1 ɐː. s.: pɑtɐp iːki ɬiːməŋɐ mənəm jɐːsəŋ.
2 p. β.: qoti jəɬət, tʲeːnə jəɣmiɬ ɬɐːtnə.
3 təɣə jʉβmiɬ ɬɐːtnə, ənəɬ pɑɣiɬ ɐːjəli βoɬ.
4 onʧəɣɬɐɬ nɐːjnə ɬiːβɐt, onʧəɣɬɐɬ əjnɐm tərmət, tʲuːmint sɒːrəm juːkkə jəɣət.
5 tʲuːtəti βɛrtɐ tʲi nɛripət.
6 (βɑɬtə) qɒːtət, βeːɬi qɒːtət - mətɐɬit, əjnɐm βɛrəntətɐɣə, əjnɐm sɒːrəm juːɣəti.
7 tʲuːt pɯːrnə βeːɬiɬɐɬ kʉʧ tɑjtɐɣə jəɣət, βeːɬit əjnɐm noq sɒːrtɐ jəɣət: ɒːŋət əntem, puːn əntem.
8 βɒːʧɣə jəɣ, jəɣ.
9 qoβə βoɬət mʉβə βɐːn βoɬət.
10 əj ɬɐːtnə teːm nʲuːr jɒːɣəmɐ tʲi jʉβət.
11 nʲuːr jɒːɣəmɐ joβətmiɬ pɯːrnə, βeːɬiɬɐɬ noq tʲi ɛrɣɐɣɬət.
12 βeːɬi qɒːt βɛrət, ʉrəɣ βeːɬi qɒːt βɛrət.
13 (ʉrəɣ) βeːɬi qɒːt uːri jɑβənɐ tuːβiɬ.
14 tot βoɬət, mɛrə βoɬət.
15 ɐː. s.: mʉβə mɛrit βoɬət?
16 p. β.: mʉβə mɛrit βoɬət?
17 qojɐɣinə βuːɬi, (mɐː) əntə βuːɬem, mɐː tot əntə βoɬəm.
18 qɒːtət, mətɬit βɛrət.
19 mɒːɬqɑtəɬ tʲi βuːjɬən, ənəɬ qɒːtluːmi, qɒːtβɑɬə.
20 mɐː joβətmɐm uːnəɬtɐ βeːɬi qɒːt βoɬ, tʲit pɯːrnə nɐːjnə ɬiːβɐt.
21 βeːɬiɬɐɬ noq tʲi ɛnmiɬət, moːqɬɐɬ ənəɬ kɛɬəŋkə jəɣiɬət.
22 βeːɬit ɐːrɣə jəɣiɬət.
23 mɐː ɐːr jɐːsəŋ əntə tɑjɬəm.
24 ɐː. s.: pɑtɐp iːki mʉβɐt təɣnɐm jʉβ?
25 p. β.: qɑɬi jɯːɣinə sɒːrt iːkinɐt βɑɬtə qol βuːɬəɣ jəɣmin, təɣə jʉβ.
26 təɣə joβitmiɬɐ, tət qoːttɐ βoɬət.
27 tət βoɬət, pɑtɐp ontəp tət βoɬ.
28 nʉŋ tʲi jɑβən neː βuːjiɬe?
29 ɐː. s.: βuːjiɬem.
30 p. β.: piːlkɐ, ɬʉβ tʲi iːki sɛmɬəɣ, pəɬɬəɣ jəɣ.
31 piːlkɐ qoːɬəm jeːŋ ɒːɬɣə jəɣmɐɬ ɬɐːtnə sɛmɬəɣ jəɣ, pəɬɬəɣ jəɣ.
32 jeːjiɬnə tʲi ɛnəmti, ɑɬə jɐːstətɐɣə ɛnəmti.
33 βiːʧə pə quːtʲŋiɬnə tojtəɣ.
34 iːmiɬ ɑntɐ rɒːpitɬəɣ, ɬiːn əjnɐm βeːɬeŋkə βoɬɣən.
