1 А. С.: Ма тю вӓр пәтан йө̆втәм, йоҳ пәктәт иԯты ма ныпек қӑнҷԯәм.
2 Ҷӑҷат пәкәт манә қӑнҷи.
3 Пешков йоҳ иԯты әтьә қӑнҷәм, Кантеров йоҳ иԯты қӑнҷәм.
4 Нӱң йәҳән, нӱң аңке, ның ө̆та нӓмәԯ қө̆ԯнә?
5 Руть соҳит нӓмԯаԯ-сӱйԯаԯ манә әнтә вуԯат.
6 С. Е.: Аңкем Оннэ Павловнэ Куйков.
7 А. С.: Аңктете йәҳәԯ қө̆ԯнә нӓмәԯ?
8 С. Е.: Қө̆яҳинә вуԯи, ма ның ө̆там вӑԯмаԯнә әнтә иньтьәксәҳԯэм.
9 Әтьә пә нӓм-сӱй тө̆й вәԯэ.
10 А. С.: Йӑвән ивәԯ йө̆втәм нэ?
11 С. Е.: Әнәԯ йӑвән өң ивәԯ тәҳи пӓләкнә әнәԯ ури.
12 Тю ури пәтәнә тө̆т вӑԯмәс тө̆йәт.
13 Тө̆т ти вө̆ԯәт.
14 Ма әй йӑвән қө пырийәм, Сөртымнә вӑԯәԯ, Куйков.
15 А. С.: Петя?
16 С. Е.: Аҳа, Петя.
17 Тю қө ястәԯ, тит вәԯэ йимәң лот.
18 Тө̆т вӑԯмиԯ соҳит панә қуԯа нык мәнәт.
19 Тю мәнмиԯ пәтәнә панә қотԯаԯ, ԯӑпасԯаԯ вӓра ти питәт.
20 Нярәҳ ԯӑмәԯтә ԯюԯьәмтәт.
21 Тө̆т ө̆тԯаԯ вӑԯԯәҳ йәҳәт панә аңктетем ти пытәмтәҳ, ԯө̆ңин мәнәм пәритнат қытьәт, мӱвә оҷәң сө̆ҳәт тувәт.
22 Соԯҳәма ти кисԯәт, мәнәт.
23 Қө̆раң сәран рыт тө̆йәт, тю қө̆раң сәран рытнат мәнәт.
24 Тө̆т қөԯәм оԯ мӓрә вө̆ԯәт.
25 Мәшмәта йоҳнә, қөнә ө̆тәтат мәԯат, тю урнам вө̆ԯәт.
26 Йыс йоҳ ҷевәр мәтԯи вӓԯԯәт, ҷевәр сӑқәт вӓрԯәт.
27 Тө̆т вө̆ԯәт, вө̆ԯәт панә Ԯимәң өңа ти кисԯәт, әй лота.
28 Ның ө̆там ястәҳ, йәҳәм әй лота әйнам әнтә қӑнаԯ.
29 Ти Ԯимәң өңа кисԯәт, ти Көрный вӑԯтә лота, ти Ҷимкин нӓмпи ури пәтәҳа ө̆с тө̆вә раңипәт.
30 Тө̆т вӑԯтыԯ соҳит әсеккә йәҳ, йәҳ.
31 Тю ӓвиԯаԯ тәт ти ӓнмәт.
32 Йәҳԯам, тетекиԯамнә тьә қунтәҳԯи, тәт ӓвең ики вӑԯәԯ.
33 Тө̆вә ти мәнәт, тю ның ө̆там ти туви.
34 Якша вутьңинә өс тют ыԯпи нэ тув.
35 А. С.: Якша, тют қө̆яҳи?
36 С. Е.: Пӑҳти йәҳ, Пӑҳти вутьңи ӑнта вуԯэ?
37 А. С.: Қөԯиԯэм, ӑԯә руть нӓмәԯ әнтә вуԯэм.
38 С. Е.: Ти Ай Сыр тетеки.
39 А. С.: Ай Сыр тетеки, а руть нӓмәԯ әнтә вуԯэ.
40 С. Е.: Әйнам әнтә нө̆мԯэм.
41 А. С.: Ай Сыр йәҳәԯ Александр вө̆ԯ.
42 С. Е.: Аңкем тәҳә туви.
43 Ти вө̆ԯәт, вө̆ԯәт, аңктетем пырәшҳә йәҳиԯәҳ.
44 Әй ԯатнә ти қө̆пимтәҳ, аңкаңкем тит пырнә.
45 Нӱң тетекинат әй пайнә вөԯәт.
46 Ԯӱңк ики пә тө̆т вө̆ԯ.
47 Әй пайнә вө̆ԯәт мәттә, Көрный йӑвән тө̆м пӓләкнә.
48 Моқи мәттә қуԯ кәнҷҷә йоҳнә вуйиԯи аңктетем тө̆т ӑԯәм, ит әй пә рутьәтнә иԯә пәңәркәмты.
49 А. С.: Ти Көрный қутьәңнә?
50 С. Е.: Көрный қутьәңнә, Ҷимкин мӱвә мәшмәта тоҳинә.
51 А. С.: Ҷимкин, тит Йим воҷ, тьә мәта тоҳинә.
52 С. Е.: Тю Йим Воҷ ими тютат аңкемнә вуԯи.
53 Аңктетем әй ԯатнә кӱтьти, йирнам  ӑԯаԯ қө̆раң сәран рытнә.
54 Әй ԯатнә, әй мәта руть ими, вать руть ими, тэми рӓп өвты қөвиԯта сөҷәԯ, әй сө̆ңнам виҳәԯ: - Йира пәта мая, йира пәта мая.
55 Тютәң көԯат виҳмин сөҷәԯ.
