1 kāj.
2 imeŋən ikeŋən ū̬lləŋn̥ χ͔ɔ̄n wɔ̄š pitarən χ͔išem pārem ātəm χ͔ɔ̄tn̥.
3 imoʟti χ͔a̭tla jis, ikel jāstəl: "pol wērti ja̭χ͔ləmn̥!"
4 ikel nēməl kāj.
5 kāj imel piln̥ lɔ̄jəpsəŋn̥, pol wērti ma̭tsəŋn̥.
6 pol wērti ta̭χ͔ajəna joχ͔ətsəŋn̥, i pol wēʀsəŋn̥, i sēsi wɔ̄ʀsəŋn̥.
7 wēlpəsŋəln̥ jēttšəmkēmən joχ͔i šū̬šməsŋən.
8 χ͔a̭lewət āləŋ sa̭χ͔at jis, kāj pol wātti ma̭nti pitəs.
9 kāj imel šū̬kəš noχ͔ kiʟtəsli, imel noχ͔ a̭t kiləl.
10 luw imel wośkəsli, āteʟ pol wātti šū̬šməs.
11 luw χ͔ɔ̄n kāʟnaŋ ilpi ēʟti sēsi wātman ja̭ŋχ͔ilijəl.
12 luw χ͔ɔ̄n kāʟnaŋ šoma joχ͔təs, lɔ̄jəmtəs.
13 ruwa pēla noχ͔li wāntijl̥: nū̬mən ruwa loŋəln̥ χ͔ɔ̄n soltanət šū̬šililət, pā iln̥šək χ͔ɔ̄n sɔ̄rŋ͕eŋ oχ͔i χ͔irət ollət.
14 kāj nū̬məsijl̥: "ta̭ʟta lū̬ln̥ ilem χ͔ir āt mośatsəm!"
15 jēša lɔ̄jlijᵊs - nēməʟti piś a̭ntu̬m; jū̬šʟ̥ jēlli olti χ͔ū̬ i jēl šū̬šʟ̥.
16 toχ͔i joχ͔təs, pū̬nl̥ noχ͔ ālməsli: i pān-nēŋən loŋəm.
17 sēsel wāntəs: i śɔ̄jəŋn̥ pitəm.
18 śɔ̄jŋəl wusli, pū̬na mēttšəsli, pān-nēŋəl wusli, sēsija potsəlli.
19 śitəln̥ joχ͔i šū̬šməs.
20 joχ͔i joχ͔təs, imeln̥ iśməsa: "muj wēʟsən?"
21 kāj imel pēla jāstəl: "nēməʟti a̭t wēʟsəm! χ͔a̭lewət ja̭χ͔a ma̭nləmn̥, na̭ŋ ɔ̄jenən mɔ̄səŋ ma̭tti χ͔ul wēlləmn̥."
22 jētnaja jis, lēstən jiśsəŋn̥, oχ͔lən sēmlən montəḷməsŋən, il oʟsəŋn̥.
23 āləŋ sa̭χ͔at χ͔ū̬tləs, wēlpəs wātti poraja jis. kāj imel noχ͔ kiʟtəsli, ja̭χ͔a pol wātti ma̭tsəŋn̥.
24 toχ͔i joχ͔ətsəŋn̥, poln̥ wātsəln̥: i śɔ̄jəŋn̥ loŋəm!
25 imel jāstəl: "ta̭m moʟti śɔ̄jəŋ ti χ͔oʟti loŋəs?"
26 kāj jāstəl: "ū̬t wɔ̄j imoʟti ta̭χ͔ajən χ͔ū̬n ja̭ŋχ͔əl?"
27 sēsan wātsəŋn̥: i pān-nēŋən pitəm!
28 imel jāstəl: "ta̭m moʟti pān-nē ti χ͔oʟti loŋəs?"
29 kāj jāstəl: "jik χ͔ul imoʟti ta̭χ͔ajn̥ χ͔ū̬n ja̭ŋχ͔əl?"
30 wēləm otlən āləpsəŋn̥, joχ͔i šū̬šməsŋən.
31 χ͔ɔ̄n kāʟnaŋ šoma joχ͔ətsəŋn̥, lɔ̄jəpsəŋn̥.
32 kāj imel pēla jāstəl: "na̭ŋ ta̭ta lɔ̄ja sā, mā wuti ja̭χ͔ləm."