35 qɑɬi jɯːɣinə ɬiːn βoɬɣən, tʲuːtɐt iːmi təɣnɐm noripəɣ, iːkijɐ jɑŋqiɬəɣ.
36 tʲeːnə tʲi βoɬɣən.
37 qoβə mɛrə məttə βoɬɣən, mɒːqi mɐː teːm otɐm jɐːstəɣ.
38 tʲɑqɐ qoβə mɛrə, qoːs ɒːɬ kiːm tompijɐ βoɬɣən.
39 ɬʉβə (əjqɐ βoɬmin) qoːs ɒːɬɣə jəɣiɬəɣ, nʲiːʧi əntə jəɣiɬəɣ. tʲuː ɐːŋki, mənəm pətənə, tʲuː jɑβən neː, mɒːɬqɑtəɬ qɒːtluːmi βuːjtən, tʲi qɒːtnə (βoɬ).
40 tʲi iːki teːm məɣɐ jʉβmɐɬ, qɯːtʲəm pɯːrɐt βɑɬtiɬnə, meːmiɣə jəɣ.
41 tʲi βoɬət, βoɬət, tʲit pɯːrnə qoɬnə βoɬət, ɬəɣ βuːɬiɬ.
42 mɐː tʲɑqɐ ɐːr jɐːsəŋ əntə tɑjɬəm.
43 oːs teːm əseɣ otin (mətɐ tɒːɣitnə βoɬ)?
44 əseɣ otuβ ɑntɐ βiːʧə tət qoːttɐ βoɬ.
45 toɬ sɒːɣit tʲuː βeːɬiɬɐɬ ɑɬə tot (qɑjmət).
46 tət βəɬe ɬɒːr.
47 nʉŋ tʲi piːŋnɐm jɑŋqiɬəmɐnnə βuːjiɬe, qoβ ɬɒːrliŋki.
48 tɑβin quːɬ kənʧmin-otmin jɑŋqiɬət, tɑβin (tot) βoɬət.
49 ɬoŋin oːs ɐːsɐ mənɬət.
50 ɐːsnə βɑɬɬət, quːɬ kənʧmin.
51 toɬ sɒːɣit ɬiːməŋɐ, kɛkkəŋ uːrijɐ jʉɬət.
52 kɛkkəŋ uːrinə məŋ βiːʧə tot qoːttɐ qɛrɣiɬuβ, mɐː βɑɬmɐm βɯːʧnə tʲit.
53 nəŋ joβətmin ɬɐːtnə, mɒːɬqɑtəɬ teːm ɐːɣənɬɐ toβnɐm, tʲi jɒːɣəmnɐm βərɐɣtəɬɐt. tot βəɬe ɐːj jɒːɣəm puːl.
54 nʉŋ tʲi qɒːtɐ joβtiɬən.
55 ɐː. s.: əntɐ, tʲiːmint mətɐ βɛr əntə nomɬəm.
56 p. β.: joβtiɬən, βeːɬinɐt ɐːŋkennɐt.
57 miːn βiːʧə tət βoɬmən.
58 tʲə mətɐ tɒːɣit mɑɣəɬti tʲi βoɬmən, βoɬmən.
59 ɬoŋ qɒːtɬəmən, tʲi ɬoŋ qɒːtɣən jeːŋ ɒːɬ, jeːŋ ʉrəkkə əj ɒːɬ mʉβə jeːŋ ʉrəkkə kɐːt ɒːɬɣə (jəɣət).
60 toɬ sɒːɣit teːm məɣɐ joβətmən.
61 tət βɑɬtɐmən jeːŋ ʉrəkkə mʉβ.
62 tʲuː βɑɬtɐmən jeːŋ ʉrəkkə ɬɐːpət ɒːɬɣə jəɣ.
63 tət tʲeːnə qoːttɐ βɑɬɣiɬuβ.
64 ɐː. s.: tʲi jɒːɣəm puːlnə qɒːt.
65 p. β.: (tʲit məŋ) quːtuβ, ɑntɐ jɯːs βeːɬi qɒːt. mɒːqi tət nɐːmən βɑɬmɐβ (jɯːsi).
