1 χ͔ū̬ləm χ͔ū̬ āj kemjas.
2 χ͔ū̬ləm χ͔ū̬ wēlpəsləti χ͔ɔ̄tn̥ ū̬llət, nē χ͔olije a̭t ta̭jlət.
3 āpśeŋəlal wēlpəsləti ma̭nləŋən, jājl̥ joln̥ χ͔a̭śʟ̥, wāj wus jɔ̄tʟ̥, āpśeŋəlal joχ͔ətti kēša lēt-ot wērl̥.
4 put wērtal sa̭χ͔at tut juχ͔a kim ētəs.
5 kāmən χ͔ū̬ləm χ͔otəŋ χ͔ū̬ləs, śa̭ʟta joχ͔i χ͔ū̬χ͔əlməs.
6 joln̥ ɔ̄məstal sa̭χ͔at χ͔ū̬ləm nē loŋəs.
7 nēlaln̥ nik ńa̭reməsa, χ͔oṇ pa̭tēl kāwrəm ńoχ͔ijn̥ χ͔ɔ̄ṭsa āṇ jukana.
8 āpśeŋəlal joχ͔ətsəŋn̥, āpśeŋəlal luwel jāstəsŋən: "muja tut a̭t a̭llən? min iśkijn̥ pɔ̄tsajmən!"
9 luw jāstəs: "putem il χ͔ompəḷḷəs, χ͔oṇem kāwrəmən lēsa."
10 āt oʟsət, kimēt χ͔a̭tʟ̥ pā wēlpəsləti ma̭nti poraja jis.
11 pā kutəp χ͔ū̬jl̥ joln̥ χ͔a̭śʟ̥.
12 lēt-ot wērəl, wāj jɔ̄ntəsʟ̥, āpśeŋəlal jājŋəlal joχ͔ətti kēša put wērəl.
13 pā tut juχ͔a kim ētʟ̥.
14 kāmən χ͔ū̬ləm χ͔otəŋ uwaʟsət; luw joχ͔i ma̭nəs.
15 joln̥ ɔ̄məstal sa̭χ͔at χ͔ū̬ləm nē loŋəs.
16 nēlaln̥ nik ńa̭reməsa, χ͔oṇ pa̭tel kāwrəm ńoχ͔ijn̥ χ͔ɔ̄tsa.
17 nēlal lēsət jēttšəsət, ka̭sərliti pitsət.
18 jotti ta̭χ͔a ēʟti jēttšəsət, ma̭tsət.
19 śa̭ʟta āpśeŋəlal jājŋəlal joχ͔ətsəŋn̥.
20 muja tut a̭t a̭llən? min iśkijn̥ pɔ̄tsajmən!
21 - "mā kāwrəm putn̥ χ͔ompəḷḷəsajəm!"
22 pā āt oʟsət, kimet χ͔a̭tla jis, pā wēlpəsləti ma̭nti poraja jis.
23 kimet χ͔a̭tʟ̥ χ͔ū̬ləm χ͔u̬ ājkēmjas luw joln̥ χ͔a̭śʟ̥, jājŋəlal wēlpəsləti ma̭nləŋn̥.
24 jājŋəlal ma̭nti jupijn̥ juχ͔ ēʟti āṇ wērəl i lij wērəl, wāj wus jɔ̄ntəsʟ̥, jājŋəlal joχ͔ətti kēša lēt-ot wērəl.
25 tut juχ͔ loŋəʟti kim ētəs.
26 kāmən lɔ̄jtal sa̭χ͔at χ͔ū̬ləm χ͔otəŋ uwətsət.
27 χ͔ū̬ləm χ͔u̬ ājkēmjas joχ͔i χ͔ū̬χ͔əlməs.
28 joln̥ ɔ̄məstal sa̭χ͔at χ͔ū̬ləm nē joχ͔i loksət.
29 nēlal loŋəm jupijn̥ χ͔ū̬ləm χ͔u̬ ājkēmjas χ͔ū̬ś numpija χ͔ū̬ŋχ͔əs.
30 nū̬mən pāwʀ̥ χ͔ū̬ḷ ēʟti kim ētəs.
31 nēlal χ͔otəŋ χ͔orət wus, puləp wusa noχ͔ χ͔ū̬ŋχ͔əs.
32 nēlal χ͔otəŋ χ͔orət puləp wus ēʟti tuta a̭lləli; χ͔otəŋ χ͔orlal χ͔olalət.
33 il χ͔ū̬χ͔əl̥l̥, nēlal χ͔ośa joχ͔i loŋəl.
