1 малы луд кечлэн пель йылъёсыз сьӧдэсь но малы быжыз вакчи ?
2 ваӵкала дыръя одыг луд кеч улэм.
3 со луд кечлэн туж уно пичи нылыз пиез вылэм.
4 сё пиналъёсыныз луд кеч бадӟин сьӧд коркан улэм.
5 сион утчаны луд кеч кажной нунал тэле ветлэм.
6 гуртысьтыз потыкыз луд кеч таӟы ӵогаса кельтоз вылэм пиналъёсыз : "мон кошкем дыръя вутоӟам не но кинлы но ӧсэзэн но усьялэ,эн но куаретэ!" гуртаз сионэн бертыкыз пичи гынэ куареен вераса, нылызлы пиезлы ӧссэ усьтыны косоз вылэм : "усьтэ, усьтэ нылъёсы пиёсы ! мон вуи, тӥляд мумыды, мон тӥледлы ческыт сионъёс вайи: йӧл но, куар но, кенэм но".
7 таӟы шуем бераз пиналъёсыз сокы ик ӧссэз усьтозы вылэм.
8 одыг пол луд кечлэсь оӟы усьтыны косэмзэ кион кылзэм.
9 кайта нуналаз луд кеч сион утчаны кошкем бере кион лудкеч корка доре лыктыса, бадӟин куареен таӟы шуны куткем : "усьтэ, усьтэ нылъёсы пиёсы, мон вуи, тӥляд мумыды, мон тӥледлы ческыт сионъёс вайи!".
10 лудкеч пиналъёс "тынад куараед бадӟин, милям мумымылэн куараез пичи" - шуса ӧссэз усьтыллямтэ.
11 кион кошкем бере луд кеч ачиз бертэм.
12 солэсь пичи куаразэ кылса, лудкеч пиналъёс ӧссэз усьтыллям но таӟы шуса мумызылы вераллям : "тон кошкем бере ӧс доре оло кин ветлӥз, бадӟин куареен ӧсмез усьтыны косса ; ми солэсь ӧм кылзӥське".
13 "ӧй визьмо нылы пие, ӧй визьмо нылы пие!" - шуса ушъям луд кеч пиналъёсыз - "аслым сяна не но кинлыэн усьялэ, бон ява!".
14 гуртаз кӧлса, ӵукна луд кеч нош ик кошкем сион утчаны.
15 кошкемезлэсь азьло луд кеч пиналъёсызлы юн ӵогаса : "не но кинлы ноэн усьтэлэ ӧстэс мон вутоӟам; усьтӥды ке тӥледыз гондыр но, кион но сиоз" - шуем.
16 кион, луд кечлэсь та вераськемзэ ваньмыззэ ик кылзэм ; луд кеч усьтыны косыкы со ӧс сьӧрын ваткыса улэм.
17 луд кеч кошкем бере ик кион ӧс доре лыктыса, луд кечлэн пичи куарееныз таӟы шуны куткем: "усьтэ, усьтэ нылъёсы пиёсы, мон вуи, тӥляд мумыды, ческыт сионъёс вайи : йӧл но, вож куар но, кенэм но".
18 "та пичи куареен вераське; ачмелэн мумымы!" - шуса лудкеч пиналъёс ӧссэз усьтыллям.
19 кион пырем, пазяськем лудкеч пиёсыз сины куткем.
20 одыг лудкеч пи гынэ пегӟыны вуем полать вылысен сьӧд укноетӥ тэтчыса.
21 солэсь кион быжзэ гынэ ыӵкалтыны вуем; музонъёссэ чистозэс сием.
22 со пегӟем лудкеч пилэн - сьӧд пичи укноетӥ потӥкыз - пель йылъёсыз суаськыса сьӧдэсь луыллям.
23 со тырысь та бере луд кечлэн пель йылъёсыз сьӧдэсь но быжыз ычкалтэмын ; соин со вакчи быжо.