0 хэбиде лахнаку.
1 я мыдахана амкэрта яңкувы.
2 хаерʼ яңкувы, пэбювы.
3 ңопоы сиде несхаʼ хасовахаʼ таневахеʼ.
4 тад нябихыʼ ненюдиʼ таневы, нябихыʼ ңаныʼ хасаво нюдиʼ таневы.
5 таремʼ понʼ илесетыʼ хэвʼ илесетыʼ ңобʼ тане хуна няби хасаво манама: "няве, тедаʼ таремʼ иле вево. тад нерняʼ ян-тер ненецемаʼ ханцер илеңкуʼ пэвдяхана? маныʼ тедаʼ нюныʼ ңэдаптаханыʼ, падар ненюр хаерңэ хэе, мань ңаныʼ хасаво ню ирыңэ ңэдаптаңкув. тедаʼ хэванти нерне саце саво панеʼна ембяце тараңахаʼ."
6 тад няби ма: "ненасяңоʼ таремʼ саво нывңаʼ. тад ңавна пэвдяхана ханцерʼ илеңкуваʼ?"
7 тад нехеюдиʼ ңаныʼ махаʼ: "ибʼ ңэдаптаваюнаʼ ңэись, тедаʼ ханцерʼ ңэдаптаңкуюнаʼ, та хуна янʼ ненаʼ пырце-нюʼ."
8 тад тикад падиʼ махаʼ: "нумʼ хынцелиʼ табедапцекэхеюда."
9 тад таремʼ лахнанантуʼ пыхыд ңобʼ хасаво мятан тю, ма: "яптаʼ, хамадаʼ, амкэмʼ вадедаʼ?"
10 тад падуʼ маʼ: "яңку, саце ңарка серкавмʼ нываʼ вадесʼ. манеʼ нюхуюнаʼ ңэдаптаванʼ харваваʼ, тад ңавна пэвде яхана иле ямаваʼ, тадаңоʼ тад нерняʼ ян-тер ненецʼ хынцерʼ илеңкуʼ пэвдяхана?"
11 тад хасаво ма: "хэы, тикы амкэ ңарка серʼ, мань ңэдаптаңкуюн мынхан."
12 тад тикы хасаво ма: "ңада, пынʼ тарпаяхамтʼ!"
13 тад пынʼ тарпараңаюдуʼ тикы ңацекэхеʼ.
14 тикы хасаво ңопоыʼ посхалңаюда, тикы ңацекэхеʼ леморңэ тийхаʼ.
15 тад хонаыдʼ.
16 хуняна юркмахадантуʼ тарце хаерада  ялеңэ хэывы ңаныʼ сямян ян табёрʼ малʼ ңадиʼ.
17 тад павсюменяна ңаныʼ иры ялеңэ хае, ңоб-таремʼ яле.
18 сяантʼ хунатʼ илебятуңоʼ падуʼ маʼ: "тедаʼ ти манеʼ нюхуюнаʼ несаңэ хаехаʼ, ирыюмʼ хасаваңэ хае, неюмʼ ңаныʼ неңэ хае."
19 тад таремʼ илевантуʼ серʼ маʼ: "тедаʼ манеʼ тадебядаваʼ пюлхаваʼ, нюхуюнаʼ хынцерʼ илевамʼ хороптаись!"
20 тад тадебемʼ пюла.
21 тикантуʼ тадебемʼ хоʼ.
22 тад тадебямтуʼ меладуʼ.
23 тадебядуʼ няхарʼ ңэдалава хэңкада.
24 тад ңавеʼ ёлцеңкаʼна ныкэптедада.
25 тад ма: "тедаʼ нюхуюдаʼ неню мале ховехеʼ."
26 тад падуʼ маидʼ, малʼ пэи ңобтʼ пэыдеʼ, маʼ: "тедаб манеʼ нюхуюнаʼ илева ям-панʼ ңобкана илеңкуʼ ныхымʼ."
27 тад тикы тадебе ма: "мань тедаʼ падараʼ нюхуютаʼ ненюмʼ неданыʼ меванць хэванʼ харвадмʼ."
28 тад паду маʼ: "таремʼ саво, мараʼ нюхуюнаʼ нюмʼ манетаʼ нывамʼ."
29 тад тикы тадебе пенцерцаваы ирынʼ пяда.
30 ирынʼ тэывыʼ.
31 ирынʼ ма: "мань тедаʼ падарыʼ ненюмтиʼ меванце тодмʼ, таына нысенадиʼ небенадиʼ хаңадуʼ падарыʼ ненюмтиʼ."
32 тад иры ма: "маниʼ ненюмыʼ таравы ңэбʼ сиданыʼ тёконʼ вынесеʼ ңэдаптаңкуʼ; нюмыʼ нымын татʼ. падар ңаныʼ мань нянан илева ямбян тёкона илиʼ! тад нерняʼ ян-тер ненецʼ тёкод сит маныееʼ, манцетаеʼ: иры ңаныʼ хаерадʼ ненюмʼ меванце хэывы хасава ирыхана ти тадада."
33 тад та илеледʼ.