1 mɔ̄ś nē i por nē.
2 oχ͔sar imi šɔ̄wər imi ū̬lləŋn̥.
3 imoʟ(ti) χ͔a̭tla jis, rēp wērti pitsəŋən.
4 kimet χ͔a̭tʟ̥ rēpəna χ͔a̭təməti joχ͔ətsəŋn̥.
5 oχ͔sar imi isa ɔ̄ləŋn̥ ja̭ŋχ͔ilijl̥.
6 ka̭t χ͔ū̬ləm puš ɔ̄lŋa ja̭ŋχ͔əs, šɔ̄wr̥ imel pēla jāstəl: "na̭ŋ pᵃ ɔ̄lŋa ja̭ŋχ͔a!"
7 šɔ̄wr̥ imi jāstʟ̥: "mā ɔ̄lŋa a̭t ma̭nləm."
8 šɔ̄wr̥ imi jāstʟ̥: "ma̭lχ͔atʟ̥ śi ɔ̄lŋa ja̭ŋχ͔ililn̥; ta̭m χ͔a̭tʟ̥ mujēn χ͔oti jis?"
9 wuraja χ͔ɔ̄jsəŋn̥.
10 itʟ̥ jāstəl: "na̭ŋ ɔ̄lŋa ma̭na!", itʟ̥ jāstəl: "naŋ ɔ̄lŋa ma̭na!"
11 šɔ̄wr̥ imi kuš χ͔oti kāšli pū̬šli lɔ̄jlijᵊs, ɔ̄lŋa χ͔a̭təməs.
12 rēp kutpᵃ a̭t joχ͔təs, oχ͔sar imijn̥ ēʟ(ti)χ͔a̭təməsa.
13 ša̭š lowəl šoppi tɔ̄χ͔nəmtəs.
14 šɔ̄wr̥ imi ńāwremŋən a̭ŋkan śi lāwləssəŋn̥, śi lāwləssəŋn̥ - isᵃ a̭ntu̬m!
15 oχ͔sar imi puləp wusa noχ͔ χ͔ū̬χ͔səŋn̥, illi puləp wus χ͔uwat wātləŋn̥.
16 (put kāwərl̥.)
17 oχ͔sar imi ńāwremət a̭ratətel śāśʟ̥: "ta̭m sēm wojen ma̭nem miji, ta̭m sēm wojen ma̭nem miji!"
18 āŋkel ńāwremlal pēla śāśilijl̥: "nin ńāwremŋəlal sēm wojət lēwati!"
19 puləp wus ēʟti il oχ͔əʟsəŋn̥, χ͔ɔ̄ʟʟəman jēsləman joχ͔i ma̭tsəŋn̥.
20 opel āpśel pēla jāstəl: "sɔ̄ra-šək χ͔otləmn̥!"
21 lin kuṇšəp wustən, lēśtan wustən, tut kēw wustən.
22 χ͔uw ma̭tsəŋn̥, wāṇ ma̭tsəŋn̥, oχ͔sar imi śi ētəs.
23 opēl joχ͔l[i] a̭ŋkərtijəs: ta̭m χ͔a̭ś kātʟ̥lajtn̥, śi χ͔a̭ś kātʟ̥lajtn̥!
24 opel kušpəl juwtəs.
25 min āremn̥ mɔ̄ńśemn̥ jēl ki ma̭nəl, śiməś šik juχ͔pi ū̬t āt tijəl, ńol āʟ ʟēpəl, sēm āʟ ʟēpəl!
26 joχ͔l[i] a̭ŋkərtiltn̥ - šijəl a̭ntu̬m.
27 opēl āpśel pēla jāstəl: "χ͔a̭śəs ta̭ŋχ͔a!"
28 joχ͔li pā a̭ŋkərməstn̥, oχ͔sar imi śi jital nila.
29 soχ͔ pēləklal a̭l wɔ̄tlajət.
30 ta̭m χ͔a̭ś kātʟ̥lajtn̥, śi χ͔a̭ś kātʟ̥lajtn̥.
31 opel lēśtanl̥ juwtəs.
32 min āremn̥ mɔ̄ńśemn̥ jēl ki ma̭nl̥, śiməś ū̬n kēw āt tijl̥, ɔ̄plʼᵃ āt χ͔ɔ̄jl̥, tū̬rma āt χ͔ɔ̄jl̥!
33 joχ͔l[i] a̭ŋkərtiltn̥ - šijəl a̭ntum.
34 opel āpśel pēla jāstəl: "χ͔a̭śəs ta̭ŋχ͔a!"
