0 ярапць.
1 сиде тэтада; няби ерв хупатов хардахана месеты, няби ерв хариков тэхеʼна ме.
2 тэда сиде ёнареце.
3 пуда харта нюмце няхарʼ вераʼ нюде.
4 неняда таня, папада мядампэрта, едампэрта.
5 неняда нюмце ңэпта енараха.
6 ерв хариков манси ханада: "няхарʼ вераʼ нюде, ңарка харданʼ ядертанувʼ?"
7 ханямʼ туʼ ңоб нюрцемкана.
8 "тюку ялеʼ ңарка лобёлк-кана ңарка хаыбиде яле. няхарʼ вераʼ нюде, тэдами нямʼ!"
9 няхарʼ вераʼ нюде ма: "амкэдуʼ метан?"
10 харт теневан.
11 няхарʼ вераʼ нюде тынземта меда, сиде мета ине, тыʼ няю хае, тэхета тэвы.
12 ерв хариков тета серк капт тетариʼ мода, тиканиʼ сярыда.
13 тынземта ңаниʼ саноʼада, тета падвымʼ ңаниʼ яркыда, тета падавы няниʼ сярида.
14 мята няю хае.
15 седантет хапт: тета серк капт, тета падавы.
16 мяканта тэвыʼ.
17 ерв хариков савкомта серведа.
18 седантета хаптамʼ мале подермыда.
19 няхарʼ вераʼ нюде мятʼ тю.
20 неняхаданта пивадамта хаңа, ма нивʼ: "пивадамин таʼ! серңкун. малцямыʼ тад!"
21 неняда ма нивʼ: "саце нён ябеʼ, сяркар хаюрңае!"
22 ма нивʼ: "луце серта хара."
23 ерв хариков пыняна тёрына, ма нивʼ: "хаптадамиң кареʼ!"
24 сиде ңаедалава таремʼ хаениʼ, нюде лобёлканʼ таремʼ тэвыниʼ.
25 тикы нюде лобёлкамиʼ таремʼ хаемиʼ.
26 тикы яхад сиде ңаыдалава ңаниң каемʼ, ңарка лобёлканʼ таремʼ тэвыниʼ.
27 ерв хупатов марда мюʼ таремʼ тюниʼ.
28 ерв хупатов мякада ңадиме.
29 луце яляна мирыте панемта сервы.
30 ерв хупатов ңудада веңкалы.
31 няхарʼ вераʼ нюде ма нивʼ: "юрюко, торово!"
32 ерв хупатов ма: "мятʼ тюдиʼ!"
33 савкамта ека.
34 манеʼ няхарңе мятʼ тюваʼ.
35 яле харданʼ манеʼ сиданеʼ ңапта.
36 ңамтёрця ниʼ таремʼ ңамтениʼ.
37 ерв хупатов хыркари ңавор мал тэваыда, ябе идамʼ тасеты.
38 хацеʼ ябеливʼ.
39 ерв хупатов манси ханада, ма нивʼ: "няхарʼ вераʼ нюде ңопоы та мань нянан мее! хане-нямиʼ яңку."
40 хариков ма: "ты-пэртямиʼ мань нянан ңобтаремʼ тара нивʼ."
41 ерв хупатов сяркада ңобкада харулы. хацеʼ ябелмевʼ. тедаʼ вынимʼ хаёдʼ.
42 хариков ма нивʼ: "тета серк капта мяканта ханад!"
43 тета серк капта хананда пуʼ сярядуʼ.
44 ерв хупатов манси ханада: "тедаʼ ханар панʼа. халаць, бюлка, нябида вецярам пеле идемʼ пэңадамсь."
45 ма нивʼ: "няхарʼ вераʼ нюде, мяканта ханʼ!"
46 мань мяканиʼ каядмʼ.
47 нюде лобёлкамиʼ хаев.
48 сиде ңаыдалёда нерняда тоңахаʼ сехери мюмне.
49 ңобтʼ нултаваʼ.
50 пудиʼ таремʼ махаʼ: "пудампоховар сацен яберкавен."
