2 iːmiən iːkiən βɑɬɬəɣən.
3 keːm əntə jɑŋqɯɬəqqən, qɒːtnə βɑɬɬəɣən.
4 əj mət ɬɐːtnə iːminə oβpi iːɬə puːnʧi.
5 "məβəsər qɑtɬ məttə?" iːki jɐːstəɬ.
6 iːmi jɐːstəɬ: "tʲi pɒːsnɐm ruːtʲ qɑntəq torrəm βɑɬɬ.
7 quːɬ βɒːjəɣ məβɐt əntə kənʈɬən?
8 quːɬ βɒːjəq kənʧʧɐːə mɒːstɬ.
9 iːki, məttə quːɬ βɒːjəq kənʧʧɐə jɑŋqɯɬɐ!"
10 iːki βɛrksətɐːə rɐːŋəpəs.
11 iːki mənnəs.
12 jɑŋqɯɬəɣ, jɑŋqɯɬəɣ. pon mɛβtəs.
13 jɑqqə joβət, iːmi jɐːstəɬ: "pon mɛβtən?"
14 "mɛβtəm."
15 ɐːt qɒːɬsəɣən.
16 iːmi jɐːstəɬ: "pon ɬeːəɬtɐːə jɑŋqɯɬɐ!"
17 iːki mənnəs.
18 jɑŋqɯɬəɣ, jɑŋqɯɬəɣ.
19 iːki jɑqqə joβət.
20 "ponnə quːɬ ɬɐːtʲsən?"
21 "ɬɐːtʲsəm."
22 "tot quːɬ qɯːtʲ məβ əntɐ?" iːmi jɐːstəɬ.
23 "əjnɐm jɑqqə tuːsɬɐm.
24 ɐːr ɬɐːtʲɬʲi quːɬ."
25 "oːs pon mɛβtɐə mɐːstɬ", iːmi jɐːstəɬ.
26 oːs pon mɛβtɐːə məntɬ iːki.
27 mənnəs, toβə joβtəs. pon mɛβtɐːə rɐːŋəpəs.
28 pon mɛβtəs.
29 jɑqqə joβət.
30 iːmi jɐːstəɬ: "pon mɛβtən?"
31 "mɛβtəm."
32 ɐːt qɒːɬsəɣən.
33 ɐːɬəŋ iːmi jɐːstəɬ: "pon ɬeːəɬtɐːə jɑŋqɯɬɐ!"
34 iːki mənnəs pon ɬeːəɬtɐːə.
35 mənnəs, pon noq tɐːɬsi quːɬ ɬɐːtʲsi, ɬɐːrəɣ ɬɐːtʲsi, sɒːrt ɬɐːtʲsi, jɐːβ ɬɐːtʲsi.
36 jɑqqə joβət.
37 "quːɬ ɬɐːtʲsən?"
38 "ɬɐːtʲsəm."
39 iːmiən iːkiən pɑɣ tɑjsəɣən.
40 ɛnəmtəɬtən pɑɣen.
41 əj mət ɬɐːtnə əntɬ quːjɐ jəɣ.
42 "ɐːtʲi, nɵŋ jɑqqən βɑɬɐ, mɐː jɑŋqɯɬəɬɬəm."
43 pɑɣ mənnəs βɒːjəq quːɬ kənʧʧɐːə.
44 jɑŋqɯɬəɣ, jɑŋqɯɬəɣ, jɑqqə joβətəs.
45 "βɒːjəɣ βɛɬsən?"
46 "βɛɬsəm."
47 "jɑqqə tuːsɬɐ?"
48 "əntɐ, jɑqqə əntə tuːsɬɐm, tot iːɬən qɯːtʲsət."
49 "quːntə jɑqqə kənʧɬəɬɐ?"
50 "qoɬtɐːəɬ mənɬəm jɑqqə tuːtɐːə."
51 mənnəs.
52 jɑŋqɯɬəɣ, jɑŋqɯɬəɣ, jɑqqə joβtəs.
53 jɑqqə tuːsɬ.
54 βɛɬi βɛɬ, pɐːnə nʲoβ βɛɬ.
55 jəɣɣəɬ jɐːstəɬ: "oːs, pɑɣ, qoɬnɐm mənɬən?"
56 "βɒːjəq kənʧʧɐːə mənɬəm."
