0 jārapć.
1 śidʼe tetāda; ńāb́i jerw xūpatow xārdaxana meśetī, ńāb́i jerw xāŕikow texeʔna me.
2 teda śidʼe jonareće.
3 pudā xarta ńumće ńāxarʔ weraʔ ńūdʼe.
4 ńeńāda tańā, pāpada ḿādampäerta, jedampäerta.
5 ńeńāda ńumće ŋepta jenaraxā.
6 jerw xāŕikow mānśi xānāda: "ńāxarʔ weraʔ ńūdʼe, ŋārka xārdanʔ jādertānūwʔ?"
7 xańāmʔ tuʔ ŋob ńūrćemkana.
8 "tʼukū jālʼeʔ ŋārka lobolk-kāna ŋārka xaīb́idʼe jālʼe. ńāxarʔ weraʔ ńūdʼe, tedaḿi_ńamʔ!"
9 ńāxarʔ weraʔ ńūdʼe mā: "amkeduʔ metān?"
10 xart tʼeńewān.
11 ńāxarʔ weraʔ ńūdʼe tīńźemta meda, śidʼe meta jīńe, tīʔ ńājū xaje, texeta tewī.
12 jerw xāŕikow tʼeta serk_kāpt tʼetaŕiʔ moda, tʼikāńiʔ śārīda.
13 tīńźemta ŋāńiʔ sanoʔada, tʼeta pādwimʔ ŋāńiʔ jārkīda, tʼeta pādawi ńāńiʔ śāŕīda.
14 ḿāta ńājū xaje.
15 sedantʼet xāpt: tʼeta serk_kāpt, tʼeta pādawi.
16 ḿākanta tewīʔ.
17 jerw xāŕikow sāwkomta śerweda.
18 sedantʼeta xāptamʔ malʼe podʼermīda.
19 ńāxarʔ weraʔ ńūdʼe ḿātʔ tʼū.
20 ńeńaxādanta ṕīwadamta xāŋa, mā ńiwʔ: "ṕiwadaḿin_tāʔ! śerŋkūn. mālʼćāmiʔ tād!"
21 ńeńāda mā ńiwʔ: "saće_ńon jāb́eʔ, śārkar xājūrŋaje!"
22 mā ńiwʔ: "lūce śerta xara."
23 jerw xāŕikow pīńāna tʼorinā, mā ńiwʔ: "xāptadaḿiŋ_kaŕeʔ!"
24 śidʼe ŋaedalawa taŕemʔ xajeńiʔ, ńūdʼe lobolkānʔ taŕemʔ tewīńiʔ.
25 tʼikī ńūdʼe lobolkāḿiʔ taŕemʔ xājeḿiʔ.
26 tʼikī jaxād śidʼe ŋaīdalawa ŋāńiŋ_kajeḿʔ, ŋārka lobolkānʔ taŕemʔ tewīńiʔ.
27 jerw xūpatow marda_ḿūʔ taŕemʔ tʼūńiʔ.
28 jerw xūpatow ḿākada ŋadʼiḿe.
29 lūce jālʼāna ḿirītʼe panemta śerwi.
30 jerw xūpatow ŋudada weŋkali.
31 ńāxarʔ weraʔ ńūdʼe mā ńiwʔ: "jūŕuko, torowo!"
32 jerw xūpatow mā: "ḿātʔ tʼūdʼiʔ!"
33 sāwkamta jekā.
34 mańeʔ ńāxarŋe ḿātʔ tʼūwaʔ.
35 jālʼe xārdanʔ mańeʔ śīdańeʔ ŋāptā.
36 ŋāmtʼorćā_ńiʔ taŕemʔ ŋāmteńiʔ.
37 jerw xūpatow xirkaŕi ŋawor māl tewāīda, jāb́e jīdamʔ tāśeti.
38 xaćeʔ jāb́elʼjiwʔ.
39 jerw xūpatow mānśi xānāda, mā ńiwʔ: "ńāxarʔ weraʔ ńūdʼe ŋopoī tā mań ńānan meje! xāńje-ńāḿiʔ jaŋku."
40 xāŕikow mā: "tī-päertʼāḿiʔ mań ńānan ŋobtaŕemʔ tārā ńiwʔ."
41 jerw xūpatow śārkāda ŋobkada xaruli. xaćeʔ jāb́elmewʔ. tʼedaʔ wīńīmʔ xājodʔ.
42 xāŕikow mā ńiwʔ: "tʼeta serk_kāpta ḿākanta xānād!"
43 tʼeta serk_kāpta xananda pūʔ śāŕāduʔ.
