1 a. s.: pătap iki ᴫiməŋa mənəm jasəŋ.
2 p. w.: k͔ŏti jəᴫət, tʼenə jəɣmiᴫ ᴫatnə.
3 təɣə ju̇̆wmiᴫ ᴫatnə, ənəᴫ păɣiᴫ ajəli wŏᴫ.
4 ŏnčəɣᴫaᴫ najnə ᴫiwat, ŏnčəɣᴫaᴫ əjnam tərmət, tʼumint sårəm jukkə jəɣət.
5 tʼutəti wȧ̆rta tʼi nȧ̆ripət.
6 (wăᴫtə) k͔åtət, weᴫi k͔åtət - mətaᴫit, əjnam wȧ̆rəntətaɣə, əjnam sårəm juɣəti.
7 tʼut pi̮rnə weᴫiᴫaᴫ ku̇̆č tăjtaɣə jəɣət, weᴫit əjnam nŏk͔ sårta jəɣət: åŋət əntem, pun əntem.
8 wåčɣə jəɣ, jəɣ.
9 k͔ŏwə wŏᴫət mu̇̆wə wan wŏᴫət.
10 əj ᴫatnə tem ńur jåɣəma tʼi ju̇̆wət.
11 ńur jåɣəma jŏwətmiᴫ pi̮rnə, weᴫiᴫaᴫ nŏk͔ tʼi ȧ̆rɣaɣᴫət.
12 weᴫi k͔åt wȧ̆rət, u̇̆rəɣ weᴫi k͔åt wȧ̆rət.
13 (u̇̆rəɣ) weᴫi k͔åt uri jăwəna tuwiᴫ.
14 tŏt wŏᴫət, mȧ̆rə wŏᴫət.
15 a. s.: mu̇̆wə mȧ̆rit wŏᴫət?
16 p. w.: mu̇̆wə mȧ̆rit wŏᴫət?
17 k͔ŏjaɣinə wuᴫi, (ma) əntə wuᴫem, ma tŏt əntə wŏᴫəm.
18 k͔åtət, mətᴫit wȧ̆rət.
19 måᴫk͔ătəᴫ tʼi wujᴫən, ənəᴫ k͔åtlumi, k͔åtwăᴫə.
20 ma jŏwətmam unəᴫta weᴫi k͔åt wŏᴫ, tʼit pi̮rnə najnə ᴫiwat.
21 weᴫiᴫaᴫ nŏk͔ tʼi ȧ̆nmiᴫət, mok͔ᴫaᴫ ənəᴫ kȧ̆ᴫəŋkə jəɣiᴫət.
22 weᴫit arɣə jəɣiᴫət.
23 ma ar jasəŋ əntə tăjᴫəm.
24 a. s.: pătap iki mu̇̆wat təɣnam ju̇̆w?
25 p. w.: k͔ăᴫi ji̮ɣinə sårt ikinat wăᴫtə k͔ŏl wuᴫəɣ jəɣmin, təɣə ju̇̆w.
26 təɣə jŏwitmiᴫa, tət k͔otta wŏᴫət.
27 tət wŏᴫət, pătap ŏntəp tət wŏᴫ.
28 nu̇̆ŋ tʼi jăwən ne wujiᴫe?
29 a. s.: wujiᴫem.
30 p. w.: pilka, ᴫu̇̆w tʼi iki sȧ̆mᴫəɣ, pəᴫᴫəɣ jəɣ.
31 pilka k͔oᴫəm jeŋ åᴫɣə jəɣmaᴫ ᴫatnə sȧ̆mᴫəɣ jəɣ, pəᴫᴫəɣ jəɣ.
32 jejiᴫnə tʼi ȧ̆nəmti, ăᴫə jastətaɣə ȧ̆nəmti.
33 wičə pə k͔utʼŋiᴫnə tŏjtəɣ.
34 imiᴫ ănta råpitᴫəɣ, ᴫin əjnam weᴫeŋkə wŏᴫɣən.
35 k͔ăᴫi ji̮ɣinə ᴫin wŏᴫɣən, tʼutat imi təɣnam nŏripəɣ, ikija jăŋk͔iᴫəɣ.
36 tʼenə tʼi wŏᴫɣən.
37 k͔ŏwə mȧ̆rə məttə wŏᴫɣən, måk͔i ma tem ŏtam jastəɣ.
