0 jarapć.
1 śidʼe tetada; ńab́i jerw xupatow xardaxana meśeti, ńab́i jerw xaŕikow texeʔna me.
2 teda śidʼe jonareće.
3 puda xarta ńumće ńaxarʔ weraʔ ńudʼe.
4 ńeńada tańa, papada ḿadampærta, jedampærta.
5 ńeńada ńumće ŋepta jenaraxa.
6 jerw xaŕikow manśi xanada: "ńaxarʔ weraʔ ńudʼe, ŋarka xardanʔ jadertanuwʔ?"
7 xańamʔ tuʔ ŋob ńurćemkana.
8 "tʼuku jalʼeʔ ŋarka lobolk-kana ŋarka xaib́idʼe jalʼe. ńaxarʔ weraʔ ńudʼe, tedaḿi ńamʔ!"
9 ńaxarʔ weraʔ ńudʼe ma: "amkeduʔ metan?"
10 xart tʼeńewan.
11 ńaxarʔ weraʔ ńudʼe tińźemta meda, śidʼe meta jińe, tiʔ ńaju xaje, texeta tewi.
12 jerw xaŕikow tʼeta serk kapt tʼetaŕiʔ moda, tʼikańiʔ śarida.
13 tińźemta ŋańiʔ sanoʔada, tʼeta padwimʔ ŋańiʔ jarkida, tʼeta padawi ńańiʔ śaŕida.
14 ḿata ńaju xaje.
15 sedantʼet xapt: tʼeta serk kapt, tʼeta padawi.
16 ḿakanta tewiʔ.
17 jerw xaŕikow sawkomta śerweda.
18 sedantʼeta xaptamʔ malʼe podʼermida.
19 ńaxarʔ weraʔ ńudʼe ḿatʔ tʼu.
20 ńeńaxadanta ṕiwadamta xaŋa, ma ńiwʔ: "ṕiwadaḿin taʔ! śerŋkun. malʼćamiʔ tad!"
21 ńeńada ma ńiwʔ: "saće ńon jab́eʔ, śarkar xajurŋaje!"
22 ma ńiwʔ: "luce śerta xara."
23 jerw xaŕikow pińana tʼorina, ma ńiwʔ: "xaptadaḿiŋ kaŕeʔ!"
24 śidʼe ŋaedalawa taŕemʔ xajeńiʔ, ńudʼe lobolkanʔ taŕemʔ tewińiʔ.
25 tʼiki ńudʼe lobolkaḿiʔ taŕemʔ xajeḿiʔ.
26 tʼiki jaxad śidʼe ŋaidalawa ŋańiŋ kajeḿʔ, ŋarka lobolkanʔ taŕemʔ tewińiʔ.
27 jerw xupatow marda ḿuʔ taŕemʔ tʼuńiʔ.
28 jerw xupatow ḿakada ŋadʼiḿe.
29 luce jalʼana ḿiritʼe panemta śerwi.
30 jerw xupatow ŋudada weŋkali.
31 ńaxarʔ weraʔ ńudʼe ma ńiwʔ: "juŕuko, torowo!"
32 jerw xupatow ma: "ḿatʔ tʼudʼiʔ!"
33 sawkamta jeka.
34 mańeʔ ńaxarŋe ḿatʔ tʼuwaʔ.
35 jalʼe xardanʔ mańeʔ śidańeʔ ŋapta.
36 ŋamtʼorća ńiʔ taŕemʔ ŋamteńiʔ.
37 jerw xupatow xirkaŕi ŋawor mal tewaida, jab́e jidamʔ taśeti.
38 xaćeʔ jab́elʼjiwʔ.
39 jerw xupatow manśi xanada, ma ńiwʔ: "ńaxarʔ weraʔ ńudʼe ŋopoi ta mań ńanan meje! xańje-ńaḿiʔ jaŋku."
40 xaŕikow ma: "ti-pærtʼaḿiʔ mań ńanan ŋobtaŕemʔ tara ńiwʔ."
41 jerw xupatow śarkada ŋobkada xaruli. xaćeʔ jab́elmewʔ. tʼedaʔ wińimʔ xajodʔ.
42 xaŕikow ma ńiwʔ: "tʼeta serk kapta ḿakanta xanad!"
43 tʼeta serk kapta xananda puʔ śaŕaduʔ.
