0 laxnāku.
1 jā mīdaxana tʼukūˈ jāwaʔ ŋilikaxat pānamī.
2 ńenāīʔ ńenećāʔ tʼūi tʼirʔ nimńe jādeˈrć jāmweduʔ, jā waŋkaxana jīlʼiˈśetawīʔ.
3 tād ŋobʔ tańe xūna puxūćeˈ wādena jompu tańewī.
4 padʼīʔ ḿātʼīʔ ŋobʔ sālʼe nīńe palʼowi.
5 ŋobaŋ_kūna jompu manījeda: śūdb́eˈ wesoku padʼīʔ ḿākantʼīʔ miŋa.
6 tād jompu parkaśiʔ pīnʔ sanāiʔ, xanakomtaˈ nekalŋa, tād nado niʔ tanāiʔ, tād xajexālʼʔ, tād śūdb́e wesoku xäewanʔ teiwīʔ.
7 tād jompuˈ mā: "ŋada jompu xan nūlad! jirīnta xäewanʔ teiwīniʔ."
8 tād jompu xan tāˈ_nūlʼʔ.
9 tād śūdb́e weśoku mā: "juwe, juwe, tʼikī xanār ńenaʔ sawā ńuʔ! xańćeˈrʔ xaŕetaˈ miŋa?"
10 jiŕīda mā: "xanār mitad! mań temtaŋkūw."
11 tād jompu mā: "jīrīkäe, mań teriˈʔ tatāw. padār ŋopoi jālʼe xūna_jānʔ xānād, panīd ŋāniʔ tʼukoˈna xājenʔ! parkaśipoiʔ wīnīn xanīmtʔ, mań parkaśipoiʔ tʼukū ŋārka jāmt ŋopoi jālʼe wekana śūrxalʼeśetiw."
12 tād śūdb́e wesoku panīda jekāīda. tād xaje.
13 taremʔ mintʼānta ŋājeda sire_daŕew xaje.
14 tād mā: "ńenaʔ ŋārkowna xanīmūnon."
15 tād xantaˈ nīʔ ŋāmtīʔ, mānćetī: "jompoˈku xan xājīʔ xāiʔ! mań saće xanīˈḿādmʔ."
16 tād jompuˈ xan xańāxart xäewānʔ nī xarwāʔ.
17 tād śūdb́e wesoku tʼikī jāxana xanīˈmće xā.
18 tād jompu mā:
19 palka, xurkā śit xādādmʔ.
20 tād jompu xādamta jāmine puxūćāŋäe śertāda.
21 padā ŋāniʔ ŋārka jāwmālŋäe ŋāmtīʔ.