44 jerw xūpatow mānśi xānāda: "tʼedaʔ xanār pānʔā. xālāć, būlʼka, ńāb́ida wećaram_pelʼe jīdemʔ peŋādamś."
45 mā ńiwʔ: "ńāxarʔ weraʔ ńūdʼe, ḿākanta xāńʔ!"
46 mań ḿākańiʔ_kajādmʔ.
47 ńūdʼe lobolkāḿiʔ xājew.
48 śidʼe ŋaīdalʼoda ńerńāda toŋaxāʔ śexeŕī ḿūmńe.
49 ŋobtʔ nūltāwaʔ.
50 pudʼīʔ taŕemʔ māxāʔ: "pūdampoxowār saćen jāb́erkāwen."
51 mań taŕemʔ mādmʔ: "jīḿi_ŋoka."
52 wećaram_pelʼemʔ nekalŋāw.
53 śexeŕi ḿūʔ tāˈ ŋāmtinaʔ.
54 jeśe śārkānʔ xāmtxūlaw.
55 sewʔ pawśuḿeʔ.
56 ŋaewow jīlāw.
57 śexeŕi ḿūńe jūśīdawedmʔ.
58 xaćeʔ xańīḿādmʔ, xan jaŋku, amkerta jaŋku.
59 xińāˈŋ_kāntabʔnān?
60 ḿāī dańāju xaexerćemʔ.
61 ŋaewow jīb́e.
62 mań taŕemʔ jādādmʔ śexeŕmūmńe.
63 ńerńād ŋobʔ ŋaīdalʼoda: ńedko pāpāw.
64 ńāxarʔ parīśe xāpta xaewxanta nūltāda.
65 mā ńiwʔ: "amkeda xādkejʔ?"
66 śedantʼeta xāpta tīńiʔ juxū xānkosawaeiʔ.
67 ńeńāda mā ńiwʔ: "tʼukū ńāxark_kāptaḿiʔ xānsāwaeiŋ_kānāʔ! tʼukū ńūdʼe lobolkār māxańe xaewana xāńʔ, ŋārka lobolkār ŋāńiʔ māxańe xaewana xāńʔ! lobolkan_tʼāxana ŋārka śexerenʔ tewŋkūn. tʼikī śexerer ńodād! xārdako tūtā, tʼikī xārdakomʔ xājed! tʼikāna ŋāńiŋ_kāntān, ŋāńiʔ ńāxarumtaī xārdanʔ tewŋkūn. śedantʼeta xāpta tańe śāraŋkūʔ. tamna jāb́eŋkaxāʔ."
68 ńeńāda taŕemʔ laxnā: "ńoxojūd tiŕesʔ! tʼukū ŋūʔmnānta ŋāńim_pirdaŕīn_tūʔ!"
69 mā ńiwʔ: "pīrdaŕiʔ xajāmʔ."
70 ḿākańiʔ tewiwʔ.
71 xānaḿiʔ ŋaedāw.
72 ḿātʔ tʼūmʔ.
73 ńedko pāpāw wećaramʔ tʼulʼe.
74 ŋawor ŋoka tewmāxadanta sombowna jīlʼeńiʔ.
75 sīwī numta sombowna xāji.
76 jālʼeda ṕirma, sireda xolkaliʔ.
77 ŋārka lobolkānʔ mań ŋāńiŋ_käexerćemʔ.
78 tʼikāwāxana mań śidʼe jonareće ḿādaŋ_käewanʔ tānaxājāīn, tʼikāwāxana mań jorkalʼjen tʼeta jūrk_kāpt.
79 tʼeta ńārjāna śāraxājāīn, tʼeta ńārjāna podʼerjen, ŋaīdalajūwʔ.
80 jālʼe jāmbanʔ ŋaīdali.
81 jālʼe jerm_ṕirxana mań nūltāw ŋārka lobolkānʔ, jerw xūpatow, jerw xāŕikow ḿākana nūltāw.
82 śidʼe tetaw ŋobkana toŋaxāʔ.
83 jerw xāŕikow ŋudada weŋkali, jerw xūpatow ŋāńiʔ ŋudada weŋkali.
84 ńāxarʔ weraʔ ńūde ḿātʔ tʼū.
85 xirkaŕī ŋawor xāmedāʔ, tol ńiʔ ŋāptāʔ.
86 śārka xaruli.
87 tʼāńembowna xaćeʔ jādʼeḿādmʔ.
88 mań taŕemʔ mādmʔ: "tīnaʔ ŋaḿeʔ ŋārmaʔ. ŋaworad śaxaʔ xāmedāŋkūr?"
89 jerw xāŕikow mānśi xānāda: "ńāxarʔ weraʔ ńūdʼe, jūnarā mań xarʔn tūtādmʔ."
