1 lamdʲik tetaʔ xasaβa nʲuda
1 ЛАМДИК ТЭТАʼ ХАСАВА НЮДА

2 seβnʲi tʲaxad madorota jaxaʔ βarxana ilʲeβeβaʔ.
2 Сэвни тяхад мадорота яхаʼ вархана илевэваˮ.

3 teβaʔ nʲaxarʔ jonarʔ.
3 Тэваˮ няхарˮ ёнарˮ.

4 nʲisʲamʲi tanʲa - lamdʲik teta.
4 Нисями таня - Ламдик тэта.

5 nʲebʲamʲi tanʲa - nʲe lamdojʔ.
5 Небями таня - не Ламдойʼ.

6 nʲaxarʔ nʲekamʲi tanʲa.
6 Няхарˮ неками таня.

7 sʲidʲa nʲekamʲi malʲe nʲesaβej.
7 Сидя неками мале несавэй.

8 nʲudʲa nʲekamʲi nʲesʲi.
8 Нюдя неками неси.

9 sʲidʲa nʲekamʲi pʲilʲiʔ manʨetɨ:
9 Сидя неками пилиˮ манчеты:

10 - nʲudʲa nʲaβaʔ tarsʲiʔ saʔ la.
10 - Нюдя няваˮ тарсиˮ саˮ ла.

11 ŋagemʔ perpata ŋodʔ pʲilʲiʔ βenʨerʔ perʨetɨda.
11 Ңагэмʼ пэрпата ңодˮ пилиˮ вэнчерʼ пэрчетыда.

12 inʨa ŋɨlrʲiβna ilʲena nʲeneʨʔ.
12 Инча ңылривна илена ненэчьʼ.

13 lamdʲik teta nʲisʲamʲi nʲudʲa xasaβa nʲumta ŋulʲiʔ menʲeda saʔ la ŋebta ŋodʔ.
13 Ламдик тэта нисями нюдя хасава нюмта ңулиˮ мэнеда саˮ ла ңэбта ңодˮ.

14 ŋarka xasaβa nʲuxujuta ŋʲaʔ manʨetɨ:
14 Ңарка хасава нюхуюта ңяʼ манчеты:

15 - saʔlaku nʲamdʲiʔ nʲorʲi jaebtambʲuʔ.
15 - Саˮлаку нямдиʼ нёри яебтамбюˮ.

16 sʲaxaŋgaβʔ taroda ŋadʲsu.
16 Сяхаңгавʼ тарода ңадьсу.

17 tarʨ laxarʲoβaxana sʲermʲi juŋgu.
17 Тарчь лахарёвахана серми юңгу.

18 seβrʲi meŋadmʔ.
18 Сэври мэңадмʼ.

19 sʲanɨʔ nɨ ŋebta ŋodʔ lamdʲik teta nʲisʲamʲi ŋeβamta idʲilŋa.
19 Сяныˮ ны ңэбта ңодˮ Ламдик тэта нисями ңэвамта идилңа.

20 sʲiiβ jalʲaʔ jambanʔ jesʲa tʲumʲumta taroaβanʔ xarβa.
20 Сиив яляʼ ямбанʼ еся тюмюмта тароаванʼ харва.

21 sʲibʲimʨej jalaxana jesʲa tʲumʲumta pʲilʲiʔ tarxalŋada.
21 Сибимчей ялахана еся тюмюмта пилиˮ тархалңада.

22 xalʲmʲeramtuʔ sʲurŋaduʔ.
22 Хальмерамтуʼ сюрңадуʼ.

23 nʲisʲanʲi xaʔ maxad sʲidʲa ŋarka nʲekamʲi nʲudʲa nʲamʨiʔ ŋobkad ladorpʲidʲiʔ.
23 Нисяни хаˮ махад сидя ңарка неками нюдя нямчиʼ ңобкад ладорпидиʼ.