66 kiːsɬuβ teːm lɒːtɐ.
67 məŋ tət qoβ mɛrə βoɬɬuβ.
68 əseɣ otuβnə piːrtojmən, tʲeːnə jətɐɬ iːɬpinə, ʧtobi teːm məɣɐ jʉtɐɣə.
69 miːn βeːɬiɬəmən toβə qoːttɐ ʧəkət.
70 pəɬɬəkkən tət βoɬɣən.
71 pəɬɬəkkən jiːrɐ mənəm pɯːrnə, məŋ təɣ jʉβuβ.
72 iːt βɑɬtɐmən jeːŋ ʉrəkkə ɬɐːpət ɒːɬɣə jəɣ.
73 tʲeːnɐm qoːttɐ tʲi βɑɬɬuβ.
74 təɣəŋə qoːɬɐt tʲi jəɣi.
75 oːs əseɣ otin iːki tʲi kɛkkəŋ uːri jɑβən quːtʲəŋnə mʉβ ɐːrit qɒːt-ɬuːŋq βɛrəŋtəɣəɬ?
76 p. β.: tʲi tɒːɣijɐ, tʲi ənəɬ qɒːtliŋki (βɛrəŋtəɣ). iːt tʲi qɒːtβɑɬənə onʧɣət oβərɣə jəɣət.
77 tʲit tʲuː əj kʉtɐ βɛrəm quːtiɬ.
78 pɑtɐp iːki jəɣəɬnɐt əjqɐ βɛrəntəm quːtiɬ.
79 jəɣəɬnɐt, jəɣ pɑɣəɬnɐt əjqɐ βɛrəm.
80 ɐː. s.: ɒːɬqɐs tʲuːmint qɒːtət, təɣnɐm jʉtənə quːntə, qontɣi pɛləknə.
81 p. β.: tʲi qɒːtət, iːt βəɬe ɑɬə juːɣ pəriɬɐɬ qɯːtʲət.
82 ɐː. s.: oːs teːm kɐːt qɒːtloːqi tɑjtə qɒːt?
83 p. β.: mɐː βəs tʲi qɒːt iːɬti jɐːstəɬəm.
84 tʲi qɒːt, ruːtʲətnə, ruːtʲ qɒːtɣə tɑjɬi.
85 p. β.: tʲit tʲorɐs jɒːɣ βɛrəm.
86 tʲorɐs iːki rɒːpitɬətə quːj jɒːɣ βɛrəm qɒːt.
87 ɐː. s.: qoβə mɛrə tʲi qɒːtnə βoɬət?
88 p. β.: ʧəkə mətɐ qoβə mɛrə əntə βoɬət pɐːnə toβə qɯːjiɬ.
89 mʉβə uːrnɐm tʲi jeːjiɬɐɬ - jɒːɣɬɐɬnɐt əjnɐm tot βoɬət.
90 ɐːŋkiɬɐɬ - otɬɐɬnɐt əj kʉtɐ βɛrəm quːtiɬ.
91 ɐː. s.: oːs teːm ruːtʲət mɐːntemɐ əntə ɛβəɬɬət, ʉrəkkə-mɑβəɬɣə peːβərtɬɐɬ - uːʧɬɐɬ ɑɬə tʲeːt kəɬɬət.
92 p. β.: oːs tʲuː βɛrtɐ, βɛrəm.
93 tʲit rɒːpitɬətə qoː βɛrəm qɒːt, kʉtɐ βɛrəm quːtiɬ.
94 ɐː. s.: qɒːt oːβtiɬ qoβə mɛrə jəmɣə βoɬ?
95 p. β.: mɐː təɣ joβətmɐm ɬɐːtnə əntɐ, iːɬə kɛsi ɑɬə nomɬi, tʲuː ɬɐːtnə peːβərt, pɐːrt əntem βoɬ.
96 tʲoβɐləŋ qɒːt βoɬ.
97 ɐː. s.: oːs teːm pɛləknə ətʲə qɒːtluːmi ɬeːjɬəm.