38 tʼăk͔a k͔ŏwə mȧ̆rə, k͔os åᴫ kim tŏmpija wŏᴫɣən.
39 ᴫu̇̆wə (əjk͔a wŏᴫmin) k͔os åᴫɣə jəɣiᴫəɣ, ńiči əntə jəɣiᴫəɣ. tʼu aŋki, mənəm pətənə, tʼu jăwən ne, måᴫk͔ătəᴫ k͔åtlumi wujtən, tʼi k͔åtnə (wŏᴫ).
40 tʼi iki tem məɣa ju̇̆wmaᴫ, k͔i̮tʼəm pi̮rat wăᴫtiᴫnə, memiɣə jəɣ.
41 tʼi wŏᴫət, wŏᴫət, tʼit pi̮rnə k͔ŏᴫnə wŏᴫət, ᴫəɣ wuᴫiᴫ.
42 ma tʼăk͔a ar jasəŋ əntə tăjᴫəm.
43 os tem əseɣ ŏtin (məta tåɣitnə wŏᴫ)?
44 əseɣ ŏtuw ănta wičə tət k͔otta wŏᴫ.
45 tŏᴫ såɣit tʼu weᴫiᴫaᴫ ăᴫə tŏt (k͔ăjmət).
46 tət wəᴫe ᴫår.
47 nu̇̆ŋ tʼi piŋnam jăŋk͔iᴫəmannə wujiᴫe, k͔ŏw ᴫårliŋki.
48 tăwin k͔uᴫ kənčmin-ŏtmin jăŋk͔iᴫət, tăwin (tŏt) wŏᴫət.
49 ᴫŏŋin os asa mənᴫət.
50 asnə wăᴫᴫət, k͔uᴫ kənčmin.
51 tŏᴫ såɣit ᴫiməŋa, kȧ̆kkəŋ urija ju̇̆ᴫət.
52 kȧ̆kkəŋ urinə məŋ wičə tŏt k͔otta k͔ȧ̆rɣiᴫuw, ma wăᴫmam wi̮čnə tʼit.
53 nəŋ jŏwətmin ᴫatnə, måᴫk͔ătəᴫ tem aɣənᴫa tŏwnam, tʼi jåɣəmnam wəraɣtəᴫat. tŏt wəᴫe aj jåɣəm pul.
54 nu̇̆ŋ tʼi k͔åta jŏwtiᴫən.
55 a. s.: ənta, tʼimint məta wȧ̆r əntə nŏmᴫəm.
56 p. w.: jŏwtiᴫən, weᴫinat aŋkennat.
57 min wičə tət wŏᴫmən.
58 tʼə məta tåɣit măɣəᴫti tʼi wŏᴫmən, wŏᴫmən.
59 ᴫŏŋ k͔åtᴫəmən, tʼi ᴫŏŋ k͔åtɣən jeŋ åᴫ, jeŋ u̇̆rəkkə əj åᴫ mu̇̆wə jeŋ u̇̆rəkkə kat åᴫɣə (jəɣət).
60 tŏᴫ såɣit tem məɣa jŏwətmən.
61 tət wăᴫtamən jeŋ u̇̆rəkkə mu̇̆w.
62 tʼu wăᴫtamən jeŋ u̇̆rəkkə ᴫapət åᴫɣə jəɣ.
63 tət tʼenə k͔otta wăᴫɣiᴫuw.
64 a. s.: tʼi jåɣəm pulnə k͔åt.
65 p. w.: (tʼit məŋ) k͔utuw, ănta ji̮s weᴫi k͔åt. måk͔i tət namən wăᴫmaw (ji̮si).
66 kisᴫuw tem låta.
67 məŋ tət k͔ŏw mȧ̆rə wŏᴫᴫuw.
68 əseɣ ŏtuwnə pirtojmən, tʼenə jətaᴫ iᴫpinə, čtobi̮ tem məɣa ju̇̆taɣə.
69 min weᴫiᴫəmən tŏwə k͔otta čəkət.
70 pəᴫᴫəkkən tət wŏᴫɣən.
71 pəᴫᴫəkkən jira mənəm pi̮rnə, məŋ təɣ ju̇̆wuw.
72 it wăᴫtamən jeŋ u̇̆rəkkə ᴫapət åᴫɣə jəɣ.
73 tʼenam k͔otta tʼi wăᴫᴫuw.
74 təɣəŋə k͔oᴫat tʼi jəɣi.