33 luw χ͔ɔ̄n sɔ̄rŋ͕eŋ oχ͔i χ͔ir āleməsli, śiti śi joχ͔li tū̬sli.
34 joχ͔i joχ͔ətsəŋn̥.
35 lēwman jiśman jupijn̥ χ͔ū̬ləm soltan joχ͔i śi ra̭kətsət.
36 "wɔ̄χ͔sajtn̥ χ͔ɔ̄n āśan̥n̥, tū̬rəm āśan̥n̥!"
37 kāj imel piln̥ χ͔ɔ̄n χ͔ośa joχ͔ətsəŋn̥.
38 kāj χ͔ɔ̄nən iśməsa: "mā sɔ̄rŋeŋ oχ͔i χ͔irem nin lɔ̄ləpsəln̥?"
39 kāj jāstəl: "min lɔ̄ləmmemn̥ a̭ntum!"
40 śi jāsəŋn̥ χ͔ɔ̄nən kāj puŋla potkəsa.
41 kāj imel wāṇa wɔ̄χ͔sa, χ͔ɔ̄n̥n̥ iśməsa: "mā sɔ̄rŋ͕eŋ oχ͔i χ͔irem nin lɔ̄ləpsəln̥?"
42 kāj imel jāstəl: "min ta̭m χ͔a̭tʟ̥ pol wātti ja̭χ͔səmn̥, sɔ̄rŋ͕eŋ oχ͔i χ͔ir lɔ̄ləpsemn̥."
43 śikēmən kāj tuʟta ńū̬χ͔məs: "śi ottšam χ͔ū̬rpi ot muj ińśəsti oš ta̭jl̥? ma̭lχ͔atʟ̥ muj lēs, śit a̭t ū̬jətʟ̥ !"
44 kāj imel χ͔ɔ̄nən pā iśməsa: "pol wātsətn̥, muj wēʟsətn̥?"
45 luw jāstəl: "poln̥ i śɔ̄jəŋ wēʟsəmn̥, sēsijn̥ i pān-nē wēʟsəmn̥."
46 śi jāsəŋn̥ χ͔ɔ̄n soltanlal pēla χ͔išəmtəs: "ma̭nati, kim juwtaln̥!"
47 kāj imeln̥ kim wośkəsajtn̥.
48 χ͔a̭lewta jis.
49 kāj āj mis ta̭jsəŋn̥.
50 misn̥ noχ͔ χ͔oʀsəln̥.
51 luw āj mis χ͔a̭ṇšaŋ χ͔irəl ēwətməsli, wurn̥ tēl potsəlli.
52 jētn̥ oltan jēlpijn̥ imel mēwəl oχ͔a ja̭ʀsəlli.
53 āləŋ sa̭χ͔at kāj noχ͔ kiləmtəs, śoχ͔ri šū̬pl̥ wus, śɔ̄l ńoχ͔ərti ɔ̄psəs.
54 śɔ̄l ńoχ͔ərman ɔ̄məstal sa̭χ͔at χ͔ū̬ləm χ͔ū̬ joχ͔i śi ra̭kətsət. kāj imel noχ͔ kiʟtəlli: "kila, kila, mɔ̄jəŋ jɔ̄χ͔ joχ͔ətsət. šāj a̭l ot kāwərta!"
55 imel olᵊl, noχ͔ a̭t kil̥l̥.
56 kāj kimet puš ńū̬χ͔məs: "kila, kila! mēta śi oʟsən!"
57 a̭nta, imel i jēl olᵊl a̭t ū̬jətti χ͔ojat jukana. kāj śa̭ʟta in śoχ͔reln̥ imel mēwl̥ oχ͔ ēʟti lɔ̄ńśəpsəlli.
58 in imel noχ͔ kiləmtəs, šāj tut juχ͔ āʟman wur śorŋəʟman a̭l nāwrilijəl.
59 śikēmən loŋəm χ͔ū̬ləm χ͔ū̬ i uŋəln̥ ńū̬χ͔əpsət: "śi moʟti śoχ͔ren pa̭r moʟti ja̭m! muŋew ki lū̬ln̥ ma̭len! muŋ imiluw āləŋ sa̭χ͔atətn̥ noχ͔ tāk sa̭rn̥ χ͔opətlajət."
60 kāj jāstəl: "ninan mɔ̄stal lāmpa ki, wujaln̥; ma̭nemn̥ ja̭m moʟti ta̭χ͔a a̭t ta̭jəl."