44 jerw xupatow manśi xanada: "tʼedaʔ xanar panʔa. xalać, bulʼka, ńab́ida wećaram pelʼe jidemʔ peŋadamś."
45 ma ńiwʔ: "ńaxarʔ weraʔ ńudʼe, ḿakanta xańʔ!"
46 mań ḿakańiʔ kajadmʔ.
47 ńudʼe lobolkaḿiʔ xajew.
48 śidʼe ŋaidalʼoda ńerńada toŋaxaʔ śexeŕi ḿumńe.
49 ŋobtʔ nultawaʔ.
50 pudʼiʔ taŕemʔ maxaʔ: "pudampoxowar saćen jab́erkawen."
51 mań taŕemʔ madmʔ: "jiḿi ŋoka."
52 wećaram pelʼemʔ nekalŋaw.
53 śexeŕi ḿuʔ ta ŋamtinaʔ.
54 jeśe śarkanʔ xamtxulaw.
55 sewʔ pawśuḿeʔ.
56 ŋaewow jilaw.
57 śexeŕi ḿuńe juśidawedmʔ.
58 xaćeʔ xańiḿadmʔ, xan jaŋku, amkerta jaŋku.
59 xińaŋ kantabʔnan?
60 ḿai dańaju xaexerćemʔ.
61 ŋaewow jib́e.
62 mań taŕemʔ jadadmʔ śexeŕmumńe.
63 ńerńad ŋobʔ ŋaidalʼoda: ńedko papaw.
64 ńaxarʔ pariśe xapta xaewxanta nultada.
65 ma ńiwʔ: "amkeda xadkejʔ?"
66 śedantʼeta xapta tińiʔ juxu xankosawaeiʔ.
67 ńeńada ma ńiwʔ: "tʼuku ńaxark kaptaḿiʔ xansawaeiŋ kanaʔ! tʼuku ńudʼe lobolkar maxańe xaewana xańʔ, ŋarka lobolkar ŋańiʔ maxańe xaewana xańʔ! lobolkan tʼaxana ŋarka śexerenʔ tewŋkun. tʼiki śexerer ńodad! xardako tuta, tʼiki xardakomʔ xajed! tʼikana ŋańiŋ kantan, ŋańiʔ ńaxarumtai xardanʔ tewŋkun. śedantʼeta xapta tańe śaraŋkuʔ. tamna jab́eŋkaxaʔ."
68 ńeńada taŕemʔ laxna: "ńoxojud tiŕesʔ! tʼuku ŋuʔmnanta ŋańim pirdaŕin tuʔ!"
69 ma ńiwʔ: "pirdaŕiʔ xajamʔ."
70 ḿakańiʔ tewiwʔ.
71 xanaḿiʔ ŋaedaw.
72 ḿatʔ tʼumʔ.
73 ńedko papaw wećaramʔ tʼulʼe.
74 ŋawor ŋoka tewmaxadanta sombowna jilʼeńiʔ.
75 siwi numta sombowna xaji.
76 jalʼeda ṕirma, sireda xolkaliʔ.
77 ŋarka lobolkanʔ mań ŋańiŋ kæxerćemʔ.
78 tʼikawaxana mań śidʼe jonareće ḿadaŋ kæwanʔ tanaxajain, tʼikawaxana mań jorkalʼjen tʼeta jurk kapt.
79 tʼeta ńarjana śaraxajain, tʼeta ńarjana podʼerjen, ŋaidalajuwʔ.
80 jalʼe jambanʔ ŋaidali.
81 jalʼe jerm ṕirxana mań nultaw ŋarka lobolkanʔ, jerw xupatow, jerw xaŕikow ḿakana nultaw.
82 śidʼe tetaw ŋobkana toŋaxaʔ.
83 jerw xaŕikow ŋudada weŋkali, jerw xupatow ŋańiʔ ŋudada weŋkali.
84 ńaxarʔ weraʔ ńude ḿatʔ tʼu.
85 xirkaŕi ŋawor xamedaʔ, tol ńiʔ ŋaptaʔ.
86 śarka xaruli.
87 tʼańembowna xaćeʔ jadʼeḿadmʔ.
88 mań taŕemʔ madmʔ: "tinaʔ ŋaḿeʔ ŋarmaʔ. ŋaworad śaxaʔ xamedaŋkur?"
