0 xæbidʼe laxnaku.
1 ja midaxana amkerta jaŋkuwi.
2 xajerʔ jaŋkuwi, pebuwi.
3 ŋopoi śidʼe ńeśxaʔ xasowaxaʔ tańewaxeʔ.
4 tad ńabixiʔ ńeńudʼiʔ tańewi, ńabixiʔ ŋaniʔ xasawo ńudʼiʔ tańewi.
5 taŕemʔ ponʔ jilʼeśetiʔ xæwʔ jilʼeśetiʔ ŋobʔ tańe xuna ńabi xasawo manama: "ńawe, tʼedaʔ taremʔ jilʼe wewo. tad ńerńaʔ jan-tʼer ńenećemaʔ xańćer jilʼeŋkuʔ pæwdʼaxana? maniʔ tʼedaʔ ńuniʔ ŋædaptaxaniʔ, padar ńeńur xajerŋæ xæje, mań ŋaniʔ xasawo ńu jiriŋæ ŋædaptaŋkuw. tʼedaʔ xæwańtʼi ńerńe saće sawo paneʔna jembaće taraŋaxaʔ."
6 tad ńabi ma: "ńenaśaŋoʔ taremʔ sawo niwŋaʔ. tad ŋawna pæwdʼaxana xańćerʔ jilʼeŋkuwaʔ?"
7 tad ńexejudʼiʔ ŋaniʔ maxaʔ: "jibʔ ŋædaptawajunaʔ ŋæjiś, tʼedaʔ xańćerʔ ŋædaptaŋkujunaʔ, ta xuna janʔ ńenaʔ pirće-ńuʔ."
8 tad tʼikad padʼiʔ maxaʔ: "numʔ xińćelʼiʔ tabedapcekexejuda."
9 tad taŕemʔ laxnanantuʔ pixid ŋobʔ xasawo ḿatan tʼu, ma: "japtaʔ, xamadaʔ, amkemʔ wadʼedaʔ?"
10 tad paduʔ maʔ: "jaŋku, saće ŋarka śerkawmʔ niwaʔ wadʼesʔ. mańeʔ ńuxujunaʔ ŋædaptawanʔ xarwawaʔ, tad ŋawna pæwdʼe jaxana jilʼe jamawaʔ, tadaŋoʔ tad ńerńaʔ jań-tʼer ńenećʔ xińćerʔ jilʼeŋkuʔ pæwdʼaxana?"
11 tad xasawo ma: "xæi, tʼiki amke ŋarka śerʔ, mań ŋædaptaŋkujun minxan."
12 tad tʼiki xasawo ma: "ŋada, pinʔ tarpajaxamtʔ!"
13 tad pinʔ tarparaŋajuduʔ tʼiki ŋaćekexeʔ.
14 tʼiki xasawo ŋopoiʔ posxalŋajuda, tʼiki ŋaćekexeʔ lemorŋæ tʼijxaʔ.
15 tad xonaidʔ.
16 xuńana jurkmaxadantuʔ tarće xajerada  jalʼeŋæ xæiwi ŋaniʔ śaḿan jan taborʔ malʔ ŋadʼiʔ.
17 tad pawśumeńana ŋaniʔ jiri jalʼeŋæ xaje, ŋob-taŕemʔ jalʼe.
18 śaantʔ xunatʔ jilʼebatuŋoʔ paduʔ maʔ: "tʼedaʔ tʼi mańeʔ ńuxujunaʔ ńesaŋæ xajexaʔ, jirijumʔ xasawaŋæ xaje, ńejumʔ ŋaniʔ ńeŋæ xaje."
19 tad taŕemʔ jilʼewantuʔ śerʔ maʔ: "tʼedaʔ mańeʔ tadʼeb́adawaʔ ṕulxawaʔ, ńuxujunaʔ xińćerʔ jilʼewamʔ xoroptajiś!"
20 tad tadʼebemʔ ṕula.
21 tʼikantuʔ tadʼebemʔ xoʔ.
22 tad tadʼeb́amtuʔ meladuʔ.
23 tadʼeb́aduʔ ńaxarʔ ŋædalawa xeŋkada.
24 tad ŋaweʔ jolʼćeŋkaʔna nikeptedada.
25 tad ma: "tʼedaʔ ńuxujudaʔ ńeńu malʼe xowexeʔ."
26 tad paduʔ majidʔ, malʔ peji ŋobtʔ peidʼeʔ, maʔ: "tʼedab mańeʔ ńuxujunaʔ jilʼewa jam-panʔ ŋobkana jilʼeŋkuʔ niximʔ."
27 tad tʼiki tadʼebe ma: "mań tʼedaʔ padaraʔ ńuxujutaʔ ńeńumʔ ńedaniʔ mewańć xæwanʔ xarwadmʔ."
28 tad padu maʔ: "taŕemʔ sawo, maraʔ ńuxujunaʔ ńumʔ manetaʔ niwamʔ."
29 tad tʼiki tadʼebe ṕenćercawai jirinʔ ṕada.
30 jirinʔ tæiwiʔ.
31 jirinʔ ma: "mań tʼedaʔ padariʔ ńeńumtʼiʔ mewańće todmʔ, taina niśenadʼiʔ ńebenadʼiʔ xaŋaduʔ padariʔ ńeńumtʼiʔ."
32 tad jiri ma: "mańiʔ ńeńumiʔ tarawi ŋæbʔ śidaniʔ tʼokonʔ wińeśeʔ ŋædaptaŋkuʔ; ńumiʔ nimin tatʔ. padar ŋaniʔ mań ńanan jilʼewa jamban tʼokona jilʼiʔ! tad ńerńaʔ jan-tʼer ńenećʔ tʼokod śit manijejeʔ, manćetajeʔ: jiri ŋaniʔ xajeradʔ ńeńumʔ mewańće xæiwi xasawa jirixana tʼi tadada."
33 tad ta jilʼelʼjedʔ.