24 pʲilʲiʔ manʨetɨxʲiʔ:
24 Пилиˮ манчетыхиʼ:

25 - saʔlan ŋeβen, xʲibʲartana nʲin taraʔ.
25 - Саˮлан ңэвэн, хибяртана нин тараˮ.

26 manʲ ŋanʲi tarʨambojxana xaʔ mandadmʔ?
26 Мань ңани тарчамбойхана хаˮ мандадмʼ?

27 nʲe ŋaʨekedmʔ nʲidamʔ ŋaʔ.
27 Не ңачекэдмʼ нидамˮ ңаˮ.

28 ŋobŋguna ŋarka nʲekamʲi manma:
28 Ңобңгуна ңарка неками манма:

29 - nʲaxarʔ jonarʔ tɨmʔ tʲarkanaʔ!
29 - Няхарˮ ёнарˮ тымʼ тярканаˮ!

30 ʨi, tarʨa βadaʔ tanʲabʔ tɨ jarkɨba pʲaduʔ, xaβomba pʲajduʔ.
30 Чи, тарча вадаʼ танябˮ ты яркыба пядуʼ, хавомба пяйдуʼ.

31 manʲijebʔ nanʲi sʲidʲarʲi xaβna xaβombʲuʔ nʲidʲimʔ.
31 Маниебˮ нани сидяри хавна хавомбюˮ нидимˮ.

32 nʲudʲa nʲekanʲi nʲamna βada juŋgoja.
32 Нюдя некани нямна вада юңгоя.

33 nʲebʲamʲi manma:
33 Небями манма:

34 - nʲudʲa xasaβa nʲumʲi jeʔejsʲadaŋe nʲoi xajuʔ.
34 - Нюдя хасава нюми еˮэйсядаңэ нёи хаюˮ.

35 saʔlaku ŋebta ŋodʔ tesʲipojʔ xaʨerʔ ilʲeŋgu?
35 Саʼлаку ңэбта ңодˮ тэсипойˮ хачерʼ илеңгу?

36 nʲamʨiʔ jardaβʨiʔ nuβʔ βeβa seβanʔ xaʔ amŋgudʲiʔ.
36 Нямчиʼ ярдавчиʼ нувʼ вэва сэванʼ хаˮ амңгудиʼ.

37 majantʔ jerʲemdadʲiʔ.
37 Маянтʼ еремдадиʼ.

38 sʲidʲa ŋarka nʲekanʲi namdortadʲiʔ juŋgu.
38 Сидя ңарка некани намдортадиʼ юңгу.

39 xunʲana ŋarka nʲekamʲi manma:
39 Хуняна ңарка неками манма:

40 - βataŋgoβanʨ xandaβaʔ.
40 - Ватаңгованчь хандаваˮ.

41 saʔ lakoŋe, padar ŋobtarʲemʔ jadʲertan, sʲidnʲiʔ nʲadaŋgun.
41 Саˮ лакоңэ, падар ңобтаремʼ ядертан, сидниʼ нядаңгун.

42 tarʨamʔ namda manʲ madmʔ:
42 Тарчамʼ намда мань мадмʼ:

43 - manʲ ŋoʔ tuidmʔ.
43 - Мань ңоˮ туидмʼ.

44 ʨi, ʨetŋe xajaβaʔ.
44 Чи, четңэ хаяваˮ.

45 nʲudʲa nʲamʲi ŋarka nʲekanta xanʔ βenʲaʔ ŋamdɨʔ.
45 Нюдя нями ңарка неканта ханʼ вэняʼ ңамдыˮ.

46 manʲ ŋanʲi jonej nʲekanʲi xanʔ βenʲaʔ ŋamdɨβʔ.
46 Мань ңани ёнэй некани ханʼ вэняʼ ңамдывˮ.

47 ponʔ mʲindʲakeβaʔ, nʲinʲakeβaʔ, ŋarka toʔ βaranʔ teβɨnaʔ.
47 Понʼ миндякэваˮ, нинякэваˮ, ңарка тоʼ варанʼ тэвынаˮ.