51 мань таремʼ мадмʼ: "ими ңока."
52 вецярам пелемʼ некалңав.
53 сехери мюʼ та ңамтынаʼ.
54 есе сярканʼ хамтхулав.
55 севʼ павсюмеʼ.
56 ңаевов илав.
57 сехери мюне юсидаведмʼ.
58 хацеʼ ханимядмʼ, хан яңку, амкэрта яңку.
59 хыняң кантабʼнан?
60 мяы даняю хаехерцемʼ.
61 ңаевов ибе.
62 мань таремʼ ядадмʼ сехермумне.
63 нерняд ңобʼ ңаыдалёда: недко папав.
64 няхарʼ парысе хапта хаевханта нултада.
65 ма нивʼ: "амкэда хадкэйʼ?"
66 седантета хапта тыниʼ юху ханкосаваеыʼ.
67 неняда ма нивʼ: "тюку няхарк каптамиʼ хансаваеың канаʼ! тюку нюде лобёлкар махане хаевана ханʼ, ңарка лобёлкар ңаниʼ махане хаевана ханʼ! лобёлкан тяхана ңарка сехеренʼ тэвңкун. тикы сехерер нёдад! хардако тута, тикы хардакомʼ хаед! тикана ңаниң кантан, ңаниʼ няхарумтаы харданʼ тэвңкун. седантета хапта тане сяраңкуʼ. тамна ябеңкахаʼ."
68 неняда таремʼ лахна: "нёхоюд тыресʼ! тюку ңуʼмнанта ңаним пырдарин туʼ!"
69 ма нивʼ: "пырдариʼ хаямʼ."
70 мяканиʼ тэвывʼ.
71 ханамиʼ ңаедав.
72 мятʼ тюмʼ.
73 недко папав вецярамʼ тюле.
74 ңавор ңока тэвмахаданта сомбёвна илениʼ.
75 сывы нумта сомбёвна хаи.
76 яледа пирма, сыреда холкалыʼ.
77 ңарка лобёлканʼ мань ңаниң кэхерцемʼ.
78 тикавахана мань сиде ёнареце мядаң кэванʼ танахаяын, тикавахана мань ёркален тета юрк капт.
79 тета няряна сярахаяын, тета няряна подерен, ңаыдалаювʼ.
80 яле ямбянʼ ңаыдалы.
81 яле ерм пирхана мань нултав ңарка лобёлканʼ, ерв хупатов, ерв хариков мякана нултав.
82 сиде тэтав ңобкана тоңахаʼ.
83 ерв хариков ңудада веңкалы, ерв хупатов ңаниʼ ңудада веңкалы.
84 няхарʼ вераʼ нюде мятʼ тю.
85 хыркари ңавор хамедаʼ, тол ниʼ ңаптаʼ.
86 сярка харулы.
87 тянембёвна хацеʼ ядемядмʼ.
88 мань таремʼ мадмʼ: "тынаʼ ңамеʼ ңармаʼ. ңаворад сяхаʼ хамедаңкур?"
89 ерв хариков манси ханада: "няхарʼ вераʼ нюде, юнара мань харʼн тутадмʼ."
90 ерв хариков таремʼ ма: "сиде сив тюкона илеңкудмʼ. няхарумтаы сивхана хансаваы туʼ!"
91 няхарʼ вераʼ нюде ма: "сян хан тара?"
92 ерв хариков ма нивʼ: "сиде юк кан тара."
93 ңопоы вецярам пеле мань содав, ңавормʼ содав.
94 мань мякан хаямʼ.
95 ханами  ңаедав.
96 папамиʼ ма нивʼ: "тедав саво ңаевен."
97 мятʼ тюдмʼ.
98 папаханта ма: "вецярам пеле иʼмин таня, тэтаниʼ тавы, хан пуняна ңа."
99 итамин тада, пулениң каеванʼ ңаптада.
100 сяркадамин тахарʼ!
101 мань сярка ним бэрʼ. харта ңэрт!
102 есе сяркканʼ хамтав, сиде сяркамʼ мань ңэрңав.
