1 nʲisʲanʲi tabʲeko
1 НИСЯНИ ТАБЕКО

2 i nʲi tomaxad jensʲaʔ jaβʔ βarxana ilʲeβeβaʔ.
2 И ни томахад Енсяʼ явʼ вархана илевэваˮ.

3 nʲisʲamʲi tanʲa, nʲebʲamʲi tanʲa.
3 Нисями таня, небями таня.

4 tamna sʲidʲa , nʲekamʲi tanʲa.
4 Тамна сидя , неками таня.

5 teβaʔ sʲidʲa jurʔ.
5 Тэваˮ сидя юрˮ.

6 nʲisʲamʲi βesaku, sʲidʲa nʲekamʲi sɨraʔ xanʲedamʔ perngaʔ, taʔ xalʲamʔ xadabasʲtɨʔ.
6 Нисями вэсаку, сидя неками сыраʼ ханедамʼ пэрнгаˮ, таʼ халямʼ хадабасьтыˮ.

7 sʲaʔ nɨ ngebtuʔ ngodʔ xuβɨ tumana nʲisʲamʲi, nʲebʲamʲi ponggananʨiʔ laxanaβononʨiʔ.
7 Сяˮ ны нгэбтуʼ нгодˮ хувы тумана нисями, небями понггананчиʼ лаханавонончиʼ.

8 nʲisʲamʲi mamononta:
8 Нисями мамононта:

9 - puxuʨa, nʲaxarʔ nʲumʲi malʲe ngarma.
9 - Пухуча, няхарˮ нюми мале нгарма.

10 tad ngarβomaxadantuʔ xusuβeduʔ xartuʔ sʲexerɨmʔ metʔ nʲimʔ.
10 Тад нгарвомахадантуʼ хусувэдуʼ хартуʼ сехэрымʼ мэтˮ нимˮ.

11 ʨedaʔ nʲuxaʔ nʲi ngobʔ xobsokomʔ xetβanʔ xarβadmʔ.
11 Чедаʼ нюхаˮ ни нгобˮ хобсокомʼ хэтванʼ харвадмʼ.

12 manetʔ nʲiβamʔ, xanʲangɨduʔ inta nguʔ tanʲanggu.
12 Манэтˮ нивамˮ, ханянгыдуʼ инта нгуˮ танянггу.

13 nʲebʲamʲi mamonota:
13 Небями мамонота:

14 - tarʲemʔ mambat ngamgeda βeβa.
14 - Таремʼ мамбат нгамгэда вэва.

15 jurkɨnaʔ, ngorngaβaʔ.
15 Юркынаˮ, нгорнгаваˮ.

16 tad nʲisʲamʲi pʲinʔ tarmɨʔ, ma:
16 Тад нисями пинʼ тармыˮ, ма:

17 - nʲaxarʔ xasaβa nʲumʲi, tʲuku jalʲaxana manzaidaʔ ngeβadalaraʔ, talʲaʔ ngexerngadaʔ!
17 - Няхарˮ хасава нюми, тюку яляхана манзаидаˮ нгэвадалараˮ, таляʼ нгэхэрнгадаˮ!

18 nʲaxarʔ nʲunge ngobt, ngamdɨnaʔ.
18 Няхарˮ нюнгэ нгобт, нгамдынаˮ.

19 nʲisʲamʲi sʲabjrʨemta nʲama, tad nobʔ peβdʲukomʔ nʲaamxaja manʨ xanada:
19 Нисями сябйрчемта няма, тад нобˮ пэвдюкомʼ няамхая манчь ханада:

20 - nʲaxarʔ xasaβa nʲunge, nʲantaʔ ngopoj βadamʲi tanʲa.
20 - Няхарˮ хасава нюнгэ, нянтаˮ нгопой вадами таня.

21 xobsokomʲi βadʲetaβ.
21 Хобсокоми вадетав.

22 xanʲangeraʔ xobsokomʲi xongguda, ʨikanta inta nguʔ tanʲa.
22 Ханянгэраˮ хобсокоми хонггуда, чиканта инта нгуˮ таня.

23 tad ʨikɨ βadʲita pud peβdʲukomʔ xarxana sʲan janʔ lʲadngada.
23 Тад чикы вадита пуд пэвдюкомʼ хархана сян янʼ ляднгада.

24 manma:
24 Манма:

25 - peβdʲukomʔ lʲadngaβ.
25 - Пэвдюкомʼ ляднгав.