48 sʲidʲa ŋarka nʲekamʲi pomnanʨiʔ laxanaβononʨiʔ, ŋarka nʲekamʲi mamononta:
48 Сидя ңарка неками помнанчиʼ лаханавонончиʼ, ңарка неками мамононта:

49 - toʔ jertʔ jaŋga sʲimʔ sʲikanʲiʔ.
49 - Тоʼ ертʼ яңга симʼ сиканиʼ.

50 ʨikanʔ xajexamʲiʔ, idʔ ŋɨlʔ sejraxamʲiʔ.
50 Чиканʼ хаехамиʼ, идʼ ңылʼ сэйрахамиʼ.

51 idʔ ŋɨlna xarta xabsakɨ.
51 Идʼ ңылна харта хабсакы.

52 jonej nʲekamʲi mamononta:
52 Ёнэй неками мамононта:

53 - jaŋga sʲimʔ sʲertaba ponʔ ŋeŋgu.
53 - Яңга симʼ сертаба понʼ ңэңгу.

54 puna tad peβsʲumda, numda ʨeʨenʲuʔ.
54 Пуна тад пэвсюмда, нумда чеченюˮ.

55 toʔ itʔ nʲoxomaʔ, labta jertʔ xasxamʲiʔ.
55 Тоʼ итʼ нёхомаʼ, лабта ертʼ хасхамиʼ.

56 ŋarka iskamʲi mamononta:
56 Ңарка исками мамононта:

57 - xadrʲiʔ ŋeja!
57 - Хадриʼ ңэя!

58 padar tarʲemʔ mambat ŋamgeda βeβa?
58 Падар таремʼ мамбат ңамгэда вэва?

59 sʲidʲa nʲekamʲi inʲamʔ βerda, punʲaʔ ŋedalejxaʔ.
59 Сидя неками инямʼ вэрда, пуняʼ ңэдалэйхаʼ.

60 manʲiʔ sʲidʲaŋe nusʲ xainʲiʔ toʔ βarxana.
60 Маниʼ сидяңэ нусь хаиниʼ тоʼ вархана.

61 numda peβsʲumʲa, xadŋe xaja.
61 Нумда пэвсюмя, хадңэ хая.

62 ŋamgert nʲi ŋadʲuʔ.
62 Ңамгэрт ни ңадюˮ.

63 xorkɨ mʲatʔ xonejnʲiʔ.
63 Хоркы мятʼ хонэйниʼ.

64 xad sʲidnʲiʔ toxora.
64 Хад сидниʼ тохора.

65 xunʲana nʲemamʲiʔ xaja.
65 Хуняна немамиʼ хая.

66 sɨraʔ ŋɨlad ŋodʲrʲiʔ jurkɨnʲiʔ.
66 Сыраʼ ңылад ңодьриʼ юркыниʼ.

67 tad toʔ βaruβna jadaljjanʲiʔ.
67 Тад тоʼ варувна ядалъяниʼ.

68 sʲanat xunat jadbanʲiʔ ŋodʔ sʲarda xanmʔ maneŋamʲiʔ.
68 Сянат хунат ядбаниʼ ңодˮ сярда ханмʼ манэңамиʼ.

69 ŋobʔ puxuʨa pojormɨ.
69 Ңобˮ пухуча поёрмы.

70 sʲidnʲiʔ maneʨ xonramba pʲa:
70 Сидниʼ манэчь хонрамба пя:

71 - xʲibʲadʲiʔ pɨdarʲiʔ?
71 - Хибядиʼ пыдариʼ?

72 ŋamge majantʔ teβɨdʲiʔ?
72 Ңамгэ маянтʼ тэвыдиʼ?

73 nʲudʲa nʲekamʲi manma:
73 Нюдя неками манма:

74 - majantʔ jerʲemʲanʲiʔ.
74 - Маянтʼ еремяниʼ.

