1 kaj.
2 imeŋən ikeŋən ulləŋn̥ χon woš pitarən χišem parem atəm χotn̥.
3 imŏlti χătla jis, ikel jastəl: "pŏl werti jăχləmn̥!"
4 ikel neməl kaj.
5 kaj imel piln̥ lojəpsəŋn̥, pŏl werti mătsəŋn̥.
6 pŏl werti tăχajəna jŏχətsəŋn̥, i pŏl weʀsəŋn̥, i sesi woʀsəŋn̥.
7 welpəsŋəln̥ jetśəmkemən jŏχi šušməsŋən.
8 χălewət aləŋ săχat jis, kaj pŏl watti mănti pitəs.
9 kaj imel šukəš nŏχ kiltəsli, imel nŏχ ăt kiləl.
10 lŭw imel wŏśkəsli, ateʟ pŏl watti šušməs.
11 lŭw χon kaʟnaŋ ilpi elti sesi watman jăŋχilijəl.
12 lŭw χon kaʟnaŋ šŏma jŏχtəs, lojəmtəs.
13 rŭwa pela nŏχli wantijl̥: numən rŭwa lŏŋəln̥ χon sŏltanət šušililət, pa iln̥šək χon sorńeŋ ŏχi χirət ŏllət.
14 kaj numəsijl̥: "tălta luln̥ ilem χir at mŏśatsəm!"
15 ješa lojlijəs - neməlti piś ăntum; jušl jelli ŏlti χu i jel šušl.
16 tŏχi jŏχtəs, punl̥ nŏχ alməsli: i pan-neŋən lŏŋəm.
17 sesel wantəs: i śojəŋn̥ pitəm.
18 śojŋəl wŭsli, puna metśəsli, pan-neŋəl wŭsli, sesija pŏtsəlli.
19 śitəln̥ jŏχi šušməs.
20 jŏχi jŏχtəs, imeln̥ iśməsa: "mŭj weʟsən?"
21 kaj imel pela jastəl: "neməlti ăt weʟsəm! χălewət jăχa mănləmn̥, năŋ ojenən mosəŋ mătti χŭl welləmn̥."
22 jetnaja jis, lestən jiśsəŋn̥, ŏχlən semlən mŏntəlməsŋən, il ŏʟsəŋn̥.
23 aləŋ săχat χutləs, welpəs watti pŏraja jis. kaj imel nŏχ kiltəsli, jăχa pŏl watti mătsəŋn̥.
24 tŏχi jŏχətsəŋn̥, pŏln̥ watsəln̥: i śojəŋn̥ lŏŋəm!
25 imel jastəl: "tăm mŏlti śojəŋ ti χŏlti lŏŋəs?"
26 kaj jastəl: "ut woj imŏlti tăχajən χun jăŋχəl?"
27 sesan watsəŋn̥: i pan-neŋən pitəm!
28 imel jastəl: "tăm mŏlti pan-ne ti χŏlti lŏŋəs?"
29 kaj jastəl: "jik χŭl imŏlti tăχajn̥ χun jăŋχəl?"
30 weləm ŏtlən aləpsəŋn̥, jŏχi šušməsŋən.
31 χon kaʟnaŋ šŏma jŏχətsəŋn̥, lojəpsəŋn̥.
32 kaj imel pela jastəl: "năŋ tăta loja sa, ma wŭti jăχləm."
33 lŭw χon sorńeŋ ŏχi χir aleməsli, śiti śi jŏχli tusli.
34 jŏχi jŏχətsəŋn̥.
35 lewman jiśman jŭpijn̥ χuləm sŏltan jŏχi śi răkətsət.
36 "woχsajtn̥ χon aśan̥n̥, turəm aśan̥n̥!"
37 kaj imel piln̥ χon χŏśa jŏχətsəŋn̥.
38 kaj χonən iśməsa: "ma sorńeŋ ŏχi χirem nin loləpsəln̥?"
39 kaj jastəl: "min loləmmemn̥ ăntum!"
40 śi jasəŋn̥ χonən kaj pŭŋla pŏtkəsa.
41 kaj imel wana woχsa, χon̥n̥ iśməsa: "ma sorńeŋ ŏχi χirem nin loləpsəln̥?"
42 kaj imel jastəl: "min tăm χătl pŏl watti jăχsəmn̥, sorńeŋ ŏχi χir loləpsemn̥."
43 śikemən kaj tŭlta ńuχməs: "śi ŏtśam χurpi ŏt mŭj inśəsti ŏš tăjl̥? mălχatl mŭj les, śit ăt ujətl !"
44 kaj imel χonən pa iśməsa: "pŏl watsətn̥, mŭj weʟsətn̥?"
45 lŭw jastəl: "pŏln̥ i śojəŋ weʟsəmn̥, sesijn̥ i pan-ne weʟsəmn̥."