90 jerw xāŕikow taŕemʔ mā: "śidʼe śīw tʼukona jīlʼeŋkūdmʔ. ńāxarumtaī śiwxana xansāwāī tūʔ!"
91 ńāxarʔ weraʔ ńūdʼe mā: "śān xan tārā?"
92 jerw xāŕikow mā ńiwʔ: "śidʼe juk_kan tārā."
93 ŋopoī wećaram_pelʼe mań sodāw, ŋawormʔ sodāw.
94 mań ḿākan xajāmʔ.
95 xānaḿi_ ŋaedāw.
96 pāpaḿiʔ mā ńiwʔ: "tʼedāw sawo ŋaewen."
97 ḿātʔ tʼūdmʔ.
98 pāpaxanta mā: "wećaram_pelʼe jīʔḿin_tańā, tetańiʔ tāwī, xān pūńāna ŋā."
99 jītaḿin_tāda, pūleńiŋ_kaewanʔ ŋāptāda.
100 śārkādaḿin_taxārʔ!
101 mań śārka ńīm_bäerʔ. xarta ŋert!
102 jeśe śārkkanʔ xamtāw, śidʼe śārkamʔ mań ŋerŋāw.
103 ńedko papaw ŋepta jenaraxā, ŋodʼʔ wāŕexeta pāpā ŋerŋāda.
104 ŋāńin_śidʼe śārkamʔ xarʔn ŋerŋāmʔ.
105 pāpāw taŕemʔ mā: "ńāxarʔ weraʔ ńūdʼe, mājām_koŋkūn."
106 taŕemʔ ṕī jāmbanʔ mań jāb́emʔ, xarʔn jāb́edmʔ.
107 ńedko pāpāw, ŋāńin_śārkār ŋāwʔ!
108 pāpāw taŕemʔ mā: "mań ńīdmʔ_karwāʔ."
109 mań nixeŕiʔ mipīmʔ, ŋodʼʔ ńaʔmāda.
110 pāpaw, ŋerkart!
111 pudā ŋerŋāda.
112 mājām_koŋkūn.
113 tʼukū mājāl māja ńiŋa.
114 taŕemʔ sawombokowna ŋāńiʔ jīlʼewʔ, śidʼe śīw jālʼeʔ taŕemʔ jīlʼewʔ.
115 ńāxarumtaī śiwda tewīʔ.
116 xantow xāmedaʔ!
117 śidʼe jonareće ḿādaŋ_käewanʔ tānāīn, tʼeta jūrʔ_kāpt jorkalʼjeńiʔ.
118 śidʼe jūda xan-śiʔ xāptuʔ śāŕāmʔ.
119 pāpānta mā ńiwʔ: "xanār podʼert! xäexeńiʔ ŋārka lobolkānʔ!"
120 śidʼe jūdaŋ_kanamʔ mańiʔ xānāīńiʔ.
121 jālʼe jerm_ṕirxana ŋārka lobolkānʔ nūltāḿiʔ teta xūpatow, teta xāŕikow marda_ḿuʔ.
122 ńāxarʔ weraʔ ńūdʼe, ńenaśe ŋaewen.
123 ńāxarʔ weraʔ ńūdʼe mā: "mań śerḿiʔ jaŋku."
124 mań ḿātʔ tʼūmʔ.
125 jerw xūpatow ḿākana śārka xaruli.
126 amkem_ṕirxana jerw xāŕikow taŕemʔ māmononta: "tarpadʔ, ŋaworće malʼūʔ ŋaepta! mań jemńāńiʔ śerʔ jaŋku."
127 jerw xūpatow mā ńiwʔ: "ŋāńixīna xāmedʼuʔ!"
128 jerw xāŕikow, pudā mā: "xäewńāna wīńim_meʔ, sūjulawa jaxā ńāwxana, tʼikāna mań jīlʼeŋkūmʔ."
129 numta pāwśuḿeńāŋe xaje.
130 ńāxarʔ weraʔ ńūdʼe mā: "tāxab́e xäexewaʔ! numta pāwśuḿe."
131 ḿākanta tewīnaʔ, xāptūńi_ŋaedīn.
132 jerw xāŕikow ḿātʔ tʼūwi.
133 xāŕikowm_puxū śāta sawo ńe.
134 teta xāŕikow puxūnta mā ńiwʔ: "jītʼeḿiʔ tʼulʼeʔ! tīńāna śerḿiʔ jaŋku."
135 mā: "ńāxarʔ weraʔ ńūdʼe, tʼukona ŋāmtadʔ!"
136 teta xāŕikow ńārawo xorokomʔ jīdmʔ tʼūlʼewi.