103 недко папав ңэпта енараха, ңодʼ варехета папа ңэрңада.
104 ңанин сиде сяркамʼ харʼн ңэрңамʼ.
105 папав таремʼ ма: "няхарʼ вераʼ нюде, маям коңкун."
106 таремʼ пи ямбянʼ мань ябемʼ, харʼн ябедмʼ.
107 недко папав, ңанин сяркар ңавʼ!
108 папав таремʼ ма: "мань нидмʼ карваʼ."
109 мань ныхериʼ мыпымʼ, ңодʼ няʼмада.
110 папав, ңэркарт!
111 пуда ңэрңада.
112 маям коңкун.
113 тюку маял мая ниңа.
114 таремʼ савомбёковна ңаниʼ илевʼ, сиде сив ялеʼ таремʼ илевʼ.
115 няхарумтаы сивда тэвыʼ.
116 хантов хамедаʼ!
117 сиде ёнареце мядаң кэванʼ танаын, тета юрʼ капт ёркалениʼ.
118 сиде юда хан-сиʼ хаптуʼ сярямʼ.
119 папанта ма нивʼ: "ханар подерт! хэхениʼ ңарка лобёлканʼ!"
120 сиде юдаң канамʼ маниʼ ханаыниʼ.
121 яле ерм пирхана ңарка лобёлканʼ нултамиʼ тэта хупатов, тэта хариков марда мюʼ.
122 няхарʼ вераʼ нюде, ненасе ңаевен.
123 няхарʼ вераʼ нюде ма: "мань сермиʼ яңку."
124 мань мятʼ тюмʼ.
125 ерв хупатов мякана сярка харулы.
126 амкэм пирхана ерв хариков таремʼ мамононта: "тарпадʼ, ңаворце малюʼ ңаепта! мань емняниʼ серʼ яңку."
127 ерв хупатов ма нивʼ: "ңанихына хамедюʼ!"
128 ерв хариков, пуда ма: "хэвняна выним меʼ, суюлава яха нявхана, тикана мань илеңкумʼ."
129 нумта павсюменяңе хае.
130 няхарʼ вераʼ нюде ма: "тахабе хэхеваʼ! нумта павсюме."
131 мяканта тэвынаʼ, хаптуни ңаедын.
132 ерв хариков мятʼ тювы.
133 хариковм пуху сята саво не.
134 тэта хариков пухунта ма нивʼ: "итемиʼ тюлеʼ! тыняна сермиʼ яңку."
135 ма: "няхарʼ вераʼ нюде, тюкона ңамтадʼ!"
136 тэта хариков няраво хорокомʼ идмʼ тюлевы.
137 пий ям-панʼ таремʼ ябениʼ.
138 таремʼ ябеняханиʼ нумта ялема.
139 тэта хариков пилиʼ вада яңку.
140 няхарʼ вераʼ ню ма нивʼ: "сив ялеʼ ябевениʼ."
141 недка папа ма нивʼ: "понʼ ябедиʼ. маси ңаеява!"
142 няхарʼ вераʼ нюде пинʼ юркыʼ.
143 сиде ёнарецеʼ сую малеведʼ.
144 мань таремʼ мадмʼ: "ямтась тара, суюлава яха нявринʼ ямтась тара. ерв хупатов тованта ёлцеңе хае."
145 тада ямтаыниʼ.
146 маниʼ сиде мюң каениʼ.
147 суюлава яха нявн салянʼ та ңесыниʼ.
148 ерв хупатов ңанода ңадиме, няхарте есерта.
149 ңэсумахаданиʼ ңаниʼ ябениʼ.
150 ңанода нултадуʼ, сиде юʼ мансарана луце ңанонанту меʼ.
151 ерв хупатов самбяляңка луцемʼ тэвра.
152 ма нивʼ: "тамна ябен."
153 мань таремʼ мадмʼ: "саце нимʼ ябеʼ."
154 мань таремʼ мадмʼ: "харʼн тунимиʼ сода тара, еседа нярабята явосе метамиʼ."
155 няхарʼ вераʼ нюде ма: "хонаравевʼ, екарʼ нуваʼ, екарʼ миңаваʼ?"