75 os əseɣ ŏtin iki tʼi kȧ̆kkəŋ uri jăwən k͔utʼəŋnə mu̇̆w arit k͔åt-ᴫuŋk͔ wȧ̆rəŋtəɣəᴫ?
76 p. w.: tʼi tåɣija, tʼi ənəᴫ k͔åtliŋki (wȧ̆rəŋtəɣ). it tʼi k͔åtwăᴫənə ŏnčɣət ŏwərɣə jəɣət.
77 tʼit tʼu əj ku̇̆ta wȧ̆rəm k͔utiᴫ.
78 pătap iki jəɣəᴫnat əjk͔a wȧ̆rəntəm k͔utiᴫ.
79 jəɣəᴫnat, jəɣ păɣəᴫnat əjk͔a wȧ̆rəm.
80 a. s.: åᴫk͔as tʼumint k͔åtət, təɣnam ju̇̆tənə k͔untə, k͔ŏntɣi pȧ̆ləknə.
81 p. w.: tʼi k͔åtət, it wəᴫe ăᴫə juɣ pəriᴫaᴫ k͔i̮tʼət.
82 a. s.: os tem kat k͔åtlok͔i tăjtə k͔åt?
83 p. w.: ma wəs tʼi k͔åt iᴫti jastəᴫəm.
84 tʼi k͔åt, rutʼətnə, rutʼ k͔åtɣə tăjᴫi.
85 p. w.: tʼit tʼŏras jåɣ wȧ̆rəm.
86 tʼŏras iki råpitᴫətə k͔uj jåɣ wȧ̆rəm k͔åt.
87 a. s.: k͔ŏwə mȧ̆rə tʼi k͔åtnə wŏᴫət?
88 p. w.: čəkə məta k͔ŏwə mȧ̆rə əntə wŏᴫət panə tŏwə k͔i̮jiᴫ.
89 mu̇̆wə urnam tʼi jejiᴫaᴫ - jåɣᴫaᴫnat əjnam tŏt wŏᴫət.
90 aŋkiᴫaᴫ - ŏtᴫaᴫnat əj ku̇̆ta wȧ̆rəm k͔utiᴫ.
91 a. s.: os tem rutʼət mantema əntə ȧ̆wəᴫᴫət, u̇̆rəkkə-măwəᴫɣə pewərtᴫaᴫ - učᴫaᴫ ăᴫə tʼet kəᴫᴫət.
92 p. w.: os tʼu wȧ̆rta, wȧ̆rəm.
93 tʼit råpitᴫətə k͔o wȧ̆rəm k͔åt, ku̇̆ta wȧ̆rəm k͔utiᴫ.
94 a. s.: k͔åt owtiᴫ k͔ŏwə mȧ̆rə jəmɣə wŏᴫ?
95 p. w.: ma təɣ jŏwətmam ᴫatnə ənta, iᴫə kȧ̆si ăᴫə nŏmᴫi, tʼu ᴫatnə pewərt, part əntem wŏᴫ.
96 tʼŏwaləŋ k͔åt wŏᴫ.
97 a. s.: os tem pȧ̆ləknə ətʼə k͔åtlumi ᴫejᴫəm.
98 p. w.: tʼit tət wăᴫəm iki (tajbin jakow), pəᴫᴫəɣ iki wăᴫəm k͔åt, ᴫin k͔utin.
99 tʼeᴫ såɣit pə məɣiᴫa mən.
100 tʼu mənmaᴫ tăwnə memiɣə jəɣ.
101 tʼit ᴫin wăᴫəm k͔utin.
102 a. s.: əj tåɣinə, tajbin jakəp tət k͔otta wŏᴫ.
103 p. w.: wəstʼu, ma tʼu k͔åt iᴫti jastəᴫəm, ᴫu̇̆w tŏt wŏᴫ.
104 a. s.: os tem ᴫŏŋ k͔åt, su̇̆ɣəs k͔åt k͔utʼəŋnə?
105 p. w.: tʼit məŋ wăᴫəm k͔utuw, tʼə jåk͔k͔ənat wăᴫəm k͔åtᴫuw.
106 jeŋ åᴫ u̇̆rəkkə tŏt wŏᴫuw.
107 tʼit əjk͔a wŏᴫuw tʼi k͔åtnə, tət wannə.
108 tʼit ajpəli mu̇̆kkim åᴫɣə jəɣ?