89 jerw xaŕikow manśi xanada: "ńaxarʔ weraʔ ńudʼe, junara mań xarʔn tutadmʔ."
90 jerw xaŕikow taŕemʔ ma: "śidʼe śiw tʼukona jilʼeŋkudmʔ. ńaxarumtai śiwxana xansawai tuʔ!"
91 ńaxarʔ weraʔ ńudʼe ma: "śan xan tara?"
92 jerw xaŕikow ma ńiwʔ: "śidʼe juk kan tara."
93 ŋopoi wećaram pelʼe mań sodaw, ŋawormʔ sodaw.
94 mań ḿakan xajamʔ.
95 xanaḿi  ŋaedaw.
96 papaḿiʔ ma ńiwʔ: "tʼedaw sawo ŋaewen."
97 ḿatʔ tʼudmʔ.
98 papaxanta ma: "wećaram pelʼe jiʔḿin tańa, tetańiʔ tawi, xan puńana ŋa."
99 jitaḿin tada, puleńiŋ kaewanʔ ŋaptada.
100 śarkadaḿin taxarʔ!
101 mań śarka ńim bærʔ. xarta ŋert!
102 jeśe śarkkanʔ xamtaw, śidʼe śarkamʔ mań ŋerŋaw.
103 ńedko papaw ŋepta jenaraxa, ŋodʼʔ waŕexeta papa ŋerŋada.
104 ŋańin śidʼe śarkamʔ xarʔn ŋerŋamʔ.
105 papaw taŕemʔ ma: "ńaxarʔ weraʔ ńudʼe, majam koŋkun."
106 taŕemʔ ṕi jambanʔ mań jab́emʔ, xarʔn jab́edmʔ.
107 ńedko papaw, ŋańin śarkar ŋawʔ!
108 papaw taŕemʔ ma: "mań ńidmʔ karwaʔ."
109 mań nixeŕiʔ mipimʔ, ŋodʼʔ ńaʔmada.
110 papaw, ŋerkart!
111 puda ŋerŋada.
112 majam koŋkun.
113 tʼuku majal maja ńiŋa.
114 taŕemʔ sawombokowna ŋańiʔ jilʼewʔ, śidʼe śiw jalʼeʔ taŕemʔ jilʼewʔ.
115 ńaxarumtai śiwda tewiʔ.
116 xantow xamedaʔ!
117 śidʼe jonareće ḿadaŋ kæwanʔ tanain, tʼeta jurʔ kapt jorkalʼjeńiʔ.
118 śidʼe juda xan-śiʔ xaptuʔ śaŕamʔ.
119 papanta ma ńiwʔ: "xanar podʼert! xæxeńiʔ ŋarka lobolkanʔ!"
120 śidʼe judaŋ kanamʔ mańiʔ xanaińiʔ.
121 jalʼe jerm ṕirxana ŋarka lobolkanʔ nultaḿiʔ teta xupatow, teta xaŕikow marda ḿuʔ.
122 ńaxarʔ weraʔ ńudʼe, ńenaśe ŋaewen.
123 ńaxarʔ weraʔ ńudʼe ma: "mań śerḿiʔ jaŋku."
124 mań ḿatʔ tʼumʔ.
125 jerw xupatow ḿakana śarka xaruli.
126 amkem ṕirxana jerw xaŕikow taŕemʔ mamononta: "tarpadʔ, ŋaworće malʼuʔ ŋaepta! mań jemńańiʔ śerʔ jaŋku."
127 jerw xupatow ma ńiwʔ: "ŋańixina xamedʼuʔ!"
128 jerw xaŕikow, puda ma: "xæwńana wińim meʔ, sujulawa jaxa ńawxana, tʼikana mań jilʼeŋkumʔ."
129 numta pawśuḿeńaŋe xaje.
130 ńaxarʔ weraʔ ńudʼe ma: "taxab́e xæxewaʔ! numta pawśuḿe."
131 ḿakanta tewinaʔ, xaptuńi ŋaedin.
132 jerw xaŕikow ḿatʔ tʼuwi.
133 xaŕikowm puxu śata sawo ńe.
134 teta xaŕikow puxunta ma ńiwʔ: "jitʼeḿiʔ tʼulʼeʔ! tińana śerḿiʔ jaŋku."
135 ma: "ńaxarʔ weraʔ ńudʼe, tʼukona ŋamtadʔ!"
