0 тадебе выʼ.
1 ңавнанта хунананта я мидахана ңобʼ весоку вырире серодета таневы.
2 пада сиде неде ңэвы.
3 ңобʼ тане хуна вырире ма: "сидяв пухув, тебтаʼ хубтахана нуняд есе ине хамңкуʼ. тикы есе инявна манеʼ нумтʼ танаңкунаʼ."
4 тад хуняна ненасяңоʼ нуняд есе ине хамыʼ.
5 тад вырире нехеюта ня ма: "тедаʼ малʼ серʼ паны серадиʼ! тахабе хан-аваʼ, сиденаʼ хаңа нумʼ нисеваʼ."
6 тад есе инявна тюняʼ пэадуʼ.
7 тикы есе ине сидиʼ яʼ ерʼ тэвхава есе ине мацеда.
8 тад вырире вахалйʼ, ма: "ңада меркуʼ няңудиʼ лахнаеʼ: хуюмлиʼ варцаваы панымʼ меңа?"
9 тад татыда ма: "мань ңобʼ варцаваы сисямʼ нерʼ селңадамць."
10 тад татынта ңудиʼ нерцюʼ есе ине ныкэлы, татыда янʼ монаыʼ.
11 тедаʼ татынта монама тедаʼ тамна таня, ңув сохоңэ ңамтыʼ.
12 вырире тедаʼ тюы хэхаʼна ядерңа.
13 вырире тедаʼ тадебехаʼ таремʼ манцетавы: тюы хэʼ ңобʼ ңудидуʼ, ңобʼ ңэдуʼ, ңобʼ сев-дуʼ.
14 падуʼ тедаʼ мунуманту малеңкана ңэрм корянʼ саынорманць ханаʼ.
15 ңэрм корамʼ хада ямадуʼ, падуʼ муңкодуʼ иде ңылʼ сыйна хаморңаʼ.
16 ңэрм кора ңаниʼ хэʼ няюʼ идемʼ ңэдарампы.
17 хэʼ хадарава малеңкана тикы ицаваы ңэрм мерце пыдебʼ юбя янтуʼ няюʼ пулюңэ хай-настыʼ.
18 ңэрм кора хадарабʼ тюы хэʼ ядемпади нуву хаврастыʼ.
19 тикы по вево по ңэсты, хапцеʼ ңадиберңа.