109 tʼi åtʼət, k͔åtət, mətᴫit wȧ̆rmaw ᴫatnə ajpəli (ȧ̆wi nȧ̆m) wərtə pu̇̆ksəlɣə wŏᴫ, tʼu ᴫatnə min tʼeɣ kisəᴫmən.
110 kisəᴫmən mu̇̆wə, asnə kȧ̆rɣiᴫəmamən pi̮rnə, tʼeɣə ju̇̆wmən, tʼet jeŋ åᴫ u̇̆rəkkə wŏᴫmən.
111 tŏt wŏᴫmən, wŏᴫmən, os it tem məɣa tʼi ju̇̆wi.
112 a. s.: os kȧ̆kkəŋ urinə k͔åt tŏjtəɣ.
113 p. w.: kȧ̆kkəŋ urinə ji̮s nŏpət unəᴫta wičə wăᴫəm k͔utiᴫ.
114 jəᴫəp k͔åt, ma jŏwətmam ᴫatnə, wȧ̆rənti.
115 ăᴫə jastətaɣə, tem jåɣ tʼetʼikiᴫ wăᴫtə unəᴫta, wăᴫtə məɣiᴫ.
116 wičə wăᴫtə məɣiᴫ, wičə tət wŏᴫət.
117 minnə tŏwə k͔i̮jmaᴫ pi̮rnə, rutʼətnə os tʼi nŏk͔ raŋiji, k͔åtət wȧ̆rəntəɣᴫət.
118 a. s.: rutʼ k͔åt tŏt åməsᴫ.
119 rutʼət tŏt k͔uᴫ kənčmin jăŋk͔iᴫəᴫət?
120 p. w.: ənta.
121 mu̇̆wə aŋkenos, tʼit mu̇̆wəᴫit wŏᴫət?
122 tʼu salawati (jåɣ) juɣ ᴫŏrtmin wŏᴫət.
123 åᴫəŋ ᴫatnə tem məɣa ju̇̆wət, kȧ̆w lek (wȧ̆rta jəɣəm ᴫatnə).
124 tʼit əɕːo məŋ kasəᴫmaw åᴫnə, təɣ jŏwtət.
125 a. s.: os tem k͔ŏw rȧ̆pət, učətnə, tʼi məta məɣətnə k͔åt əntə tŏjtəɣ?
126 p. w.: məŋ ənta, tʼi wi̮čnə əntə wŏᴫuw.
127 a. s.: os tem ᴫiməŋ num pȧ̆ləknə (k͔åt tŏjtəɣ)?
128 p. w.: num pȧ̆ləknə ənta.
129 k͔uᴫ kənčmin məŋ jăŋk͔iᴫuw.
130 jăŋk͔iᴫuw, tŏt wăᴫəm nŏpətnə, såjpaᴫəmin učmin.
131 a. s.: os tem jiməŋ məta tåɣitnə, părne rȧ̆pət učət k͔utʼəŋnə (jăŋk͔iᴫtəɣ)?
132 jim wåča jăŋk͔iᴫtəɣ?
133 p. w.: ăᴫə jăŋk͔iᴫta, məŋ wičə jăŋk͔iᴫuw.
134 tŏwə jŏwəttə ᴫatnə påreksəᴫi, učᴫi, məta tåɣi k͔oᴫəmtətə ᴫatnə.
135 måk͔i wăᴫəm ᴫatnə, mu̇̆wə tŏŋpajᴫəɣ ŏt k͔oᴫəmtəᴫi?!
136 tʼit min kårnijnam wičə nŏripəɣəᴫmən måk͔i, bensin uč pətan, tət wăᴫmamən ᴫatnə.
137 a. s.: nu̇̆ŋ kårnij mŏčə owtət nŏmᴫəᴫa, əntə.
138 p. w.: tʼăk͔a əntə, ma owtətnə k͔untə taᴫəksəɣᴫəm.
139 a. s.: ma tʼit ajnə wăᴫmam ᴫatnə, tŏt taᴫəksəɣᴫəm, ăńᴫəŋ mu̇̆w tåɣi ma nŏmᴫəm.
140 jəɣəmnat ᴫiməŋ ʃkolaɣa jăŋk͔iᴫəm ᴫatnə.
141 nŏmtaɣə, əj məta tåɣi pə əntə nŏmᴫəm.