98 p. β.: tʲit tət βɑɬəm iːki (tɐːjbin jɐːkoβ), pəɬɬəɣ iːki βɑɬəm qɒːt, ɬiːn quːtin.
99 tʲeːɬ sɒːɣit pə məɣiɬɐ mən.
100 tʲuː mənmɐɬ tɑβnə meːmiɣə jəɣ.
101 tʲit ɬiːn βɑɬəm quːtin.
102 ɐː. s.: əj tɒːɣinə, tɐːjbin jɐːkəp tət qoːttɐ βoɬ.
103 p. β.: βəstʲu, mɐː tʲuː qɒːt iːɬti jɐːstəɬəm, ɬʉβ tot βoɬ.
104 ɐː. s.: oːs teːm ɬoŋ qɒːt, sʉɣəs qɒːt quːtʲəŋnə?
105 p. β.: tʲit məŋ βɑɬəm quːtuβ, tʲə jɒːqqənɐt βɑɬəm qɒːtɬuβ.
106 jeːŋ ɒːɬ ʉrəkkə tot βoɬuβ.
107 tʲit əjqɐ βoɬuβ tʲi qɒːtnə, tət βɐːnnə.
108 tʲit ɐːjpəli mʉkkim ɒːɬɣə jəɣ?
109 tʲi ɒːtʲət, qɒːtət, mətɬit βɛrmɐβ ɬɐːtnə ɐːjpəli (ɛβi nɛm) βərtə pʉksəlɣə βoɬ, tʲuː ɬɐːtnə miːn tʲeːɣ kiːsəɬmən.
110 kiːsəɬmən mʉβə, ɐːsnə kɛrɣiɬəmɐmən pɯːrnə, tʲeːɣə jʉβmən, tʲeːt jeːŋ ɒːɬ ʉrəkkə βoɬmən.
111 tot βoɬmən, βoɬmən, oːs iːt teːm məɣɐ tʲi jʉβi.
112 ɐː. s.: oːs kɛkkəŋ uːrinə qɒːt tojtəɣ.
113 p. β.: kɛkkəŋ uːrinə jɯːs nopət uːnəɬtɐ βiːʧə βɑɬəm quːtiɬ.
114 jəɬəp qɒːt, mɐː joβətmɐm ɬɐːtnə, βɛrənti.
115 ɑɬə say, teːm jɒːɣ tʲeːtʲikiɬ βɑɬtə uːnəɬtɐ, βɑɬtə məɣiɬ.
116 βiːʧə βɑɬtə məɣiɬ, βiːʧə tət βoɬət.
117 miːnnə toβə qɯːjmɐɬ pɯːrnə, ruːtʲətnə oːs tʲi noq rɐːŋiji, qɒːtət βɛrəntəɣɬət.
118 ɐː. s.: ruːtʲ qɒːt tot ɒːməsɬ.
119 ruːtʲət tot quːɬ kənʧmin jɑŋqiɬəɬət?
120 p. β.: əntɐ.
121 mʉβə ɐːŋkenos, tʲit mʉβəɬit βoɬət?
122 tʲuː sɐːlɐβɐti (jɒːɣ) juːɣ ɬortmin βoɬət.
123 ɒːɬəŋ ɬɐːtnə teːm məɣɐ jʉβət, kɛβ leːk (βɛrtɐ jəɣəm ɬɐːtnə).
124 tʲit əɕːo məŋ kɐːsəɬmɐβ ɒːɬnə, təɣ joβtət.
125 ɐː. s.: oːs teːm qoβ rɛpət, uːʧətnə, tʲi mətɐ məɣətnə qɒːt əntə tojtəɣ?
126 p. β.: məŋ əntɐ, tʲi βɯːʧnə əntə βoɬuβ.
127 ɐː. s.: oːs teːm ɬiːməŋ nuːm pɛləknə (qɒːt tojtəɣ)?
128 p. β.: nuːm pɛləknə əntɐ.
129 quːɬ kənʧmin məŋ jɑŋqiɬuβ.