57 pɑɣ jɑŋqɯɬəɣ, jɑŋqɯɬəɣ, jɑqqə joβtəs.
58 jəɣɣəɬ jɐːstəɬ: "βɒːjəɣ βɛɬɬən?"
59 "βɛɬɬəm."
60 "məβəsər βɒːjəɣ βɛɬsən?"
61 "ɬɐːŋki βɛɬsəm."
62 "məβ ɐːrit βɛɬsən?"
63 "sɒːt kiːm βɛɬsəm."
64 "qoqqə jɑŋqɯɬən?"
65 "qoqqə jɑŋqɯɬəm."
66 ɐːŋkiɬ qɒːtʲtʲɐːə jəɣ.
67 ɐːtʲiɬ jɐːstəɬ: "ɐːɬ mənɐ, pɑɣ, ɐːŋke qɒːtʲtʲɐːə jəɣ."
68 iːmi jɐːstəɬ: "ɐːɬ mənɐ, pɑɣ, mɐː ʧəkkə qɒːtʲtʲɐːə jəɣɣəm."
69 pɑɣ əntə mənnəs, jɑqqən βɑɬɬ.
70 iːtnəɣə jəs. iːttən ɐːŋki suːrɐɬəɣ.
71 iːki jɐːstəɬ: "ɐːŋke ʧeːβitɐːə mɒːstɬ."
72 məntsəɣəɳ məɣ lɒːt qɯːntɐːə.
73 iːmiɬ βɛrksəɬtəttɐːə rɐːŋəpəs iːki.
74 pɑɣen jiːsɬ.
75 məntsəɣən ʧeːβitɐːə.
76 iːmi ʧeːβitɐːə tuːsi.
77 iːmi ʧeːβisəttən.
78 əj mət ɬɐːtnə pɑɣəɬ jɐːstəɬ: "ɐːtʲi, min qoɬnə βɑɬɬəmən?"
79 "pɑɣ, nɵŋɐt iːmijɐt βəttɐːə mɒːstɬ."
80 "ɐːtʲi, məβəɬi məɬmən?
81 tɐːs əntem."
82 ɐːtʲi jɐːstəɬ: "βɒːɣ məɬmən."
83 pɑɣəɬ jɐːstəɬ: "məβ ɐːrit məttɐːə mɒːstɬ."
84 "qoːɬəm sɒːt ʧɒːət məttɐːə mɒːstɬ."
85 iːki toβəɬtəp noq puːnʧəs.
86 βɒːɣ toβəɬtəpnə ɐːr.
87 qoːɬəm sɒːt ʧɒːət məs iːmi βətɐːə.
88 pɑɣ mənnəs iːmi kənʧʧɐːə.
89 kɐːt qɑtɬɣən mən, qoːɬəm qɑtɬ mən, toβə joβtəs ɛβeŋ quːjɐ.
90 pɯːrɯɬəttəɣ: "ɛβi mɐːntem məɬɬən?"
91 "məɬɬəm."
92 "məβə tiːn βɒːɣɬən?"
93 "qoːɬəm sɒːt ʧɒːət βɒːɣɬəm."
94 qoːɬəm sɒːt ʧɒːət məs.
95 ɛβi ɬɵβɐti məsi.
96 jɑqqənɐm məntɐə mɒːstɬ.
97 mənnəs jɑqqə. iːmiɬ tuːstəɣ.
98 jɑqqə joβət.
99 "ɐːtʲi, iːmi βəssəm mɐː."
100 "məβə tiːn məssən?"
101 "qoːɬəm sɒːt ʧɒːət məssəm, kɐːrkɐm iːmi βəssəm."
102 βɑɬtɐːə rɐːŋəpsət.
103 iːmi βɛr βɛrtɐːə kɐːrkɐm, tompəjɐ kɐːrkɐm.
104 βɑɬɬət, qoβəpti βɐːnəpti βɑɬɬət. torrəm ɬoŋtəs.
105 quːɬ kənʧʧɐːə mɒːstɬ.
106 iːki pɑɣəɬnɐt sɐːjpəɬtɐːə məntsəɣən.
107 jɑŋqɯɬəqqən, quːɬ βɛɬsəɣən. jɑqqənɐm məntsəɣən.