136 teta xaŕikow ńarawo xorokomʔ jidmʔ tʼulʼewi.
137 ṕij jam-panʔ taŕemʔ jab́eńiʔ.
138 taŕemʔ jab́eńaxańiʔ numta jalema.
139 teta xaŕikow ṕilʼiʔ wada jaŋku.
140 ńaxarʔ weraʔ ńu ma ńiwʔ: "śiw jalʼeʔ jab́eweńiʔ."
141 ńedka papa ma ńiwʔ: "ponʔ jab́edʼiʔ. maśi ŋaejawa!"
142 ńaxarʔ weraʔ ńudʼe ṕinʔ jurkiʔ.
143 śidʼe jonarećeʔ suju malʼewedʔ.
144 mań taŕemʔ madmʔ: "jamtaś tara, sujulawa jaxa ńawŕinʔ jamtaś tara. jerw xupatow towanta jolʼćeŋe xaje."
145 tada jamtaińiʔ.
146 mańiʔ śidʼe ḿuŋ kajeńiʔ.
147 sujulawa jaxa ńawn salʼanʔ ta ŋesińiʔ.
148 jerw xupatow ŋanoda ŋadʼiḿe, ńaxartʼe jeśerta.
149 ŋesumaxadańiʔ ŋańiʔ jab́eńiʔ.
150 ŋanoda nultaduʔ, śidʼe juʔ mansarana luće ŋanonantu meʔ.
151 jerw xupatow sambalʼaŋka lućemʔ tewra.
152 ma ńiwʔ: "tamna jab́en."
153 mań taŕemʔ madmʔ: "saće ńimʔ jab́eʔ."
154 mań taŕemʔ madmʔ: "xarʔn tuńiḿiʔ soda tara, jeśeda ńarab́ata jawośe metaḿiʔ."
155 ńaxarʔ weraʔ ńudʼe ma: "xonarawewʔ, jekarʔ nuwaʔ, jekarʔ ḿiŋawaʔ?"
156 jerw xupatow manśi xanada: "ńaxarʔ weraʔ ńudʼe, jurkawanta jolʼćeŋe xaje."
157 ṕinʔ jurkijuwʔ.
158 sæwńiʔ taŕemʔ pujibimʔ, sirŋamʔ, ŋańiʔ ja jaŋku, amkerta jaŋku.
159 jerw xupatow ma: "ŋorpata woewo?"
160 mań taŕemʔ madmʔ: "ŋaewoḿin  tamna jib́e."
161 jerw xupatow ŋobʔ pe xidʼemʔ ta.
162 mań taŕemʔ madmʔ: "ńab́idaḿin taʔ! sæwńiʔ soumta."
163 tʼikawaxana śidʼe xidʼemʔ ŋowoʔmaxadańiʔ jeśe ńarab́atamʔ markće ńi mew, jik-ńi mejen porxańi lʼi.
164 mań taŕemʔ madmʔ: "nultaxarŋarʔ jaraxa salabaŋ kæwanʔ!"
165 xupatow ŋanumʔ nultaduʔ, salaba ńiʔ jaker mojoʔ.
166 mań taremʔ madmʔ: "ńolʼoko ŋanoxona todaʔ!"
167 salabam pijana teŕi xalʼjaʔ.
168 jeśe ńarab́atamʔ sabaw.
169 ńaxarʔ ŋarti ŋaeduʔ wanoraxa.
170 ŋopoi jedawaʔ.
171 ŋańiʔ ŋartʼiʔ jitam pakaljedʔ.
172 tʼiki jaxad ŋańiʔ ńerńakuʔ ŋańiʔ xajamʔ.
173 jeśe ńarab́atamʔ ŋańiʔ ladaw.
174 sambalʼaŋka ŋarti, ŋańiʔ ńaxarʔ xajiʔ.
175 śiw lućeʔ ŋanona towiʔ.
176 mań taŕemʔ madmʔ: "jedadaʔ ṕiwiʔ?"
177 lućeʔ taŕemʔ maʔ: "jedanaʔ ṕiwiʔ."
178 mań ŋanona  tʼijuwʔ.
179 mańeʔ ŋarka ŋanona  taŕemʔ tewinaʔ.
180 jerw xupatow manśi xanada, puda taŕemʔ ma: "lakompoiʔ jaderŋanaś, ńaxarʔ jurʔ selkowaim pirʔ sojan."