137 ṕīj_jām-panʔ taŕemʔ jāb́eńiʔ.
138 taŕemʔ jāb́eńāxańiʔ numta jālema.
139 teta xāŕikow ṕilʼiʔ wāda jaŋku.
140 ńāxarʔ weraʔ ńu mā ńiwʔ: "śiw jālʼeʔ jāb́eweńiʔ."
141 ńedka pāpa mā ńiwʔ: "ponʔ jāb́edʼiʔ. māśi_ŋaejāwa!"
142 ńāxarʔ weraʔ ńūdʼe ṕīnʔ jurkīʔ.
143 śidʼe jonarećeʔ sūjū malʼewedʔ.
144 mań taŕemʔ mādmʔ: "jāmtāˈś tārā, sūjulawa jaxā ńāwŕīnʔ jāmtāˈś tārā. jerw xūpatow towanta jolʼćeŋe xaje."
145 tāda jāmtāīńiʔ.
146 mańiʔ śidʼe ḿuŋ_kajeńiʔ.
147 sūjulawa jaxā ńāwn_salʼānʔ tāˈ_ŋesīńiʔ.
148 jerw xūpatow ŋanoda ŋadʼiḿe, ńāxartʼeˈ jeśerta.
149 ŋesumāxadańiʔ ŋāńiʔ jāb́eńiʔ.
150 ŋanoda nūltāduʔ, śidʼe juʔ mansarāna lūće ŋanonāntu_meʔ.
151 jerw xūpatow sambalʼaŋka lūćemʔ tewrā.
152 mā ńiwʔ: "tamna jāb́en."
153 mań taŕemʔ mādmʔ: "saće_ńimʔ jāb́eʔ."
154 mań taŕemʔ mādmʔ: "xarʔn tūńīḿiʔ sodā tārā, jeśeda ńārab́āta jāwoˈśe metāḿiʔ."
155 ńāxarʔ weraʔ ńūdʼe mā: "xonarāwewʔ, jekārʔ nūwaˈʔ, jekārʔ ḿiŋawaˈʔ?"
156 jerw xūpatow mānśi xānāda: "ńāxarʔ weraʔ ńūdʼe, jurkawānta jolʼćeŋe xaje."
157 ṕīnʔ jurkijuwʔ.
158 säewńiʔ taŕemʔ pujibīmʔ, sīrŋāmʔ, ŋāńiʔ jā jaŋku, amkerta jaŋku.
159 jerw xūpatow mā: "ŋorpata woewoˈ?"
160 mań taŕemʔ mādmʔ: "ŋaewoḿin_ tamna jīb́e."
161 jerw xūpatow ŋobʔ pe xidʼemʔ tā.
162 mań taŕemʔ mādmʔ: "ńāb́īdaḿin_tāʔ! säewńiʔ soūmtā."
163 tʼikāwāxana śidʼe xidʼemʔ ŋowoʔmāxadańiʔ jeśe ńārab́ātamʔ markće_ńi_mew, jīk-ńi_mejen porxańi_lʼī.
164 mań taŕemʔ mādmʔ: "nūltāxarŋarʔ jāraxā sālabaŋ_käewanʔ!"
165 xūpatow ŋanumʔ nūltāduʔ, sālaba ńiʔ jāker mojoʔ.
166 mań taremʔ mādmʔ: "ńolʼoko ŋanoxona todaʔ!"
167 sālabam_pījāna teŕi xalʼjaʔ.
168 jeśe ńārab́ātamʔ sabāw.
169 ńāxarʔ ŋartī ŋaedūʔ wānoraxā.
170 ŋopoˈī jedāwaʔ.
171 ŋāńiʔ ŋartʼiʔ jītam_pakaljedʔ.
172 tʼikī jaxād ŋāńiʔ ńerńākuʔ ŋāńiʔ xajāmʔ.
173 jeśe ńārab́ātamʔ ŋāńiʔ lādāw.
174 sambalʼaŋka ŋartī, ŋāńiʔ ńāxarʔ xājiʔ.
175 śīw lūćeʔ ŋanona towīʔ.
176 mań taŕemʔ mādmʔ: "jedadaʔ ṕiwīʔ?"
177 lūćeʔ taŕemʔ māʔ: "jedanaʔ ṕiwīʔ."
178 mań ŋanona_ tʼījūwʔ.
179 mańeʔ ŋārka ŋanona_ taŕemʔ tewīnaʔ.
180 jerw xūpatow mānśi xānāda, pudā taŕemʔ mā: "lakompoīʔ jāderŋānaś, ńāxarʔ jurʔ selkowaīm_pirʔ sojān."
