1 χuləm χu aj kemjas.
2 χuləm χu welpəsləti χotn̥ ullət, ne χŏlije ăt tăjlət.
3 apśeŋəlal welpəsləti mănləŋən, jajl̥ jŏln̥ χăśl, waj wŭs jotl, apśeŋəlal jŏχətti keša let-ŏt werl̥.
4 pŭt wertal săχat tŭt jŭχa kim etəs.
5 kamən χuləm χŏtəŋ χuləs, śălta jŏχi χuχəlməs.
6 jŏln̥ oməstal săχat χuləm ne lŏŋəs.
7 nelaln̥ nik ńăreməsa, χŏn pătel kawrəm ńŏχijn̥ χotsa an jŭkana.
8 apśeŋəlal jŏχətsəŋn̥, apśeŋəlal lŭwel jastəsŋən: "mŭja tŭt ăt ăllən? min iśkijn̥ potsajmən!"
9 lŭw jastəs: "pŭtem il χŏmpəlləs, χŏnem kawrəmən lesa."
10 at ŏʟsət, kimet χătl pa welpəsləti mănti pŏraja jis.
11 pa kŭtəp χujl̥ jŏln̥ χăśl.
12 let-ŏt werəl, waj jontəsl, apśeŋəlal jajŋəlal jŏχətti keša pŭt werəl.
13 pa tŭt jŭχa kim etl.
14 kamən χuləm χŏtəŋ ŭwaʟsət; lŭw jŏχi mănəs.
15 jŏln̥ oməstal săχat χuləm ne lŏŋəs.
16 nelaln̥ nik ńăreməsa, χŏn pătel kawrəm ńŏχijn̥ χotsa.
17 nelal lesət jetśəsət, kăsərliti pitsət.
18 jŏtti tăχa elti jetśəsət, mătsət.
19 śălta apśeŋəlal jajŋəlal jŏχətsəŋn̥.
20 mŭja tŭt ăt ăllən? min iśkijn̥ potsajmən!
21 - "ma kawrəm pŭtn̥ χŏmpəlləsajəm!"
22 pa at ŏʟsət, kimet χătla jis, pa welpəsləti mănti pŏraja jis.
23 kimet χătl χuləm χŭ̬ aj kemjas lŭw jŏln̥ χăśl, jajŋəlal welpəsləti mănləŋn̥.
24 jajŋəlal mănti jŭpijn̥ jŭχ elti an werəl i lij werəl, waj wŭs jontəsl, jajŋəlal jŏχətti keša let-ŏt werəl.
25 tŭt jŭχ lŏŋəlti kim etəs.
26 kamən lojtal săχat χuləm χŏtəŋ ŭwətsət.
27 χuləm χŭ̬ aj kemjas jŏχi χuχəlməs.
28 jŏln̥ oməstal săχat χuləm ne jŏχi lŏksət.
29 nelal lŏŋəm jŭpijn̥ χuləm χŭ̬ aj kemjas χuś nŭmpija χuŋχəs.
30 numən pawəʀ χul elti kim etəs.
31 nelal χŏtəŋ χŏrət wŭs, pŭləp wŭsa nŏχ χuŋχəs.
32 nelal χŏtəŋ χŏrət pŭləp wŭs elti tŭta ălləli; χŏtəŋ χŏrlal χŏlalət.
33 il χuχəl̥l̥, nelal χŏśa jŏχi lŏŋəl.
34 nelal lewman oməssət.
35 lŭw lŏŋmal jŭpijn̥ nelal kim etməsət. χŏtəŋ χŏrlal waleməsət - ăntumət.
36 jŏχi pa lŏksət.
37 jŏχi lŏksət, χuləm χŭ̬ aj kemjas jastəs: "nin in χŏlti ăt mănləti. ješa ul̥l̥, jajŋəlam jŏχətləŋn̥."
38 ješa oməstel săχat jajŋəlal ut elti jŏχətsəŋn̥.
39 χuləm χŭ̬ aj kemjas jajŋəlal pela pŏtəʀl: "ma ninan kăt ne tusəm. in mŭŋ waj wŭs jotti i let-ŏt werti ăt pitluw. mŭŋ tup welpəsləti keša ulti pitluw, a neluw jŏln̥ let-ŏt i jontəsti keša ulti pitlət."
