0 xæbidʼe laxnaku.
1 ja midaxana xapćeʔ jaŋkuwi ŋaniʔ ŋa jaŋkuwi.
2 jantʼer ńenećʔ śencaŋæ jilʼewi.
3 śaḿan jan sarmikʔ ŋoka ŋæwiʔ, śaḿan nuun sarmikʔ ŋoka ŋæwiʔ, śaḿan jidaŋ kalʼeʔ ŋoka ŋæwiʔ.
4 tad ŋaweʔ jolʼćeŋkaʔna wesokoxoʔ puxućaxaʔ ńad ŋowʔ xasowa ŋaćeki sewanʔ xamawiʔ.
5 tʼiki ŋaćeki pæjenanta xajerʔ ŋæwi, pawenanta ŋaniʔ jiri ŋæwi, sewxajuda ŋaniʔ numkexeʔ ŋæwexeʔ.
6 tad niśeda ńeb́eda śeidʼiʔ xajeʔ.
7 tad ńenećeji xonaraŋaxaʔ.
8 tad ńenećaʔ maʔ: "tʼiki ŋaćeki xada dara; maśi ŋilʼika ŋædaki, ŋarwomadanta śidanaʔ ŋamta."
9 tʼad tʼiki ŋaćekimʔ xadaduʔ.
10 tʼiki ŋaćekimʔ xadamaxadantuʔ minxanta xapćeʔ ŋadʼime, ŋaniʔ ŋa ŋadʼime.
11 tʼiki ŋaćekimʔ niwi ŋæptuʔ xadaʔ tʼedaʔ jantʼer ńenećaʔ malʔ sawo jilʼewiʔ ŋæjić.
12 tʼedaʔ tʼiki ŋaćekimʔ xadaʔ, ŋaniʔ tʼiki ŋaćekeduʔ ŋaŋæ xaje.
13 tʼikanta jantʼer ńenećaʔ xaŋklidʔ ŋaniʔ we jilʼelʼjedʔ, ŋaworćiʔ xaŋklidʔ.
14 śaḿan xańeda malʔ jaŋkuma ŋaniʔ xalʼe jaŋkuma.