181 taŕemʔ xāńjedmʔ, ńāxarʔ śiw jālʼemʔ taŕemʔ_kāńjedmʔ. xūpatow ŋanoda pānā jāwŋ_kāńoxoda. tʼetamtʼeī śīwŋe xaje.
182 jerw xūpatow mā: "malʼew, ŋanoḿim_pānā, xāńū ŋoka." jeśeˈrmʔ ŋīdā. ńāb́i sālabaŋ_käewxana xājnāwaʔ. ńāxarʔ weraʔ ńūdʼe jita_moraʔ xāńū ŋaewaŋe!
183 mań taŕem mādmʔ: "xājerkā xājedaʔ!"
184 jeśe ńārab́ātamʔ sālaba ńīʔ mow. tūńīńim_pūmna xarʔn sanajūwʔ.
185 ńāxarʔ weraʔ ńūdʼe, tʼukū jāxana ponʔ ńīn jīlʼeŋkūʔ.
186 tʼukū jāxana śiw jālʼeʔ jārŋādmʔ.
187 taŕemʔ jārmamʔ malʼemaxādańiʔ ḿerće ŋārka sālabamʔ tʼebā, mań sālabāḿiʔ śidʼe jānʔ nikalŋāda.
188 ńāb́i ŋārka sālabānʔ mań sanajūwʔ.
189 tʼukū ŋārka sālabāńiʔ mālda ńī ŋadʼuʔ.
190 taŕemʔ jīlʼemʔ.
191 ŋopoī serʔ work teŕiʔ lʼīwurtā, xäewūwnańiʔ ḿiŋa.
192 jeśe ńārab́ātamʔ nekalŋāw, xamćātʼew, pījekonta ńāʔ ṕilʼiʔ monāīʔ.
193 tʼikimʔ jaxāw, ŋājebäerŋādmʔ, śeīḿiʔ sawūma.
194 tʼikīḿiʔ śūrŋāw, sālaba xeŋkanʔ tāˈ śūrŋāw.
195 workaŋ_koba-ńiʔ xonajūwʔ.
196 taŕemʔ xonawāxanańiʔ xara wīńi tańeʔ.
197 taŕemʔ jīlʼemʔ, jārćetīmʔ, ŋāńiʔ xonaśetiwʔ.
198 jekārʔ tāj_jer ŋeptāwʔ, jālʼemʔ jurb́iw.
199 workańiʔ ŋamsa susā.
200 ŋae-ńiʔ jurkiwʔ.
201 mańijewnańiʔ sālabańi_māl ńī ŋadʼuʔ, lātada ŋadʼi, lātanta śerʔ ŋadʼi, śidʼe jitʼe ŋadʼi; jāmpada śerʔ ńī ŋadʼuʔ.
202 workańiʔ xobaćemʔ marće-ńiʔ mew.
203 mań taŕemʔ jādāmʔ, ńāb́i mālxanta taŕemʔ jādāmʔ.
204 ŋobʔ serʔ work taŕemʔ jādā sālaba pojoʔmana.
205 jeśe ńārab́ātamʔ ŋāńin_sabāw, ŋāńiʔ xāxajā to, taŕemʔ jādā.
206 sālaba ńiʔ tūńīḿiʔ mew, tūńīḿiʔ ṕentīʔ, serka workaće ńāxarpoīʔ sanaīʔ.
207 tʼikaxana ŋāńiʔ jaxāw, sawombokowna jaxāw.
208 mālʼćeŋe jaxāda.
209 sāŕoko nūmkana sāwkoŋe mew.
210 tʼikī jāxana tāj_jerta xājowāŋ_kab́e.
211 taŕemʔ jīlʼemʔ.
212 sālaba xaćeʔ ńudʼīḿe.
213 tʼikī jaxād ŋaīwoḿi_ŋāńiʔ mośetiw, ŋerńāŋī numŋe xaje.
214 tʼew_ jolʼćeŋkana xoraʔ śelśetīdʔ.
215 ŋāńiʔ xonajuwʔ.
216 sālaba ŋāńiʔ ńudʼīḿe.
217 ŋaīwoḿi_ŋāńiʔ jilāw, tʼew_jolʼćeŋkana ńenāī jaxāna sire xāʔmśeti.
218 ŋaīwoḿi_ŋāńi_mow, taŕemʔ xonajuwʔ.
219 ŋaīwokońi_ńīńe laxnawanonta: "ńāxarʔ weraʔ ńūdʼe, xāwntāraxān. ŋāńiʔ sālabānʔ xokart! tʼukū jaxāna xāwntāraxān."
220 ŋaeʔ ńiˈʔ jurkiwʔ.