40 śi werel părəm jŭpijn̥ ješa usət; pa joχlal welpəsləti mănti pŏraja jis.
41 welpəsləti măntel jelpijn̥ χuləm χŭ̬ aj kemjas nelal pela pŏtəʀl: "nin śăχa mŭŋ măntew jŭpijn̥ šek al jŏntati, tăm kurtew atəm wer tăjl̥."
42 joχlal mătsət unta welpəsləti, nelal jŏln̥ χăśsət.
43 joχlal mănəm jŭpijn̥ nelal jŏtti pitsət.
44 jŏtmel jŭpijn̥ kamən jŭχət χeʀseməti pitsət.
45 aj neŋəl jastəl ŏpeŋəlal pela: "munti teln̥ mŭŋew pŏtəʀla: jŏtti ăt răχəl! mŭja nin šek jŏtlətn̥?"
46 ješa ultel săχat ow χop jŏχi răknəs, lapət ŏχpi mek iki jŏχi etəs.
47 mek iki nelal pela pŏtəʀl: "ńawremət, kăsərliti pitluw, χŏj jurəŋ. ma ki pitlajəm, mănem welati; nin ki pitlajti, ma ninan tuləm!"
48 met un neŋəl kăsərləti opsəs, pitsa i mek ikijn̥ śepa pŏtsa.
49 pa kŭtəp neŋəl opsəs, pa pitsa.
50 aj neŋəl opsəs, pa pitsa.
51 χŏlije mek ikijn̥ śepa pŏtsajət i mek iki mănəs.
52 joχlal welpəsləti tăχ elti jŏχi jŏχətsət - nelal ăntumət.
53 χuləm χŭ̬ aj kemjas jajŋəlal pela pŏtəʀl: "ma nelam kăšti mănləm. χŭw mŭj wan jăχləm - jŏχi jŏχətləm!"
54 χuləm χŭ̬ aj kemjas leśatijəs i mănəs.
55 mănti kŭlma pitəs, śi mănəs, mănəs.
56 aj χota etəs, jŏχi lŏŋəs.
57 jŏln̥ ij iki oməsl, karti pawəl̥l̥.
58 in ikeln̥ inśəsla: "χuləm χŭ̬ aj kemjas, năŋ χŏlta mănlən, mŭj jerəpsən mŏśsən?"
59 - "ma nelam tusajət, nelam kăšti mănləm."
60 in ikel lŭw pelajəl jastəs: "nelan χŏjn̥ tusajət?"
61 - "ma ăt ujətlem."
62 - "nelan lapət ŏχpi mek ikijn̥ tusajət. śălta χulmet χătʟən mătsət."
63 χuləm χŭ̬ aj kemjas in ikel χŏśa ŏləs.
64 aləŋ săχat nŏχ kiləs, les jenśəs, pa jelli mănti pitəs.
65 mănti kŭlma pitəs, śi mănəs, mănəs.
66 pa i χota etəs, jŏχi lŏŋəs; ij iki karti pawəl̥l̥.
67 in ikeln̥ inśəsla: "χuləm χŭ̬ aj kemjas, χŏlta mănlən?"
68 - "ma imilam tusajət, imilam kăšti mănləm."
69 in ikel jastəs: "imilan χŏjn̥ tusajət?"
70 - "ma ăt ujətlem, χŏjn̥ tusajət."
71 - "imilan lapət ŏχpi mekən tusajət, ma eltem wetmet χătl mătsət."
72 χuləm χŭ̬ aj kemjas les jenśəs, il ŏləs.
73 at χoləs, aləŋ săχat nŏχ kiləs, pa jelli mănti pitəs.
74 mănti păta pitəs, śi mănəs, mănəs.
75 pa χulmet aj χota etəs.
76 aj χota jŏχtəs, jŏχi lŏŋəs; ij iki karti pawəl̥l̥.
77 in ikeln̥ inśəsla: "χuləm χŭ̬ aj kemjas, năŋ χŏlta mănlən?"
78 - "ma nelam tusajət, nelam kăšti mănləm."
79 - "nelan χŏjn̥ tusajət?"
80 - "ma ăt ujətlem."
