1 куинь ведынъёс.
2 одыг пол кабаке куинь ведынъёс ӵоӵаса, куспазы ӵемгешны куткыллям.
3 "тон" - шуо огзылы огзы - "не но мыр но карны уд быгаткы, мон тӧсьтыд (тонэсьтыд) йӧтӥз!".
4 "тӥ мае тодӥськоды? учке али мон шоры!" - шуем куиньметӥез но кыксэ ик кизэ гыр пумтӥз вандылэм.
5 э, та мар гынэ? мон аслэсьтым кылме вандо!" - шуоз огез но верамез сеен кылзэ вандоз.
6 "тӥляд мар гынэ та? мон аслэсьтым синме окто!" - шуоз берлосез синъёссэ октыса.
7 со бере та вандылэм суйёссэс, кылзэс, синъёссэс челованниклы сётозы.
8 "воӟ!" - шуозы - "ӧд ке быгаты воӟны ми вутоӟ, йырдэ быттом!"
9 челованник кельтоз но соёс кошкозы.
10 уйын, соёс кошкем бере челованниклэсь коӵышез ведын кельтэмъёсыз чисто сием.
11 э, мар каром на инӥ? мынам йыры быроз уг та бере!" - шуса челованник туж куректоз.
12 со вийын (виын) челованник доре пересь адями пырса, "малы" - шуоз - "тон оӟы туж куректӥськод?"
13 "кыӟы" - шуоз челованник - "мон ум куректы, одыг нунал сяна мынам улонэ ӧвӧл нӥ!".
14 эн сюлмаськы!" - шуоз пересь мурт челованниклэсь куректон пумзэ тодса - "отын, отын шуккыса вием луӵкаськысь ворлэн шӧйыз вань, солэсь суйёссэ вандылыса вай; тынад чумад парсь кыл вань, сое но басьтыса вай!; син" - шуоз - "та коӵыштэ вандыса басьты!"
15 таӟы валэктэм бераз пересь мурт пырс потса, кошкоз.
16 челованник пересь муртлэн кылъяз чисто тупатэм.
17 кайта нуналаз ведынъёс но вуозы.
18 челованниклэсь басьтэм суен, кылэн, синэн азьло сеен ик ачсэдыз бурмытӥзы.
19 бурмытэм беразы соёс нош кошкизы.
20 кӧня ке толэӟ ортчыса, нош ӵоӵаськозы кабаке но огзылэсь огзы юалозы: "кӧче" - шуозы - "тынад уӟед?"
21 суйёсыз (суйзы ?) вандылэмез шуоз: "мынам суйёс азьло кадь ӧвӧл нӥ, ялан луӵкаськыны кыско".
22 парсь кылоез шуоз: "коть кыӟы ческыт тырос сиса но парсь суралтэмез ситэк уг чидаськы нӥ".
23 коӵыш синмоез шуоз: "туж абдырасько; уйын коть кыӟы туж изьыкым но пельмытысь шырез шӧдӥсько но, адӟисько но".
24 ведынъёс тырос тодо, но коть ме уг тодо.