35 nēməʟ(ti) χ͔uw a̭ntum ū̬s, pᵃ ētəs; ńālməl mor wuša ēsʟ̥mal.
36 ta̭m χ͔a̭ś kātʟ̥lajtn̥, śi χ͔a̭ś kātʟ̥lajtn̥.
37 opēl joχ͔(i) χ͔a̭śəm tut kēwl̥ juwtəs.
38 "min āremn̥ mɔ̄ńśemn̥ jēl ki ma̭nl̥, śiməś ū̬n tut āt tijl̥, tū̬rma āt χ͔ɔ̄jmal, ɔ̄plʼa āt χ͔ɔ̄jmal!"
39 joχ͔l[i] a̭ŋkərtiltn̥ - oχ͔sar imi šijəl a̭ntu̬m.
40 opel āpśel pēla jāstəl: "śi χ͔a̭śəs ta̭ŋχ͔a!"
41 opel āpśel la̭krəl ēʟti il wusli, mū̬rəχ͔ lēti pitsəŋn̥.
42 χ͔uw lēsŋən muj wāṇ lēsŋən, χ͔ojn̥ wāntəm?
43 āpśel uwti pitəs: "opija, kur pū̬šəχ͔ŋəlam ḷa̭p śi pētsəŋn̥!"
44 opel i jēl mū̬rəχ͔ lēl.
45 nēməʟ χ͔uw a̭ntu̬m, āpśel pā śi uwti pitəs: "opija, opija, a̭ntəp jola joχ͔ətsəm!"
46 opel a̭t ū̬jətti χ͔ojat iti i jel mū̬rəχ͔ lēl.
47 nēməʟ χ͔uw a̭ntu̬m, āpśel pā śi uwti pitəs: "opija, opija, sāpəl ta̭ŋarija joχ͔ətsəm, ma̭nem noχ͔ tāli!"
48 opel toχ͔eʟ a̭ŋkərməs: ja̭na pā sāpəl ta̭ŋarija joχ͔ətmal!
49 toχ͔i kuš a̭ratəs, āpśel il pēntəmtəs.
50 χ͔ɔ̄ʟʟəman jēsləman oχ͔əl χ͔olta pitʟ̥ (, śi manl̥), sēməl χ͔olta wātʟ̥, śi ma̭nl̥.
51 ma̭ntal̥ sa̭χ͔at lijəm sumət āŋkəl ma̭šəkən il χ͔a̭tʼtʼśəsli.
52 por nē imi tuʟta kim nāwr̥məs.
53 a̭ŋka nē, a̭ŋka nē! χ͔ɔ̄tem muja šukatsen?
54 ja̭χ͔a piltəśsəŋn̥.
55 χ͔uw ma̭tsəŋn̥, wāṇ ma̭tsəŋn̥, χ͔ojn̥ wāntəm?
56 tuwa joχ͔ətsəŋn̥.
57 por nē imi mɔ̄ś nēŋijel pēla jāstəl: "a̭ŋka nē, a̭ŋka nē, pēwəlləmn̥!"
58 mɔ̄ś nēŋijel jāstəl: "kāšem a̭ntu̬m!"
59 - "muj muj kāšen a̭ntum! ēŋχ͔əsije!"
60 por nē imi ēŋχ͔əsijᵊs, jiŋka nāwr̥məs.
61 mɔ̄ś nēŋije kuš χ͔oti kāšli pū̬šli lɔ̄jlijᵊs, a̭l pā ēŋχ͔əsiti śi pitəs.
62 luw tū̬p jiŋk(a) oχ͔ləs, por nē imi wuti nāwr̥məs, mɔ̄ś nēŋijel wɔ̄j sa̭χ͔ət ńoχ͔əs sa̭χ͔ət noχ͔ χ͔ɔ̄jəʟsəlli.
63 mɔ̄ś nēŋijēl wuti kiləs: "muja mā sa̭χ͔lam lū̬mətsəllan?"
64 por nē imi luw kārəŋ sa̭χ͔lal mɔ̄ś nēŋəla wośkəsli.
65 mɔ̄ś nēŋijel jāstəl: "sa̭χ͔lam ti tuwaln̥!"
66 por nē imel jāstəl: "śi sa̭χ͔lan lū̬mta, mā a̭t ma̭llam."
67 mɔ̄ś nēŋijel jāstəl: "wolli ki a̭t ma̭llan - kijəṇ̥ṇ̥ āj χ͔ir soχ͔ije ja̭rman lɔ̄jl̥, ti miji!"
68 - "a̭ŋka nē, a̭ŋka nē, ta̭m χ͔ir soχ͔ijēn muja wērlem? tā wuji!"