142 əj tåɣinə, ăjᴫəɣ ŏtam jastəɣəᴫ, tʼi k͔ămətɣi rȧ̆pnə ᴫistan kȧ̆wət wăᴫᴫət.
143 p. w.: tʼăk͔a, ma tʼumint məta tåɣi əntə wuᴫəm.
144 a. s.: tŏt ᴫistan kȧ̆w kənčᴫi k͔untə, tå tʼu ŏjəɣtəᴫi.
145 min mənmamən ᴫatnə, ăjᴫəɣ ŏtamnat ᴫistan kȧ̆w ŏjaɣtəmən, ănta mətapi rȧ̆pnə, ma ajəli wŏᴫəm panə məɣ pə əntə arjaᴫəm.
146 a. s.: os wičə såjpaᴫtə rutʼət wəs k͔ăntɣət, səjiᴫ mu̇̆w tåɣinə?
147 p. w.: k͔ŏw rȧ̆pnə ᴫəɣ såjpaᴫəɣᴫət.
148 a. s.: ma nŏmtamnə, tʼi mikipi̮rət, učət əjnam k͔ăntəɣ jåɣ tŏt såjpaᴫəmin wŏᴫət.
149 tŏt wŏᴫət mu̇̆wə pa tåɣinə, ma əntə wuᴫem.
150 p. w.: uri məɣ i̮ᴫ pȧ̆ləknə (wŏᴫət).
151 wirsi jăwən oŋnə uč wăᴫiᴫət, tŏt såjpaᴫəmin jăŋk͔iᴫət.
152 tʼi tåɣinə måk͔i k͔ăntək͔ k͔o jəmat ar wŏᴫ.
153 pa tåɣinə jărɣan jåɣ, mətᴫit, əjnam ᴫiməŋ k͔ŏwit såjpaᴫəmin jăŋk͔iᴫət.
154 it jastətə, munt jastətə, sarajəŋ wantəŋ numpinam såjpaᴫəmin jăŋk͔iᴫət.
155 a. s.: tʼi səjət əjnam såjəp k͔ărə tăjᴫət?
156 p. w.: əj məta tåɣit, əjnam såjəp k͔ărə tăjᴫət.
157 tʼit məŋ tʼi tåɣitnə arpa wantmin jăŋk͔iᴫuw.
158 os ăw jŏta nŏk͔ ńi̮ńtʼəmtəᴫi.
159 a. s.: tʼenə tʼi wŏᴫi tʼu ᴫatnə.
160 məttə (tem məta tåɣitnə), ənəᴫ kirip pȧ̆ləkkə årijəɣ.
161 tʼi jasəŋ əntə wuᴫe?
162 p. w.: ma tʼi jasəŋ əntə wuᴫem.
163 əntə wuᴫem, ăᴫə əseɣ ŏtətnə ȧ̆rəɣᴫəɣᴫi, tʼu kirip mu̇̆wat ănta tʼeɣə kȧ̆mpləmti.
164 a. s.: ăᴫə məta ᴫuŋk͔nə-kaᴫətnə kȧ̆mpləmti.
165 p. w.: ᴫəɣ pə tʼăk͔a tʼi wuᴫiᴫ.
166 ᴫuŋk͔ətnə tʼi, ăᴫə jəmnam k͔ŏjaɣinə.
167 fådor gennadjewič: ăᴫə jastətaɣə, måńtʼ.
168 a. s.: måńtʼ tʼi.
169 p. w.: ᴫu̇̆w tʼăk͔a ma k͔oᴫ́ wuᴫem, tʼi ji̮s jåɣ ma əntə wujiᴫam.
170 a. s.: săstəŋ rȧ̆p iᴫti jasəŋ.
171 p. w.: wəs tʼu, ar məta nŏpət k͔ŏwin tʼenə kȧ̆mpləmti, ăᴫə nŏmᴫi.
172 ma tʼit tŏmpi jasəŋ k͔ŏᴫnə jastəᴫəm.
173 ᴫ́aᴫ́əksətə såɣit, tŏwənə k͔ŏᴫat kȧ̆mpləmti.
174 a. s.: ᴫuŋk͔ət, kaᴫtət ńuᴫa pitət.
175 p. w.: ᴫu̇̆w wəs ăᴫə nŏmᴫi, ńuᴫa pitət.
176 a. s.: tŏt, (tʼi tåɣinə) nu̇̆ŋ wăᴫiᴫən, ənta?