156 ерв хупатов манси ханада: "няхарʼ вераʼ нюде, юркаванта ёлцеңе хае."
157 пинʼ юркыювʼ.
158 сэвниʼ таремʼ пуибимʼ, сырңамʼ, ңаниʼ я яңку, амкэрта яңку.
159 ерв хупатов ма: "ңорпата воево?"
160 мань таремʼ мадмʼ: "ңаевомин  тамна ибе."
161 ерв хупатов ңобʼ пэ хыдемʼ та.
162 мань таремʼ мадмʼ: "нябидамин таʼ! сэвниʼ соумта."
163 тикавахана сиде хыдемʼ ңовоʼмахаданиʼ есе нярабятамʼ маркце ни мев, ик-ни меен порхани ли.
164 мань таремʼ мадмʼ: "нултахарңарʼ яраха салабяң кэванʼ!"
165 хупатов ңанумʼ нултадуʼ, салабя ниʼ якэр моёʼ.
166 мань таремʼ мадмʼ: "нёлёко ңанохона тодаʼ!"
167 салабям пыяна тэри халяʼ.
168 есе нярабятамʼ сабяв.
169 няхарʼ ңарты ңаедуʼ ванораха.
170 ңопоы едаваʼ.
171 ңаниʼ ңартиʼ итам пакаледʼ.
172 тикы яхад ңаниʼ нернякуʼ ңаниʼ хаямʼ.
173 есе нярабятамʼ ңаниʼ ладав.
174 самбяляңка ңарты, ңаниʼ няхарʼ хаиʼ.
175 сив луцеʼ ңанона товыʼ.
176 мань таремʼ мадмʼ: "едадаʼ пивыʼ?"
177 луцеʼ таремʼ маʼ: "еданаʼ пивыʼ."
178 мань ңанона  тиювʼ.
179 манеʼ ңарка ңанона  таремʼ тэвынаʼ.
180 ерв хупатов манси ханада, пуда таремʼ ма: "лакомпоыʼ ядерңанась, няхарʼ юрʼ селковаым пырʼ соян."
181 таремʼ ханедмʼ, няхарʼ сив ялемʼ таремʼ канедмʼ. хупатов ңанода пана явң канёхода. тетамтеы сивңе хае.
182 ерв хупатов ма: "малев, ңаномим пана, ханю ңока." есермʼ ңыда. няби салабяң кэвхана хайнаваʼ. няхарʼ вераʼ нюде ита мораʼ ханю ңаеваңе!
183 мань тарем мадмʼ: "хаерка хаедаʼ!"
184 есе нярабятамʼ салабя ниʼ мов. туниним пумна харʼн санаювʼ.
185 няхарʼ вераʼ нюде, тюку яхана понʼ нин илеңкуʼ.
186 тюку яхана сив ялеʼ ярңадмʼ.
187 таремʼ ярмамʼ малемахаданиʼ мерце ңарка салабямʼ тебя, мань салабямиʼ сиде янʼ ныкалңада.
188 няби ңарка салабянʼ мань санаювʼ.
189 тюку ңарка салабяниʼ малда ни ңадюʼ.
190 таремʼ илемʼ.
191 ңопоы серʼ ворк тэриʼ ливурта, хэвувнаниʼ миңа.
192 есе нярабятамʼ некалңав, хамцятев, пыеконта няʼ пилиʼ монаыʼ.
193 тикымʼ яхав, ңаебэрңадмʼ, сеымиʼ савума.
194 тикымиʼ сюрңав, салабя хэңканʼ та сюрңав.
195 воркаң кобя-ниʼ хонаювʼ.
196 таремʼ хонавахананиʼ хара выни танеʼ.
197 таремʼ илемʼ, ярцетымʼ, ңаниʼ хонасетывʼ.
198 екарʼ тай ер ңэптавʼ, ялемʼ юрбив.
199 ворканиʼ ңамса суса.
200 ңае-ниʼ юркывʼ.
