0 лахнаку.
1 невхаʼна ңавхыʼ малеңкаʼна ян терхаʼна ңобʼ ңарка тадебе таневы.
2 тикы тадебемʼ ңобң куна тадепцеңко мемедуʼ.
3 ян тер ненецʼ тонодуʼ еркарахаʼ хамава нерне тикы тадебемʼ сив яле мемедуʼ.
4 сибимтеы яленанта ңаркы ну няюʼ пылиʼ тарада.
5 сив бёʼ ядерңа нумканта.
6 седан-тетюмтеы похонанта таси янʼ ңаныʼ хамыʼ.
7 янʼ хамахаданта хусаваы ненеця ңэва ныʼ хэʼ ту ңар тату моё.
8 тад ныда маʼ: "тюку няваʼ ханцерк кае?"
9 тад тикы ныда нытуʼ вадахаʼ тэры сырңаʼ, ңобʼ вадамʼ хамеда ямаʼ.
10 тикы ңарка тадебе тикы ныда малʼ пе лапцикуʼ пэйдеыда, тад тонодуʼ яхак куныдʼ, тад тонодуʼ еркарахаʼ хамыдʼ.
11 тад тикы ңарка тадебе тикы яхад ну няюʼ ңаныʼ тарада.
12 тикы ңэсоңкад тедаʼ нумкымпоыңэ хэмеда ти.
13 тюку ңэсёнтʼ мунота хэʼ няʼ тамна ядерцеты.
14 таремʼ хэʼ няʼ ядертаханта тасю яв маланʼ тусаваыʼ хамыʼ.
15 тедаʼ ян тер ненецʼ нянта хаңоронтаʼ, ңарка хэхеңэ меңадуʼ.