108 "iːmi, quːɬ βɛrtɐːə mɒːsɬ, pɑʧiɣə βɛrtɐːə mɒːsɬ."
109 ruːtʲ qɑntəq quːtʲəŋnə ɐːrənt βɑɬɬ.
110 quːɬ noq βɛrsɐt.
111 "oːs mənittən quːɬ kənʧʧɐːə!"
112 məntsəɣən.
113 jɑŋqɯɬəqqən, jɑŋqɯɬəqqən. jɑqqə joβətsəɣən.
114 quːɬ əntə βɛɬsəɣən.
115 "nʲɐːnʲ məβənɐt βəɬɬəβ?"
116 "pɑʧinɐt βəɬɬəβ", iːki jɐːstəɬ.
117 pɑʧi məsi tʲorɐs quːjɐ.
118 rɐːk βəsi.
119 jɑqqə joβətsi.
120 iːmi jɐːstəɬ: "rɐːk βəstən?"
121 "βəjmin."
122 əj mət ɬɐːtnə iːki jɐːstəɬ: "pɑɣ, mɐː qɒːtʲtʲɐːə jəssəm."
123 ʧəkkə qɒːtʲtʲɐːə jəɣ.
124 kɐːt qɑtɬɣən qɒːnʲtʲəs iːki, qoːɬəm qɑtɬ qɒːnʲtʲəs.
125 iːki suːrɐɬəs. pɑɣ ɐːtɬnɐm qɯːtʲ.
126 "iːmi, iːki ʧeːβitɐːə mɒːstɬ."
127 ʧeːβitɐːə tuːstən.
128 ʧeːβisi.
129 "βoqqəŋ qoː kənʧʧɐːə mɒːstɬ.
130 mɐː kiːnʲtʲɐːəm βoqqəŋ qoː əntem."
131 mənnəs.
132 torrəm qɒːn βɒːʧɐ joβtəs.
133 məβəsər qɒːtɐ joβət.
134 lɛki ʧoːqtə jɐːɣɐ joβət.
135 jɑntəɣtɐːə rɐːŋəpəs.
136 ɬɵk kɵrrəɬ qɒːjtə qoː suːrɐɬəɬ.
137 qɒːnnə quːntəɣɬəsi məβəsər βoqqŋ qoː joβət.
138 qɒːnnə toβə βɒːqsi.
139 "βoβ ɐːr tɑjɬən?"
140 "tɑjɬəm ʧɯːməɬ."
141 "tʲorɐs puːt əj kɵt pɛllək ɐːɬəmɬən?"
142 "kɐːt kɵtɣənnɐt quːntə kɐːtɬtəm, kɐːt tʲorɐsɣən puːt ɐːɬəmɬəm."
143 qɒːnnə ɐːɬəmtɐːə pɐːrsi: "iːɬmɐ kɐːt tʲorɐsɣən puːt kɐːt kɵtɣənnɐt!"
144 kɐːt tʲorɐsɣən puːt ɐːɬməs.
145 qɒːn toβənɐm ɬeːɬəɬ.
146 soːʧɬ, mənnəs, kɐːt tʲorɐsɣən puːt tuːstəɣ.
147 ɯːɬə pɑntsəɬɬ.
148 qɒːnnə toβə βɒːqsi.
149 "nɵŋ məβəsər βoqqəŋ qoː!"
150 "mɐː kiːmem βoqqəŋ qoː tɑjɬən?"
151 qɒːn jɐːstəɬ: "əntə tɑjɬəm.
152 nɵŋ mətɐ mək qoː?"
153 "mɐː nɵŋ məɣɐ qoː."
154 "oːs məβəɬi βɛrtɐːə təɣɣə joβən?"
155 "βoqqəŋ qoː kənʧʧɐːə joβəm."
156 "məβəsər βoqqəŋ qoː kənʧʧɐːə joβən!
157 mɐː əntə tɑjɬəm βoqqəŋ qoː."
158 "ɬɐːpət ɐːrʃin kɵɬit kɐːk qɒːt əj pɐːŋ oβtəjɐ ɯːmtɐ!"
159 qɒːt ɒːmtəs əj pɐːŋ oβtəjɐ.
160 tʲuːtnɐt soːʧɬ.
161 pɐː lɐːtɐ ɒːmətsi tʲuː qɒːt.
162 qɒːn toβənɐm ɬeːəɬəɬ.