201 маниевнаниʼ салабяни мал ни ңадюʼ, латада ңади, латанта серʼ ңади, сиде ите ңади; ямпада серʼ ни ңадюʼ.
202 ворканиʼ хобяцемʼ марце-ниʼ мев.
203 мань таремʼ ядамʼ, няби малханта таремʼ ядамʼ.
204 ңобʼ серʼ ворк таремʼ яда салабя поёʼмана.
205 есе нярабятамʼ ңанин сабяв, ңаниʼ хахая то, таремʼ яда.
206 салабя ниʼ тунимиʼ мев, тунимиʼ пентыʼ, серка воркаце няхарпоыʼ санаыʼ.
207 тикахана ңаниʼ яхав, савомбёковна яхав.
208 малцеңе яхада.
209 сарёко нумкана савкоңе мев.
210 тикы яхана тай ерта хаёваң-кабе.
211 таремʼ илемʼ.
212 салабя хацеʼ нюдиме.
213 тикы яхад ңаывоми ңаниʼ мосетыв, ңэрняңы нумңе хае.
214 тев  ёлцеңкана хораʼ селсетыдʼ.
215 ңаниʼ хонаювʼ.
216 салабя ңаниʼ нюдиме.
217 ңаывоми ңаниʼ илав, тев ёлцеңкана ненаы яхана сыре хаʼмсеты.
218 ңаывоми ңани мов, таремʼ хонаювʼ.
219 ңаывокони нине лахнаванонта: "няхарʼ вераʼ нюде, хавнтарахан. ңаниʼ салабянʼ хокарт! тюку яхана хавнтарахан."
220 ңаеʼ ниʼ юркывʼ.
221 сидʼняʼ сырңав, амкэрт яңку, тирип поёʼмана хохореы хае.
222 тюку ңылемиʼ салабя нянта няʼ ңобтаʼ мирнаңахаʼ, сиде салабя ңобтаʼ мирнаңахаʼ.
223 нябиʼ пеледиʼ ңобтан  тебяңахаʼ, ңылемин салабя пусуда тиедʼ.
224 варкаң кобяцямиʼ ңарка салабянʼ мов, есе нярабятамʼ мов.
225 туниниʼ пумна ңани мань санаювʼ.
226 салабя ернякуʼ ңаниʼ ялювʼ.
227 менʼ харбилывʼ.
228 салабя поёʼмана мань таремʼ ядадмʼ.
229 серʼ воркаце салабя ниʼ санаыʼ, саце ңарка ниңаʼ.
230 тунимиʼ ңанин сабяв, мань еʼңаптаювʼ салабяң кэвханʼ.
231 няхарʼ санаыʼ, хаевханта хаядмʼ, инта яңкувы.
232 метамиʼ савкамиʼ нялирце пявы.
233 савкамиʼ екав, хэвнякуʼ мов.
234 наңадяңе хырав.
235 ненаʼ ңайʼмы.
236 сомбёковна ңоркарцемʼ.
237 ңаниʼ хонаювʼ ңамцяниң кэвхана.
238 амкэ хонёʼмамиʼ малемяхадан ңамтаювʼ.
239 ялекокода сацем ядемпы.
240 воркаң кобяцямиʼ ңулиʼ сававна хархана варав, таремʼ хасюыңе хае.
241 няңунта ңылымʼ сюрцякуңе мадав.
242 сиде лапамта тюʼ еʼыңе мадаңахаюда.
243 сюрхалав, воркаң кобяцямиʼ ңудаʼ ңэсомана мадав.
244 воркаң кобяцямиʼ серав, пулың  несомана хае.
245 пыемта ңоңалңав, пыемта салабя ниʼ мев.
246 хурин савомпоы савкаңе сертав, тикы воркаң кобяцямиʼ, харта хобянанта седав.
247 ңаниʼ серав, ңулиʼ ян сава.
248 ңэрняңе ңаниң  кае.
249 таремʼ илемʼ.
250 ңаниң конаювʼ.
251 ңаывомиʼ илав, ңарка салабями ңаниʼ нюдиме.
252 тетюмтаеы танта хаювы.
