1 кызы кышнояськылэм удмортпи вумурт ныл вылэ.
2 одӥг егит пи вылэм но солы дырыз вуем пӧрась басьтыны.
3 утьцям утьцям ноэвӧл шеттэм.
4 мукет гуртэ ветлэм: отысь ноэвӧл шеттэм.
5 собре ветлэм вудурыки но шуем: "коть цёртлэсь но нылзэ адьӟысалке, басьтысал пӧрась солэсь!" соку вуысь потэм вумурт со адями доры но верам солы: "мынам нылъёсы уань куинь, юн цеберес; коть кудӥзке яра, сое басьты! мон тыныд сёто".
6 со пиез тупатскиз вумуртэн.
7 собре вуе соос пыризы ӵоӵ вумуртлэсь нылъёссэ адьӟыны.
8 нылъёсыз пе юн цебересь!
9 цеберзэ быръем пиёсмурт но собре гуртаз огняз кошкем.
10 айизлы верам: "мон пӧрась шеттӥ! я! табре мыном ни сюанэн пӧрась вайыны!"
11 мынӥллям соос сюанэн но вудуре вуиллям.
12 берог дурын вумурт пуке.
13 сюаннёс вераллям: "тынад вармайид шӧтэм вылэм юн! цеберэвӧл! йырсиез" пе "юн кузь но сьӧд. шӧтэм!"
14 собре вуе пыриллям вумурт бӧрсы пӧрась понна.
15 отын сюан кариллям юн ӟетсь: судэм сектам соосты вумурт; собре пӧрасьсэ пуктӥллям робое но гуртаз бертӥллям.
16 уло уло но пӧрась гуртаз мыныны медэ айизне.
17 со пӧрасьсэ ватага мыныны огняз уз лэзь но "мынодке, старикеныд ӵоӵ мын!" шуиллям.
18 со пӧрасез но старикез но ӵоӵ вумурт доры пыриллям но отысенэвӧл ни потӥллям.