221 śidʔńāʔ sīrŋāw, amkeˈrt jaŋku, tʼīŕip_pojoʔmana xoxoreī xaje.
222 tʼukū ŋileḿiʔ sālaba ńānta ńāʔ ŋobtaʔ ḿirnaŋaxaʔ, śidʼe sālaba ŋobtaʔ ḿirnaŋaxaʔ.
223 ńāb́iʔ ṕelʼedʼiʔ ŋobtan_ tʼebaŋaxaʔ, ŋileḿin_sālaba pusuda tʼījedʔ.
224 warkaŋ_kobaćāḿiʔ ŋārka sālabānʔ mow, jeśe ńārab́ātamʔ mow.
225 tūńīńiʔ pūmna ŋāńi_mań sanajuwʔ.
226 sālaba jerńākuʔ ŋāńiʔ jālʼjuwʔ.
227 menʔ xarb́iliwʔ.
228 sālaba pojoʔmana mań taŕemʔ jādādmʔ.
229 serʔ workaće sālaba ńiʔ sanaīʔ, saće ŋārka ńīŋaʔ.
230 tūńīḿiʔ ŋāńin_sabāw, mań jeʔŋaˈptājūwʔ sālabaŋ_kewxanʔ.
231 ńaxārʔ sanaīʔ, xaewxanta xajādmʔ, jīnta jaŋkūwī.
232 metaḿiʔ sāwkaḿiʔ ńalʼīrće ṕāwi.
233 sāwkaḿiʔ jekāw, xäewńākūʔ mow.
234 naŋadʼāŋe xirāw.
235 ńenaʔ ŋājʔmi.
236 sombokowna ŋorkarćemʔ.
237 ŋāńiʔ xonajuwʔ ŋamćańiŋ_käewxana.
238 amke xońoʔmaḿiʔ malʼeḿāxadan ŋāmtajuwʔ.
239 jālʼekokoda saćem_jādʼempi.
240 workaŋ_kobaćāḿiʔ ŋulʼiʔ sawawna xarxana warāw, taŕemʔ xāśūˈiŋe xaje.
241 ńāŋuntaˈ ŋilimʔ śūrćākuŋe madāw.
242 śidʼe lāpamta tʼūʔ jeʔiŋe madaŋāxajuda.
243 śūrxalāw, workaŋ_kobaćāḿiʔ ŋudāˈʔ ŋesomana madāw.
244 workaŋ_kobaćāḿiʔ śerāw, pūlīŋ_ ńesomana xaje.
245 pījemta ŋoŋalŋāw, pījemta sālaba ńiˈʔ mew.
246 xuŕin_sawompoi sāwkaŋe śertāw, tʼikī workaŋ_kobaćāḿiʔ, xarta xobānanta sedāw.
247 ŋāńiʔ śerāw, ŋulʼiʔ jāˈn_sawa.
248 ŋerńāŋe ŋāńiŋ_ kaje.
249 taŕemʔ jīlʼemʔ.
250 ŋāńiŋ_konajuwʔ.
251 ŋaīwoḿiʔ jīlāw, ŋārka sālabaḿi_ŋāńiʔ ńudʼīḿe.
252 tʼetʼumtaei tānta xājuwi.
253 xonawāxanańiʔ ŋāńiʔ xonaśetiwʔ.
254 sālabaḿiʔ ńawaŕī_ńudʼīḿe.
255 xińāŋ_ kāntāmʔ?
256 ŋāńiʔ xonaśetimʔ. sālabāḿiʔ ŋārka ḿāda_ḿū_ ŋārŋe xaje.
257 ŋudā jeśeḿiʔ jītʔ mow, tʼukū ŋuda jeśe ńiwntāraxa jīlʼiptʼeʔ.
258 ŋāńiʔ xonajuwʔ.
259 jekār śanta xūntʔ xońoˈbʔnān ŋārka tāj_jerŋe ŋāńiʔ tewīʔ.
260 tʼedāw xāwntāraxādmʔ, xājā sālaba jaŋku, ńeŋ_kana_ŋārŋe xāīwi.
261 sālaba pījānʔ jītʔ sīrŋādmʔ, todana ŋūda jeśe tańeˈ ŋūrnā.
262 ńaʔmāw, meta sālabaḿiʔ xaćeʔ tāpśetī.
263 jā ŋadʼiḿe, sawo ńenćeŋkana xūpta ńīŋa.
264 sālabaḿiʔ ŋāńiʔ xaīxalʼćetī.
265 ḿerćekoćeda tańā.
266 ŋāńiʔ xaīxalʼćetī, ŋāńiʔ nūlćetī.
267 amkem_ṕirxana pilʼiʔ_tābīʔ.