46 śi jasəŋn̥ χon sŏltanlal pela χišəmtəs: "mănati, kim jŭwtaln̥!"
47 kaj imeln̥ kim wŏśkəsajtn̥.
48 χălewta jis.
49 kaj aj mis tăjsəŋn̥.
50 misn̥ nŏχ χŏʀsəln̥.
51 lŭw aj mis χănšaŋ χirəl ewətməsli, wŭrn̥ tel pŏtsəlli.
52 jetn̥ ŏltan jelpijn̥ imel mewəl ŏχa jăʀsəlli.
53 aləŋ săχat kaj nŏχ kiləmtəs, śŏχri šupl̥ wŭs, śol ńŏχərti opsəs.
54 śol ńŏχərman oməstal săχat χuləm χu jŏχi śi răkətsət. kaj imel nŏχ kiltəlli: "kila, kila, mojəŋ joχ jŏχətsət. šaj ăl ŏt kawərta!"
55 imel ŏləl, nŏχ ăt kil̥l̥.
56 kaj kimet pŭš ńuχməs: "kila, kila! meta śi ŏʟsən!"
57 ănta, imel i jel ŏləl ăt ujətti χŏjat jŭkana. kaj śălta in śŏχreln̥ imel mewl̥ ŏχ elti lonśəpsəlli.
58 in imel nŏχ kiləmtəs, šaj tŭt jŭχ aʟman wŭr śŏrŋəʟman ăl nawrilijəl.
59 śikemən lŏŋəm χuləm χu i ŭŋəln̥ ńuχəpsət: "śi mŏlti śŏχren păr mŏlti jăm! mŭŋew ki luln̥ mălen! mŭŋ imiluw aləŋ săχatətn̥ nŏχ tak sărn̥ χŏpətlajət."
60 kaj jastəl: "ninan mostal lampa ki, wŭjaln̥; mănemn̥ jăm mŏlti tăχa ăt tăjəl."
61 in χuləm χu lapətsajət, jiśltəsajət, lojəpsət, mătsət.
62 lŭw mănmel kimet χătl aləŋ săχat śŏχri mojləm joχlal kuʀ elti i ńawrem jŏχtəs aj kel werti. "śiti, śiti; mojləm śŏχreln̥ χuləm χu imilal aləŋ săχat χŏl weʟsəllal."
63 kaj śi jasəŋ χulmalkemən eləl iśi mătti potəm jikn̥ šošməm χŏrpija jis.
64 numəsti śi pitəs: "śi arat χŏjat weʟsəm, ma pa śăχa mosəŋ wellajəm. mŏlti werti mosʟ!"
65 ješa opsəs, kim etəs, aj χopəl leʟ-juχa ewətlʼisli.
66 jŏχi lŏŋəs, imel pela jastəl: "mănem tăm χopema χălaja pŏni. mănem welti χŏjat ki jŏχətl, năŋ wewli pittija χoʟʟa. jasta: 'ikem tăm χătl śi pŏsaləs.'"
67 kaj imeln̥ leʟ-juχa χăla iti il laŋkəssa.
68 neməlti χŭw ăntum us, χuləm χu jŏχi śi răkətsət. kaj imel śi χoʟʟəl, χoʟʟəl, wewli pitəs, jastəl: "ikem tăm χătʟ śi pŏsaləs."
69 met un χujel jastəl: "nik ŏmlepa eslti mosl."
70 un ŏmlep weʀsa, śi ŏmlepa eslti kaj χuləm χujn̥ aləpsa.
71 met aj χujel jastəl: "χon χŏśa jăχti mosl, χonən χŏlta paʀla!"
72 χuləm χu χon χŏśa mătsət.
73 lŭw mănmel jŭpijn̥ kaj leʟ-juχl̥ elti nŏχ kiləmtəs, wŭtli ăŋkərməs: i χu χuləm lown̥ jil.
74 ti jŏχtəs, kaj iśməsa: "χŏlta jăχsən?"
75 - "ma jik ilpi woša jăχsəm, iln̥ sorŋeŋ woš ul. jăŋχəm χopem tăta śi oməsl."
76 in χujəl jastəl: "tăχa, śiti ki, ma pa tŏχi jăχləm. mănem tăm χopena il jăʀsali!"
77 kaj in χujəl leʟ-juχa il ŏltəsli, śălta ăl soχəln̥ lăp jăʀsəlli. kaj χuləm lowa leləmtəs, wŭtli(pela) tup pusəŋ kawrəʟman nawrəltijəs.
78 χuləm χu jŏχətsət.
79 leʟ-juχel il ŏmlepa lŭkeməmelkemən ăl pŏlijəl pŏl pŏl. kaj śi itəln̥ jŏχi mănəs.
80 in śŭńəl χuləln̥ in śi ul̥l̥.