34 nēlal lēwman ɔ̄məssət.
35 luw loŋmal jupijn̥ nēlal kim ētməsət. χ͔otəŋ χ͔orlal wāḷeməsət - a̭ntumət.
36 joχ͔i pā loksət.
37 joχ͔i loksət, χ͔ū̬ləm χ͔u̬ ājkēmjas jāstəs: "nin in χ͔oʟti a̭t ma̭nləti. jēša ū̬l̥l̥, jājŋəlam joχ͔ətləŋn̥."
38 jēša ɔ̄məstel sa̭χ͔at jājŋəlal ū̬t ēʟti joχ͔ətsəŋn̥.
39 χ͔ū̬ləm χ͔u̬ ājkēmjas jājŋəlal pēla potəʀʟ̥: "mā ninan ka̭t nē tū̬səm. in muŋ wāj wus jɔ̄tti i lēt-ot wērti a̭t pitluw. muŋ tū̬p wēlpəsləti kēša ū̬lti pitluw, ā nēluw joln̥ lēt-ot i jɔ̄ntəsti kēša ū̬lti pitlət."
40 śi wērel pa̭rəm jupijn̥ jēša ū̬sət; pā jɔ̄χ͔lal wēlpəsləti ma̭nti poraja jis.
41 wēlpəsləti ma̭ntel jēlpijn̥ χ͔ū̬ləm χ͔u̬ ājkēmjas nēlal pēla potəʀʟ̥: "nin śa̭χ͔a muŋ ma̭ntew jupijn̥ šēk āl jontati, ta̭m kū̬rtew ātəm wēr ta̭jl̥."
42 jɔ̄χ͔lal ma̭tsət ū̬nta wēlpəsləti, nēlal joln̥ χ͔a̭śsət.
43 jɔ̄χ͔lal ma̭nəm jupijn̥ nēlal jotti pitsət.
44 jotmel jupijn̥ kāmən juχ͔ət χ͔ēʀseməti pitsət.
45 āj nēŋəl jāstəl opeŋəlal pēla: "mū̬nti tēln̥ muŋew potəʀla: jottⁱ a̭t ra̭χ͔əl! muja nin šēk jotlətn̥?"
46 jēša ū̬ltel sa̭χ͔at ɔ̄w χ͔ɔ̄p joχ͔i ra̭knəs, lāpət oχ͔pi mēk iki joχ͔i ētəs.
47 mēk iki nēlal pēla potəʀʟ̥: "ńāwremət, ka̭sərliti pitluw, χ͔oj jū̬rəŋ. mā ki pitlajəm, ma̭nem wēlati; nin ki pitlajti, mā ninan tū̬ləm!"
48 mēt ū̬n nēŋəl ka̭sərləti ɔ̄psəs, pitsa i mēk ikijn̥ śēpa potsa.
49 pā kutəp nēŋəl ɔ̄psəs, pā pitsa.
50 āj nēŋəl ɔ̄psəs, pā pitsa.
51 χ͔olije mēk ikijn̥ śēpa potsajət i mēk iki ma̭nəs.
52 jɔ̄χ͔lal wēlpəsləti ta̭χ͔[a] ēʟti joχ͔i joχ͔ətsət - nēlal a̭ntu̬mət.
53 χ͔ū̬ləm χ͔u̬ ājkēmjas jājŋəlal pēla potəʀʟ̥: "mā nēlam ka̭šti ma̭nləm. χ͔uw muj wāṇ ja̭χ͔ləm - joχ͔i joχ͔ətləm!"
54 χ͔ū̬ləm χ͔u̬ ājkēmjas lēśatijᵊs i ma̭nəs.
55 ma̭nti kuḷma pitəs, śi ma̭nəs, ma̭nəs.
56 āj χ͔ɔ̄ta ētəs, joχ͔i loŋəs.
57 joln̥ ij iki ɔ̄məsʟ̥, kārti pāwəl̥l̥.
58 in ikeln̥ ińśəsla: "χ͔ū̬ləm χ͔u̬ ājkēmjas, na̭ŋ χ͔olta ma̭nlən, muj jērəpsən mośsən?"
59 - "mā nēlam tū̬sajət, nēlam ka̭šti ma̭nləm."
60 in ikel luw pēlajəl jāstəs: "nēlan χ͔ojn̥ tū̬sajət?"
61 - "mā a̭t ū̬jᵊtlem."
62 - "nēlan lāpət oχ͔pi mēk ikijn̥ tū̬sajət. śa̭ʟta χ͔ū̬lmet χ͔a̭tʟᵊn ma̭tsət."