69 mɔ̄ś nēŋijēl χ͔ir soχ͔ijel wujmal jupijn̥ iśi χ͔orpi wɔ̄j tēln̥ ńoχ͔əs tēln̥ lū̬mətlʼijəs.
70 χ͔uw ma̭tsəŋn̥, wāṇ ma̭tsəŋn̥, χ͔ojn̥ wāntəm?
71 por nē imi mɔ̄ś nēŋijel pēla jāstəl: "śi ma̭nləmn̥, ma̭nləmn̥, wɔ̄ša joχ͔ətləmn̥. wɔ̄šəŋ kū̬rtəŋ iki poχ͔ŋən, ṭɔ̄ṇṭɔṇ iki poχ͔ŋən kāmən ńɔ̄l juwtililtn̥."
72 por nē imi mɔ̄ś nēŋijēl pēla jāstəl: "na̭ŋ śa̭χ͔a ṭɔ̄ṇṭɔṇ iki poχ͔ ńɔ̄l wuja, mā wɔ̄šəŋ kū̬rtəŋ iki poχ͔ ńɔ̄l wuləm."
73 śi ma̭ṭsəŋn̥, śi ma̭tsəŋn̥, ja̭na pā wɔ̄ša ētsəŋn̥.
74 ṭɔ̄ṇṭɔṇ iki wɔ̄šəŋ kū̬rtəŋ iki poχ͔ŋən ńɔ̄l juwtililtn̥ kāmən.
75 por nē imi wɔ̄šəŋ kū̬rtəŋ iki poχ͔ ńɔ̄l āleməti kuš wutʼtʼśijəs, mɔ̄ś nēŋijeln̥ puŋla potkəsa.
76 wɔ̄šəŋ kū̬rtəŋ iki poχ͔ ńɔ̄l mɔ̄ś nēŋijeln̥ wusa; ṭɔ̄ṇṭɔṇ iki poχ͔ ńɔ̄l por nē imijn̥ wusa.
77 mɔ̄ś nēŋije wɔ̄šəŋ kū̬rtəŋ iki χ͔ɔ̄t ɔ̄wa ma̭nəs.
78 wɔ̄šəŋ kū̬rtəŋ iki joln̥ ēwilal pēla śāśilijl̥: "ma̭nati, a̭ńχ͔an joχ͔i loŋəltaln̥!"
79 mɔ̄ś nēŋije ka̭t jɔ̄šʟ̥ ēʟti āleməsa, joχ͔i loŋəʟsa.
80 χ͔uw ū̬sət, wāṇ ū̬sət; ṭɔ̄ṇṭɔṇ iki wɔ̄šəŋ kū̬rtəŋ iki χ͔ɔ̄ta loŋəs i jāstəl: "χ͔a̭lewət wɔ̄š kērətti mɔ̄sʟ̥!"
81 χ͔a̭lewta jis, por nē imi χ͔oḷam kēl sēwmal, wɔ̄š i šū̬pa tū̬p ta̭rməs.
82 mɔ̄ś nēŋije śiməś kēl sēwmal, wɔ̄š ka̭t χ͔ū̬ləm puš ta̭rməs la̭rətti.
83 χ͔uw ū̬sət, wāṇ ū̬sət, mɔ̄ś nēŋije poχ͔n̥ joχ͔ətsa.
84 mɔ̄ś nēŋije upəl iki pēla jāstəl: "mā ma̭lχ͔a ti juwmemn̥ āpśem muwa il loŋəʟsa; ḷɔ̄tʟ̥ wātti ja̭χ͔ləm."
85 χ͔a̭lewta jis, upəl ikijn̥ χ͔ū̬ləm put χ͔ū̬ḷi χ͔orpi χ͔ɔ̄ptetn̥ kiʀsa.
86 por nē imi upəl ikijn̥ χ͔ū̬ləm kēʟśijn̥ kiʀsa; omḷepa loŋəʟti wuratla.
87 χ͔uw ma̭tsəŋn̥, wāṇ ma̭tsəŋn̥, por nē imi jāstəl: "mā śi juwəm pa̭tem."
88 in mū̬nti lijəm sumət ākla il loŋeməs.
89 mɔ̄ś nēŋije χ͔uw ma̭nəs, wāṇ ma̭nəs, āpśel il loŋəm ḷɔ̄ta joχ͔təs.
90 śiməś χ͔ɔ̄t ɔ̄məsʟ, a̭l śulpijl̥, a̭l χ͔ū̬tlijl̥!