253 хонавахананиʼ ңаниʼ хонасетывʼ.
254 салабямиʼ нявари нюдиме.
255 хыняң  кантамʼ?
256 ңаниʼ хонасетымʼ. салабямиʼ ңарка мяда мю  ңарңе хае.
257 ңуда есемиʼ итʼ мов, тюку ңуда есе нивнтараха илиптеʼ.
258 ңаниʼ хонаювʼ.
259 екар сянта хунтʼ хонёбʼнан ңарка тай ерңе ңаниʼ тэвыʼ.
260 тедав хавнтарахадмʼ, хая салабя яңку, нең кана ңарңе хаывы.
261 салабя пыянʼ итʼ сырңадмʼ, тодана ңуда есе тане ңурна.
262 няʼмав, мета салабямиʼ хацеʼ тапсеты.
263 я ңадиме, саво ненцеңкана хупта ниңа.
264 салабямиʼ ңаниʼ хаыхалцеты.
265 мерцекоцеда таня.
266 ңаниʼ хаыхалцеты, ңаниʼ нулцеты.
267 амкэм пирхана пылиʼ табиʼ.
268 есе нярабятамʼ идең ңылʼ нултав, ёре ңаывамта манекарцедмʼ.
269 пакалев, ңаниʼ марцеʼмана хае.
270 я-няю пяв янамбёковна.
271 сев павсюмсетыʼ.
272 я-няю таремʼ ядадмʼ.
273 таремʼ ядананиʼ сыдыʼ ңэсоʼмана хае ите.
274 салабяни няюн сюрхалювʼ.
275 няхарң каврадмʼ, ңаывомʼ каврадмʼ: "хавнта ненецямʼ илиптембявен."
276 таремʼ мараниʼ танаювʼ.
277 мара нимне юрʼ тибем беле самбяляңкаюʼ тибянʼ таевнарахывʼ.
278 ңобʼ наыдалёва хаывы, тета хапта меʼмы.
279 топтаʼмыдуʼ хабярта енцеʼ ямб.
280 ханда ңаниʼ латарка ңаывы.
281 есе нярабятамʼ ңаыдалёва мюʼ нярʼ мов, ёлце бюлав.
282 есе нярабята есерида тибе пясаваы ва.
283 ңулиʼ та ёлцʼ.
284 ихыняна мадмʼ: латарка ңаывы ханта ңаывы.
285 ңаыдалёва мюмне сярцелаптав, ненаы яринʼ таремʼ танаювʼ.
286 ненаы я-ниʼ танамахаданиʼ лахаця ниʼ та ңамтаювʼ.
287 ңэрёы ңаывыʼ нувуда ңаывыʼ.
288 амкэ яхананта туру сованонта, хора ңаывононта, сёда лерха.
289 ңаын ниʼ ңаниʼ юркаювʼ.
290 амкэ  биранʼ таремʼ ядадмʼ.
291 сэв пуибидмʼ, ңарка хоы нине няхарʼ мяʼ ңадиʼ.
292 таремʼ сыртаханин ти мядʼ каваʼ.
293 тыдуʼ тэвраʼ.
294 парамбясь хаптудуʼ ёркалңаʼ, парампа пуыдаыдуʼ.
295 сацең кахакавна ниңа.
296 таремʼ яданаханин ти нерденеʼ мюдʼ манцядаʼ.
297 мяды тиркаʼна ңобʼ мюда хаи.
298 сюрмбя ибʼ подерцетыда, манцяптастыда, подерта мара ңаниң камсетыʼ, сидең камыʼ, няромтаы ңаниң камыʼ.
299 лахарюң кунатʼ таремʼ тэвювʼ.
300 мань таремʼ мадмʼ: "неңацекы, лахарёмиң  канаʼ! епадамʼ пюдмʼ, тудамим пюдмʼ."
301 тада манцяптада, инталида хае.
302 таына хунанта тэвринакыда нердене мюд неры хаывы.
303 маниебʼнаниʼ няхарʼ мяңе ңэсодарахаʼ.