181 taŕemʔ xańjedmʔ, ńaxarʔ śiw jalʼemʔ taŕemʔ kańjedmʔ. xupatow ŋanoda pana jawŋ kańoxoda. tʼetamtʼei śiwŋe xaje.
182 jerw xupatow ma: "malʼew, ŋanoḿim pana, xańu ŋoka." jeśermʔ ŋida. ńab́i salabaŋ kæwxana xajnawaʔ. ńaxarʔ weraʔ ńudʼe jita moraʔ xańu ŋaewaŋe!
183 mań taŕem madmʔ: "xajerka xajedaʔ!"
184 jeśe ńarab́atamʔ salaba ńiʔ mow. tuńińim pumna xarʔn sanajuwʔ.
185 ńaxarʔ weraʔ ńudʼe, tʼuku jaxana ponʔ ńin jilʼeŋkuʔ.
186 tʼuku jaxana śiw jalʼeʔ jarŋadmʔ.
187 taŕemʔ jarmamʔ malʼemaxadańiʔ ḿerće ŋarka salabamʔ tʼeba, mań salabaḿiʔ śidʼe janʔ nikalŋada.
188 ńab́i ŋarka salabanʔ mań sanajuwʔ.
189 tʼuku ŋarka salabańiʔ malda ńi ŋadʼuʔ.
190 taŕemʔ jilʼemʔ.
191 ŋopoi serʔ work teŕiʔ lʼiwurta, xæwuwnańiʔ ḿiŋa.
192 jeśe ńarab́atamʔ nekalŋaw, xamćatʼew, pijekonta ńaʔ ṕilʼiʔ monaiʔ.
193 tʼikimʔ jaxaw, ŋajebærŋadmʔ, śeiḿiʔ sawuma.
194 tʼikiḿiʔ śurŋaw, salaba xeŋkanʔ ta śurŋaw.
195 workaŋ koba-ńiʔ xonajuwʔ.
196 taŕemʔ xonawaxanańiʔ xara wińi tańeʔ.
197 taŕemʔ jilʼemʔ, jarćetimʔ, ŋańiʔ xonaśetiwʔ.
198 jekarʔ taj jer ŋeptawʔ, jalʼemʔ jurb́iw.
199 workańiʔ ŋamsa susa.
200 ŋae-ńiʔ jurkiwʔ.
201 mańijewnańiʔ salabańi mal ńi ŋadʼuʔ, latada ŋadʼi, latanta śerʔ ŋadʼi, śidʼe jitʼe ŋadʼi; jampada śerʔ ńi ŋadʼuʔ.
202 workańiʔ xobaćemʔ marće-ńiʔ mew.
203 mań taŕemʔ jadamʔ, ńab́i malxanta taŕemʔ jadamʔ.
204 ŋobʔ serʔ work taŕemʔ jada salaba pojoʔmana.
205 jeśe ńarab́atamʔ ŋańin sabaw, ŋańiʔ xaxaja to, taŕemʔ jada.
206 salaba ńiʔ tuńiḿiʔ mew, tuńiḿiʔ ṕentiʔ, serka workaće ńaxarpoiʔ sanaiʔ.
207 tʼikaxana ŋańiʔ jaxaw, sawombokowna jaxaw.
208 malʼćeŋe jaxada.
209 saŕoko numkana sawkoŋe mew.
210 tʼiki jaxana taj jerta xajowaŋ_kab́e.
211 taŕemʔ jilʼemʔ.
212 salaba xaćeʔ ńudʼiḿe.
213 tʼiki jaxad ŋaiwoḿi ŋańiʔ mośetiw, ŋerńaŋi numŋe xaje.
214 tʼew  jolʼćeŋkana xoraʔ śelśetidʔ.
215 ŋańiʔ xonajuwʔ.
216 salaba ŋańiʔ ńudʼiḿe.
217 ŋaiwoḿi ŋańiʔ jilaw, tʼew jolʼćeŋkana ńenai jaxana sire xaʔmśeti.
218 ŋaiwoḿi ŋańi mow, taŕemʔ xonajuwʔ.
219 ŋaiwokońi ńińe laxnawanonta: "ńaxarʔ weraʔ ńudʼe, xawntaraxan. ŋańiʔ salabanʔ xokart! tʼuku jaxana xawntaraxan."