75 sʲidʲa nʲekamʲi saʔ la ŋeβanʲi jeʔ emnʲa sʲimʲi majandorʨ xajeŋaxaʔ.
75 Сидя неками саˮ ла ңэвани еˮ эмня сими маяндорчь хаеңахаʼ.

76 nʲe nʲamʲi ŋobtarʲemʔ.
76 Не нями ңобтаремʼ.

77 puxuʨar ma:
77 Пухучар ма:

78 - majant jerʲembaʨiʔ ŋodʔ irʲiʔ βeβa nʲoi ŋaʔ.
78 - Маянт ерембачиʼ ңодˮ ириʼ вэва нёи ңаˮ.

79 manʲ nʲananʲi tuidʲiʔ.
79 Мань нянани туидиʼ.

80 βesakomʲi malʲe βesejmɨ, tɨnʲi pertamʲiʔ juŋgu, mʲadʔ mansajamʔ pertamʲiʔ juŋgu.
80 Вэсакоми мале вэсэймы, тыни пэртамиʼ юңгу, мядʼ мансаямʼ пэртамиʼ юңгу.

81 padar saʔlan ŋebʔ nant ŋoʒʔ sʲaxaŋgaβʔ nuβʔ saβa seβanʔ masʲiʔ xamsun.
81 Падар саˮлан ңэбˮ нант ңожˮ сяхаңгавʼ нувʼ сава сэванʼ масиˮ хамсун.

82 ʨi, puxuʨaʔ mʲatʔ teβɨnʲiʔ.
82 Чи, пухучаʼ мятʼ тэвыниʼ.

83 mʲadʔ xeβxana sʲidʲa jurmʲan tɨ xadɨrŋa.
83 Мядʼ хэвхана сидя юрмян ты хадырңа.

84 xanʔ nʲinʲa βesaku ŋamʨuβɨ.
84 Ханʼ ниня вэсаку ңамчувы.

85 puxuʨa manma:
85 Пухуча манма:

86 - βesakoβ, tɨnʲiʔ pertadamʲiʔ teβradmʔ.
86 - Вэсаков, тыниʼ пэртадамиʼ тэврадмʼ.

87 βesaku ma:
87 Вэсаку ма:

88 - ʨikar ŋulʲiʔ saβa.
88 - Чикар ңулиˮ сава.

89 manʨʲβan tɨ perʨ nɨxɨmʲi juŋgu.
89 Манчьван ты пэрчь ныхыми юңгу.

90 seβnʲi βomaʔ.
90 Сэвни вомаˮ.

91 sʲimʲi jexerabʔnant pʲasʲaʔ tetaŋe sʲimʲi perʨetɨʔ.
91 Сими ехэрабˮнант Пясяˮ тэтаңэ Сими пэрчетыˮ.

92 ʨi, pʲasaʔ tetaʔ mʲakana xurkasʲiʔ xarasʲiʔ sʲidʲa poʔ ilʲenʲiʔ.
92 Чи, Пясаˮ тэтаʼ мякана хуркасиˮ харасиˮ сидя поʼ илениʼ.

93 nʲudʲa nʲekamʲi tɨ perŋa, βataŋgoβanʨ ŋoʔ xesʲtɨ.
93 Нюдя неками ты пэрңа, ватаңгованчь ңоˮ хэсьты.

94 sʲidʲa poʔ ŋesoŋgana manma:
94 Сидя поʼ ңэсоңгана манма:

95 - xanʲaβaxana nʲebʲa puxuʨamʲi tanʲasʲ.
95 - Ханявахана небя пухучами танясь.

96 manemanʨ xan- dadmʔ tʲukonʔ teβraŋguβ.
96 Манэманчь хан- дадмʼ тюконʼ тэвраңгув.

97 sʲenʲa ŋaβnanta sʲimʲi sʲanzʲetɨ nʲekajunʲi sʲimʲi ladorpaʨiʔ.
97 Сеня ңавнанта сими сянзеты некаюни сими ладорпачиʼ.