61 in χ͔ū̬ləm χ͔ū̬ lāpətsajət, jiśʟ̥təsajət, lɔ̄jəpsət, ma̭tsət.
62 luw ma̭nmel kimet χ͔a̭tʟ̥ āləŋ sa̭χ͔at śoχ͔ri mɔ̄jləm jɔ̄χ͔lal kū̬ʀ ēʟti i ńāwrem joχ͔təs āj kēl wērti. "śiti, śiti; mɔ̄jləm śoχ͔reln̥ χ͔ū̬ləm χ͔ū̬ imilal āləŋ sa̭χ͔at χ͔ol wēʟsəllal."
63 kāj śi jāsəŋ χ͔ū̬lmalkēmən ēləl iśi ma̭tti pɔ̄təm jikn̥ šɔ̄šməm χ͔orpija jis.
64 nū̬məsti śi pitəs: "śi ārat χ͔ojat wēʟsəm, mā pā śa̭χ͔a mɔ̄səŋ wēllajəm. moʟti wērti mɔ̄sʟ!"
65 jēša ɔ̄psəs, kim ētəs, āj χ͔ɔ̄pəl lēʟ-juχ͔a ēwətlʼisli.
66 joχ͔i loŋəs, imel pēla jāstəl: "ma̭nem ta̭m χ͔ɔ̄pema χ͔a̭laja poni. ma̭nem wēlti χ͔ojat ki joχ͔ətʟ̥, na̭ŋ wēwli pittija χ͔ɔ̄ʟʟa. jāsta: 'ikem ta̭m χ͔a̭tʟ̥ śi posaləs.'"
67 kāj imeln̥ lēʟ-juχ͔a χ͔a̭la iti il ḷāŋkəssa.
68 nēməʟti χ͔uw a̭ntu̬m ū̬s, χ͔ū̬ləm χ͔ū̬ joχ͔i śi ra̭kətsət. kāj imel śi χ͔ɔ̄ʟʟəl, χ͔ɔ̄ʟʟəl, wēwli pitəs, jāstəl: "ikem ta̭m χ͔a̭tʟ śi posaləs."
69 mēt ū̬n χ͔ū̬jel jāstəl: "nik omḷepa ēsʟ̥ti mɔ̄sʟ̥."
70 ū̬n omḷep wēʀsa, śi omḷepa ēsʟ̥ti kāj χ͔ū̬ləm χ͔ū̬jn̥ āləpsa.
71 mēt āj χ͔ū̬jel jāstəl: "χ͔ɔ̄n χ͔ośa ja̭χ͔ti mɔ̄sʟ̥, χ͔ɔ̄nən χ͔olta pāʀla!"
72 χ͔ū̬ləm χ͔ū̬ χ͔ɔ̄n χ͔ośa ma̭tsət.
73 luw ma̭nmel jupijn̥ kāj lēʟ-juχ͔l̥ ēʟti noχ͔ kiləmtəs, wutli a̭ŋkərməs: i χ͔ū̬ χ͔ū̬ləm lɔ̄wn̥ jil.
74 ti joχ͔təs, kāj iśməsa: "χ͔olta ja̭χ͔sən?"
75 - "mā jik ilpi wɔ̄ša ja̭χ͔səm, iln̥ sɔ̄rŋeŋ wɔ̄š ū̬l. ja̭ŋχ͔əm χ͔ɔ̄pem ta̭ta śi ɔ̄məsʟ̥."
76 in χ͔ū̬jəl jāstəl: "ta̭χ͔a, śiti ki, mā pā toχ͔i ja̭χ͔ləm. ma̭nem ta̭m χ͔ɔ̄pena il ja̭ʀsali!"
77 kāj in χ͔ū̬jəl lēʟ-juχ͔a il oʟtəsli, śa̭ʟta a̭l sɔ̄χ͔əln̥ ḷa̭p ja̭ʀsəlli. kāj χ͔ū̬ləm lɔ̄wa lēləmtəs, wutli (pēla) tū̬p pū̬səŋ kāwrəʟman nāwrəltijᵊs.
78 χ͔ū̬ləm χ͔ū̬ joχ͔ətsət.
79 lēʟ-juχ͔el il omḷepa ḷukeməmelkēmən a̭l poḷijəl poḷ poḷ. kāj śi itəln̥ joχ͔i ma̭nəs.
80 in śuńəl χ͔ū̬ləln̥ in śi ū̬l̥l̥.