81 - "nelan lapət ŏχpi mekən tusajət. tălta lapətmet χătl etəs, lapət ŏχpi mek iki. năŋ χŏti werlen lŭwel? lŭw χŏśajəl ar χu mănilisət pa ăt weritsət."
82 - "mă χŏtaś mănləm!"
83 in ikel χŏśa at χoləs, nŏχ kiləs, pa mănti pitəs.
84 in ikel lŭwel pŏtəʀti pitəs: "năŋ lŭw χŏśajəl mănlən, tŏχi jŏχətlən. lapət ŏχpi mek iki mit χu tăjl̥, mit χujəl neməl lijəŋ laŋki pălat χu. năŋ śăχa lŭw χŏśajəla etlən, lŭw χŏntati pitl. năŋ ŭwti pita: "ma lomtəm χu, lomtəm χu!" lŭw lojl̥ śăχa. lŭw śiməś karti šup tăjl̥; śi karti šupl̥ jŭwətləli, jŭχət šŭkatl. mănti pitlətn̥, năŋ karti šupl̥ wŭji. lŭw jelšək pitl, lŭwela jŭwti; lŭw karti šupəln̥ wella. śălta lijəŋ laŋki pălat χuja năŋ jiln̥. mek χota jŏχətlən; lapət uχəl tel jŭχ lapət al tela jŏχi lŏŋəltaln̥!"
85 χuləm χŭ̬ aj kemjas mănti pitəs.
86 χŭw mănəs, wan mănəs, imŏltijn̥ lijəŋ laŋki pălat χu šijaləs.
87 lijəŋ laŋki pălat χu lŭwel kaśaləs, χŏntati wŭtśijəs.
88 χuləm χŭ̬ aj kemjas ŭwti pitəs: "loja, loja, al χŏnta! ma tăpəm χu, tăpəm χu!"
89 lijəŋ laŋki pălat χu lojəs.
90 χuləm χŭ̬ aj kemjas tŏχi jŏχtəs.
91 lijəŋ laŋki pălat χu lŭw pelajəl pŏtəʀl: "năŋ χŏlta mănlən?"
92 - "ma năŋ kuśajen χŏśa mit χuja mănti wŭtśisəm, χŏlti lomətsəm. tăm ma lomətmem wetmet tălem."
93 śălta jelli mănti pitsəŋn̥.
94 χuləm χŭ̬ aj kemjas karti šupəl lŭw wŭsli i lŭw aʟʟəli.
95 lijəŋ laŋki pălat χujəl ješa jelšək pitəs; lŭw karti šupl̥ jŭwətsəli, lijəŋ laŋki pălat χujəl weʟsəli.
96 lijəŋ laŋki pălat χuja lŭw ulti pitəs.
97 χuləm χŭ̬ aj kemjas mek χota jŏχtəs.
98 tŭt jŭχ uχəllal aja sewəʀsəli, jŏχi jowlsəli.
99 jŏχi lŏŋəs mek iki χŏśa.
100 mek ikijn̥ inśəsla: "lijəŋ laŋki pălat χu, ma mit χujem, let-ŏt werti pŏraja jis!"
101 lijəŋ laŋki pălat χu kim etəs, let-ŏt lŏŋəltəs, let-ŏt werti pitəs.
102 pŭtl jetśəs.
103 mek ikel lapətti pitsəli.
104 mek ikel leti pŭta karti ńań pelək esləs: pŭt owl̥ wojn̥ tel χŭwləsa.
105 mek ikel ŭŋəl wŭs χŭwat ăl šošəpsəli.
106 śi jŭpijn̥ pa nelal let-ŏtn̥ werəs.
107 un neŋəl jik woχəs lijəŋ laŋki pălat χu elti.
108 lijəŋ laŋki pălat χu jiŋki umpi lipija lujət esləmtəs.
109 un neŋəln̥ mŏštəsa: χuləm χŭ̬ aj kemjas jŏχətmal!
110 nelal mek iki pela jastələt: "mŭŋ χălewət utləp jŭχa mănluw."
111 mek ikeln̥ utləp jŭχa paʀsajət.
112 śi săχat lij χŏntalət.
113 nelal mănəm jŭpijn̥ lijəŋ laŋki pălat χu mek ikela let-ŏt pa werti pitəs.