177 p. w.: ma ənta, ăᴫə wansipnə ănta jăŋk͔iᴫuw.
178 ut pȧ̆ləki pə jăŋk͔iᴫuw.
179 ut pȧ̆ləknə tʼumint såjəm tăjaᴫ.
180 (tʼi rȧ̆p) ăᴫə məta kiripliŋki k͔ămətɣi ăᴫaᴫ.
181 ŏwər rȧ̆pliŋki, pa rȧ̆pət kińtʼa jəmat ŏwər, ăᴫə məta kirip.
182 məttə ᴫuŋk͔ətnə tŏwənə kȧ̆mpləmti.
183 a. s.: nu̇̆ŋ sar unəᴫ tŏji mi̮ńtʼe, mu̇̆wə tåɣinə sȧ̆ma pitən.
184 wăᴫəm wȧ̆ra mi̮ńtʼe.
185 p. w.: sårtəmnə sȧ̆ma pitəm, jăwən ᴫår k͔ånəŋnə wŏᴫuw.
186 ma məta ᴫŏwitɣə jəɣmam ᴫatnə, k͔oᴫəm mu̇̆wə ńəᴫə åᴫɣə jəɣəm, məŋ watʼ jăwəna ju̇̆wuw.
187 watʼ jăwənnə wŏᴫuw, wŏᴫuw, tŏᴫ såɣit låpkaɣa aj ri̮tnat məni piŋ wåč wȧ̆rta.
188 pewərt k͔åtət wȧ̆rat, ʃkolaɣa tŏt, piŋnə pə tʼi wəjojəm.
189 ʃkolaɣi os tem məɣa tuwojəm, tət k͔otta tʼi wăᴫɣijuw.
190 asnə, pa tåɣitnə əjnam tʼi kȧ̆rɣiᴫəɣᴫuw.
191 ᴫŏŋin asnə, tu̇̆ᴫɣin os tət k͔uᴫ kənčmin, wŏᴫuw.
192 a. s.: os k͔uᴫᴫən nəŋ k͔ŏᴫnə nik tuwiᴫəᴫən?
193 p. w.: utnə tʼenə wȧ̆ᴫᴫi (k͔uᴫ), əj jåɣᴫaᴫ weᴫi tŏjət.
194 nim pȧ̆ləknə kat ᴫårɣən, samolåt pa ᴫatnə jŏwtiᴫəɣ.
195 k͔uᴫət tŏwə aᴫᴫat, tŏᴫ såɣit tuᴫat.
196 pa ᴫatnə os wertolåt jŏwətᴫ tem pȧ̆lək ᴫåra.
197 it nəŋ turpa k͔ånəŋnə jăŋk͔iᴫtəɣ, tʼeᴫ såɣit wertolåtnat (k͔uᴫət) tuwat.
198 jəmat atəmɣə wŏᴫuw, weᴫi əntə tŏjuw.
199 a. s.: os k͔ŏᴫnə weᴫeŋkə jəɣtəɣ?
200 p. w.: weᴫi?
201 tem ajpi ne nŏpətnə, weᴫi wȧ̆jət tăjta tʼi jəɣuw.
202 åᴫəŋ ᴫatnə k͔ut weᴫi tŏjuw, tem tåɣinə.
203 tem åtʼ wȧ̆rmamən ᴫatnə, k͔åtpəri pə it tʼetti, ᴫŏŋ k͔åt, jeŋ u̇̆rəkkə əj åᴫ tʼet wŏᴫuw.
204 tŏᴫ såɣit, num pȧ̆ləka tŏwə tʼi mənuw.
205 it tʼi wăᴫtə tåɣi, wasa nŏpətɣə jəɣ, weᴫi wȧ̆jəŋkə tʼi jəɣuw, wăᴫɣita tuᴫɣətɣə jəɣ.
206 răɣəm k͔o ma tʼu ᴫatnə ar tŏjəm, it əjnam əntemət, ma atiᴫ uɣəm k͔i̮tʼ.
207 os jasəŋ pə əntə tăjᴫəm.
208 a. s.: os nu̇̆ŋ k͔utʼŋənnə wăᴫəm ŏt, kălhosnə råpitᴫəɣ, mu̇̆wə k͔ŏti jəɣiᴫəɣ?
209 p. w.: åᴫəŋnə ănta kălhosnə råpitᴫəɣ.