63 χ͔ū̬ləm χ͔u̬ āj kemjas in ikel χ͔ośa oləs.
64 āləŋ sa̭χ͔at noχ͔ kiləs, lēs jēńśəs, pā jēlli ma̭nti pitəs.
65 ma̭nti kuḷma pitəs, śi ma̭nəs, ma̭nəs.
66 pā i χ͔ɔ̄ta ētəs, joχ͔i loŋəs; ij iki kārti pāwəl̥l̥.
67 in ikeln̥ ińśəsla: "χ͔ū̬ləm χ͔u̬ ājkēmjas, χ͔olta ma̭nlən?"
68 - "mā imilam tū̬sajət, imilam ka̭šti ma̭nləm."
69 in ikel jāstəs: "imilan χ͔ojn̥ tū̬sajət?"
70 - "mā a̭t ū̬jᵊtlem, χ͔ojn̥ tū̬sajət."
71 - "imilan lāpət oχ͔pi mēkən tū̬sajət, mā ēʟtem wētmet χ͔a̭tʟ̥ ma̭tsət."
72 χ͔ū̬ləm χ͔u̬ ājkēmjas lēs jēńśəs, il oləs.
73 āt χ͔ɔ̄lᵊs, āləŋ sa̭χ͔at noχ͔ kiləs, pā jēlli ma̭nti pitəs.
74 ma̭nti pa̭ta pitəs, śi ma̭nəs, ma̭nəs.
75 pā χ͔ū̬lmet āj χ͔ɔ̄tᵃ ētəs.
76 āj χ͔ɔ̄ta joχ͔təs, joχ͔i loŋəs; ij iki kārti pāwəl̥l̥.
77 in ikeln̥ ińśəsla: "χ͔ū̬ləm χ͔u̬ ājkēmjas, na̭ŋ χ͔olta ma̭nlən?"
78 - "mā nēlam tū̬sajət, nēlam ka̭šti ma̭nləm."
79 - "nēlan χ͔ojn̥ tū̬sajət?"
80 - "mā a̭t ū̬jᵊtlem."
81 - "nēlan lāpət oχ͔pi mēkᵊn tū̬sajət. ta̭ʟta lāpətmet χ͔a̭tʟ̥ ētəs, lāpət oχ͔pi mēk iki. na̭ŋ χ͔oti wērlen luwel? luw χ͔ośajəl ār χ͔ū̬ ma̭nilisət pā a̭t wēritsət."
82 - "ma̭ χ͔otaś ma̭nləm!"
83 in ikel χ͔ośa āt χ͔ɔ̄ləs, noχ͔ kiləs, pā ma̭nti pitəs.
84 in ikel luwel potəʀti pitəs: "na̭ŋ luw χ͔ośajəl ma̭nlən, toχ͔i joχ͔ətlən. lāpət oχ͔pi mēk iki mit χ͔ū̬ ta̭jl̥, mit χ͔ū̬jəl nēməl lijəŋ lāŋki pa̭lat χ͔ū̬. na̭ŋ śa̭χ͔a luw χ͔ośajᵊla ētlən, luw χ͔ontati pitʟ̥. na̭ŋ uwti pita: "mā lɔ̄mtəm χ͔ū̬, lɔ̄mtəm χ͔ū̬!" luw lɔ̄jl̥ śa̭χ͔a. luw śiməś kārti šū̬p ta̭jl̥; śi kārti šū̬pl̥ juwətləli, juχ͔ət šukatʟ̥. ma̭nti pitlətn̥, na̭ŋ kārti šū̬pl̥ wuji. luw jēlšək pitʟ̣, luwela juwti; luw kārti šū̬pəln̥ wēlla. śa̭ʟta lijəŋ lāŋki pa̭lat χ͔ū̬ja na̭ŋ jiln̥. mēk χ͔ɔ̄ta joχ͔ətlən; lāpət ū̬χ͔əl tēl juχ͔ lāpət āl tēla joχ͔i loŋəltaln̥!"
85 χ͔ū̬ləm χ͔u̬ ājkēmjas ma̭nti pitəs.
86 χ͔uw ma̭nəs, wāṇ ma̭nəs, imoʟtijn̥ lijəŋ lāŋki pa̭lat χ͔ū̬ šijaləs.
87 lijəŋ lāŋki pa̭lat χ͔ū̬ luwel kāśaləs, χ͔ontati wutʼtʼśijəs.