163 qɒːnnə toβə βɒːqsi.
164 "mɐː quːtʲɣemnə βɑɬtɐɣə keːʧən βɑɬɬ?
165 nɵŋ ʧəkkə tompəjɐ βoqqəŋ qoː βoːsən.
166 nʲɯːʧi ɬʲɐːɬʲ jəɬ.
167 tʲuː ɬɐːtnə mɐːntem βoqqəŋ qoː mɒːstɬ."
168 "βɑɬɬəm."
169 teːm qɑtɬnə qɒːn jɐːstəɬ: "βoqqəŋ qoː, mɐːntem torrəm-qɒːt βərɐ!"
170 "məβə mɛrrə βɛrtɐːə mɒːstɬ?"
171 "əj tʲɐːs mɛrrə βɛrtɐːə mɒːstɬ."
172 "qoɬɬə βɛrtɐːə?"
173 "tɐːə βɛrtɐːə."
174 βɛrtɐːə mənnəs.
175 βɛrtɐːə rɐːŋəpəɣ.
176 tʲɐːs mɛrrə βɛrsətəɣ.
177 "torrəm-qɒːt βɛrsən?"
178 "βɛrsəm."
179 qɒːnnə ɬeːəɬəɬi: jəm torrəm qɒːt.
180 "oːs tʲi tompinə məβə βɛr βɛrɬən?"
181 "məβə βɛr βɛrɬəm?
182 sɐːrnʲi qɯːntɐːə ɬɐːŋqɬəm."
183 qot oːβər məɣ βɑɬɬ?"
184 qɒːn jɐːstəɬ: "βɑɬɬ."
185 mənnəs, ɬɵβɐti pɐːmtətɐːə tuːsi.
186 məq qɯːntɐːə rɐːŋəpəs.
187 qɯːnɬətəɣ, qɯːnɬətəɣ. əj ɬɐːtnə sɐːrnʲi ojəɣtəɣ.
188 torrəm pəttəɣɬəɣ.
189 qɑtɬ mɛrrə qɯːrəɣtəɣ.
190 iːttən qɒːnnə βɒːqsi.
191 "sɐːrnʲi ojəɣtən?"
192 "ojəɣtəssəm."
193 "ɐːr ojəɣtən?"
194 "nʲəɬɬə βɛt puːnt."
195 qɒːn jɐːstəɬ: "tʲuː tɐːənə, uːtənnə. oːs sɐːrnʲi βɑɬɬ."
196 "mɐː əntə uːɬəm."
197 "mɐː nɑmməqsəɬɬəm, nʲɯːʧi oːs βɑɬɬ."
198 "sɐːr qoɬtɐːəɬ oːs jɑŋqɯɬəɬɬəm."
199 pɯːrə qɑtɬ oːs mənnəs.
200 məq qɯːnəs, qɯːnəs, qɯːnəs, qɑtɬ mɛrrə qɯːnəɣtəɬ.
201 oːs mətɐ puːlli ojəɣtəɣ.
202 qɒːnnə oːs toβə βɒːqsi.
203 "sɐːrnʲi ojəɣtən?"
204 "ojəɣtəm mətɐ puːlli."
205 "oːs, uːtənnə, βɑɬɬ?"
206 "mɐː qoɬʲ uːɬem, əntə uːɬem!
207 mɐːnt torrəm-qɒːn, jɑqqə məntɐːə pɐːrtɬən?
208 mɐːnə βɑɬtə məɣɐmɐ məntɐə mɒːstɬ."
209 qɒːn jɐːstəɬ: "əj ɒːɬ mɛrrə toβə joβətɬən məβ əntɐ?"
210 "ɒːɬ mɛrrə joβətɬəm."
211 jɑqqənɐm mənnəs.
212 ɒːɬ mənnəs, mənnəs, jɑqqə joβət.
213 pɯːriɬi iːminə: "qɒːnɐ jɑŋqɯɬən?"
214 "jɑŋqɯɬəm."
215 "məβə βɛr βɛrrən?"
216 "məq qɯːnəm."
217 "məɣ məβɐt qɯːnən?"
218 "sɐːrnʲi kənʧəm."
219 "ojəɣtən?"
220 "ojəɣtəm."
221 "oːs nɵŋɐt toβə əntə βɐːəɬ?"
