1 нюлэсмуртъёслэн жугыськемез вумуртъёсын.
2 одӥг нацяр удморт мынэм роботнике медьъяськыны.
3 сурес вылысен пумитам нюлэсмуртэз.
4 нюлэсмурт юам солэсь: "тон кытсы мыныськод?" "мынысько роботнике медьъяськыны".
5 нюлэсмурт вера: "лык монням роботнике!" "умой!" соку нюлэсмурт сётэ солы зӧк боды, вера: "мын та суресыки, куд пыр! отын тон шеттод пӧци корка но вить монэ отын!" удморт кылскем, шеттэм нюлэскысь пӧци корка, пырем корка но пуксем витьыны нюлэсмуртэз.
6 кеняке пукыса нюлэсмурт бертэ; вера удмортлы: "мыном ӵоӵ жугыськыны вумуртъёсын!" "умой!" пе.
7 мыно.
8 нюлэсмуртъёс кутскизы порылыны нюлэсэз, жугыны вумуртъёсты.
9 вумуртъёс кудӥз пегӟизы вуе, кудӥз тупала вызизы.
10 роботник мар бодыен жугиз вумуртъёсты, сойинӥк шукке вуе: ву шори карыське; соти луе вал пыдын вызыны.
11 куке нюлэсмуртъёс быттӥзы жугыса вумуртъёсты, кузёез роботниклы вера: "ну тау! тон ӟетьс улӥд монням. табере мын ни гуртад".
12 нюлэсмурт сётэм роботниклы кошкыны валъёссэ.
13 гуртаз вуем бераз роботниклы косэм беректыны валъёссэ йырынызы нюлэс пала, собере шултыны "валъёс ацьызэс бертозы" шуса.
14 удморт пуксыны гинэ вуем, валъёс ӵатӵа йылыки нуыллям сое гуртаз.
15 роботник уаськем робоысь, валъёсты йырынызы берыктэм нюлэс пала но шултэм: валъёс бертыллямзы гуртаз.
16 собере со удморт каньылъя кутскем узырмыны.