88 χ͔ū̬ləm χ͔u̬ āj kemjas uwti pitəs: "lɔ̄ja, lɔ̄ja, āl χ͔onta! mā ta̭pəm χ͔ū̬, ta̭pəm χ͔ū̬!"
89 lijəŋ lāŋki pa̭lat χ͔ū̬ lɔ̄jᵊs.
90 χ͔ū̬ləm χ͔u̬ ājkēmjas toχ͔i joχ͔təs.
91 lijəŋ lāŋki pa̭lat χ͔ū̬ luw pēlajəl potəʀʟ̥: "na̭ŋ χ͔olta ma̭nlən?"
92 - "mā na̭ŋ kū̬śajen χ͔ośa mit χ͔ū̬ja ma̭nti wutʼtʼśisəm, χ͔oʟti lɔ̄mətsəm. ta̭m mā lɔ̄mətmem wētmet ta̭lem."
93 śa̭ʟta jēlli ma̭nti pitsəŋn̥.
94 χ͔ū̬ləm χ͔u̬ ājkēmjas kārti šū̬pəl luw wusli i luw āʟʟəli.
95 lijəŋ lāŋki pa̭lat χ͔ū̬jəl jēša jēlšək pitəs; luw kārti šū̬pl̥ juwətsəli, lijəŋ lāŋki pa̭lat χ͔ū̬jəl wēʟsəli.
96 lijəŋ lāŋki pa̭lat χ͔ū̬ja luw ū̬lti pitəs.
97 χ͔ū̬ləm χ͔u̬ ājkēmjas mēk χ͔ɔ̄ta joχ͔təs.
98 tut juχ͔ ū̬χ͔əllal āja sēwəʀsəli, joχ͔i jɔ̄wʟ̥səli.
99 joχ͔i loŋəs mēk iki χ͔ośa.
100 mēk ikijn̥ ińśəsla: "lijəŋ lāŋki pa̭lat χ͔ū̬, mā mit χ͔ū̬jēm, lēt-ot wērti poraja jis!"
101 lijəŋ lāŋki pa̭lat χ͔ū̬ kim ētəs, lēt-ot loŋəltəs, lēt-ot wērti pitəs.
102 putʟ̥ jēttšəs.
103 mēk ikel lāpətti pitsəli.
104 mēk ikel lēti puta kārti ńāń pēḷək ēsləs: put ɔ̄wl̥ wɔ̄jn̥ tēl χ͔uwləsa.
105 mēk ikel uŋəl wus χ͔uwat a̭l šɔ̄šəpsəli.
106 śi jupijn̥ pā nēlal lēt-otn̥ wērəs.
107 ū̬n nēŋəl jik wɔ̄χ͔əs lijəŋ lāŋki pa̭lat χ͔ū̬ ēʟti.
108 lijəŋ lāŋki pa̭lat χ͔ū̬ jiŋki ū̬mpi lipija lū̬jət ēsləmtəs.
109 ū̬n nēŋəln̥ moštəsa: χ͔ū̬ləm χ͔u̬ ājkēmjas joχ͔ətmal!
110 nēlal mēk iki pēla jāstələt: "muŋ χ͔a̭lewət ū̬ṭḷəp juχ͔a ma̭nluw."
111 mēk ikeln̥ ū̬ṭḷəp juχ͔a pāʀsajət.
112 śi sa̭χ͔at lij χ͔ontalət.
113 nēlal ma̭nəm jupijn̥ lijəŋ lāŋki pa̭lat χ͔ū̬ mēk ikela lēt-ot pā wērti pitəs.
114 kāwr̥t-ot loŋəltəs, puta moʟsəli; putʟ̥ kāwr̥məs.
115 putʟ̥ jēttšəm jupijn̥ ta̭laŋ kārti ńāń put ɔ̄wa ēsləs: put ɔ̄wl̥ āj wɔ̄jn̥ tēl χ͔uwləsa.
116 mēk ikel uŋəl wus χ͔uwat a̭l šɔ̄šəmti pitsəli.
117 mēk ikel lāpətmal jupijn̥ wɔ̄jlaln̥ ošli pāwətsa.
118 mēk ikel ošli pitəs.
119 śa̭ʟta nū̬mən lāpət kēši i pa̭ńarn̥ illi ēsʟ̥man lɔ̄jlət.
120 χ͔ū̬ləm χ͔u̬ ājkēmjas wāś śoχ͔ri wus, in kēšilal il ēwətməsli.