114 kawərt-ŏt lŏŋəltəs, pŭta mŏʟsəli; pŭtl kawərməs.
115 pŭtl jetśəm jŭpijn̥ tălaŋ karti ńań pŭt owa esləs: pŭt owl̥ aj wojn̥ tel χŭwləsa.
116 mek ikel ŭŋəl wŭs χŭwat ăl šošəmti pitsəli.
117 mek ikel lapətmal jŭpijn̥ wojlaln̥ ŏšli pawətsa.
118 mek ikel ŏšli pitəs.
119 śălta numən lapət keši i păńarn̥ illi eslman lojlət.
120 χuləm χŭ̬ aj kemjas waś śŏχri wŭs, in kešilal il ewətməsli.
121 lapət ŏχpi mek iki ŏχlal ateʟ sewəʀsajət. χuləm χŭ̬ aj kemjas jastəs: "ma χŭwn̥ jŏχətsəm, lijəŋ laŋki pălat χujen pa χŭwn̥ weʟsem i năŋen weʟsəm in."
122 χuləm χŭ̬ aj kemjas kim nawərməs, χŏntati pitəs.
123 lapət ŏχpi mek iki porəχ šupl̥ pa lŭw jŭpeln̥ ńuχləsl.
124 χuləm χŭ̬ aj kemjas śi mănəs, mănəs, mŏlχa χotəla jŏχtəs.
125 in porəχ šupəl pa lŭw jŭpeln̥ ńuχləsl.
126 jŏχi lŏŋəs, mŏlχa ikel karti pŏrlʼet wermal.
127 mek ikel porəχ šup karti pŏrlʼijn̥ lośsəli.
128 χuləm χŭ̬ aj kemjas pa jelli χŏntati pitəs.
129 porəχ šupəl pa lŭw jŭpeln̥ jil.
130 kimet χota pa jŏχtəs.
131 śita pa karti pŏrlʼet leśatəmət.
132 mek ikel porəχ pa karti pŏrlʼijn̥ lośsa.
133 pa wewa jis.
134 χuləm χŭ̬ aj kemjas pa jelli χŏntati pitəs.
135 χulmet χota jŏχtəs; mek iki χŏlna jil.
136 χuləm χŭ̬ aj kemjas χŏlije nelal śi χota jŏχətmel.
137 śi χotn̥ karti pun leśatəm.
138 mek porəχ šupl̥ pa śi jŏχtəs.
139 mek porəχ šupl̥ karti pun lipija pŏtsel, ar χŏjatn̥ asa tusel, jiŋka eslsel.
140 χuləm χŭ̬ aj kemjas nelal wŭs, jŏχi mănti pitəs.
141 karti werəm pirəś ikilal jastələt: "katra aśi aŋki ki tăjsən, aśilan aŋkilan luŋχət mŭŋ. năŋ jŏχi jŏχətlən; mŭŋew χŏti watsən, śi śirn̥ pori ann pori pŭtn̥ werilijaln̥, mŭŋew al jŏremaln̥!"
142 śi jasŋəl părəs, χuləm χŭ̬ aj kemjas nelal wŭs i nelal piln̥ jŏχi mănti pitəs.
143 śi mătsət, mătsət; χŭw mătsət, wan mătsət, jŏχi jŏχətsət.
144 jŏχi jŏχətmel jŭpijn̥ χuləm χŭ̬ aj kemjas jajŋəlal imeŋən jajŋəlala măsli, lŭw imel lŭw wŭsli, i jelli ulti pitsət. χuləm χŭ̬ aj kemjas jastəs: "ninan sŭtitti mosl!"
145 un neŋel ar χujn̥ wŭsel, śi seksel, seksel - χănšaŋ kew pŭl kim răknəs.
146 pa kŭtəp neŋel sekti pitsət - kŭtəp neŋel elti nŏwi kew pŭl kim răknəs.
147 met aj neŋel seksel, seksel - isa weśkat.
148 χuləm χŭ̬ aj kemjas imel wŭs, imel piln̥ as nikli mănəs.
149 kŭtləp χujl̥ imel wŭs, as nŏχli mănəs.
150 un χujl̥ imel wŭs, kew pela mănəs.