220 ŋaeʔ ńiʔ jurkiwʔ.
221 śidʔńaʔ sirŋaw, amkert jaŋku, tʼiŕip pojoʔmana xoxorei xaje.
222 tʼuku ŋileḿiʔ salaba ńanta ńaʔ ŋobtaʔ ḿirnaŋaxaʔ, śidʼe salaba ŋobtaʔ ḿirnaŋaxaʔ.
223 ńab́iʔ ṕelʼedʼiʔ ŋobtan  tʼebaŋaxaʔ, ŋileḿin salaba pusuda tʼijedʔ.
224 warkaŋ kobaćaḿiʔ ŋarka salabanʔ mow, jeśe ńarab́atamʔ mow.
225 tuńińiʔ pumna ŋańi mań sanajuwʔ.
226 salaba jerńakuʔ ŋańiʔ jalʼjuwʔ.
227 menʔ xarb́iliwʔ.
228 salaba pojoʔmana mań taŕemʔ jadadmʔ.
229 serʔ workaće salaba ńiʔ sanaiʔ, saće ŋarka ńiŋaʔ.
230 tuńiḿiʔ ŋańin sabaw, mań jeʔŋaptajuwʔ salabaŋ kewxanʔ.
231 ńaxarʔ sanaiʔ, xaewxanta xajadmʔ, jinta jaŋkuwi.
232 metaḿiʔ sawkaḿiʔ ńalʼirće ṕawi.
233 sawkaḿiʔ jekaw, xæwńakuʔ mow.
234 naŋadʼaŋe xiraw.
235 ńenaʔ ŋajʔmi.
236 sombokowna ŋorkarćemʔ.
237 ŋańiʔ xonajuwʔ ŋamćańiŋ kæwxana.
238 amke xońoʔmaḿiʔ malʼeḿaxadan ŋamtajuwʔ.
239 jalʼekokoda saćem jadʼempi.
240 workaŋ kobaćaḿiʔ ŋulʼiʔ sawawna xarxana waraw, taŕemʔ xaśuiŋe xaje.
241 ńaŋunta ŋilimʔ śurćakuŋe madaw.
242 śidʼe lapamta tʼuʔ jeʔiŋe madaŋaxajuda.
243 śurxalaw, workaŋ kobaćaḿiʔ ŋudaʔ ŋesomana madaw.
244 workaŋ kobaćaḿiʔ śeraw, puliŋ  ńesomana xaje.
245 pijemta ŋoŋalŋaw, pijemta salaba ńiʔ mew.
246 xuŕin sawompoi sawkaŋe śertaw, tʼiki workaŋ kobaćaḿiʔ, xarta xobananta sedaw.
247 ŋańiʔ śeraw, ŋulʼiʔ jan sawa.
248 ŋerńaŋe ŋańiŋ  kaje.
249 taŕemʔ jilʼemʔ.
250 ŋańiŋ konajuwʔ.
251 ŋaiwoḿiʔ jilaw, ŋarka salabaḿi ŋańiʔ ńudʼiḿe.
252 tʼetʼumtaei tanta xajuwi.
253 xonawaxanańiʔ ŋańiʔ xonaśetiwʔ.
254 salabaḿiʔ ńawaŕi ńudʼiḿe.
255 xińaŋ  kantamʔ?
256 ŋańiʔ xonaśetimʔ. salabaḿiʔ ŋarka ḿada ḿu  ŋarŋe xaje.
257 ŋuda jeśeḿiʔ jitʔ mow, tʼuku ŋuda jeśe ńiwntaraxa jilʼiptʼeʔ.
258 ŋańiʔ xonajuwʔ.
259 jekar śanta xuntʔ xońobʔnan ŋarka taj jerŋe ŋańiʔ tewiʔ.
260 tʼedaw xawntaraxadmʔ, xaja salaba jaŋku, ńeŋ kana ŋarŋe xaiwi.
261 salaba pijanʔ jitʔ sirŋadmʔ, todana ŋuda jeśe tańe ŋurna.
262 ńaʔmaw, meta salabaḿiʔ xaćeʔ tapśeti.
263 ja ŋadʼiḿe, sawo ńenćeŋkana xupta ńiŋa.
264 salabaḿiʔ ŋańiʔ xaixalʼćeti.
265 ḿerćekoćeda tańa.