130 jɑŋqiɬuβ, tot βɑɬəm nopətnə, sɒːjpɐɬəmin uːʧmin.
131 ɐː. s.: oːs teːm jiːməŋ mətɐ tɒːɣitnə, pɑrne rɛpət uːʧət quːtʲəŋnə (jɑŋqiɬtəɣ)?
132 jiːm βɒːʧɐ jɑŋqiɬtəɣ?
133 p. β.: ɑɬə jɑŋqiɬtɐ, məŋ βiːʧə jɑŋqiɬuβ.
134 toβə joβəttə ɬɐːtnə pɒːreksəɬi, uːʧɬi, mətɐ tɒːɣi qoːɬəmtətə ɬɐːtnə.
135 mɒːqi βɑɬəm ɬɐːtnə, mʉβə toŋpɐjɬəɣ ot qoːɬəmtəɬi?!
136 tʲit miːn kɒːrnijnɐm βiːʧə noripəɣəɬmən mɒːqi, bensin uːʧ pətɐn, tət βɑɬmɐmən ɬɐːtnə.
137 ɐː. s.: nʉŋ kɒːrnij moʧə oːβtət nomɬəɬɐ, əntə.
138 p. β.: tʲɑqɐ əntə, mɐː oːβtətnə quːntə tɐːɬəksəɣɬəm.
139 ɐː. s.: mɐː tʲit ɐːjnə βɑɬmɐm ɬɐːtnə, tot tɐːɬəksəɣɬəm, ɑnʲɬəŋ mʉβ tɒːɣi mɐː nomɬəm.
140 jəɣəmnɐt ɬiːməŋ ʃkolɐɣɐ jɑŋqiɬəm ɬɐːtnə.
141 nomtɐɣə, əj mətɐ tɒːɣi pə əntə nomɬəm.
142 əj tɒːɣinə, ɑjɬəɣ otɐm jɐːstəɣəɬ, tʲi qɑmətɣi rɛpnə ɬiːstɐn kɛβət βɑɬɬət.
143 p. β.: tʲɑqɐ, mɐː tʲuːmint mətɐ tɒːɣi əntə βuːɬəm.
144 ɐː. s.: tot ɬiːstɐn kɛβ kənʧɬi quːntə, tɒː tʲuː ojəɣtəɬi.
145 miːn mənmɐmən ɬɐːtnə, ɑjɬəɣ otɐmnɐt ɬiːstɐn kɛβ ojɐɣtəmən, ɑntɐ mətɐpi rɛpnə, mɐː ɐːjəli βoɬəm pɐːnə məɣ pə əntə ɐːrjɐɬəm.
146 ɐː. s.: oːs βiːʧə sɒːjpɐɬtə ruːtʲət βəs qɑntɣət, səjiɬ mʉβ tɒːɣinə?
147 p. β.: qoβ rɛpnə ɬəɣ sɒːjpɐɬəɣɬət.
148 ɐː. s.: mɐː nomtɐmnə, tʲi miːkipirət, uːʧət əjnɐm qɑntəɣ jɒːɣ tot sɒːjpɐɬəmin βoɬət.
149 tot βoɬət mʉβə pɐː tɒːɣinə, mɐː əntə βuːɬem.
150 p. β.: uːri məɣ ɯːɬ pɛləknə (βoɬət).
151 βiːrsi jɑβən oːŋnə uːʧ βɑɬiɬət, tot sɒːjpɐɬəmin jɑŋqiɬət.
152 tʲi tɒːɣinə mɒːqi qɑntəq qoː jəmɐt ɐːr βoɬ.
153 pɐː tɒːɣinə jɑrɣɐn jɒːɣ, mətɬit, əjnɐm ɬiːməŋ qoβit sɒːjpɐɬəmin jɑŋqiɬət.
154 iːt jɐːstətə, muːnt jɐːstətə, sɐːrɐjəŋ βɐːntəŋ nuːmpinɐm sɒːjpɐɬəmin jɑŋqiɬət.
155 ɐː. s.: tʲi səjət əjnɐm sɒːjəp qɑrə tɑjɬət?
