1 адямилэн сьӧлыкез.
2 малы адямилы вань ултоӟаз курадӟыны но пумаз кулны кулэ - пересьёс таӟы дышето.
3 кылдытэм бере инмар адямилы таӟы верам: "вот, мон тонэ бусы шоры пукто но коть кӧче сьӧсез кабез, тылоез бурдоез тӧсьтыд вирдэ поттыны лэӟо.
4 соёслы тон не но мыр но карны астэ ӧд ке сёт: тон туж но туж ӟеч улод, не но ку но уд кулылы, сионъюон но, дӥськут но тӧныд утчаны кулэ уз лу.
5 соёс тӧсьтыд вирдэ поттыны быгатӥзы ке: тон кӧня ке улса кулод, вань ултоӟад ялан туж кур адӟыса улод, вир усьтоӟ пӧсяса уӝатэк аслыд сионъюон но, дӥськут но уд шетты, весь улэмед вылэмед та пӧнна луоз".
6 сокы адямилэн сылэмез но уг лу на вылэм; мар ке дунне вылын вылэм кӧшкемыт, зурод быдӟеесь сьӧсь кабъёс вузэменызы муземез сырмыца, чисто со доре лыкто.
7 мар ке дунне вылын вылэм тӧл вуко бурд кадь бурдо тыло бурдоёс чисто со вылэ шырто.
8 адями не но кыӟы но соёслы уг сёткы.
9 бер вылаз ӟольгыри но дораз лыктэ.
10 эй!" - шуе черекъяса адями - "инмар кадьёсыз ӧз быгатэ но тэй кадез быгатоз а? лык али, тонэ мон уг улляськы!" адями кылзэ но быттымтэ, ӟольгыри "ӟилльырык" - гынэ шуса адямилэсь небыт йыр пыдзэ кукчалтыса вир поттӥз.
11 ӟольгырилы таӟы сёткем бере адями инмар верамез сеен кулылэ но, вань ултоӟаз ялан гынэ сионлы юонлы, дӥсьлы кутлы уӝаса улэ.