26 ʨedaʔ mardejdaʔ!
26 Чедаʼ мардэйдаˮ!

27 ngarka nʲekamʲi pʲa tajesmʔ nʲamada, jermnʲanta malʲada.
27 Нгарка неками пя таесмʼ нямада, ермнянта маляда.

28 jonej nʲekamʲi nganʲiʔ tarʲemʔ sʲertada.
28 Ёнэй неками нганиʼ таремʼ сертада.

29 manʲ nganʲi nʲaxajunʲi nʲaʔ sɨrʨ pʲa tajesmʔ jemrnʲanta malʲaβ.
29 Мань нгани няхаюни няʼ сырчь пя таесмʼ емрнянта маляв.

30 nʲisʲaβaʔ nʲanaʔ sɨrʨ ma:
30 Нисяваˮ нянаˮ сырчь ма:

31 - nʲaxarʔ xasaβa nʲumʲi, - pɨdaraʔ ilamʔ sabʲe manemadaβeraʔ.
31 - Няхарˮ хасава нюми, - пыдараˮ иламʼ сабе манэмадавэраˮ.

32 xobsokonʲi xara sabʲe ngarka nʲi ngaʔ.
32 Хобсокони хара сабе нгарка ни нгаˮ.

33 tad nangedʲa peβdemʔ ngarka xasaβa nʲuxunta mʲiʔ ngada.
33 Тад нангэдя пэвдэмʼ нгарка хасава нюхунта миˮ нгада.

34 ngarka xasaβa nʲuda malʲa jamada.
34 Нгарка хасава нюда маля ямада.

35 jonej xasaβa nʲu ngobtarʲemʔ.
35 Ёнэй хасава ню нгобтаремʼ.

36 manʲ nganʲi sʲan malʲaba pʲasʲetɨdmʔ, sʲan malʲabʔ nanʲi ngodʔ ngobtarʲemʔ βɨdaradmʔ.
36 Мань нгани сян маляба пясетыдмʼ, сян малябˮ нани нгодˮ нгобтаремʼ выдарадмʼ.

37 nʲisʲamʲi peβdemʲi ngudaxatanʲi xanada, tad ma:
37 Нисями пэвдэми нгудахатани ханада, тад ма:

38 - nʲaxarʔ xasaβa nʲumʲi, ilanggana nʲaʔ tanʲabʔ saβa.
38 - Няхарˮ хасава нюми, иланггана няʼ танябˮ сава.

39 βesakuʔ manʨetɨʔ:
39 Вэсакуˮ манчетыˮ:

40 lʲadmɨ peβdʲumʔ nʲenʨal mardangguda, nangedʲa peβdemʔ mardamba βɨdaranggu.
40 лядмы пэвдюмʼ ненчал марданггуда, нангэдя пэвдэмʼ мардамба выдаранггу.

41 βadmbojʔ ilʲebataʔ, xartaʔ pomnantaʔ pojemʲobabʔ nantaʔ lʲadmɨpeβdʲuʔ totrʲeβʔ xaranʔ xarβana nʲenʨaʔ sʲiddaʔ mardangguʔ.
41 Вадмбойʼ илебатаˮ, хартаˮ помнантаˮ поемёбабˮ нантаˮ лядмыпэвдюʼ тьотревʼ харанʼ харвана ненчаˮ сиддаˮ марданггуˮ.

42 ngopojrʲinge ngamgert sʲermʔ nʲidaʔ sʲertangguʔ.
42 Нгопойрингэ нгамгэрт сермʼ нидаˮ сертанггуˮ.

43 ngokaxaβange nʲidamʔ mebʲetʔ.
43 Нгокахавангэ нидамˮ мэбетˮ.

44 ʨi, irʲinanaʔ tabʲeko tarʨa.
44 Чи, иринанаˮ табеко тарча.

45 tad ʨikɨ, pud ngoka po xaja.
45 Тад чикы, пуд нгока по хая.

46 sʲidʲa nʲekamʲi xanʲedamʔ perngaxaʔ, jorngaxaʔ.
46 Сидя неками ханедамʼ пэрнгахаʼ, ёрнгахаʼ.

47 manʲ nganʲi tɨ perngadmʔ.
47 Мань нгани ты пэрнгадмʼ.

48 nʲisʲananaʔ tabʲekomʔ sʲan nʲiβaʔ madabʲuʔ.
48 Нисянанаˮ табекомʼ сян ниваˮ мадабюˮ.