156 p. β.: əj mətɐ tɒːɣit, əjnɐm sɒːjəp qɑrə tɑjɬət.
157 tʲit məŋ tʲi tɒːɣitnə ɐːrpɐ βɐːntmin jɑŋqiɬuβ.
158 oːs ɑβ jotɐ noq nʲɯːnʲtʲəmtəɬi.
159 ɐː. s.: tʲeːnə tʲi βoɬi tʲuː ɬɐːtnə.
160 məttə (teːm mətɐ tɒːɣitnə), ənəɬ kiːrip pɛləkkə ɒːrijəɣ.
161 tʲi jɐːsəŋ əntə βuːɬe?
162 p. β.: mɐː tʲi jɐːsəŋ əntə βuːɬem.
163 əntə βuːɬem, ɑɬə əseɣ otətnə ɛrəɣɬəɣɬi, tʲuː kiːrip mʉβɐt ɑntɐ tʲeːɣə kɛmpləmti.
164 ɐː. s.: ɑɬə mətɐ ɬuːŋqnə-kɐːɬətnə kɛmpləmti.
165 p. β.: ɬəɣ pə tʲɑqɐ tʲi βuːɬiɬ.
166 ɬuːŋqətnə tʲi, ɑɬə jəmnɐm qojɐɣinə.
167 fodor gennɐdjeβiʧ: ɑɬə jɐːstətɐɣə, mɒːnʲtʲ.
168 ɐː. s.: mɒːnʲtʲ tʲi.
169 p. β.: ɬʉβ tʲɑqɐ mɐː qoːɬʲ βuːɬem, tʲi jɯːs jɒːɣ mɐː əntə βuːjiɬɐm.
170 ɐː. s.: sɑstəŋ rɛp iːɬti jɐːsəŋ.
171 p. β.: βəs tʲuː, ɐːr mətɐ nopət qoβin tʲeːnə kɛmpləmti, ɑɬə nomɬi.
172 mɐː tʲit tompi jɐːsəŋ qoɬnə jɐːstəɬəm.
173 ɬʲɐːɬʲəksətə sɒːɣit, toβənə qoɬɐt kɛmpləmti.
174 ɐː. s.: ɬuːŋqət, kɐːɬtət nʲuːɬɐ piːtət.
175 p. β.: ɬʉβ βəs ɑɬə nomɬi, nʲuːɬɐ piːtət.
176 ɐː. s.: tot, (tʲi tɒːɣinə) nʉŋ βɑɬiɬən, əntɐ?
177 p. β.: mɐː əntɐ, ɑɬə βɐːnsipnə ɑntɐ jɑŋqiɬuβ.
178 uːt pɛləki pə jɑŋqiɬuβ.
179 uːt pɛləknə tʲuːmint sɒːjəm tɑjɐɬ.
180 (tʲi rɛp) ɑɬə mətɐ kiːripliŋki qɑmətɣi ɑɬɐɬ.
181 oβər rɛpliŋki, pɐː rɛpət kiːnʲtʲɐ jəmɐt oβər, ɑɬə mətɐ kiːrip.
182 məttə ɬuːŋqətnə toβənə kɛmpləmti.
183 ɐː. s.: nʉŋ sɐːr uːnəɬ toji mɯːnʲtʲe, mʉβə tɒːɣinə sɛmɐ piːtən.
184 βɑɬəm βɛrɐ mɯːnʲtʲe.
185 p. β.: sɒːrtəmnə sɛmɐ piːtəm, jɑβən ɬɒːr qɒːnəŋnə βoɬuβ.
186 mɐː mətɐ ɬoβitɣə jəɣmɐm ɬɐːtnə, qoːɬəm mʉβə nʲəɬə ɒːɬɣə jəɣəm, məŋ βɐːtʲ jɑβənɐ jʉβuβ.
187 βɐːtʲ jɑβənnə βoɬuβ, βoɬuβ, toɬ sɒːɣit lɒːpkɐɣɐ ɐːj rɯːtnɐt məni piːŋ βɒːʧ βɛrtɐ.