91 ɔ̄wn̥ ākarije orijl̥ kēṇijl̥.
92 joln̥ i nē śāśilijl̥: "ma̭nem mɔ̄sti χ͔ojat ki, lɔ̄śʟ̥ ta̭χ͔tel, jēŋkəl ta̭χ͔tel ńolema, joχ͔i potki! ma̭nem a̭t mɔ̄sti χ͔ojat ki, sējəl ta̭χ͔ti χ͔išʟ̥ ta̭χ͔ti ma̭ṇši!"
93 mɔ̄ś nēŋije ākarijeln̥ lɔ̄ńśəl ta̭χ͔tel jēŋkəl ta̭χ͔tel ńoleməsa, joχ͔i potkəsa.
94 joln̥ i nē jɔ̄ntəsman ɔ̄məsʟ̥.
95 in nēŋəln̥ ińśəsla: "χ͔oʟśa joχ͔təm mɔ̄jəŋ nē?"
96 mɔ̄ś nēŋijel jāstəl: "mā ma̭lχ͔a toχ͔eʟ ma̭nmemn̥ āpśem muwa il loŋəʟsa."
97 in nēŋəl jāstəl: "āpśi ki ta̭jsən - āpśen χ͔ɔ̄t ta̭m."
98 nēməʟ χ͔uw a̭ntu̬m ū̬s, kāmən i χ͔ū̬ śi joχ͔ətmal śāśʟ̥.
99 nēməʟ χ͔uw a̭ntum ū̬s, i-poχ͔ije joχ͔i ra̭knəs!
100 χ͔ɔ̄t kērətman ka̭t χ͔ū̬ləm puš nāwr̥mijᵊs, sa̭χ͔əl χ͔oʟ(ti) ēχ͔səlli.
101 āpśel opel sāpla a̭pəʟmal, a̭t ū̬jətləlli; opel āpśel sāpla a̭pəʟmal, a̭t ū̬jətləlli.
102 ēwm̥lisət, mɔ̄sʟ̥tisət.
103 mɔ̄ś nēŋije poχ͔əl - muj χ͔uw ār χ͔ū̬ mɔ̄ś χ͔ū̬ ēnmeməs? - χ͔ū̬χ͔ətlʼiti lowata jis.
104 lē-χ͔ū̬jəln̥ śiməś ńɔ̄ln̥ wēʀsa: tijeʟ juwətləlli - lū̬ratʟ̥, toχ͔eʟ juwətləlli - lū̬ratʟ̥!
105 χ͔uw ū̬sət, wāṇ ū̬sət, mɔ̄ś nēŋije āpśel pēla jāstəl: "min pā min muw ta̭jləmn̥!"
106 - χ͔a̭lewta jis, mɔ̄ś nēŋije āpśeln̥ χ͔ū̬ləm śa̭ŋar χ͔orpi χ͔ɔ̄ptetn̥ kiʀsa.
107 opel pēla jāstəl: "ta̭m χ͔ɔ̄t pētti ū̬nti joχ͔li āl a̭ŋkərma!"
108 mɔ̄ś nēŋije śi ma̭nəs, śi ma̭nəs; ārtaləlli: χ͔ɔ̄t pēntəs.
109 joχ͔li a̭ŋkərməs: ɔ̄lŋəl nilli, pa̭tel nilli tāś jil luw jupeln̥!
110 in mū̬nt[i] ta̭χ͔ajəla joχ͔təs, por nē imi kim nāwrməs; χ͔ū̬ləm kēʟ̥śijn̥ jājlaln̥ kirəm.
111 wɔ̄ša ētsəŋn̥.
112 ṭɔ̄ṇṭɔṇ iki wɔ̄šəŋ kū̬rtəŋ iki kāmən wuraja χ͔ɔ̄jləŋn̥.
113 ṭɔ̄ṇṭɔṇ iki jāstəl: "ɔ̄ləŋn̥ mā mēńəm jil, mā jū̬šema śi kērləl"; wɔ̄šəŋ kū̬rtəŋ iki jāstəl: "ɔ̄ləŋn̥ mā mēńəm jil, mā jū̬šēma śi kērləl."
114 jū̬š joχ͔artəna joχ͔ətsəŋn̥; mɔ̄ś nēŋije wɔ̄šəŋ kū̬rtəŋ iki χ͔ɔ̄t ɔ̄wa lɔ̄jᵊs, por nē imi ṭɔ̄ṇṭɔṇ iki χ͔ɔ̄t ɔ̄wa lɔ̄jᵊs.
115 śi śuńel χ͔ū̬leln̥ in ū̬llət.