56 Ит тю вө̆ԯи, вө̆ԯи, әйнам рутьҳә кирәҳԯәҳ.
57 Тьә мәта руть ими вәс тю ԯатнә вуйтәҳ.
58 Ти ԯатнә ԯӱв әйнам рутьҳә кирәҳԯәтә вӓр вуйтәҳ.
59 Тю вӓр ястәҳ.
60 Мӱв шәр вать руть ими?
61 Вө̆йәмты мӱвә қө̆ты йәҳ.
62 А. С.: Өс Микипыр ики?
63 С. Е.: Микипыр, вәс тю аңкем ай йәҳ пӑҳ.
64 Өс тэм тю Тьө̆рас қө ати, ԯӱв еиԯ, аңкемнә еиԯ.
65 А. С.: Тю Тьө̆рас қө йәҳ Ксенофонт?
66 С. Е.: Аҳа, ма тю йыс йоҳ нӓмәт пә әнтә вуԯԯам.
67 Икәли вутьңем вуймам вуйәм ӑнта.
68 Аңкем еи, Микипыр ӑнта виҷат ай мӑни.
69 Әй ньәңиԯ Тө̆рәм йӑвәна вәйҳи.
70 Оҳән мәҳа, айәңкем мәттә, тө̆вә вәйҳи.
71 Қөԯәм ӓви вө̆ԯ.
72 Әй нэ Ай Сыр тетекинә вәйи.
73 Әйҳә  аңкем вө̆ԯ.
74 А. С.: Тю Ԯимпоҳәл ики, панә Ԯимәң Йӑқор йәҳ пӑҳ сатҳән вө̆ԯҳән?
75 С. Е.: Вәс әй пә.
76 Вәстю, панә тю мӱв шәр ԯапәт ӓви вө̆ԯ.
77 Тю ԯапәт ӓвии мәң, мәттә, кӓраҳԯәм өтәт.
78 Моқи ти Яки вутьңи вӑԯәмнә, Яки вутьңи йыс йоҳи қөԯиԯәм, әйнам моньтьҳә моньтиԯәҳәԯ.
79 Тют пырнә, ит қө̆яҳи әсэҳ қӑнтәҳ, ит вӑԯԯәҳ йәҳәт, қө̆яҳи пә моньтьәԯ.
80 А. С.: Әнта, ма ыҷ-пыҷ, әй нө̆птыс йоҳ вӑԯԯәт, ԯӱв тьӑқа әнтә тит вәԯэ әсэҳ йоҳ.
81 С. Е.: Әнтә вәԯэ, какой тют!
82 Ҷопәң әсэҳ қӑнтәҳ йоҳ әйнам вӑԯԯәҳ йәҳәт.
83 А. С.: Так, Анна Павловна, значит, нӱң ның ө̆та.
84 Тит ҷайә ма школанә ө̆нәԯтәҳԯәм, ти Ԯимәң өңнә, тит ма нӱң өпе вуйиԯәҳԯәм, Пунлул ики ими.
85 Итпә нө̆мԯэм, әй ԯатнә манә ти ӓңкрәмты, ԯӱв мәшмәта кӱңәш  тө̆й.
86 С. Е.: А ԯӱв вәԯэ мәшмәта ө̆т тө̆й.
87 А. С.: Ньө̆қи мӱв кӱңәш , мәшмәта ө̆т тө̆й.
88 Әнта, ма тю ԯатнә ай вө̆ԯәм, мӱв первый класснә, мӱв второй класснә ө̆нәԯтәҳԯәм, тю нэ вуйәм.
89 Қө̆яҳинә вуԯи, ит пә нө̆мԯэм.
90 Мӱв ԯатнә айҳә вӑԯмамнә, тө̆вә ӓңкрәмтәм, тиминт нэ, тиминт мәта ө̆т тӑяԯ.
91 Ти өпе нӓмәԯ қө̆ԯнә вө̆ԯ?
92 А. С.: Тю өпем Марья.
93 А. С.: Марья Егоровна.
94 Өс тю Пунлул ики нӓмәԯ қө̆ԯнә вө̆ԯ?
95 С. Е.: Йәҳәԯ Кузьма, ԯӱвнам Николай.
96 А. С.: Аҳа, значит Тайбин Николай Кузьмич.
97 Ԯин қөԯәм вәԯэ пӑҳ тө̆йҳән?
98 С. Е.: Қөԯәм пӑҳ.
99 Панә тю аңки кимԯәҳ йәҳ.
100 Ма ӑнта, мантэма әй мәтԯи әнтә урәмтәԯ, қөт ӓсԯәм ө̆там.
101 Панә аңки атыԯ қот лотнә.
102 Тю йоҳ иԯә пӑнәм мәта қот лотлиңкинә ти вуньәқ, вуньәқ, вӓвԯәҳ йәҳ, кӱрԯәҳ йәҳ.
103 Ԯӱв ваңкиԯәмин вө̆ԯ, вө̆ԯ, йәмнам пә тьӑвеқинт.
104 Тю пӑҳԯаԯ тө̆вә әнтә урәмтәт.
105 Тө̆вә әнтә урәмтәт. Тю пырнә, тю пӑҳәт сәлҳәмәт. Қөԯәм пӑҳ ԯӱвнә әйнам йө̆та вәят.
106 Тит пырнә ит мөқмөқԯаԯ.
107 Поҳәл қутьәңнә вӑԯәм, Поҳәл мӑни қутьәңнә вӑԯәм, Тэкәш қутьәңнә вӑԯәм мөқмөқәԯ өс лалимтәтәҳ.
108 Вот тебе аңкия әнтә урәмтәта.
109 Тэм нө̆пәтнә тенә йәҳәт.