121 lāpət oχ͔pi mēk iki oχ͔lal āteʟ sēwʀ̥sajət. χ͔ū̬ləm χ͔u̬ ājkēmjas jāstəs: "mā χ͔uwn̥ joχ͔ətsəm, lijəŋ lāŋki pa̭lat χ͔ū̬jen pā χ͔uwn̥ wēʟsem i na̭ŋen wēʟsəm in."
122 χ͔ū̬ləm χ͔u̬ ājkēmjas kim nāwr̥məs, χ͔ontati pitəs.
123 lāpət oχ͔pi mēk iki pɔ̄rəχ͔ šū̬pl̥ pā luw jupeln̥ ńū̬χ͔ləsʟ̥.
124 χ͔ū̬ləm χ͔u̬ ājkēmjas śi ma̭nəs, ma̭nəs, molχ͔a χ͔ɔ̄tᵊla joχ͔təs.
125 in pɔ̄rəχ͔ šū̬pəl pā luw jupeln̥ ńū̬χ͔ləsʟ̥.
126 joχ͔i loŋəs, molχ͔a ikel kārti porlʼet wērmal.
127 mēk ikel pɔ̄rəχ͔ šū̬p kārti porlʼijn̥ lɔ̄śsəli.
128 χ͔ū̬ləm χ͔u̬ āj kemjas pā jēlli χ͔ontati pitəs.
129 pɔ̄rəχ͔ šū̬pəl pā luw jupeln̥ jil.
130 kimet χ͔ɔ̄ta pā joχ͔təs.
131 śita pā kārti porlʼet lēśatəmət.
132 mēk ikel pɔ̄rəχ͔ pā kārti porlʼijn̥ lɔ̄śsa.
133 pā wēwa jis.
134 χ͔ū̬ləm χ͔u̬ ājkēmjas pā jēlli χ͔ontati pitəs.
135 χ͔ū̬lmet χ͔ɔ̄ta joχ͔təs; mēk iki χ͔olna jil.
136 χ͔ū̬ləm χ͔u̬ ājkēmjas χ͔olije nēlal śi χ͔ɔ̄ta joχ͔ətmel.
137 śi χ͔ɔ̄tn̥ kārti pū̬n lēśatəm.
138 mēk pɔ̄rəχ͔ šū̬pl̥ pā śi joχ͔təs.
139 mēk pɔ̄rəχ͔ šū̬pl̥ kārti pū̬n lipija potsel, ār χ͔ojatn̥ āsa tū̬sel, jiŋka ēsʟ̥sēl.
140 χ͔ū̬ləm χ͔u̬ ājkēmjas nēlal wus, joχ͔i ma̭nti pitəs.
141 kārti wērəm pirəś ikilal jāstələt: "kātra āśi āŋki ki ta̭jsən, āśilan āŋkilan lū̬ŋχ͔ət muŋ. na̭ŋ joχ͔i joχ͔ətlən; muŋew χ͔oti wātsən, śi śirn̥ pɔ̄ri āṇ̥ṇ̥ pɔ̄ri putn̥ wērilijaln̥, muŋew āl joremaln̥!"
142 śi jāsŋəl pa̭rəs, χ͔ū̬ləm χ͔u̬ ājkēmjas nēlal wus i nēlal piln̥ joχ͔i ma̭nti pitəs.
143 śi ma̭tsət, ma̭tsət; χ͔uw ma̭tsət, wāṇ ma̭tsət, joχ͔i joχ͔ətsət.
144 joχ͔i joχ͔ətmel jupijn̥ χ͔ū̬ləm χ͔u̬ ājkēmjas jājŋəlal imeŋən jājŋəlala ma̭sli, luw imel luw wusli, i jēlli ū̬lti pitsət. χ͔ū̬ləm χ͔u̬ ājkēmjas jāstəs: "ninan sutitti mɔ̄sʟ̥!"
145 ū̬n nēŋel ār χ͔ū̬jn̥ wusel, śi sēksel, sēksel - χ͔a̭ṇšaŋ kēw puḷ kim ra̭knəs.
146 pā kutəp nēŋel sēkti pitsət - kutəp nēŋel ēʟti nowi kēw puḷ kim ra̭knəs.
147 mēt āj nēŋel sēksel, sēksel - isa wēśkat.
148 χ͔ū̬ləm χ͔u̬ ājkēmjas imel wus, imel piln̥ ās nikli ma̭nəs.
149 kutləp χ͔ū̬jl̥ imel wus, ās noχ͔li ma̭nəs.
150 ū̬n χ͔ū̬jl̥ imel wus, kēw pēla ma̭nəs.