266 ŋańiʔ xaixalʼćeti, ŋańiʔ nulćeti.
267 amkem ṕirxana pilʼiʔ tabiʔ.
268 jeśe ńarab́atamʔ jideŋ ŋilʔ nultaw, joŕe ŋaiwamta manekarćedmʔ.
269 pakalʼew, ŋańiʔ marćeʔmana xaje.
270 ja-ńaju ṕaw janambokowna.
271 sew pawśumśetiʔ.
272 ja-ńaju taŕemʔ jadadmʔ.
273 taŕemʔ jadanańiʔ sidiʔ ŋesoʔmana xaje jitʼe.
274 salabańi ńajun śurxalʼjuwʔ.
275 ńaxarŋ kawradmʔ, ŋaiwomʔ kawradmʔ: "xawnta ńenećamʔ jilʼiptʼembawen."
276 taŕemʔ marańiʔ tanajuwʔ.
277 mara ńimńe jurʔ tʼib́em belʼe sambalʼaŋkajuʔ tʼib́anʔ taewnaraxiwʔ.
278 ŋobʔ naidalʼowa xaiwi, tʼeta xapta meʔmi.
279 toptaʔmiduʔ xabarta jenćeʔ jamb.
280 xanda ŋańiʔ latarka ŋaiwi.
281 jeśe ńarab́atamʔ ŋaidalʼowa ḿuʔ ńarʔ mow, jolʼće b́ulaw.
282 jeśe ńarab́ata jeśeŕida tʼib́e ṕasawai wa.
283 ŋulʼiʔ ta jolʼćʔ.
284 jixińana madmʔ: latarka ŋaiwi xanta ŋaiwi.
285 ŋaidalʼowa ḿumńe śarćelaptaw, ńenai jaŕinʔ taŕemʔ tanajuwʔ.
286 ńenai ja-ńiʔ tanamaxadańiʔ laxaća ńiʔ ta ŋamtajuwʔ.
287 ŋeŕoi ŋaiwiʔ nuwuda ŋaiwiʔ.
288 amke jaxananta turu sowanonta, xora ŋaiwononta, śoda lerxa.
289 ŋain ńiʔ ŋańiʔ jurkajuwʔ.
290 amke  b́iranʔ taŕemʔ jadadmʔ.
291 sæw pujib́idmʔ, ŋarka xoi ńińe ńaxarʔ ḿaʔ ŋadʼiʔ.
292 taŕemʔ sirtaxańin tʼi ḿadʔ kawaʔ.
293 tiduʔ tewraʔ.
294 parambaś xaptuduʔ jorkalŋaʔ, parampa puidaiduʔ.
295 saćeŋ kaxakawna ńiŋa.
296 taŕemʔ jadanaxańin tʼi ńerdʼeńeʔ ḿudʔ manćadaʔ.
297 ḿadi tʼirkaʔna ŋobʔ ḿuda xaji.
298 śurmba jibʔ podʼerćetida, manćaptaśtida, podʼerta mara ŋańiŋ kamśetiʔ, śidʼeŋ kamiʔ, ńaromtai ŋańiŋ kamiʔ.
299 laxaŕuŋ kunatʔ taŕemʔ tewjuwʔ.
300 mań taŕemʔ madmʔ: "ńeŋaćeki, laxaŕoḿiŋ  kanaʔ! jepadamʔ ṕudmʔ, tudaḿim ṕudmʔ."
301 tada manćaptada, jintalʼida xaje.
302 taina xunanta tewŕinakida ńerdʼeńe ḿud ńeri xaiwi.
303 mańijebʔnańiʔ ńaxarʔ ḿaŋe ŋesodaraxaʔ.
304 janambokowna taŕemʔ jadadmʔ, ŋańiʔ ŋamtaśetiwʔ, ŋańiʔ jurkaśetiwʔ.
305 ḿatan tewjuwʔ.
306 jawŋ kuwxad ṕadamtuʔ pæṕiʔ.
307 ńaxarʔ serʔ sew ŋobkana ŋamtʼowiʔ.
308 janaŋ ŋamtiwʔ.
309 ŋarka serʔ sew manama: "tʼuku ńawaʔ ŋańiʔ xawntaraxa."
310 mampatuʔ taŕemʔ maʔ: "sokar jekaʔ!"
311 xańaŋi jamnatuʔ xaćeʔ tirewi, xarxana jerin.