222 "əntɐ, mɐː, iːmi, teːm məɣnə sɐːrnʲi qɯːntɐːə keːʧəm βɑɬɬ."
223 iːmi jɐːstəɬ: "iːki, teːm məɣnə sɐːrnʲi əntem."
224 βɑɬɬəɣən.
225 iːmi jɐːstəɬ: "məβə βɒːjəx quːɬ kənʧʧɐːə mɒːsɬ."
226 βɒːjəx quːɬ kənʧʧɐːə mənnəs iːki, iːmi jɑqqən qɯːtʲ.
227 jɑŋqɯɬəɣ, jɑŋqɯɬəɣ, mətɐ sɯːrəli βɛɬɬəs.
228 jɑqqə joβət.
229 iːmi jɐːstəɬ: "quːɬ βɛɬɬən?"
230 "mətɐ sɯːrəli βɛɬɬəm."
231 jɑqqən βɑɬɬəɣən. mətɐ soŋnɐmpɐ əntə jɑŋqɯɬəɬ.
232 keːm piːtɬəɣən.
233 ɬiːtə ɬiːt-ot tʲɛllə βɑɬɬ.
234 toːəp βɑɬɬəɣən, toːəp βɑɬɬəɣən.
235 əj mət ɬɐːtnə iːki pɯːrəsɣə jəɣ.
236 iːmi jɐːstəɬ: "βɒːjəx quːɬ kənʧʧɐːə kiːmɬəɣ jəɣɣən.
237 nʲeːβrem əntem.
238 qojɐːənə ɬɐːpətɬojmin?
239 torrəm jomɣə jəɬ, ɬuːɬ βəsi jom-sɛmnə kɵrɣəɬo, noq ɬiːβe!
240 torrəm tətɣin ʧoːətɣə jəɬ, ɬuːɬe ʧoːətnə kɵrɣəɬi, noq ɬiːβe!
241 ɬiːt-ot əntə mɒːstɬ."
242 tʲuːt toβənə βɑɬɬəɣən.
243 iːɬnɐm əntə jɑŋqɯɬəɬ.
244 əj mət ɬɐːtnə puːpinə joβtiɣən.
245 puːpi jɑqqə qɒːtɐ ɬɑŋə.
246 "iːmi, tʲi puːpi ɯːɬə βɛɬtɐːə mɒːstɬ."
247 iːki ɬɐːjəm βəs, iːmi kɵʧʧəɣ βəj.
248 puːpi nɐːj quːtʲəŋnə ɬʲoːɬʲ.
249 iːkinə ɬɐːjmɐt sɛβrəmsi, iːminə kɵʧʧəɣɐt pɐːβɬəmsi.
250 puːpi kɵrɣəs.
251 noq qorrəɣtətɐːə rɐːŋəpsəɣən.
252 noq qorrəɣtəstən.
253 tʲuː puːpi nʲɐːβi ɬiːtɐːə rɐːŋəpsəɣən.
254 ɬiːɬtən, ɬiːɬtən, ɬiːɬtən.
255 əj ɬɐːpət ɬiːstən məβə kɐːt ɬɐːpətɣən ɬiːstən.
256 əj ɬɐːtnə puːpi nʲɐːβi tərməs.
257 "iːmi oːs məβəɬi ɬiːɬmin."
258 iːmi jɐːstəɬ: "ɬiːt-ot əntem.
259 qɑɬtɐɣə ɯːɬə ɐːɬintɬəmin."
260 qɑɬtɐːə ɐːɬintsəɣən.
261 ɐːɬɬəɣən.
262 iːki jɐːstəɬ: "ɬiːttɐːə jəɣɣəm."
263 iːmi jɐːstəɬ: "mɐːnpɐ ɬiːttɐːə jəɣɣəm."
264 "məβəɬi ɬiːɬmin?"
265 "ɬiːt-ot əntem."
266 qɑtɬəpti ɐːɬɬəɣən, toːəp ɐːɬɬəɣən.
267 əj ɬɐːtnə iːmi ɬeːəɬəɬ: iːki suːrɐɬəɣ.
268 iːmi ɐːtɬnɐm ɐːɬɐɬ.
269 əj qɑtɬ məβə kɐːtɣən ɐːɬɐs.
270 iːmi oːs suːrɐɬəs.