesakuʔ xasaβa nʲu numtʔ teβɨʔ.
69 Вэсакуʼ хасава ню нумтʼ тэвыˮ.

70 tad serʔ panɨmʔ meta nuβʔ xexemaʔ nʲiβʔ:
70 Тад сэрˮ панымʼ мэта нувʼ хэхэмаˮ нивˮ:

71 - nuβʔ nʲisʲaʔ xardanʔ ŋobkana xantanʲiʔ.
71 - Нувʼ нисяʼ харданʼ ңобкана хантаниʼ.

72 xajaxaʔ.
72 Хаяхаʼ.

73 sʲanat xunat jadbaʨiʔ ŋodʔ nuβʔ nʲisʲaʔ mʲatʔ teβjjaxaʔ.
73 Сянат хунат ядбачиʼ ңодˮ нувʼ нисяʼ мятʼ тэвъяхаʼ.

74 βesakuʔ xasaβa nʲu mʲatʔ tʲu.
74 Вэсакуʼ хасава ню мятʼ тю.

75 mʲadʔ mʲunʲa nuβʔ nʲisʲa ŋamʨuβɨ.
75 Мядʼ мюня нувʼ нися ңамчувы.

76 nuβʔ nʲisʲanta sɨrjeta juŋgu.
76 Нувʼ нисянта сыръета юңгу.

77 ŋarxanta tuŋe lejna.
77 Ңарханта туңэ лэйна.

78 xeβxananta sʲiiβ xexe.
78 Хэвхананта сиив хэхэ.

79 malŋe tu lejuraxaʔ.nuβʔ nʲisʲa manʨ xanada:
79 Малңэ ту лэюрахаˮ.Нувʼ нися манчь ханада:

80 - padar sʲenʲaʔ sʲidʲa jandomt xadanasʲ.
80 - Падар сеняʼ сидя яндомт хаданась.

81 malʔ taromana sʲertaβen.
81 Малʼ таромана сертавэн.

82 sʲidʲa nʲer xaʨanaxaʔ tuʔ.
82 Сидя нер хачанахаʼ туˮ.

83 sʲamej panena mʲinxanʨiʔ paraŋguxunʨ.
83 Сямэй панэна минханчиʼ параңгухунчь.

84 ʨedaβʔ sʲit ilʲeβamʔ perʨaŋe sʲertaβanʔ xarβadmʔ.
84 Чедавʼ сит илевамʼ пэрчаңэ сертаванʼ харвадмʼ.

85 ndej nʲedamt tatadmʔ.
85 Ндэй недамт татадмʼ.

86 ʨedaʔ punʲaʔ xanʔ!
86 Чедаʼ пуняʼ ханьˮ!

87 βesakuʔ xasaβa nʲu pʲinʔ tarpɨʔ, sɨrŋa:
87 Вэсакуʼ хасава ню пинʼ тарпыˮ, сырңа:

88 mʲadʔ xeβxana jesʲa ŋano tanʲaβɨ.
88 мядʼ хэвхана еся ңано танявы.

89 jesʲa ŋanoʔ mʲunʲa sʲenʲej serʔ panɨmʔ meta xexe ŋamʨuβɨ.
89 Еся ңаноʼ мюня сеней сэрˮ панымʼ мэта хэхэ ңамчувы.

90 nʲedʲa ŋanʲi tʲukona meβɨ.
90 Недя ңани тюкона мэвы.

91 βesakuʔ xasaβa nʲu ŋanoʔ mʲuʔ tʲijʔ, tasʲiʔ pʲada.
91 Вэсакуʼ хасава ню ңаноʼ мюʼ тийˮ, тасиʼ пяда.

92 sʲanat xunat mʲimbata ŋodʔ janʔ teβɨʔ.
92 Сянат хунат мимбата ңодˮ янʼ тэвыˮ.

93 jedej meβɨ nʲenʨa nʲaʔ mʲakanta xaja.
93 Едэй мэвы ненча няʼ мяканта хая.

94 teβmaxadanta maneŋada:
94 Тэвмахаданта манэңада:

95 mʲata xeβxana jonarmʲan tɨ.
95 мята хэвхана ёнармян ты.

96 ʨikɨd nuβʔ mʲadonʨej.
96 Чикыд нувʼ мядончей.

97 βesakuʔ xasaβa nʲu taʔ malβŋgad ilʲeβamʔ perʨaŋe xaja.
97 Вэсакуʼ хасава ню таʼ малвңгад илевамʼ пэрчаңэ хая.