0 ңавнанта тюняңы яхана ңарка хэбиде я таневы, ңарка наде таня.
1 тикы яхана сив таркота хэбиде хо таня.
2 тикы хомʼ илева ямбянʼ летамбидуʼ.
3 тад тикы янʼ хусаваы ненецʼ хаңоропыда.
4 ңобʼ тане хуна таремʼ хаңоропадахантуʼ тикы хэбиде хо вануда тимеʼ.
5 ванута тивомахад сибимтеы ванонта тимкава тикы хэбиде хо янʼ хупкада.
6 пылиʼ нерде тикы хом пахаңкад вее ңадиме.
7 тикы вее вее нивы ңаʼ, ту ңэвы.
8 тикы тум пуна хэбиде и ңадиме.
9 тад тикад сямян ямʼ малʼ сейраыда тикы хэбиде икане.
10 ян-тер ненецʼ се ңану серта, хусаваы яʼ сармыкахат ңобкаʼна ңобкаʼна се ңанотуʼ типтеʼ.
11 цикы тяхамна сямян ңарка тадебеʼ хэбиде я саляхаʼ нуледʼ; иде ёрма малеңкана сив тёресетыдʼ, тад терва пырувна ите хассеты.
12 тад хыби хыби ватормемта малʼ се ңанонтуʼ типтеыдуʼ.
13 тад танцаваы сыра хэхева иʼ хася.
14 тад нерняʼ тедаʼ ңатедуʼ тикы ңарка хэбиде идемʼ.
15 паду маʼ: "ңарка тадебе ңаниʼ ңадимта хэбиде иʼ. та малеңкана хусаваы ненецʼ неру сеңаномʼ сертае, вен таркане палңамта! тикы се ңанонанта нумʼ саво имте хаврапта тикана малʼ илеңкуʼ.
16 тедаʼ ңаниʼ тэванта ёлцеңэ хае тикы хэбиде идʼ.