304 янамбёковна таремʼ ядадмʼ, ңаниʼ ңамтасетывʼ, ңаниʼ юркасетывʼ.
305 мятан тевювʼ.
306 явң кувхад пядамтуʼ пэпиʼ.
307 няхарʼ серʼ сев ңобкана ңамтёвыʼ.
308 янаң ңамтывʼ.
309 ңарка серʼ сев манама: "тюку няваʼ ңаниʼ хавнтараха."
310 мампатуʼ таремʼ маʼ: "сокар екаʼ!"
311 ханяңы ямнатуʼ хацеʼ тыревы, хархана ерын.
312 ңарка серʼ сев манама: "амкэ ненеце  ңаее, нянта ңадимта."
313 тада тунимиʼ сюрңада, порхал лесяваы тан сюрңада.
314 янамбёковна мятʼ тюдмʼ, севн серам  пумна таремʼ ядадмʼ.
315 синте няю сиʼми ңапта.
316 неры немиʼ ңаниʼ сэвда паридевы.
317 синяюмна ңаниʼ сев серʼ не есекохотата ңадяда яңку.
318 едамʼ ханеʼ пириʼ.
319 ними екав, сев серʼ ңарка ңу тяхаʼ текалңада.
320 ненаы есе ни яле салмраха.
321 тоымʼ та.
322 сянампоы мунмʼ ңамтакэдмʼ.
323 нема харбилыʼ, пуркабтатамиʼ та, ңаниʼ таң конаювʼ.
324 хава-даревʼ сивхувʼ ялеʼ таремʼ хонюведмʼ.
325 сив ңесоңкана лахнаковонта, сэв серуʼ ңарка таремʼ мамонода: "екар илен, екар хан. юркывы ңаепта хораптаивась, худа ңадимы."
326 сиде ңарвемиʼ янамбёковна ихыптедаын, севниʼ няңарңамʼ.
327 мокода сиринʼ севниң кэвы, няраво ңута-серʼ севниң кэвы, селвхасемтаʼ.
328 тахабе томиʼ ёналңав.
329 серʼ падавы паны ңаывы, ңанидуʼ лидяңка ңаывы, лидяңкам падарота паны ңаывы.
330 харʼн сермняниʼ ваңканаң  каядмʼ.
331 хуркариʼ серуниʼ малемахаданиʼ севниʼ медмʼ сидең кэвняʼ.
332 маниебʼнаниʼ пуидуʼ няраво, хансадодуʼ ялериʼ няравоʼ.
333 сев серуʼ ңарка метада тюрда ненаы падарота.
334 ты илебяда ңаниʼ: варда ни ңадюʼ.
335 амкэ сырмамиʼ малемахадан мятан дюдмʼ.
336 сев серуʼ ңарка не сев паридена яракохона итамиʼ хамта ңудиниʼ няʼ.
337 сямиʼ масабидмʼ.
338 варавдамиʼ та, ңаниʼ сямиʼ тэңадмʼ сомбёвна.
339 сев серуʼ ңарка пулынта хаеванʼ та ңамтаювʼ.
340 есе хыде ниʼ ңамци деда, няби хыдянʼ туду дедеби.
341 таремʼ ңамтыниʼ ңоворманць.
342 таремʼ ңорңаниʼ сомбёковна.
343 хурка ңорманиʼ малемахаданиʼ сев серуʼ ңарка хацеʼ харцёлаыʼ.
344 янодаку, мань вынесядмʼ юнарʼ, амкэ ян деран ңаехеябʼнант?
345 "енарʼ ян дерадмʼ нидмʼ ңаʼ. мань нюде ян дерадмʼ, лобёлкан дерадмʼ. няхарʼ вераʼ нюдемʼ намтавы ңаебят, нивыʼ ңаебят?"
346 сев паридена неде манце ханада: "сев серуʼ ңарка, тюку яхад юнда ни соʼ. нисемиʼ мана: хупта ян дер."
347 "салабя нине яв икана самбяляңкам по хуʼлюрңадамць.
348 тарсиʼ мадмʼ: хась нидмʼ карваʼ.
349 хариковхана сивм по иледмʼ.