188 peːβərt qɒːtət βɛrɐt, ʃkolɐɣɐ tot, piːŋnə pə tʲi βəjojəm.
189 ʃkolɐɣi oːs teːm məɣɐ tuːβojəm, tət qoːttɐ tʲi βɑɬɣijuβ.
190 ɐːsnə, pɐː tɒːɣitnə əjnɐm tʲi kɛrɣiɬəɣɬuβ.
191 ɬoŋin ɐːsnə, tʉɬɣin oːs tət quːɬ kənʧmin, βoɬuβ.
192 ɐː. s.: oːs quːɬɬən nəŋ qoɬnə niːk tuːβiɬəɬən?
193 p. β.: uːtnə tʲeːnə βɛɬɬi (quːɬ), əj jɒːɣɬɐɬ βeːɬi tojət.
194 niːm pɛləknə kɐːt ɬɒːrɣən, sɐːmolot pɐː ɬɐːtnə joβtiɬəɣ.
195 quːɬət toβə ɐːɬɬɐt, toɬ sɒːɣit tuːɬɐt.
196 pɐː ɬɐːtnə oːs βeːrtolot joβətɬ teːm pɛlək ɬɒːrɐ.
197 iːt nəŋ tuːrpɐ qɒːnəŋnə jɑŋqiɬtəɣ, tʲeːɬ sɒːɣit βeːrtolotnɐt (quːɬət) tuːβɐt.
198 jəmɐt ɐːtəmɣə βoɬuβ, βeːɬi əntə tojuβ.
199 ɐː. s.: oːs qoɬnə βeːɬeŋkə jəɣtəɣ?
200 p. β.: βeːɬi?
201 teːm ɐːjpi neː nopətnə, βeːɬi βɛjət tɑjtɐ tʲi jəɣuβ.
202 ɒːɬəŋ ɬɐːtnə quːt βeːɬi tojuβ, teːm tɒːɣinə.
203 teːm ɒːtʲ βɛrmɐmən ɬɐːtnə, qɒːtpəri pə iːt tʲeːtti, ɬoŋ qɒːt, jeːŋ ʉrəkkə əj ɒːɬ tʲeːt βoɬuβ.
204 toɬ sɒːɣit, nuːm pɛləkɐ toβə tʲi mənuβ.
205 iːt tʲi βɑɬtə tɒːɣi, βɐːsɐ nopətɣə jəɣ, βeːɬi βɛjəŋkə tʲi jəɣuβ, βɑɬɣitɐ tuːɬɣətɣə jəɣ.
206 rɑɣəm qoː mɐː tʲuː ɬɐːtnə ɐːr tojəm, iːt əjnɐm əntemət, mɐː ɐːtiɬ uːɣəm qɯːtʲ.
207 oːs jɐːsəŋ pə əntə tɑjɬəm.
208 ɐː. s.: oːs nʉŋ quːtʲŋənnə βɑɬəm ot, kɑlhosnə rɒːpitɬəɣ, mʉβə qoti jəɣiɬəɣ?
209 p. β.: ɒːɬəŋnə ɑntɐ kɑlhosnə rɒːpitɬəɣ.
210 toɬ sɒːɣit qoɬnə jɐːstəɬi, mʉβ pəkət, mʉβ tɒːɣijɐ, oːs rɯːbuʧɐstkɐɣɐ piːt.
211 tot ɑntɐ βiːʧi rɒːpitɬəɣ, ɐːsnə βiːʧi rɒːpitɬəɣ.
212 ɐː. s.: oːs tʲuː ɐːsnɐm əjnɐm jɑŋqiɬətəɣ?
213 p. β.: əjnɐm, məŋ tʲuː ɬɐːtnə βeːɬi əntə joβətɬuβ pɒːttɐ jətə ɬɐːtnə, seːntʲɐbernə, βɑtəɬnə βoɬuβ.
214 ɐː. s.: oːs pɐːlɐtkɐɣət, pɐː oːtətɐt məjɣiɬotəɣ mʉβ əntə?