312 ŋarka serʔ sew manama: "amke ńeneće  ŋaeje, ńanta ŋadʼimta."
313 tada tuńiḿiʔ śurŋada, porxal leśawai tan śurŋada.
314 janambokowna ḿatʔ tʼudmʔ, sewn seram  pumna taŕemʔ jadadmʔ.
315 śintʼe ńaju śiʔḿi ŋapta.
316 ńeri ńeḿiʔ ŋańiʔ sæwda paŕidʼewi.
317 śińajumna ŋańiʔ sew serʔ ńe jeśekoxotata ŋadʼada jaŋku.
318 jedamʔ xańeʔ ṕiŕiʔ.
319 ńiḿi jekaw, sew serʔ ŋarka ŋu tʼaxaʔ tʼekalŋada.
320 ńenai jeśe ńi jalʼe salmraxa.
321 toimʔ ta.
322 śanampoi munmʔ ŋamtakedmʔ.
323 ńema xarb́iliʔ, purkabtataḿiʔ ta, ŋańiʔ taŋ konajuwʔ.
324 xawa-daŕewʔ śiwxuwʔ jalʼeʔ taŕemʔ xońuwedmʔ.
325 śiw ŋesoŋkana laxnakowonta, sæw seruʔ ŋarka taŕemʔ mamonoda: "jekar jilʼen, jekar xan. jurkiwi ŋaepta xoraptajiwaś, xuda ŋadʼimi."
326 śidʼe ŋarweḿiʔ janambokowna jixiptedain, sewńiʔ ńaŋarŋamʔ.
327 mokoda śiŕinʔ sewńiŋ kæwi, ńarawo ŋuta-śerʔ sewńiŋ kæwi, śelwxaśemtaʔ.
328 taxab́e toḿiʔ jonalŋaw.
329 serʔ padawi pani ŋaiwi, ŋańiduʔ lʼidʼaŋka ŋaiwi, lʼidʼaŋkam padarota pani ŋaiwi.
330 xarʔn śermńańiʔ waŋkanaŋ  kajadmʔ.
331 xurkaŕiʔ śeruńiʔ malʼemaxadańiʔ sewńiʔ medmʔ śidʼeŋ kæwńaʔ.
332 mańijebʔnańiʔ pujiduʔ ńarawo, xansadoduʔ jaleŕiʔ ńarawoʔ.
333 sew seruʔ ŋarka metada tʼurda ńenai padarota.
334 ti jilʼeb́ada ŋańiʔ: warda ńi ŋadʼuʔ.
335 amke sirmaḿiʔ malʼemaxadan ḿatan dʼudmʔ.
336 sew seruʔ ŋarka ńe sew paŕidʼena jarakoxona jitaḿiʔ xamta ŋudʼińiʔ ńaʔ.
337 śaḿiʔ masab́idmʔ.
338 warawdaḿiʔ ta, ŋańiʔ śaḿiʔ teŋadmʔ sombowna.
339 sew seruʔ ŋarka pulinta xaewanʔ ta ŋamtajuwʔ.
340 jeśe xidʼe ńiʔ ŋamći dʼeda, ńab́i xidʼanʔ tudu dʼedeb́i.
341 taŕemʔ ŋamtińiʔ ŋowormańć.
342 taŕemʔ ŋorŋańiʔ sombokowna.
343 xurka ŋormańiʔ malʼemaxadańiʔ sew seruʔ ŋarka xaćeʔ xarćolaiʔ.
344 janodaku, mań wińeśadmʔ junarʔ, amke jan dʼeran ŋaexejabʔnant?
345 "jenarʔ jan dʼeradmʔ ńidmʔ ŋaʔ. mań ńudʼe jan dʼeradmʔ, lobolkan dʼeradmʔ. ńaxarʔ weraʔ ńudʼemʔ namtawi ŋaebat, ńiwiʔ ŋaebat?"
346 sew paŕidʼena ńedʼe mańće xanada: "sew seruʔ ŋarka, tʼuku jaxad junda ńi soʔ. ńiśeḿiʔ mana: xupta jan dʼer."
347 "salaba ńińe jaw jikana sambalʼaŋkam po xuʔlʼurŋadamć.
348 tarśiʔ madmʔ: xaś ńidmʔ karwaʔ.
349 xaŕikowxana śiwm po jilʼedmʔ.