1 nʲaxarʔ tadʲeja
1 НЯХАРˮ ТАДЕЪЯ

2 jaʔ mʲidaxana ŋamgert juŋguβɨ, jada ŋulʲiʔ ʨersʲaβɨ.
2 Яʼ мидахана ңамгэрт юңгувы, яда ңулиˮ черсявы.

3 ŋarka xojʔ ŋeβaʔ nʲinʲa ŋobʔ jesʲa mʲaʔ tanʲaβɨ.
3 Ңарка хойʼ ңэваʼ ниня ңобˮ еся мяˮ танявы.

4 ʨikɨ jesʲa mʲakana nʲaxarʔ tadʲebʲa ilʲeβɨ.
4 Чикы еся мякана няхарˮ тадебя илевы.

5 ŋobŋguna ŋarka tadʲebʲa ma:
5 Ңобңгуна ңарка тадебя ма:

6 - pʲiʔ jambanʔ xeʔ munoŋaʔ , nʲemamʲi nʲiʔ tambʲuʔ.
6 - Пиʼ ямбанʼ хэˮ муноңаˮ , немами ниˮ тамбюˮ.

7 ʨikɨ βadʲida mesomadanta ŋarka tadʲebʲar jesʲa panɨmʔ sʲera, pʲinʔ tarpɨʔ.
7 Чикы вадида мэсомаданта ңарка тадебяр еся панымʼ сера, пинʼ тарпыˮ.

8 tad jesʲa ŋanoʔ mʲuʔ tʲijʔ, numtʔ pulejʔ.
8 Тад еся ңаноʼ мюʼ тийˮ, нумтʼ пулэйˮ.

9 jesʲa ŋanona sʲiiβ jalʲaʔ mʲiŋa.
9 Еся ңанона сиив яляʼ миңа.

10 sʲibʲimʨej jalʲana nuβʔ nʲisʲanta mʲatʔ teβɨʔ.
10 Сибимчей яляна нувʼ нисянта мятʼ тэвыˮ.

11 nuβʔ nʲisʲanta mʲatʔ tʲu, manma:
11 Нувʼ нисянта мятʼ тю, манма:

12 - nuβʔ nʲisʲakeʔ, jaʔ nʲinʲa ilmʲi βeβanʲuʔ.
12 - Нувʼ нисякэˮ, яʼ ниня илми вэванюˮ.

13 xeʔ munotaʔ tarsʲiʔ jaʔaβlasʲtɨʔ, xonʲo nʲiʔ tambʲuʔ.
13 Хэʼ мунотаˮ тарсиˮ яˮавласьтыˮ, хонё ниˮ тамбюˮ.

14 sʲidʲa papamʲi ŋobtarʲemʔ xonʲo jaʔamŋaxaʔ.
14 Сидя папами ңобтаремʼ хонё яˮамңахаʼ.

15 nuβʔ nʲisʲa tarʨa βadʲi namda ŋulʲiʔ nʲenzʲumʲa.
15 Нувʼ нися тарча вади намда ңулиˮ нензюмя.

16 manma:
16 Манма:

17 - xamanʨ tʲukonʔ ton?
17 - Хаманчь тюконʼ тон?

18 xeʔ munota ilamt nʲi βomdabʲuʔ.
18 Хэʼ мунота иламт ни вомдабюˮ.

19 nʲerʔ nʲisʲadamʔ manʔ:
19 Нерʼ нисядамˮ манˮ:

20 jaʔ sʲarʔ nʲinʲa βeβaβna ilʲebat jaʔ ŋɨlʲikanʔ xanʔ!
20 яʼ сярʼ ниня вэвавна илебат яʼ ңыликанʼ ханьˮ!

21 papajud ŋobtarʲemʔ xejaxaʔ.
21 Папаюд ңобтаремʼ хэяхаʼ.

22 ŋamge nʲin namdorʔ?
22 Ңамгэ нин намдорˮ?

23 ʨedaʔ saβaβna inʨelʲeʔ!
23 Чедаʼ сававна инчелеˮ!

24 jaʔ sʲarʔ nʲinʲa ilʲeβan!
24 Яʼ сярʼ ниня илеван!

25 nʲabat xarβaʔ jaʔ ŋɨlʲikaʔ mʲatʔ xebsun.
25 нябат харваˮ яʼ ңыликаʼ мятʼ хэбсун.

26 jaʔ ŋɨlʲika masʲiʔ nʲedamt tabsu.
26 Яʼ ңылика масиˮ недамт табсу.