215 p. β.: tʲi nopətnə əntɐ, məŋ tontəɣ iːβəɬ (βɛriɬuβ), nʉŋ βəɬe βuːɬe tʲi βɛr.
216 ɐː. s.: keːβərtəm tontəɣ iːβəɬ βɑtəɬ βɛrəntəɣəɬtəɣ.
217 p. β.: βɑtəɬ tontəɣi.
218 tʲiːmint qoːɬəmti quːntə, qɒːt tɑjɬi, jəm qɒːtnə ɒːməsɬi.
219 tʲuːmint əntə qoːɬəmti quːntə, əntɐ.
220 məŋ ɬɒːr βɒːʧnə (βɑɬəm) otuβ (kɐːntʲeroβɐ luːboβ gennɐdjeβnɐ, doʧ p. β.), təɣə jiːɬ məɣi ətʲə ruːtʲət joβtət, məŋ tʲuː ɬɐːtnə ɐːj ɐːs tompinə, ɬiːməŋ oːŋ tompinə tot βɑɬtənə mɐː tʲuːtem sɛmɐ piːt.
221 ruːtʲət tʲi joβtət, βəs tʲuː tʲi ɬɐːtət uːnəɬtɐ noq piːtət, jəŋk pɑʧɬəɣ soɣ tʲuː ɬɐːtnə noq tʲi ɛt.
222 tʲuː ruːtʲ iːkit tʲuːmintnɐt.
223 məŋ tʲuː ɬɐːtnə tontəɣ qɒːtnɐt βoɬuβ, tʲuːt pɯːrnə tʲuːmint jəŋk pɑʧɬəɣ soɣət, mətɬit əjnɐm noq tʲi ɛtət.
224 qoːɬəmtətə qoː, jəŋk pɑʧɬəɣ soɣ tʲi βəɬ, jəm qɒːtɐ tʲi piːtɬi.
225 nʲuːki qɒːt βɑrtɐ ɬɑŋkɬi quːntə, nʲuːkit nʲuːɬɐ jɒːntɬɐt, nʲuːki qɒːt tʲi ɒːmətɬi.
226 pɐːlɐtkɐnə βɑɬtɐ kɐːʧ piːtəɬ quːntə, pɐːlɐtkɐ ɒːmətɬi.
227 tʲi βɯːʧnə jəmɣə βɑɬtɐ tʲi jəɣi.
228 tontəɣ pəriti məŋ qɒːtət tɑjmɐβnə, tʲeːnə ənəɬ pɐːjətnə mətɬitnə muːβti mənɬɐt.
229 ɐː. s.: oːs sɒːpek tojtəɣ?
230 tʲuː ɬɐːtnə qojɐɣi βɛrəm sɒːpek.
231 ɐː. s.: nʲɐːrəɣ kʉrɐt soːʧiɬətəɣ?
232 p. β.: ɬʉβ βəs ɬoːqqəŋ nʲɯːrnɐt.
233 qɐːʧəŋ qoː tʲuː nopətnə, ɬoːqqəŋ nʲɯːr toj quːntə, tʲuːtnɐt βoɬ.
234 ɐː. s.: tʲuː ɬɐːtnə mɐː ɐːj βoɬəm.
235 tʲuː ɬɐːtnə əjnɐm niːŋət, nʲeːβremət nʲɐːrəɣ kʉrɐt βoɬət.
236 p. β.: iːt sɒːpek βəsɣə jəɬ, (nʲeːβremət) nʲɑβəmɬət: - sɒːpekem βəsɣə jəɣ, sɒːpekkən βətɐɣə (mɒːsəɬ).
237 ɐː. s.: tʲuː ɬɐːtnə mʉβ tɒːɣi.
238 p. β.: mʉβ tɒːɣi!
239 βɛrtə ot βuːji quːntə, ot qɒːɬəmti, jəmɐt tʲi ɬɐːtnə ɐːtəmɣə βoɬi.
240 ɐːtəmɣə βoɬi mʉβ, jɯːs jɒːɣ βɑɬəmnəŋ.