98 tarʨamʔ namdxaβa madmʔ:
98 Тарчамʼ намдхава мадмʼ:

99 - manʲ ŋoʔ tuidmʔ.
99 - Мань ңоˮ туидмʼ.

100 sʲidʲaŋe xajanʲiʔ.
100 Сидяңэ хаяниʼ.

101 sʲidʲa sʲiis jalʲaʔ βɨmna ŋedalɨnʲiʔ.
101 Сидя сиис яляʼ вымна ңэдалыниʼ.

102 tarʲemʔ mʲindʲaxanʲiʔ nʲeranʲiʔ nʲana madorota jaxaʔ βarxana sʲidʲa ŋarka mʲaʔ ŋadʲimʲa.
102 Таремʼ миндяханиʼ нераниʼ няна мадорота яхаʼ вархана сидя ңарка мяˮ ңадимя.

103 xanmʲiʔ jaxaʔ βarxana xajemʲiʔ.
103 Ханмиʼ яхаʼ вархана хаемиʼ.

104 βarɨ mʲadʔ nʲaʔ jada xajanʲiʔ.
104 Вары мядʼ няʼ яда хаяниʼ.

105 mʲatʔ tʲunʲiʔ.
105 Мятʼ тюниʼ.

106 ŋarka nʲekamʲi mʲakana meβɨ.
106 Ңарка неками мякана мэвы.

107 nʲudʲa nʲamʲi manma:
107 Нюдя нями манма:

108 - manʲ saʔlakoŋe ʨedaxaβʔ todmʔ.
108 - Мань саˮлакоңэ чедахавʼ тодмʼ.

109 nʲebʲa puxuʨamʲi xanaŋguβ.
109 Небя пухучами ханаңгув.

110 nʲaxarʔ jonarʔ tɨ βunʲi taraʔ.
110 Няхарˮ ёнарˮ ты вуни тараˮ.

111 temʲi ŋokanʲuʔ.
111 Тэми ңоканюˮ.

112 xarnʲi βadaβɨnʲi.
112 Харни вадавыни.

113 nʲantaʔ tarʲemʔ mandadmʔ:
113 Нянтаˮ таремʼ мандадмʼ:

114 salaʔlakomʔ, maŋgbadamʔ sʲaxaŋgartʔ nʲodaʔ pʲisʲadʔ, nʲodaʔ ladorʲuʔ.
114 салаˮлакомʼ, маңгбадамʼ сяхаңгартʼ нёдаˮ писядˮ, нёдаˮ ладорюˮ.

115 tʲuku βadaxaʔna nʲibta namdorʔ sʲaxarʲiʔ ŋebta ŋodʔ majantʔ jerʲemdadaʔ.
115 Тюку вадахаˮна нибта намдорˮ сяхариʼ ңэбта ңодˮ маянтʼ еремдадаˮ.

116 tamna masʲiʔ nuβʔ βɨβa seβanʔ xamsudaʔ.
116 Тамна масиˮ нувʼ выва сэванʼ хамсудаˮ.

117 ʨikɨ βadʲida mesʲemaxadanta pʲinʔ tarpɨʔ.
117 Чикы вадида мэсемахаданта пинʼ тарпыˮ.

118 manʲ ŋoʔ tarpɨβʔ.
118 Мань ңоˮ тарпывˮ.

119 nʲebʲanʲi xanʔ sŋe ʨet padβɨ xabʨemʔ podʲerna.
119 Небяни ханʼ сңэ чет падвы хабчемʼ подерна.

120 tad ŋedallejnaʔ.
120 Тад ңэдаллэйнаˮ.

121 pʲasʲaʔ tetaʔ ŋɨsɨnʔ teβɨnaʔ.
121 Пясяˮ тэтаʼ ңысынʼ тэвынаˮ.

122 taʔ jolʲʨaŋgad saβaβna ilʲeβaʔ.
122 Таʼ ёльчаңгад сававна илеваˮ.