27 tad ŋoʔ jaʔ ŋɨlna xeʔ munota juŋgosʲetɨ.
27 Тад ңоˮ яʼ ңылна хэʼ мунота юңгосеты.

28 ŋarka tadʲebʲa jesʲa ŋanonta mʲuʔ tʲijʔ, tasʲi janʔ pʲada.
28 Ңарка тадебя еся ңанонта мюʼ тийˮ, таси янʼ пяда.

29 mʲakanta teβɨʔ.
29 Мяканта тэвыˮ.

30 teβmaxadanta papajuta nʲaʔ manma:
30 Тэвмахаданта папаюта няʼ манма:

31 - nuβʔ nʲisʲamʲi sʲimʲi ŋarkaβna pʲodtasʲ, masʲ:
31 - Нувʼ нисями сими ңаркавна пёдтась, мась:

32 jaʔ nʲinʲa ilʲeβanʔ nʲabtaʔ xarβaʔ ʨikanta jaʔ ŋɨlʲikaʔ mʲatʔ xantanakedaʔ.
32 яʼ ниня илеванʼ нябтаˮ харваˮ чиканта яʼ ңыликаʼ мятʼ хантанакэдаˮ.

33 papajuda maŋaxaʔ:
33 Папаюда маңахаʼ:

34 - ʨikanta xanʲaʨejʔ saβa.
34 - Чиканта ханячейʼ сава.

35 manʲaʔ nʲaxarŋe ŋamgemʔ perŋaβaʔ jaʔ sʲarʔ nʲinʲa?
35 Маняˮ няхарңэ ңамгэмʼ пэрңаваˮ яʼ сярʼ ниня?

36 nʲenej nʲenʨaʔ ʨedarʲiʔ juŋgunʲuʔ.
36 Ненэй ненчаˮ чедариʼ юңгунюˮ.

37 nʲenej nʲenʨaʔ ŋadʲimbatuʔ ŋanʲiʔ tutaβaʔ.
37 Ненэй ненчаˮ ңадимбатуʼ ңаниʼ тутаваˮ.

38 jaʔ ŋɨlʲikaʔ mʲatʔ xesʲ saβa ŋerxanʲuʔ .
38 Яʼ ңыликаʼ мятʼ хэсь сава ңэрханюˮ .

39 laxarʲuduʔ jolʲʨemaxadantuʔ ŋorŋaʔ , xlnejdʔ.
39 Лахарюдуʼ ёльчемахадантуʼ ңорңаˮ , хлнэйдˮ.

40 xunʲana ŋormaxadantuʔ pʲinʔ tarpɨdʔ, jesʲa ŋanoʔ mʲuʔ tʲijadʔ, ŋɨlʲnʲaʔ pʲaduʔ, terʲi pulejdʔ.
40 Хуняна ңормахадантуʼ пинʼ тарпыдˮ, еся ңаноʼ мюʼ тиядˮ, ңыльняʼ пядуʼ, тэри пулэйдˮ.

41 sʲiiβ jalʲaʔ ŋesoŋgana jaʔ ŋβlʲikaʔ mʲatʔ teβɨdʔ.
41 Сиив яляʼ ңэсоңгана яʼ ңвликаʼ мятʼ тэвыдˮ.

42 maʔ nʲimʔ:
42 Маˮ нимˮ:

43 - jaʔ ŋɨlʲika irʲikeʔ, jaʔ sʲarʔ nʲinʲa ilʲeβanʔ nʲiβaʔ xarβaʔ.
43 - Яʼ ңылика ирикэˮ, яʼ сярʼ ниня илеванʼ ниваˮ харваˮ.

44 nʲenej nʲenʨaʔ tanʲaβɨ ŋejutuʔ jetʔ xkrkarʲi ŋeisʲ.
44 Ненэй ненчаˮ танявы ңэютуʼ етʼ хкркари ңэись.

45 ʨedaβʔ nʲenej nʲenʨaʔ juŋgunʲuʔ.
45 Чедавʼ ненэй ненчаˮ юңгунюˮ.

46 nʲaxarʔ tadʲebʲane xumbaʨiʔ ilʲeβaʔ jaʔ sʲarʔ nʲinʲa.
46 Няхарˮ тадебянэ хумбачиˮ илеваˮ яʼ сярʼ ниня.

47 taʔ jolʲʨaŋgad jaʔ ŋalʲikaʔ mʲakana ilʲe pʲaduʔ.
47 Таʼ ёльчаңгад яʼ ңаликаʼ мякана иле пядуʼ.

48 ta βalakada.
48 Та валакада.