268 jeśe ńārab́ātamʔ jīdeŋ_ŋilʔ nūltāw, joŕe ŋaiwamta manekarćedmʔ.
269 pakalʼew, ŋāńiʔ marćeʔmana xaje.
270 jā-ńājū ṕāw janambokowna.
271 sew pāwśumśetiʔ.
272 jā-ńājū taŕemʔ jādādmʔ.
273 taŕemʔ jādanāńiʔ sidīˈʔ ŋesoʔmana xaje jītʼe.
274 sālabańi_ńājūn_śūrxalʼjūwʔ.
275 ńāxarŋ_kāwrādmʔ, ŋaiwomʔ_kāwrādmʔ: "xāwntaˈ ńenećāmʔ jīlʼiptʼembawen."
276 taŕemʔ marańiˈʔ tanajūwʔ.
277 mara ńimńe jurʔ tʼib́em_belʼe sambalʼaŋkajuʔ tʼib́ānʔ taewnāraxīwʔ.
278 ŋobʔ naīdalʼowa xaiwī, tʼeta xāpta meʔmi.
279 toptaʔmīduʔ xābartāˈ jenćeˈʔ jāmb.
280 xanda ŋāńiʔ lātarkā ŋaīwi.
281 jeśe ńārab́ātamʔ ŋaīdalʼowa ḿūʔ ńārʔ mow, jolʼće_b́ūlāw.
282 jeśe ńārab́āta jeśeŕīda tʼib́e ṕāsawāi wā.
283 ŋulʼiʔ tāˈ jolʼćʔ.
284 jīxińāna_mādmʔ: latarkaˈ ŋaīwī xanta ŋaīwī.
285 ŋaīdalʼowa ḿūmńe śārćelaptāw, ńenāi jāŕinʔ taŕemʔ tanajūwʔ.
286 ńenāi jā-ńiʔ tanamāxadāńiʔ lāxaćā_ńiʔ tāˈ ŋāmtajūwʔ.
287 ŋeŕoˈī ŋaīwīʔ nuwuda ŋaīwīʔ.
288 amke jāxananta turū sowanonta, xora ŋaīwononta, śoda lerxa.
289 ŋain ńiʔ ŋāńiʔ jurkajūwʔ.
290 amke_ b́iranʔ taŕemʔ jādādmʔ.
291 säew pujib́īdmʔ, ŋārka xoi ńīńe ńāxarʔ ḿaʔ ŋadʼiʔ.
292 taŕemʔ sīrtāxańin_tʼī ḿādʔ_kawāʔ.
293 tīdūʔ tewrāʔ.
294 parambāś xāptūduʔ jorkalŋaʔ, parampā pūīdāīduʔ.
295 saćeŋ_kāxakāwna ńiŋa.
296 taŕemʔ jādanaxańin_tʼī ńerdʼeńeʔ ḿūdʔ manćadāʔ.
297 ḿādīˈ tʼīrkaʔna ŋobʔ ḿūda xāji.
298 śūrmbā jībʔ podʼeˈrćetīda, manćaptāśtīda, podʼertaˈ māra ŋāńiŋ_kāmśetīʔ, śidʼeŋ_kāmīʔ, ńāromtaī_ŋāńiŋ_kāmīʔ.
299 lāxaŕūŋ_kūnatʔ taŕemʔ tewjūwʔ.
300 mań taŕemʔ mādmʔ: "ńeŋaćekī, laxaŕoḿiŋ_ kānaʔ! jepadamʔ ṕūdmʔ, tūdaḿim_ṕūdmʔ."
301 tāda manćaptāda, jīntalʼīdā xaje.
302 tāīna xūnanta tewŕīnakīda ńerdʼeńe ḿūd ńerīˈ xaīwī.
303 mańījebʔnańiʔ ńāxarʔ ḿāŋe ŋesoˈdāraxaʔ.
304 janambokowna taŕemʔ jādādmʔ, ŋāńiʔ ŋāmtaśetiwʔ, ŋāńiʔ jurkaśetiwʔ.
305 ḿātan_tewjūwʔ.
306 jāwŋ_kūwxad ṕādamtuˈʔ päeṕiʔ.
307 ńāxarʔ serʔ sew ŋobkana ŋāmtʼowiʔ.
308 jānaŋ_ŋāmtiwʔ.
309 ŋārka serʔ sew mānama: "tʼukū ńāwaʔ ŋāńiʔ xāwntāraxa."
310 māmpatūˈʔ taŕemʔ māʔ: "sokar jekāʔ!"
311 xańāŋī jāmnatūʔ xaćeʔ_tirewi, xarxana jerīn.
