0 хабе весоку серката иле, хардахана иле.
1 неда яңку, небеда яңку.
2 ңопоы юнада танева, хане метада. юнанта махада сив тибе.
3 хабе весокор макоданта сынʼ сылыʼ.
4 нумʼ весоку мамононта: "хабе весокор хунцер ңаʼ ян терең ңаимбʼ ян тер ханеда малʼ хадада."
5 лахнанакы: "падар-мелʼ, ханʼ, ңа весокохонта ханʼ! ңа весокор хабе весокомта ңамамта!"
6 хабе весокор тюме-ваңканʼ индселе: ңа весоконта таевыʼ.
7 ңа весоку манама: "хаман?"
8 падар-мелʼ манама: "нумʼ весокор мась: ңа весокор ңамамта, хабе весокомта ңамамта!"
9 хабе весоку ңобʼ индселе.
10 ңа весоку то.
11 хабе весоку манама: "хаман?"
12 ңа весоку манама: "мань мядондсе тодмʼ."
13 хабе весокор саынта ед некалңа, пыреда, пыремахаданта ңамадуʼ.
14 саынта ед суса: ңа ха.
15 хабе весокор я ваңканʼ сюрңаде, ңа весокомта табя ңылʼ сюрңада.
16 хабе весокор ңаниʼ ханылыʼ.
17 хабе весокор макоданта синʼ сырңа.
18 нумʼ весоку манама: "невыда ңавʼ, хабе весоку тамна иле."
19 нумʼ весоку ңаниʼ мамонода: "ңа весоку хуныва харахавы, яңку, нив манесʼ. пюлараʼ, илипте тара!"
20 ңа весоку пюладуʼ, ходуʼ, таб ваңкад ходуʼ, мале хавы.
21 ңа весоку тюнʼ тарпарадуʼ, ңа весоку лыде яңкадовыʼ.
22 илена икане ваптаңадуʼ, ңа весоку ңамтё хамыʼ.
23 хоннаравевʼ.
24 хабе весокомт невер ңавʼ, сета хадавы-нюʼ.
25 тедавʼ ңамтаʼ нивавʼ.
26 ңа весокор хабе весокохонта яда, хабе весоконта мятан таевыʼ.
27 хабе весокор нябеңэ хае, нунянʼ тюнʼ хае.
28 сиден том ко. няби тона ңамтыʼ, тикана ңамтыʼ,пой ямбяна ңамтыʼ.
29 амкэ ёлцеңкана тийʼ, мяканта хамыʼ.
30 юнамта поерңада, хане хае.
31 сиден тёнем када. ңаеводаыʼ, мяканта таевыʼ, ңамтыʼ.
32 няби тёнемта тюковна пэптаде, икэнте тяхамна пэптаде.
33 няби тёнемта саваданта меда.
34 явмалңэ хае, хаехеңэ хае.
35 - та валакаде.
36 суса.