210 tŏᴫ såɣit k͔ŏᴫnə jastəᴫi, mu̇̆w pəkət, mu̇̆w tåɣija, os ri̮bučastkaɣa pit.
211 tŏt ănta wiči råpitᴫəɣ, asnə wiči råpitᴫəɣ.
212 a. s.: os tʼu asnam əjnam jăŋk͔iᴫətəɣ?
213 p. w.: əjnam, məŋ tʼu ᴫatnə weᴫi əntə jŏwətᴫuw påtta jətə ᴫatnə, sentʼabernə, wătəᴫnə wŏᴫuw.
214 a. s.: os palatkaɣət, pa otətat məjɣiᴫotəɣ mu̇̆w əntə?
215 p. w.: tʼi nŏpətnə ənta, məŋ tŏntəɣ iwəᴫ (wȧ̆riᴫuw), nu̇̆ŋ wəᴫe wuᴫe tʼi wȧ̆r.
216 a. s.: kewərtəm tŏntəɣ iwəᴫ wătəᴫ wȧ̆rəntəɣəᴫtəɣ.
217 p. w.: wătəᴫ tŏntəɣi.
218 tʼimint k͔oᴫəmti k͔untə, k͔åt tăjᴫi, jəm k͔åtnə åməsᴫi.
219 tʼumint əntə k͔oᴫəmti k͔untə, ənta.
220 məŋ ᴫår wåčnə (wăᴫəm) ŏtuw (kantʼerowa lubow gennadjewna, dåč p. w.), təɣə jiᴫ məɣi ətʼə rutʼət jŏwtət, məŋ tʼu ᴫatnə aj as tŏmpinə, ᴫiməŋ oŋ tŏmpinə tŏt wăᴫtənə ma tʼutem sȧ̆ma pit.
221 rutʼət tʼi jŏwtət, wəs tʼu tʼi ᴫatət unəᴫta nŏk͔ pitət, jəŋk păčᴫəɣ sŏɣ tʼu ᴫatnə nŏk͔ tʼi ȧ̆t.
222 tʼu rutʼ ikit tʼumintnat.
223 məŋ tʼu ᴫatnə tŏntəɣ k͔åtnat wŏᴫuw, tʼut pi̮rnə tʼumint jəŋk păčᴫəɣ sŏɣət, mətᴫit əjnam nŏk͔ tʼi ȧ̆tət.
224 k͔oᴫəmtətə k͔o, jəŋk păčᴫəɣ sŏɣ tʼi wəᴫ, jəm k͔åta tʼi pitᴫi.
225 ńuki k͔åt wărta ᴫăŋkᴫi k͔untə, ńukit ńuᴫa jåntᴫat, ńuki k͔åt tʼi åmətᴫi.
226 palatkanə wăᴫta kač pitəᴫ k͔untə, palatka åmətᴫi.
227 tʼi wi̮čnə jəmɣə wăᴫta tʼi jəɣi.
228 tŏntəɣ pəriti məŋ k͔åtət tăjmawnə, tʼenə ənəᴫ pajətnə mətᴫitnə muwti mənᴫat.
229 a. s.: os såpek tŏjtəɣ?
230 tʼu ᴫatnə k͔ŏjaɣi wȧ̆rəm såpek.
231 a. s.: ńarəɣ ku̇̆rat sočiᴫətəɣ?
232 p. w.: ᴫu̇̆w wəs ᴫok͔k͔əŋ ńi̮rnat.
233 k͔ačəŋ k͔o tʼu nŏpətnə, ᴫok͔k͔əŋ ńi̮r tŏj k͔untə, tʼutnat wŏᴫ.
234 a. s.: tʼu ᴫatnə ma aj wŏᴫəm.
235 tʼu ᴫatnə əjnam niŋət, ńewremət ńarəɣ ku̇̆rat wŏᴫət.
236 p. w.: it såpek wəsɣə jəᴫ, (ńewremət) ńăwəmᴫət: - såpekem wəsɣə jəɣ, såpekkən wətaɣə (måsəᴫ).
237 a. s.: tʼu ᴫatnə mu̇̆w tåɣi.
238 p. w.: mu̇̆w tåɣi!
239 wȧ̆rtə ŏt wuji k͔untə, ŏt k͔åᴫəmti, jəmat tʼi ᴫatnə atəmɣə wŏᴫi.
240 atəmɣə wŏᴫi mu̇̆w, ji̮s jåɣ wăᴫəmnəŋ.