312 ŋārka serʔ sew mānama: "amkeˈ ńeneće_ ŋaeje, ńānta ŋadʼimtā."
313 tāda tūńīḿiˈʔ śūrŋada, porxal_leśawāi tāˈn_śūrŋada.
314 janambokowna ḿātʔ tʼūdmʔ, sewn_seram_ pūmna taŕemʔ jādādmʔ.
315 śīntʼeˈ ńājū śiʔḿi_ŋāptā.
316 ńerī ńeḿiʔ ŋāńiʔ säewda paŕīdʼewi.
317 śīńājūmna ŋāńiʔ sew serʔ ńe jeśekoxotata ŋadʼāda jaŋku.
318 jedamʔ xańeʔ ṕiŕīʔ.
319 ńīḿi_jekāw, sew serʔ ŋārka ŋū tʼaxaʔ tʼekalŋāda.
320 ńenāi jeśe ńi jālʼe sālmraxa.
321 toīmʔ tā.
322 śānampoi munmʔ ŋamtakedmʔ.
323 ńema xarb́ilīʔ, purkabtataḿiʔ tā, ŋāńiʔ tāˈŋ_konajūwʔ.
324 xāwa-daŕewʔ śiwxūˈwʔ jālʼeʔ taŕemʔ xońuwedmʔ.
325 śiw_ŋesoŋkana laxnākowonta, säew seruʔ ŋārka taŕemʔ māmonoda: "jekār jīlʼen, jekār xān. jurkiwī ŋaepta xoraptāˈjīwaś, xūda ŋadʼimi."
326 śidʼe ŋārweḿiʔ janambokowna jīxiˈptedāin, sewńiʔ ńāŋarŋamʔ.
327 mokoda śīŕīnʔ sewńiˈŋ_käewī, ńārawo ŋuta-śerʔ sewńiŋ_käewī, śelwxāśemtāʔ.
328 tāxab́e toḿiʔ jonalŋāw.
329 serʔ_pādawī panī ŋaīwī, ŋāńīduʔ lʼīdʼaŋka ŋaīwī, lʼīdʼaŋkam_pādarota panī ŋaīwī.
330 xarʔn śermńāńiʔ wāŋkāˈnaŋ_ kajādmʔ.
331 xurkaŕiʔ śeruńiʔ malʼemāxadańiʔ sewńiʔ medmʔ śidʼeŋ_käewńāʔ.
332 mańijebʔnańiʔ pujīduʔ ńārawo, xānsaˈdoduʔ jāleŕiʔ ńārawoʔ.
333 sew seruʔ ŋārka metāda tʼūrda ńenāi pādarota.
334 tī jīlʼeb́āda ŋāńiʔ: wārda ńī ŋadʼuʔ.
335 amkeˈ sīrmāḿiʔ malʼemāxadan ḿātan_dʼūdmʔ.
336 sew seruʔ ŋārka ńe sew paŕīdʼena jārakoxona jītaḿiʔ xamtā ŋudʼińiʔ ńāʔ.
337 śāḿiʔ māsab́īdmʔ.
338 warāwdaḿiʔ tā, ŋāńiʔ śāḿiʔ teŋādmʔ sombowna.
339 sew seruʔ ŋārka pūlinta xaewanʔ tāˈ ŋāmtajūwʔ.
340 jeśe xidʼe ńiʔ ŋamćī_dʼedā, ńāb́i xidʼānʔ tudūˈ_dʼedeb́i.
341 taŕemʔ ŋāmtīńiʔ ŋowormańć.
342 taŕemʔ ŋorŋāńiʔ sombokowna.
343 xurkaˈ ŋormańiʔ malʼemāxadańiʔ sew seruʔ ŋārka xaćeʔ xarćolāiʔ.
344 jānodakū, mań wīńeśādmʔ jūnarʔ, amkeˈ jān_dʼeran ŋaexejābʔnānt?
345 "jenarʔ jān_dʼerādmʔ ńīdmʔ ŋāʔ. mań ńūdʼe jān_dʼerādmʔ, lobolkan_dʼerādmʔ. ńāxarʔ weraʔ ńūdʼemʔ namtawi ŋaebat, ńiwīʔ ŋaebat?"
346 sew paŕīdʼena ńedʼe māńće xānāda: "sew seruʔ ŋārka, tʼukū jaxād junda ńī soʔ. ńiśeḿiʔ mānā: xūpta jān_dʼer."
347 "sālaba ńīńe jāw_jīkana sambalʼaŋkam_po xūʔlʼūrŋadamć.
348 tārśiʔ mādmʔ: xāś ńīdmʔ_karwāʔ.
349 xāŕikowxana śīwm_poˈ jīlʼedmʔ.